Qolf Turnirinin qalibləri

Formula 1-ə dəstək turniri keçirildi

19
(Yenilənib 18:24 20.06.2017)
Dörd saat müddətində davam edən turnirin sonunda qolfçular qala yeməyində bir araya gəliblər

BAKI, 20 iyun — Sputnik. 18 iyun 2017-ci il tarixində "Dreamland" Qolf Klubu 23- 25 iyun tarixlərində Bakı Şəhər Halqasında baş tutacaq beynəlxalq səviyyəli Azərbaycan Qran Prisinə dəstək məqsədilə Rəsmi Qolf Turnirinə ev sahibliyi edib.

Bu Qolf Turnirində 22 komandadan ibarət olmaqla Azərbaycan və qonşu ölkələrdən olan 88 qolfçu öz gücünü sınayıb. Uyğun hava şəraiti və qüsursuz qolf meydançası ilə, qolfçular "Dreamland" Qolf Klubunun və Bakı Şəhər Halqasının komandası tərəfindən ən xoş qonaqpərvərliyə şahid olublar. Gözəl keçən səhər yeməyindən sonra, komandalar qolf meydançasında 18 dəlik üzrə mübarizəyə başlayıblar. Dörd saat müddətində davam edən turnirin sonunda qolfçular qala yeməyində bir araya gəliblər. 

Hər kəs tərəfindən gözəl oyun nümayiş etdirilən turnirdə "Dreamland" Qolf Klubunun koreyalı üzvləri Cunqvon Çoi, Cin Yub Çoi, Yunq Tae Son və Donq Seok Kvon 64 zərbənin yekununda 54.1 balla ən yüksək pilləyə layiq görülüb. 68 zərbənin yekununda 59.3 bal qazanan Deyvid Lousan, Con Kvinn, Qeyvin Makkenzi və Alan Ferguson ikinci yerdə qərarlaşıb. Üçüncü yer mükafatçıları isə 67 zərbə ilə 60.5 bal qazanan Darren Tomson, Corc Bol, Stüart Kinq və Din Makevan olub.

"Nearest the pin" yarışı üzrə ən yaxşı nəticəni 4-cü dəlikdə Alister Makdaf, 11-ci dəlikdə isə Din Makevan qazanıb. "Longest drive" yarışı üzrə ən yaxşı nəticəyə 3-cü dəlikdə Skot Bryus, 10-cu dəlikdə isə Darren Tomson yiyələnib.

Tədbirlə bağlı fikirlərini paylaşan Bakı Şəhər Halqası Əməliyyat Şirkətinin Kommersiya üzrə rəhbəri Bülent Özərdim qeyd edib: "Bu artıq ikinci ildir ki, biz bu tədbirə dəstəyimizi nümayiş etdiririk. Biz bu qədər oyunçunu bir arada görməkdən və "Dreamland" Qolf Klubunun heyətinin qonaqpərvərliyinə şahid olmaqdan çox məmnunuq. Bu cür tədbirlər gələn həftəsonu Bakı Şəhər Halqasında baş tutacaq Formula 1 komandaları və pilotları arasında həyəcanlı rəqabət vəd edən yarış haqqında məlumatlılığı artırır."

"Biz Bakı Şəhər Halqasına 2017-ci il komandalararası "Scramble" formatında baş tutan turnirə göstərdikləri dəstək üçün öz dərin minnətdarlığımızı bildiririk. Biz böyük səbrsizliklə möhtəşəm Qran Prini və gələn həftə Azərbaycana gələcək turistləri gözləyirik" — deyə "Dreamland" klubunun direktoru Filip Cons vurğulayıb. 

Bakı gecələri Formula 1-in startını gözləyir
© Sputnik / Kamilla Əliyeva / Taleh Mahmudov

Azərbaycan Qran Prisi üçün tamaşaçılara müxtəlif biletlər təklif olunur. 22-25 iyun tarixlərini əhatə edən dördgünlük biletlərin qiyməti tribunadan asılı olaraq 250-690 AZN arasında dəyişir. Azyaşlılar üçün bütün tribunalara təklif olunan endirimli dördgünlük biletlər 175-480 AZN təşkil edir.

24-25 iyun tarixlərini əhatə edən ikigünlük biletlərin qiyməti 225-440 AZN, dənizkənarı bulvar ərazisində yerləşən ayaqüstü zonalar üçün birgünlük biletlərin qiyməti 60-150 AZN və Sahil və Sabir parklarındakı ayaqüstü zonaların hər ikisinə giriş imkanı verən birgünlük biletlərin qiyməti yarış günlərindən asılı olaraq 10-40 AZN arasında dəyişir.

19
Mövzu:
Formula 1 Azərbaycan Qran-Prisi (26)
Qarabağ - Sivasspor matçından görüntü

"Qarabağ" Türkiyədən məğlub ayrıldı

28
(Yenilənib 00:03 27.11.2020)
UEFA Avropa Liqasının I qrupunun 4-cü turunda "Qarabağ" və "Sivasspor" komandaları İstanbuldakı "Başakşehir Fatih Terim" stadionunda qarşılaşıblar.

BAKI, 26 noyabr - Sputnik. UEFA Avropa Liqasının I qrupunun 4-cü turunda Türkiyədə "Qarabağ" və "Sivasspor" komandaları arasında oyun start götürüb.

Sputnik Azərbaycan xəbər verir ki, İstanbuldakı "Başakşehir Fatih Terim" stadionunda oynanılan qarşılaşma Argentina futbolunun əfsanəsi Dieqo Maradonanın ölümü ilə bağlı 1 dəqiqəlik sükutla başlayıb.

Hesabı 8-ci dəqiqədə "Qarabağ"ın oyunçusu Abdullah Zubir açıb. Türkiyə təmsilçisi 40-cı dəqiqədə Aruna Konenin penaltidən vurduğu qolla tarazlığı bərpa edib. Komandalar fasiləyə 1:1 hesablı heç-heçə ilə yollanıblar.

Uroş Matiç 51-ci dəqiqədə fərqlənməklə Azərbaycan çempionunu yenidən hesabda önə keçirib.

58-ci dəqiqədə "Sivasspor"un oyunçusu Olarenvayu Kayode hesabı bərabərləşdirib.

Oyunun 79-cu dəqiqəsində Kone komandasını uğura aparan növbəti qolu vurub. Beləliklə, oyun ev sahiblərinin qələbəsi ilə nəticələnib.

Qrupda ardıcıl 4-cü məğlubiyyətdən sonra Azərbaycan çempionunun 1/16 final şansının üstündən rəsmən xətt çəkilib. Artıq son iki tur Qurban Qurbanovun yetirmələri üçün formal xarakter daşıyacaq.  

“Qarabağ” növbəti oyununu dekabrın 3-də “Makkabi”yə qarşı məhz bu arenada keçirəcək.

28
Teqlər:
futbol, UEFA Avropa Liqası, UEFA, Fatih Terim, İstanbul, "Sivasspor" FK, "Qarabağ" FK, "Qarabağ
Nurlan İbrahimov, arxiv şəkli

"Qarabağ" klubu onun mətbuat katibinə qarşı UEFA-dan ağlasığmaz qərar

48
Dağlıq Qarabağ münaqişəsi zamanı Facebook sosial şəbəkəsində ermənilərlə bağlı paylaşımına görə, UEFA "Qarabağ" klubunun Mətbuat xidmətinin rəhbəri Nurlan İbrahimovu futboldan ömürlük kənarlaşdırıb.

BAKI, 26 noyabr — Sputnik. UEFA "Qarabağ" klubunun Mətbuat xidmətinin rəhbəri Nurlan İbrahimovu futboldan ömürlük kənarlaşdırmaq barədə qərar verib.

Sputnik Azərbaycan UEFA-nın rəsmi saytına istinadla xəbər verir ki, İbrahimov Dağlıq Qarabağ münaqişəsi zamanı Facebook sosial şəbəkəsində ermənilərlə bağlı paylaşımına görə bu cəzaya məruz qalıb.

Bununla yanaşı, qurum Ağdam klubunu da 100 000 avro məbləğində cərimələyib.

UEFA daha əvvəl İbrahimova qarşı "İrqçi və digər ayrı-seçkilik davranışı" və "Əsas davranış qaydalarının pozulması" maddəsi ilə intizam işi açmışdı.

"Qarabağ" klubu da öz növbəsində Nurlan İbrahimovla bağlı UEFA-nın yekun qərarına etiraz edəcək.

Bu barədə "Report"a Ağdam təmsilçisinin direktoru Emrah Çelikel məlumat verib.

Çelikel bildirib ki, klub bu yöndə lazımi tədbirləri görəcək: "Xəbər hələ çox yenidir, cəmi 15 - 20 dəqiqə əvvəl almışıq. Nə cür addım atacağımıza rəhbərliklə müzakirələrdən sonra qərar verəcəyik".

Çelikəl qərardan apellyasiya veriləcəyini də söyləyib: "Klubun mövqeyindən və Nurlan tərəfdən baxanda cəza çox ağırdır. UEFA-nın tabeliyində olan klub kimi onların qərarlarına hörmət etmək borcumuzdur. Ancaq haqsızlıq olduğunu düşündüyümüz halda lazımi etirazları edəcəyik. Qərarla bağlı UEFA-ya mütləq müraciət olunacaq".

48
Teqlər:
ermənilər, Ermənistan, UEFA, "Qarabağ", Qarabağ FK
Məktəbdə dərs, arxiv şəkli

İnklüziv təhsillə bağlı qanun təkmilləşdiriləcək

0
Bu məsələ Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

 

BAKI, 28 noyabr — Sputnik. 2021–2022-ci illərdə uşaqların təhsilə çıxışında bərabərliyin təmin olunması məqsədilə inklüziv təhsilə dair mövcud normativ hüquqi bazanın təkmilləşdirilməsi ilə bağlı təkliflər hazırlanacaq.

Sputnik Azərbaycan-ın məlumatına görə, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

0