Kaskadyor Murad Abdullayev

Kaskadyor: "Dağdan aşağı yuvarlandım, başım daşa dəyib dayandım... "

221
Kaskadyor ani bir səhv edərsə bu böyük fəsadlara səbəb ola bilər.

BAKI, 17 avqust — Sputnik. SSRİ dağılandan sonra Azərbaycan kinematoqrafiyasında yaranan durğunluq tədricən aradan qalxır. Mövsüm ərzində kinosevərlərin ixtiyarına verilən onlarla filmi misal göstərmək olar ki, bu da film sahəsinin inkişafı deməkdir. Kinematoqrafiyada özünəməxsus yeri olan dinamik filmlərdə rol alan aktyor və kaskadyor Murad Abdullayev öz peşəsinin sirlərini Sputnik Azərbaycana danışıb.

— Həm aktyor, həm də kaskadyorsunuz. Hansı sənət sizin üçün daha çətindir?

— İxtisasıma görə aktyoram. Azərbaycan Dövlət Mədəniyyət və İncəsənət Universitetinin aktyorluq fakültəsini bitirmişəm. Hər iki sənət çətindir. Amma iki peşəni bir araya gətirmək və idmançı-aktyor kimi fəaliyyət göstərmək daha çətindir.

— Murad Abdullayev özünü peşəkar olaraq hansı peşə sahibi kimi görür, aktyor yoxsa kaskadyor kimi?

— Əlbəttə aktyor kimi. Daha sonra ikinci iş kimi quruluşçu kaskadyor olduğumu deyə bilərəm. Mən idmançı-aktyor kimi bu sahəyə gəldim. Daha sonra kaskadyor kimi fəaliyyətə başladım. Reallıq odur ki, aktyor kimi ildə bir proyektə dəvət olunuruq, kaskadyor kimi isə ildə bir neçə proyektdə iştirak etmək olur. Sadəcə, kaskadyor kimi işlərim çox olduğu üçün hər kəsin yaddaşında belə qalmışam.

Kaskadyor Murad Abdullayev
© Sputnik / Murad Orujov
Kaskadyor Murad Abdullayev

— Kaskadyor olmaq üçün insanda hansi keyfiyyətlər olmalıdır?

— Bu sənəti öyrənmək istəyən gənclər çoxdur. Müraciət edib deyirlər ki, biz idmançıyıq, gələk sizinlə işləyək. Həmin gənclərə deyirəm ki, kaskadyor olmaq üçün tək idmançı olmaq kifayət eləmir. Kaskadyorluq birbaşa fizika elmi ilə bağlıdır. Fizikanı yaxşı bilmək lazımdır ki, hər hansı tryuku yerinə yetirmək üçün öncədən hesablamalar apara biləsən. Hesablamada cüzi səhv faciə ilə nəticələnə bilər. Onu da qeyd edim ki, bizdə o şərait yoxdur ki, hər hansı bir səhnəni qurmaq üçün dəfələrlə məşq edib, daha sonra çəkiliş edək. Hətta bəzi səhnələri bir dubla çəkmək məcburiyyətində qalırıq. Bunları nəzərə alaraq, hər bir səhnəni əvvəlcə stol arxasında ciddi şəkildə hesablayıb, sonra çəkiliş edirik. Məsələn, maşınla tryuk etmək üçün məşqlər etsək, gərək ən azı bir neçə avtomobil sıradan çıxaraq. Buna da bizim maliyyə imkanlarımız yol vermir. Deməli, hesablamalar dəqiq olmalıdır. Eyni zamanda, kaskadyorda plastika olmalıdır və qorxusu olmamalıdır.

— Sizin üçün ən təhlükəli tryuk hansıdır?

— Mənim üçün ən təhlükəlisi yanmaqdır. Ani bir səhv və ya külək axınının düzgün tutulmaması böyük fəsadlara səbəb ola bilər.

— Səhnədə başınıza hər hansı bir bədbəxt hadisə gəlib?

— Bəli, gəlib. Bir dəfə dağdan üzüaşağı qaçmalı idim. Yağış yağdığından, torpaq sürüşkən idi. Bu zaman müvazinətimi itirdim, yıxıldım və aşağı yuvarlanmağa başladım. Bir də dağın ətəyində dayandım – başım böyük daşa dəymişdi. Daha sonra ikinci dəfə o tryuku edəndə, ayağım burxuldu, yenə yıxıldım və ayağım çıxdı.

— Hər hansı bir tryuku həyata keçirən zaman qorxu hiss edirsiniz?

— Qorxu yox. Amma mənə təklif gələndən işi təhvil verənə kimi beynimdə o qədər hesablamalar aparıram ki, həmin müddətdə stress yaşayıram. Çünki tək mən yox, məndən əlavə 6 nəfərlik qrupumun da məsuliyyəti üzərimdədir. Onların da təhlükəsizliyini təmin etməliyəm.

— Aktyor kimi Murad Abdullayev dinamik filmlərə çəkilir. Sizi müasir komediya filmlərinə aktyor kimi dəvət etsələr, çəkilərsiz?

— Hadisələr gülməli olsa, ssenari yaxşı olsa, çəkilərəm. Amma bayağı komediya filminə çəkilmərəm.

— Faktdır ki, bizdə kaskadyorlara qiymət və dəyər vermirlər. Əgər xaricdən təklif gəlsə, ölkəni tərk edib gedərsiniz?

— Mən xaricdə yaşaya bilmirəm. Bir müddət öncə Türkiyəyə getdim, orada bir həftə qaldım, amma özümə yer tapa bilmədim. Geri qayıtdım. Həqiqətdir ki, xaricdə kaskadyora dəyər verirlər. Həm maliyyə cəhətdən, həm sənət baxımından. Bizdə isə nə dəyər verirlər, nə də normal maliyyə ayırırlar. Təsəvvür edin ki, həm işimin mükəmməl alınmasının stressini çəkirəm, həm pulu alıb-almayacağımı düşünürəm. Bəzən proyekti bitiririk, deyirlər pul yoxdur və ya azdır. Hətta pulumuzu verməyə də bilirlər.

221
Teqlər:
kaskadyor, müsahibə, aktyor, Murad Abdullayev, Azərbaycan, Bakı
Əlaqədar
"Tribunadan səslənən söyüşləri eşitməməyə çalışıram"
İdmançılarımız dünya reytinqində irəlilədilər
Güləş, arxiv şəkli

Fransa Güləş Federasiyası loqoda bayrağımızın olmamasına görə üzr istədi

27
(Yenilənib 11:47 14.01.2021)
Azərbaycan Güləş Federasiyasının mətbuat katibi Sərxan Musayev səsləndirilən narazılıqlara aydınlıq gətirib.

BAKI, 14 yanvar — Sputnik. Fransanın Nitsa şəhərində keçiriləcək güləş üzrə Qran-pri turnirinin təşkilatçıları Azərbaycan bayrağının yarışın loqosunda yer almamasına görə üzr istəyib.

Bu barədə "Report"a Azərbaycan Güləş Federasiyasının Mətbuat katibi Sərxan Musalı məlumat verib.

O bildirib ki, məsələ ilə bağlı dərhal Fransa Güləş Federasiyası ilə əlaqə saxlayıblar: "Onlar qeyd etdilər ki, üzrlü hesab edin, bu, daha əvvəl hazırlanmış loqodur və burada bəzi yarış iştirakçılarının bayraqları yoxdur. Loqoda daha əvvəl bu yarışda olan ölkələrin bayraqları həkk olunub. Buna görə nəzərə alınmayıb. Loqoda elə ölkələrin bayraqları var ki, bu yarışda iştirak etmirlər. Həmin loqo 2020-ci ildə də istifadə edilib. Sadəcə, diqqətsizlik olub və bizə üzürxahlıq etdilər. Təşkilatçılıqla bağlı problem belə ola bilərdi ki, yarış nəkanında bayrağımız olmazdı. Amma bununla bağlı problem olmayacaq".

Federasiya rəsmisi təşkilatçılar tərəfindən heç bir soyuq münasibət görmədiklərini sözlərinə əlavə edib: "Mənfi nəsə hiss etməmişik. Ümumiyyətlə, problem olsaydı, bizim komandalara viza verməz, iştiraklarına problem yaradardılar. Arxivə də nəzər saldıq, Dünya Güləş Birliyinin saytında 2014-cü ildən sonrakı yarışları görmək mümkündür. 2019-cu ilə qədər bu yarış Qran-pri statusu almayıb. 2019, 2020 və 2021-ci illərdə artıq Qran-pri statusu ilə təşkil edilib. Yəni, həmin vaxta qədər ciddi yarış hesab edilmirdi. 2019-cu ilə qədər yalnız qadın və sərbəst güləşçilər arasında keçirilib. 2020 və 2021-ci illərdə isə güləşin hər üç növü proqrama daxil edilib. Biz 2020-ci ildə ilk dəfə bu yarışa qatılmışıq. Həmin vaxt yunan-Roma güləşi üzrə yığma komanda iştirak edib. Bu il isə həm yunan-Roma, həm də sərbəst güləşçilərimiz mübarizə aparacaq. Artıq təşkilatçılar bu çatışmazlığı aradan qaldırıblar və loqoya Azərbaycan bayrağını da yerləşdiriblər".

Qeyd edək ki, Qran-pri 15 - 17 yanvarda olacaq.

27
Bakı Olimpiya Stadionu, arxiv şəkli

"UEFA-2020" ilə bağlı vergidən azadolmanın müddəti artırıldı

10
Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi.

BAKI, 12 yanvar - Sputnik. Prezident İlham Əliyev Vergi Məcəlləsinə və “Gömrük tarifi haqqında” qanuna dəyişiklikləri təsdiqləyib.

Sputnik Azərbaycan xəbər verir ki, dəyişikliklər "UEFA-2020" futbol çempionatı ilə bağlı vergidən azadolmanın müddətinin daha 1 il uzadılmasını nəzərdə tutur.

Sənəddə deyilir ki, Avropa Futbol Assosiasiyaları Birliyinin (UEFA) İcraiyyə Komitəsi ötən il Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.

Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi. Hazırda bütün dünyada yeni növ koronavirusun (COVID-19) yayılması ictimai-siyasi, sosial-iqtisadi həyatın bütün sahələrinə təsir etdiyi kimi, idman sahəsindən də yan keçməyib, o cümlədən böyük idman oyunlarının keçirilməsi təxirə salınıb.

Bildirilib ki, bu səbəbdən futbol üzrə Avropa çempionatının 2020-ci ildə keçirilməsi nəzərdə tutulan oyunlarının 2021-ci ildə Bakıda keçirilməsi nəzərdə tutulur. Bununla əlaqədar, “Vergi Məcəlləsində dəyişiklik edilməsi haqqında” 9 aprel 2019-cu il tarixli və “Gömrük tarifi haqqında” qanunda dəyişiklik edilməsi barədə” 9 aprel 2019-cu il tarixli qanunların qüvvədə olma müddətinin 1 avqust 2021-ci il tarixinə qədər uzadılması nəzərdə tutulur.

Həmin qanunlarla Azərbaycanda keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar bir çox vergi növləri üzrə - gəlir vergisindən, mənfəət vergisindən, ƏDV-dən, aksizli mallara görə aksizdən, habelə gömrük rüsumlarından azadolmalar nəzərdə tutulub.

10
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

0
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

0