Güləş yarışı

Ağır çəkili pəhləvanımız medalsız qaldı

67
Bu gün 4 çəki dərəcəsində idmançılarımız xalça üzərinə çıxıblar

BAKI, 19 may — Sputnik. Bu gün IV İslam Həmrəyliyi Oyunları çərçivəsində sərbəst güləş yarışlarının ikinci gününə start verilib. Sputnik Azərbaycan xəbər verir ki, 4 çəki dərəcəsində idmançılarımız xalça üzərinə çıxıblar. 

57 kilo çəki dərəcəsində ölkəmizi təmsil edən Mahir Əmiraslanov yarışa 1/4 final mərhələsindən başlayıb. İdmançımız ilk görüşündə Kamerunlu Roland Tambi Nforsonqu 14:4 hesabı ilə asanlıqla məğlub edib. Daha sonra yarımfinalda Türkiyəni təmsil edən Nəbi Uzunla qarşılaşan Əmiraslanov, yenə qələbə ilə (13:2) döşəyi tərk edib. Beləliklə pəhləvanımız finala adlayıb. Onun həlledici görüşdə rəqibi qazaxıstanlı Jandos İsmayılov olacaq.

65 kilo çəki dərəcəsində Azərbaycanı təmsil edən Maqomed Müslimov yarışa 1/8 finaldan başlayıb. O, Fil Dişi Sahilindən olan İnnosent Açi Abbi ilə üz-üzə gəlib. Pəhləvanımız vaxtından əvvəl qələbə (10:0) qazanaraq, növbəti mərhələyə keçməyi bacarıb. Müslimov 1/4 finalda Qvineya-Bissaudan olan Mabunde Kumba ilə üz-üzə gəlib. İdmançımız yenə 10:0 hesablı qələbə ilə döşəyi tərk edib. Yarımfinalda isə idmançımızın rəqibi əfqanıstanlı Malilk Can Sadid olub. Müslimov rəqibini böyük hesabla (10:0) ilə üstələyib və finala vəsiqə qazanıb. Onun finalda rəqibi iranlı Meisam Nasiri olacaq.

74 kilo çəki dərəcəsində isə idmançımız uğursuz çıxış edib. Belə ki, bu çəkidə mübarizə aparan Cəbrayıl Həsənov da ilk görüşünü 1/8 final mərhələsində iranlı Peyman Yarəhmədi ilə aparıb. Gərgin keçən mübarizədə pəhləvanımız rəqibinə 1:3 hesabı ilə uduzub. Yarəhmədi 1/4 finalda Özbəkistan təmsilçisi Bekzod Abduraxmonova uduzduğundan (5:8), Həsənovun bürünc medal uğrunda güləşmək şansı da qalmayıb. Və o, medalsız yarışlara yekun vurub.

97 kilo çəki dərəcəsində Azərbaycanı təmsil edən Nurməhəmməd Hacıyev 1/4 finaldan mübarizəyə başlayıb. Türkmənistanlı rəqibi Yusup Melejayevlə qarşılaşan pəhləvanımız, böyük hesabla (11:1) ilə qalib olub. O, yarımfinalda suriyalı Abdallh Kərəmla qarşılaşıb və bu dəfə də mübarizədən qalib kimi ayrılıb. (9:0). Beləliklə bu gün finalda Azərbaycanı təmsil edəcək üçüncü pəhləvan olub.

67
Teqlər:
IV İslam Həmrəyliyi Oyunları, sərbəst güləş, yarış, medal, məğlub
Əlaqədar
İslam Oyunları: Komanda hesabında lider dəyişmir
Yığmamız İslamiadanın bu gününü 13 medalla başa vurub
İslamiadanın azərbaycanlı medalçıları: əsas azarkeşlərdir
IV İslam Həmrəyliyi Oyunlarının açılışından möhtəşəm şounun görüntüləri
İslam Oyunlarının bir günü: qələbələr
Oskar heykəli, arxiv şəkli

Hollivudla əməkdaşlıq edən məşhur idmançı "Oscar" almaq istəyir

13
Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib.

BAKI, 22 fevral — Sputnik. Peşəkar karyerasını bitirdiyini elan edən məşhur rusiyalı döyüşçü Həbib Nurməhəmmədov karyerası haqqında film çəkilişləri üçün Hollivudla çalışdığını və "Oscar" qazanmağı planlaşdırdığını söyləyib.

Sputnik Azərbaycan xarici mediaya istinadən xəbər verir ki, döyüşçü hazırda sənədli film üzərində işləyir: "Təxminən bir il yarım lazımdır. "Oscar" qazanmaq istəyirik. 20 dəqiqə ərzində "Oscar"lıq film çəkmək o qədər də asan deyil. Hollivudla birlikdə işləyirik. Çox güman ki, dərhal kinoteatrlarda nümayiş olunacaq. Bu normal bir hekayədir, dağdan gələn oğlan çəki kateqoriyasından asılı olmayaraq ən yaxşı döyüşçü oldu, məğlub olmadı".

Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib. Döyüşdən sonra rusiyalı karyerasını bitirdiyini elan edib. Onun hesabında 29 MMA döyüşündə 29 qələbə, o cümlədən UFC-nin 13 döyüşündə 13 qələbə var.

13
Teqlər:
Oskar, Hollivud, Həbib Nurməhəmmədov
Braziliya futbolçusu Ronaldinyo Bakıda, arxiv şəkli

Dünyanın ən yaxşı futbolçusu qəmə batdı: əzizini COVID apardı

11
(Yenilənib 14:41 21.02.2021)
Ronaldinyo 71 yaşlı anası Migelinanın xəstəxanaya aparıldığını hələ ötən ilin dekabrında sosial şəbəkədə yazmışdı

BAKI, 21 fevral - Sputnik. Futbol ulduzu Ronaldinyo Qauçonun anası koronavirusdan vəfat edib.

Sputnik Azərbaycan bildirir ki, bu barədə Mundo Deportivo xəbər yayıb. 

Ronaldinyo 71 yaşlı anası Migelinanın xəstəxanaya aparıldığını hələ ötən il dekabrın 21-də sosial şəbəkədə yazmış, anasının intensiv terapiya şöbəsinə yerləşdirildiyini və həkimlərin tam qayğısı ilə əhatə olunduğunu demişdi. 

​Ronaldinyo 2018-ci ildə futbolçu karyerasına son qoyub. O, 2003-2008-ci illərdə "Barselona"nın heyətində iki dəfə İspaniya çempionu, bir dəfə isə Çempionlar Liqasının qalibi olub.

 

11
Teqlər:
COVID-19, vəfat, ana, Ronaldinyo
 COVİD-19 xəstəsi, arxiv şəkli

Ermənistanda koronavirusdan ölənlərin sayı 3200-ə çatdı

0
Ermənistanda son gündə daha 5 nəfər ölüb. Qonşu ölkədə ümumilikdə bu virusdan ölənlərin sayı 3 200-ə çatıb.

BAKI, 2 mart — Sputnik. Ermənistanda koronavirusa yoluxanların sayı 172 456-ya çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 240 nəfər artıb.

Ermənistanda son gündə daha 5 nəfər ölüb. Ümumilikdə bu virusdan ölənlərin sayı 3 200-ə çatıb. Xəstəlikdən sağalanların sayı 163 738 nəfər olub. Hazırda bu ölkədə 4 700 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 114,4 milyonu keçib, 2,53 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0