Güləş

İdmançımız rəqibə göz açmağa imkan vermədi

18
(Yenilənib 14:43 20.05.2017)
Murtuzəli Müslümovun yarımfinal mərhələsindəki rəqibi qırğızıstanlı Ruslan Saybakasov olub

BAKI, 20 may — Sputnik. Bakı-2017 IV İslam Həmrəyliyi Oyunlarında sərbəst güləşçimiz finala yüksəlib. Sputnik Azərbaycan xəbər verir ki, idmançımız Murtuzəli Müslümovun yarımfinal mərhələsindəki rəqibi qırğızıstanlı Ruslan Saybakasov olub. Güləşçimiz rəqibə göz açmağa imkan verməyib — 14:3.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

18
Teqlər:
idmançı, rəqib, sərbəst güləş, IV İslam Həmrəyliyi Oyunları, Murtuzəli Müslümov
Əlaqədar
Sərbəst güləşçilərimizin uğurlu çıxışı
İki qızıl medal güləşçilərdən gəldi
Dünya Kuboku: Azərbaycan güləşçiləri Rusiya və Gürcüstanı məğlub ediblər
15 güləşçimiz Dünya Güləş Birliyinin reytinq siyahısına düşüb
Güləşçilərimiz Dağıstandan 5 medalla qayıtdılar
Bakıda dünyanın ən güclü güləş turnirlərindən biri keçiriləcək
Azərbaycanın qadınlardan ibarət futbol komandasının üzvləri

Süsən Mənsimzadə: əvvəllər futbol oynayan qızlara Aydan gəlmiş adam kimi baxırdılar

484
(Yenilənib 21:19 26.09.2021)
Məşqçi: Məşqçi olmaq ölkəni təmsil etmək, böyük bir komandanın bütün məsuliyyətini üzərinə götürməkdir. Hər zaman daha yüksək nəticələr qazanmağa çalışırıq.

BAKI, 24 sentyabr — Sputnik. Azərbaycanda futbolun ümumi durumu hər kəsə bəllidir. Milli və klub komandalarımız həm beynəlxalq, həm də ölkədaxili yarışlarda müəyyən nailiyyətlər əldə etmək üçün var gücü ilə çalışır.

Bəs, qadınlardan ibarət futbolun Azərbaycanda vəziyəti necədir? Sputnik Azərbaycan-ın əməkdaşları qadın futbolunun durumunu öyrənmək üçün AFFA-nın Azərbaycanın 15-17 yaşlılara aid qadınlardan ibarət milli futbol komandasının üzvləri, məşqçiləri ilə görüşüblər. Qızlar futbola marağın yaranması səbəblərindən, problemlərdən, perspektivlərdən, uğurlarından söz açıblar.

Qızlardan ibarət Milli Komandanın 24 yaşlı məşqçisi Süsən Mənsimzadə deyir ki, onda futbola maraq 11 yaşında - qardaşı ilə birgə futbol oynayarkən yaranıb, daha sonra o peşəkarcasına bu işlə məşğul olmaq üçün qızlardan ibarət klublara yazılır. Bir illik məşqlərdən sonra o milli komandaya cəlb olunub və 2019-cu ilədək futbolçu karyerasını davam etdirib:

"Hücumçu olmuşam, 12 yaşımdan Milli Komandadayam. Müxtəlif qarşılaşmalarda qol vurmuşam. Karyeramda ən böyük uğurlarımdan biri 2015-ci ildə U19 yığma komandası ilə qarşılaşmada elit mərhələyə yüksəlməyimiz olub. Belçika komandasını 3:0 hesabı ilə udmağımız da mənim üçün yaddaqalan olub".

Qollarının sayını xatırlamasa da, özünün dediyinə görə, Azərbaycan çempionatında bir neçə dəfə bombardir olub və ən məhsuldar oyunçu seçilib. Həmsöhbətimiz ən böyük xəyalından da danışıb:

"Ən böyük xəyalım qadınlardan ibarət Milli Komandada məşqçi olmaq idi. Öncə "Keşlə" klubunda baş məşqçi olaraq çalışdım, sonradan 2021-ci ildə isə 15-17 yaşlılardan ibarət Milli Komandaya məşqçi təyin olundum".

S.Mənsimzadənin sözlərinə görə, məşqçi olmağın məsuliyyəti daha çoxdur:

"Məşqçi olmaq ölkəni təmsil etmək, böyük bir komandanın bütün məsuliyyətini üzərinə götürməkdir. Hər zaman daha yüksək nəticələr qazanmağa çalışırıq".
© Sputnik / Nigar Iskanderova
Qızlardan ibarət Milli Komandanın 24 yaşlı məşqçisi Süsən Mənsimzadə

Futbolçu olaraq ilk formasını "Neftçi" omandasında geyinən, məşqçilik fəaliyyətinə isə "Keşlə"dən başlayan həmsöhbətimizin kumiri Nigar Cəlilova və dünyaca məşhur futbolçulardan iolan Marta Silvadır. S.Mənsimzadə bizə bir qədər cəmiyyətdə futbolçu qızlara qınaqlardan da danışıb:

"Adətən futbol oynayan qıza aydan gələn adam kimi baxırdılar. Lakin düşünürəm ki, indiki dövrdə futboçu qıza heç də qəribə baxmırlar. Hazırda da ölkədə kifayət qədər belə futbolçular var. Qadın futbolçular üçün ailə qurmaq mənasında da heç bir problem yoxdur. Tanıdığım futbolçu qadınlar arasında ailəli, övladları olanlar da var. Hər zaman düşünürəm ki, iki insan arasında böyük sevgi varsa, onların işləri ailə qurmalarına heç zaman mane olmur".

Məşqçi deyir ki, ona bu yolda qətiyyətlə addımlamasında isə atası dəstək olub. Atası hər zaman qızının arzularının arxasında olub, əlindən tutaraq onu məşqlərə aparıb.

Onun sözlərinə görə, ölkədə qızlardan ibarət futbolun tanınmamasının əsas səbəbi milli-mentalitet məsələsidir. Qınağın olması qadın futbolunun tanınmasına mane olur. Lakin bəzi müsbət dəyişikliklər də var:

"Demək olar ki, bütün regionlarımızda qadın futbolu yavaş-yavaş inkişaf edir. Düşünürəm ki, hazırda belə futbolçular və məşqçilərin sayı yetərli qədərdir. Müxtəlif bölgələrdən gələn futbolçularımızın fanatları da az deyil. Bu sayın daha da artmasını istəyərdim".
© Photo : AFFA
Azərbaycanın 15-17 yaşlılara aid qadınlardan ibarət milli futbol komandasının məşqləri

S.Mənsimzadə deyir ki, hazırda 30 nəfərədək idmançı Milli Komandanın elit məşqlərinə cəlb edilir.

"İl boyu məşqlər aparılır və onlardan 20 nəfəri özümüzlə çempionat qarşılaşmalarına aparırıq. Bir futbolçunu Milli Komandaya dəvət etməzdən öncə isə onlar futbolçunun fiziki durumu, topla davranışına fikir verirlər. Bu futbolçuları seçmək üçün U13, U16 liqasına baxış keçirilir. Yaş məhdudiyyəti 17 yaşadək olduğu üçün biz 14-15 yaşlılar arasından seçim edirik. Çalışırıq ki, daha aşağı yaş qrupundan seçim edək və onları tanıyaq".

O, xanımlardan ibarət futbol komandasının perspektivinin daha çox olduğunu deyir:

"Çünki 2019-cu ildə AFFA tərəfindən A milli komandamız yarandı. Bunadək isə qızlar müəyyən yaşa çatdıqdan sonra ya məşqçi olurdu, ya futboldan getməli olurdu. Beləcə onlar futbolu atmaq əvəzinə A Milli Komandada oynamağa başladılar. Hazırda bizim 16-18 futbolçumuz ölkə xaricində forma geyinir.  Futbolçularımızda stimul olmalıdır ki, üzərlərində işləsinlər, Milli Komandaya qədər qalxsınlar, özlərini tanıdaraq xarici komandalarda oynamaq üçün şans qazansınlar. Qeyd edim ki, hazırda Aytac Şərifova Qazaxıstanın futbol klubunda forma geyinir. Aysun Əliyeva, Vüsalə Seyfəddinova, Nigar Mirzəliyeva, Kamilla Məmmədova, Jalə Mənsimova kimi xarici klublarda forma geyinənlər də var. Aytac Şərifova "Arsenal"la qarşılaşmada da iştirak edib.

Məşqçi futbolçuların müəyyən qədər qazanclarının olduğunu desə də, bu haqda ətraflı məlumat verməyib:

"Hazırda onların əsas məqsədi qazancdan çox öz üzərlərində işləməkdir. Əminəm ki, müəyyən mərhələdən keçəndən sonra onların qazancları daha çox olacaq, istədikləri pilləyə çata biləcəklər. Qeyd edim ki, 15-17 yaşlılar illər ötdükcə özlərini təsdiq edərək U19-a keçə bilirlər".
© Sputnik / Nigar Iskanderova
Müdafiəçi Zəhra Hüseynli, müdafiəçi Aytac Mirzəyeva, müdafiəçi Seyidova Müjqan, qapıçı Rabiyə Mustafayeva (soldan sağa)

Məşqçinin sözlərinə görə, 15 yaşadək  qızlardan ibarət Milli Komandanın yaradılması da müzakirə edilir. O, bu yolda maneələrlə qarşılaşan qızlara səslənib:

"Ən böyük manelər ailədən başlayır. Birinin əmisi, dayısı, valideynləri qız övladlarının futbolçu olmalarını istəmirlər. Başqasının seçdiyi yolla gedəndə, istər-istəməz həmin işə maraq olmur. Ən çətini mental düşüncəni dəyişə bilməməkdir. Düşünürəm ki, bir işi sevmək üçün bütün qızlar arzularının arxasınca getməlidirlər.

Həmsöhbətimiz klubların sponsor tapmaq problemindən də danışdı. Əsas məsələyə gəldikdə S.Mənsimzadə deyir ki, məşqçi olaraq əmək haqqından razıdır, lakin bunun nə qədər olduğunu açıqlamır.  

Digər məşqçi - 24 yaşlı Kader Alimova 12 yaşından futbola gəlib, 18 yaşından isə məşqçilik fəaliyyətinə başlayıb. Bundan sonra həm məşqçi, həm də futbolçu olaraq fəaliyyətini davam etdirib. O maddi dəstəyin normal olduğunu söyləyir. Həmsöhbətimiz deyir ki, xaricə gedəndə orada qaldıqları günlərin sayına görə də onlara ödəniş edilir, bundan əlavə mükafatlar da olur:

"Təxminən ayda bir dəfə xarici səfərimiz olur. Məsələn bu ayın 28-30-u tarixlərində qarşılaşmalarımız olacaq. Albaniyaya yol düşüb bu ölkənin komandasına qarşı oynayacağıq. Hazırda təlim məşq toplantısındayıq və qələbə qazanmaq ehtimalımız yüksəkdir".

Məşqçi deyir ki, Milli Komanda gündə iki dəfə məşq edir.

© Sputnik / Nigar Iskanderova
Məşqçi Kader Alimova

O özünün futbolçu karyerasından da danışıb:

"Futbolçu olaraq Avropa çempionatılarında oynamışam. Dəfələrlə çempionatlarda iştirak etsəm də, bombardir olmamışam. Qollarımın sayını dəqiq bilmirəm".

Milli Komandanın 15-17 yaşlılardan ibarət futbolçu qızları ilə də həmsöhbət olduq. Zəhra Hüseynlidə futbola maraq məhəllə futbolundan başlayıb. Daha sonra Balakən futbol klubunda forma geyinən həmsöhbətimiz hazırda həm də milli komandanın şərəfini quruyur. Özünün dediyinə görə ailəsi hər zaman ona dəstək olub. Onun əsas uğurlarından biri də forma geyindiyi klubun ölkədə ikinci yeri tutmasıdır:

"Kürdəmirdə yarımfinala çıxmışdıq, 0-2 hesabı ilə uduzurduq, son dəqiqələrdə isə 3 qol vurmuşduq".

O deyir ki, futbol onun təhsildən yayınmasına səbəb olmayıb. Zəhranın anası da qızı ilə bağlı gözləntilərinin çox olduğunu, futbolçu karyerası dövründə hər zaman yanında olacağını bildirib.

Aytac Mirzəyeva isə Milli Komandanın sol kənar müdafiəçisidir və deyir ki, öncədən fubol onun üçün heç bir maraq, əhəmiyyət kəsb etməyib:

"Bir dəfə stadionda "Qarabağ"la "Neftçi"nin oyununu izləməyə getmişdim. Klub yoldaşlarının topla hərəkəti, bir-birlərinə dəstəkləri diqqətimi cəlb etdi. Bundan sonra özümü futbolda yoxlamağı qərar verdim".
© Sputnik / Nigar Iskanderova
Azərbaycanın 15-17 yaşlılara aid qadınlardan ibarət milli futbol komandasının üzvü Zəhra Hüsehynova

16 yaşlı Müjqan Seyidova da futbola "Balakən" futbol klubundan başlayıb. Ailəsi tərəfindən futbola yönəldilən Müjqan deyir ki, futbolçu olaraq fəaliyyətə başladığı dövrdə qızlardan ibarət komanda olmadığı üçün təhsil aldığı məktəbin oğlanlardan ibarət futbol klubunda forma geyinib. İki il oğlanlarla birgə oynadıqdan sonra rayonlarında qızlardan ibarət bir futbol klubu yaradılır və beləcə Müjqan orada forma geyinməyə başlayır. Həmsöhbətimiz 3 ildir ki, Milli Komandada oynayır:

"Xaricdə Milli Komanda adından bir dəfə forma geyinmişəm, hədəfim başqa ölkələrdə bayrağımızı yüksəklərə qaldırmaqdır".

O, müdafiəçi olduğu üçün futbolçu karyerasında qol vurmayıb.

Milli Komandanın qapıçısı Rabiyə Mustafayevada futbola marağı valideynləri yaradıb:

"Əvvəllər futbolu oğlanlarla birgə oynayırdım. Düzü, qızlardan barət futbol klubunun olduğunu bilmirdim. Oyunların birincə qızlardan ibarət futbol klubunun məşqçilərdən biri məni öz heyətinə cəlb etdi".
© Sputnik / Nigar Iskanderova
Azərbaycanın 15-17 yaşlılara aid qadınlardan ibarət milli futbol komandasının üzvləri

Rabiyə xanım 13 yaşından futbol oynamağa başlayıb, 1 il sonra isə Milli Komandaya dəvət alıb. Nə qədər qol buraxmağını isə xatırlamır:

"Müdafiə yaxşı olduğundan çox qol buraxmamışam".

Demək olar ki, xanım futbolçularla söhbət ərzində elə də böyük uğurlardan söz açılmadı. Amma hətta bu başlanğıcdan da uca zirvələrə doğru yol açmaq olar.

484
Teqlər:
futbol, qadın, komanda
Voislav Stankoviç (ağ formada)

"Neftçi"nin serbiyalı oyunçusu: "Uşaqlar Azərbaycan himnini oxutmağımı istəyirlər"

2384
(Yenilənib 09:49 23.09.2021)
Bakının "Neftçi" klubunun 34-cü doğum gününü qeyd edən serbiyalı legioneri Azərbaycandakı həyatından və işindən danışıb.

BAKI, 23 sentyabr - Sputnik. Bakı "Neftçi"sinin serbiyalı legioneri Voislav Stankoviçin uşaqları atalarından Azərbaycanın himnini qoşmağını istəyir, sonra isə onu ifa edirlər. 

Stankoviç bildirib ki, uşaqları Azərbaycan himnini keçən il öyrəniblər.

"Hələ keçən il, mənim "Neftçi"dəki oyunumu televizorda izləyərkən uşaqlar Azərbaycan himnini öyrəndilər. Hər dəfə baxdıqca himnin sözlərini öyrəniblər. Xanımımla mən onlara deyirik ki, bu, Azərbaycanın himnidir, onu Serbiyanın himni kimi bilmək, bu ölkəyə hörmət etmək lazımdır. Mən Azərbaycanda işləyirəm və bu ölkə mənə doğmadır. Onlar uşaq bağçasında da himni öyrənirlər. Dəfələrlə məndən himni qoşmağı istəyiblər, sonra da oxumağa başlayıblar", - Stankoviç deyib.

Serbiyalı futbolçu sentyabrın 22-də 34-cü yaşını tamam edib.

"Adətən, ad günümü ailəmlə restoranda qeyd edirəm, amma indi pandemiya səbəbindən evdə qeyd edirik. Artıq 34 yaşım var, qocalıram (gülür), amma əsas odur ki, özümü yaxşı hiss edirəm, əla fiziki formadayam", - legioner vurğulayıb.

Qeyd edək ki, Azərbaycan Premyer Liqasının dördüncü turunda "Keşlə"yə qarşı oyun (3:0) serbiyalı futbolçunun çempionatımızda 150-ci oyunu olub. "Keşlə" (o vaxtın "İnter"i) isə 2015-ci ildə Stankoviçin oynadığı ilk Azərbaycan klubu olub.

"Uzun illərdir Azərbaycanda oynayıram, bu ölkəni sevirəm, burada hər şey məni qane edir. Elə olmasaydı, bu qədər müddət burada oynamazdım. "Neftçi"nin şərəfini qoruduğum üçün şadam. Ümid edirəm ki, hələ burada çox oynayacam", - Stankoviç əlavə edib.

Eləcə də oxuyun:

2384
Teqlər:
'Neftçi', futbolçu, Serbiya, legioner, himn, Azərbaycan
Sputnik peyvəndi, arxiv şəkli

"AstraZeneca" "Sputnik Light" kombinasiyası üzrə tədqiqat haqda ilkin məlumat açıqlandı

0
(Yenilənib 22:41 27.09.2021)
Aralıq təhlillərin nəticələrinə görə, 57-ci müşahidə günündə könüllülərin 85%-də "SARS-CoV-2" virusunun "tikanvari" zülalına (S-zülalına) qarşı neytrallaşdırıcı antitellərin dörd və ya daha çox dərəcədə artması müşahidə olunub.

BAKI, 27 sentyabr — Sputnik. Azərbaycanda birgə tədqiqat çərçivəsində koronavirusa qarşı "AstraZeneca" və "Sputnik Light" peyvəndlərinin  kombinasiyası S-zülalına qarşı antitellərin yüksək artımını göstərib. Bu barədə Rusiya Birbaşa İnvestisiya Fondu (RBİF) məlumat verib.

"Rusiya Birbaşa İnvestisiya Fondu... "AstraZeneca" və "R-Farm" şirkətləri Azərbaycan Respublikasında klinik tədqiqat çərçivəsində "AstraZeneca" şirkətinin peyvəndi ilə (Oksford Universiteti ilə birlikdə hazırlanıb) koronavirusa qarşı "Sputnik V" vaksinin ilk komponentinin birgə istifadəsinin virusneytrallaşdırıcı aktivliyi ilə bağlı ilkin məlumatları açıqlayıb", - deyə məlumatda bildirilib.

"Aralıq təhlillərin nəticələrinə görə, 57-ci müşahidə günündə könüllülərin 85%-də "SARS-CoV-2" virusunun "tikanvari" zülalına (S-zülalına) qarşı neytrallaşdırıcı antitellərin dörd və ya daha çox dərəcədə artması müşahidə olunub", - deyə fond əlavə edib.

Məlumatlar tədqiqatın kombinasiyanın hər iki komponentinin vurulduğu ilk 20 iştirakçısının müşahidələrinin nəticələrinə əsaslanır. Birinci komponent kimi "AstraZeneca" peyvəndi, ikincisi kimi isə "Sputnik Light" istifadə olunub. Dozalar arasındakı interval 29 gün təşkil edib.

Azərbaycanda tədqiqatlar 2021-ci ilin fevral ayında başlanıb. Bu günə qədər tədqiqatlarda 100 könüllü iştirak edir.

Azərbaycandan əlavə, Birləşmiş Ərəb Əmirlikləri və Rusiyada da qlobal proqram çərçivəsində vaksinlərin kombinasiyasının klinik tədqiqatı həyata keçirilib. Belarusda tədqiqat aparmaq üçün tənzimləyicilərdən icazə alınıb.

İlk dəfə olaraq koronavirusa qarşı "Sputnik V" peyvəndi əsasında heterogen busterləşdirmə yanaşması (birinci komponent olaraq insanın 26-cı, ikinci komponent olaraq 5-ci serotip adenovirusunun istifadə olunduğu "peyvənd kokteyli") tətbiq edilib. RBİF "Sputnik V"nin ilk komponentinin xarici dərmanlarla kombinasiyasının birgə araşdırılması təşəbbüsü ilə dünyada ilk olub.

2020-ci ilin dekabrında Rusiya Prezidenti Vladimir Putinin iştirakı ilə RBİF, N.F.Qamaleya adına Milli Epidemiologiya və Mikrobiologiya Tədqiqat Mərkəzi, "R-Pharm" şirkətlər qrupu və "AstraZeneca" şirkəti "AstraZeneca"vaksini və "Sputnik V" peyvəndinin birinci komponentinin immunogen kombinasiyası və təhlükəsizliyi ilə bağlı birgə klinik tədqiqatlar aparmaq üçün əməkdaşlıq memorandumu imzalayıblar.

 

0