Murad Ağarzayev

İslamiadanın qızıl medalçısı: "Onları döyürdüm və..."

1693
(Yenilənib 20:05 31.07.2017)
"Qarnımın aşağı nahiyəsində yırtıq var idi, həkim əməliyyat etdikdən sonra bildirdi ki..."

Təranə Xudabaxşiyeva, Sputnik Azərbaycan

BAKI, 31 iyul — Sputnik. Bakıda keçirilən IV İslam Həmrəyliyi Oyunlarında, gimnastımız Murad Ağarzayev sərbəst hərəkətlər üzrə 14.400 xalla birinci yeri tutub. Bununla da idman karyerasında ulduzu parlayan idmançı, uğurları və gələcək planları haqqında Sputnik Azərbaycan-a danışıb.

- Adətən azərbaycanlı oğlanlar döyüş növlərinə üstünlük verirlər. Siz isə gimnastika idman növünü seçmisiniz. Bu idman növünü seçdiyinizə görə hərdən peşman olmursuz?

— Yox, heç vaxt peşman olmamışam. Etiraf edim ki, dava etməyi sevmirəm. Uşaq yaşlarından valideynlərim məni məcburi şəkildə gimnastikaya aparıblar. Çünki məndə qarnımın aşağı nahiyəsində yırtıq var idi. Həkim əməliyyat etdikdən sonra valideynlərimə bildirib ki, məni gimnastikaya qoysunlar, bədənim formalaşsın. Valideynlərim də həkimin sözünü dinləyərək məni gimnastikaya qoyublar. Mən getmək istəmirdim, indi isə bu idman həyatımın bir parçasına çevrilib. Artıq 11 ildir peşəkar idmandayam.

- Gimnastikanı atıb cüdo ilə də məşğul olmusuz. Fərqli idman olan cüdo ilə məşğul olmaq çətin olmadı?

— Gimnastikadan sonra hansı idmana gedirsənsə get, çox rahatdır. Hətta mən də 1 il cüdoya getdim, amma sonra yenidən gimnastikaya qayıtdım. Öz idmanıma qayıdanda mənim bütün elastikliyim itmişdi, o formanı almaq üçün 1 il əziyyət çəkməli oldum.

- Oğlanlar adətən idmançı olanda, xüsusilə döyüş növlərində güclərinə güvənirlər. Gimnastlar isə o qədər də döyüşə bilmirlər. Küçədə dava düşəndə nə edirsiniz?

— O, gimnast və ya boksçu olmağa baxmır. O, insanın özündən asılıdır. Uşaq vaxtı davalarım çox olub. Dava salan uşaqları vurmuşam, yəni onları döyürdüm və daha sonra məndən uzaq gəzirdilər. Davakar insan deyiləm, amma lazım gələndə qarşımdakı insana cavab verə bilirəm. Axırıncı dəfə 3 il əvvəl küçədə 10-cu sinifdə oxuyanda dalaşmışam.

- IV İslam Həmrəyliyi Oyunlarında ən böyük uğurunuzu qazandınız və məşhurlaşdınız. Bu medal sizə nə verdi?

— Ailəmin, müəllimimin illər ərzində üzərimdə çəkdikləri əziyyətlərinin bəhrəsini gördük.

- Murad Ağarzayev gimnastika ilə vidalaşsa, hansı sahədə özünü sınayacaq?

— Yalnız özümü gimnastikada məşqçi kimi görürəm. Başqa sahədə özümü təsəvvür edə bilmirəm. Eyni zamanda çəkdiyim əziyyəti yerə vurmaq istəmirəm.

- Gimnastikada bir neçə növ üzrə çıxışlar olur. Amma hər gimnastın öz sevdiyi gimnastika növü var. Sizdə sevimli növ sərbəst hərəkətlərdir. Digər növlərdə məşq etmək sıxıcı olmur?

— Əlbəttə, yox. Gimnastamsa, bu idmanın bütün növlərini sevməliyəm. Amma sevdiyim alət mənim üçün daha üstündür.

- Medal qazanmaq çətindir, ən çətini isə çempion adını qorumaqdır. İslam oyunlarında qızıl mükafatçı oldunuz. Qarşıdan gələn yarışlarda bu titulu qoruya biləcəksiniz?

— Söz verə bilmərəm. Çünki gimnastika idman yarışlarında şans önəmlidir. Hər şey ola bilər. Məsələn, mən İslamiadada dəstəli atda üçüncülüyə namizəd idim. Çıxışım zamanı qəfil yıxıldım, medal qazana bilmədim.

-Pul qazanmaq üçün idmandasan, yoxsa tarixdə qalmaq üçün?

— İstəyirəm, həm idman tarixində qalım, məni hamı tanısın, həm də ailəmi yaxşı dolandırmaq üçün pul qazanım.

1693
Teqlər:
Murad Ağarzayev, gimnast, IV İslam Həmrəyliyi Oyunları, Bakı, medal, idman
Əlaqədar
Aylardır maaş almayan idmançılar etiraz aksiyası keçirdilər
İdmançımız Dünya Oyunlarının qızıl medalını qazanıb
İdmançımızın Böyük Britaniyada inanılmaz uğuru
İdman növünün adı dəyişdirildi
İdmançılarımız dünya reytinqində irəlilədilər
Bakıda idmançı qızın faciəli ölümü polisi yeni qərar verməyə vadar edib
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

5
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

5
Danimarka yığmasının yarımmüdafiəçisi Kristian Erikssen və Finlandiya millisinin havbeki Qlen Kamara AVRO-2020 matçında

Kristian Erikssen AVRO-2020-də Finlandiya ilə Danimarka oyununun ən yaxşısı seçildi

136
(Yenilənib 00:28 13.06.2021)
Avropa çempionatının təşkilat komitəsi oyun zamanı huşunu itirən futbolçunu dəstəkləmək qərarına gəlib.

Danimarkalı yarımmüdafiəçi Kristian Erikssen futbol üzrə Avropa çempionatının Finlandiya ilə Danimarka arasında keçirilən oyununun ən yaxşı futbolçusu seçilib. Bu barədə UEFA-nın saytında bildirilir.

Rusiya millisinin B qrupundakı rəqiblərinin oyunu şənbə günü Kopenhagendə başlayıb və 1:0 hesabı ilə finlərin xeyrinə başa çatlb.

Birinci taymın lap sonunda danimarkalıların yarımmüdafiəçisi Kristian Erikssen meydançada huşunu itirib. Bir neçə dəqiqə ərzində həkimlər ona ilkin yardım göstərib, ürəyini bilvasitə masaj ediblər. Sonra 29 yaşlı futbolçunu pərdəli xərəkdə tribunaların altındakı otağa aparıblar. Komandalar da onun ardınca gediblər.

Bir qədər sonra UEFA bəyan edib ki, oyunçu klinikadadır, özünə gəlib, vəziyyəti sabitdir. Matç təxminən iki saat sonra, Bakı vaxtı ilə 22:30-da davam etdirilib.

136