Reyhan Məmmədova

Azərbaycanlı idmançı faciəli şəkildə öldü

392
(Yenilənib 14:13 29.06.2017)
Gənc idmançı aldığı xəsarətdən hadisə yerində dünyasını dəyişib

BAKI, 29 iyun — Sputnik. Azərbaycanlı idmançı avtomobil qəzasına düşüb. Bu barədə Sputnik Azərbaycan-a Azərbaycan Hava və Ekstremal İdman Növləri Federasiyasının vitse-prezidenti Arzu Mustafayev xəbər verib.

O bildirib ki, dünən axşam saatlarında Xətai rayonu Zığ şosesində — SOCAR yanacaqdoldurma məntəqəsinin qarşısında, Əlifağa Məmmədov idarə etdiyi "BMW" markalı, 90 XU 928 dövlət nömrə nişanlı maşınla yolu keçən, 1995-ci il təvəllüdlü Reyhan Məmmədovanı vurub. İdmançı hadisə yerində keçinib.

Qeyd edək ki, R. Məmmədova 2015-2016-ı illərdə qayayadırmanma idman növü üzrə ölkə çempionu olub. Eyni zamanda bir çox ölkədaxili yarışlarda qaliblır sırasında yer alıb.

392
Teqlər:
idmançı, avtomobil qəzası, Reyhan Məmmədova
Əlaqədar
Döyüş idmançımızın xeyrinə başa çatıb
İdmançımız 3-cü pillədə qərarlaşdı
İdmançılarımızın böyük uğuru
Ən çox qazanan idmançılar bunlardır
Məşhur idmançımızla bağlı yayılan xəbərə aydınlıq gətirildi

Nəriman Abbasov Həbib Nurməhəmmədovun tələbəsini nokauta saldı

2069
(Yenilənib 10:40 18.09.2021)
Moskvada Abdulmanap Nurməhəmmədovun xatirəsinə həsr olunmuş turnir çərçivəsində Nəriman Abbasovla Şamil Zavurov arasında keçirilən döyüş cəmi bir raund davam edib.

BAKI, 18 sentyabr — Sputnik. Azərbaycanın MMA döyüşçüsü Nəriman Abbasov Moskvada keçirilən turnirdə keçmiş UFC çempionu Həbib Nurməhəmmədovun tələbəsi, "Dağıstan şiri" ləqəbli Şamil Zavurovu məğlub edib.

Sputnik Azərbaycan-ın məlumatına görə, Moskvada baş tutan MMA (qarışıq döyüş növləri) turniri Həbib Nurməhəmmədovun atası Abdulmanap Nurməhəmmədovun xatirəsinə həsr olunmuşdu. Abbasov həmin görüşdə AMC Fight Nights çempion kəmərini qoruyurdu, Zavurov üçün isə qarşılaşma karyerasında sonuncu oldu.

Döyüş elə birinci raundda texniki nokautla başa çatdı. "Çingizxan" ləqəbli Nəriman Abbasov ilk dəqiqələrdən rəqibinə dəqiq zərbələr endirərək üstünlüyü ələ aldı, Zavurov raundun sonunda təzyiqə davam gətirməyərək oktaqonun döşəməsinə yıxıldı. Abbasov rəqibinə zərbələr endirməyə davam edərkən döyüş dayandırıldı. Beləliklə, Abbasov MMA-da 12-ci dəfə ardıcıl olmaqla 27-ci qələbəsini qazandı. 

Qalib elan edildikdən sonra Nəriman Abbasov qeyd edib ki, qələbəsini mərhum Abdulmanap Nurməhəmmədova həsr edir və rəqibinə hörmətlə yanaşır.

Onu da bildirək ki, döyüşdən əvvəl Həbib Nurməhəmmədov Abbasova Zavurov üzərində qələbə qazanacağı təqdirdə ən prestijli UFC promouşeni ilə müqavilə bağlamağına kömək edəcəyinə söz verib. Nəriman müsahibəsinin sonunda Həbibin vədini yada salıb: "Həbib, çamadanım hazırdır".

Eləcə də oxuyun:

2069
Teqlər:
MMA, çempion, Həbib Nurməhəmmədov, azərbaycanlı, Moskva

"Qarabağ" - "Bazel" oyunu kadrlarda

44
(Yenilənib 17:10 17.09.2021)
  • Qarabağ klubunun müdafiəçisi Kevin Medina Konferensiya Liqasının qrup mərhələsinin ilk turunda Bazel komandasına qarşı oyunda.
Ağdamın futbol klubu Bakı Olimpiya Stadionunda İsveçrənin "Bazel" klubuna qalib gələ bilməsə də, Konfrans Liqasının qrup mərhələsində ilk xalını qazandı.

Cümə axşamı, sentyabrın 16-da Azərbaycan Premyer Liqasının vitse-çempionu "Qarabağ" klubu UEFA Konfrans Liqasının qrup mərhələsində ilk oyununu keçirib.

Bakı Olimpiya Stadionunda "süvarilər"in qonağı İsveçrənin "Bazel" klubu idi. 

Qeyd edək ki, Ağdam klubu avrokubok oyunlarında artıq kifayət qədər təcrübəyə malikdir, səkkiz ildir, orada çıxış edir. Düzdür, yalnız bir dəfə Çempionlar Liqasının qrup mərhələsindən əsas raunduna düşüb. Hazırda isə klub UEFA-nın yeni futbol turnirində - Çempionlar Liqası və Avropa Liqasından sonra üçüncü dərəcəli əhəmiyyətə malik Konfrans Liqasında çıxış edir. 

Sözügedən matçda "Qarabağ" üstün oyun sərgilədi, birinci taymda tez-tez hücumlar təşkil etdi və rəqibi üçün çətin anlar yaratdı. Azarkeşlər də saylarının az olmasına baxmayaraq stadionda gözəl ab-hava yaratmağa müvəffəq oldular.

Oyunun necə keçdiyini Sputnik Azərbaycan-ın fotolentində izləyin.

 

44
  • © Sputnik / Murad Orujov

    FK "Qarabağ" klubunun futbolçuları " Konferensiya Liqasının qrup mərhələsinin ilk turunda "Bazel" komandasına qarşı matçdan əvvəl.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • Qarabağ klubunun müdafiəçisi Kevin Medina Konferensiya Liqasının qrup mərhələsinin ilk turunda Bazel komandasına qarşı oyunda.
    © Sputnik / Murad Orujov

    "Qarabağ" klubunun müdafiəçisi Kevin Medina Konferensiya Liqasının qrup mərhələsinin ilk turunda "Bazel" komandasına qarşı oyunda.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    "Bazel" klubunun futbolçusu Liam Miller Konferensiya Liqasının qrup mərhələsinin ilk turunda "Qarabağ" komandasına qarşı oyunda.

  • © Sputnik / Murad Orujov

    KonfKonferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    "Qarabağ" klubunun yarımmüdafiəçisi Kadi Malinovski Konferensiya Liqasının qrup mərhələsinin ilk turunda "Bazel" komandasına qarşı oyunda.

  • © Sputnik / Murad Orujov

    Konferensiya Liqasının qrup mərhələsinin birinci turu çərçivəsində keçirilən "Qarabağ" - "Bazel" matçında oyun epizodu.

  • © Sputnik / Murad Orujov

    "Qarabağ" klubunun müdafiəçisi Kevin Medina Konferensiya Liqasının qrup mərhələsinin ilk turunda "Bazel" komandasına qarşı oyunda.

  • © Sputnik / Murad Orujov

    "Qarabağ" klubunun azarkeşləri Bakı Olimpiya Stadionunun tribunalarında Konferensiya Liqasının qrup mərhələsinin ilk turunda "Bazel" komandasına qarşı oyunda.

Teqlər:
futbol, Qarabağ FK, Bakı Olimpiya Stadionu, fotolent
Azərbaycan HHQ-nə məxsus qırıcı, arxiv şəkli

Türkiyə Azərbaycan hərbi təyyarələri İstanbul səmasında salamlama uçuşu keçiriblər

0
(Yenilənib 15:32 20.09.2021)
Atatürk Hava Limanından havaya qalxan təyyarələr Yenikapı-Eminönü xətti üzrə İstanbul boğazını keçib və yenidən Atatürk Hava Limanına eniş edib.

BAKI, 20 sentyabr — Sputnik. Türkiyə və Azərbaycan Hərbi Hava Qüvvələrinin təyyarələri bu gün saat 11:00-11:30 arası (Bakı vaxtı ilə 12:00-12:30 arası) İstanbul boğazı üzərində salamlama uçuşu həyata keçiriblər.

Sputnik Azərbaycan Türkiyə səfirliyinin Twitter səhifəsinə istinadla xəbər verir ki, uçuşa 15 təyyarə qatılıb.

Uçuşda Türkiyə Hərbi Hava Qüvvələri donanmasından F-16, F-4, Azərbaycan Hərbi Hava Qüvvələrinə aid MİQ-29 təyyarələri iştirak edib.

Atatürk Hava Limanından havaya qalxan təyyarələr Yenikapı-Eminönü xətti üzrə İstanbul boğazını keçib və yenidən Atatürk Hava Limanına eniş edib.

Bu salamlama uçuşu "Teknofest" texnologiya festivalı çərçivəsində baş tutub.

Qeyd edək ki, Azərbaycan Hərbi Hava Qüvvələrinə məxsus təyyarələr "Teknofest" texnologiya festivalında iştirak etmək üçün İstanbuldadır.

0