Президент США Дональд Трамп

Başabəla prezident indi idmançılarla söz güləşdirir

31
(Yenilənib 23:37 24.09.2017)
Tramp ABŞ himni oxunarkən diz çökmüş NFL oyunçularını tənqid edib

BAKI, 24 sentyabr — Sputnik. ABŞ prezidenti Donald Tramp Twitter-də Milli futbol liqasının (NFL) və Milli Basketbol Assosiasiyasının oyunçularını fəal tənqid etməyə başlayıb və buna görə ciddi əks-reaksiya ilə üzləşib.

Tramp hələ cümə günü mitinqdə ABŞ himni oxunarkən diz çökmüş NFL oyunçularını tənqid edib. Oyunçuların fikrincə, bu hərəkət ABŞ-dakı quldarlıq dövrü və ağdərililərlə zəncilər arasındakı bərabərsizliyin hələ bitmədiyi barədə xatırlatmadır. Şənbə günü Tramp Twitter-də bu məsələyə iki status həsr edib və bu hərəkəti edən oyunçuları Ağ Evdə görmək istəmədiyini bildirib. 

"Əgər oyunçu NFL-də və digər liqalarda milyonlar qazanmaq üçün güzəştlər istəyirsə, onun Böyük Amerika Himninə (və ya Dövlətinə) hörmətsizlik göstərməsinə imkan vermək olmaz və o bizim Milli Himnimizdən ötrü ayağa qalxmalıdır. İstəmirsənsa, onda QOVULURSAN. Özünə başqa iş tap!" — Tramp yazıb.

O həmçinin əlavə edib ki, "Golden State Warriors" basketbol klubunun oyunçusu Stefen Karrini Ağ Evə dəvət etməyə hazırlaşmır. Karri NBA çempionları üçün ənənəvi olaraq keçirilən qəbulda iştirak edib-etməyəcəyinin sual altında olduğunu bildirmişdi.

"Ağ Evi ziyarət etmək böyük şərəf sayılır. Stefen Karri şübhə edir, ona görə də dəvət ləğv olunur!" — Tramp yazıb.

NFL-in rəhbəri Rocer Qudell yaydığı bəyanatda Trampı "ayrıseçkilik yaradan" sözlərinə görə tənqid edib. "Golden State Warriors" basketbol klubu Ağ Evə getməyəcəyini bəyan edib. "Ortada prezident Trampın bizim dəvət olunmayacağımız barədə dediyi sözlərvar. Bu faktı qəbul edirik" — klubun bəyanatında bildirilir. 

Mübahisəyə məşhur basketbolçular Kobi Brayant və Lebron Ceyms də qoşulublar. Ceyms Twitter-də Trampın ünvanına çoxmənalı söyüş göndərib. Onun dediyi sözü həm "avara", həm də "sarsaq" kimi tərcümə etmək olar. "Ağ Evə getmək sən orada peyda olanadək böyük şərəf idi!" — Ceyms prezidentə yazıb.

Brayant öz Twitter-ində Trampın amerikalılar arasında ayrıseçkilik saldığını bildirib. "Adı ayrıseçkilik və qəzəb doğuran, sözləri nifrət və münaqişə yaradan prezident "Amerikanı yenidən böyük" edə bilməz" — Brayant yazıb.

31
Teqlər:
Milli futbol liqası, Milli Basketbol Assosiasiyası, NFL, NBA, "Golden State Warriors", Rocer Qudell, Lebron Ceyms, Kobi Brayant, ABŞ prezidenti Donald Tramp, Stefen Karri, ABŞ
Əlaqədar
Tramp və Ərdoğanın görüş saatı dəqiqləşdi
Tramp digər dövlətin başçısına ləqəb qoyub
Tramp və Netanyahu Nyu-Yorkda görüşəcək
"Donald Tramp özü "Washington Post"u saxtakarlıqda ittiham edir"
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

19
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

19
Teqlər:
Formula-1 yarışı, Formula 1
Oskar heykəli, arxiv şəkli

Hollivudla əməkdaşlıq edən məşhur idmançı "Oscar" almaq istəyir

13
Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib.

BAKI, 22 fevral — Sputnik. Peşəkar karyerasını bitirdiyini elan edən məşhur rusiyalı döyüşçü Həbib Nurməhəmmədov karyerası haqqında film çəkilişləri üçün Hollivudla çalışdığını və "Oscar" qazanmağı planlaşdırdığını söyləyib.

Sputnik Azərbaycan xarici mediaya istinadən xəbər verir ki, döyüşçü hazırda sənədli film üzərində işləyir: "Təxminən bir il yarım lazımdır. "Oscar" qazanmaq istəyirik. 20 dəqiqə ərzində "Oscar"lıq film çəkmək o qədər də asan deyil. Hollivudla birlikdə işləyirik. Çox güman ki, dərhal kinoteatrlarda nümayiş olunacaq. Bu normal bir hekayədir, dağdan gələn oğlan çəki kateqoriyasından asılı olmayaraq ən yaxşı döyüşçü oldu, məğlub olmadı".

Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib. Döyüşdən sonra rusiyalı karyerasını bitirdiyini elan edib. Onun hesabında 29 MMA döyüşündə 29 qələbə, o cümlədən UFC-nin 13 döyüşündə 13 qələbə var.

13
Teqlər:
Oskar, Hollivud, Həbib Nurməhəmmədov
Elşad Xose, arxiv şəkli

Məşhur reper "Xudayar təsnifi"ni replə sintez edib - VİDEO

0
Qeyd edək ki, Əlibaba Məmmədov müəllifi olduğu "Vətən yaxşıdır" nəğməsinin Vətən müharibəsi şəhidi Xudayar Yusifzadənin şərəfinə "Xudayar təsnifi" adlandırılmasına xeyir-dua verib.

BAKI, 4 mart — Sputnik. Uzun müddətdir efirlərdən uzaq olan məşhur repçi Elşad Xose yeni işini təqdim edib. Sputnik Azərbaycan xəbər verir ki, o, Xudayar Yusifzadənin ifası ilə məşhurlaşan "Vətən yaxşıdır" mahnısını replə sintez edib.

Qeyd edək ki, Əlibaba Məmmədov müəllifi olduğu "Vətən yaxşıdır" nəğməsinin Vətən müharibəsi şəhidi Xudayar Yusifzadənin şərəfinə "Xudayar təsnifi" adlandırılmasına xeyir-dua verib.

0