BAKI, 16 may — Sputnik. Azərbaycan millisi Bakıda keçirilən IV İslam Həmrəyliyi Oyunlarının 5-ci gününü 13 medalla başa vurub.
Sputnik Azərbaycan-ın məlumatına görə, idmançılarınız bu gün 8 qızıl, 1 gümüş və 4 bürünc mükafat əldə ediblər.
Təmsilçilərimiz üzgüçülük, atletika, paraatletika, güllə atıcılığı və taekvondo yarışlarında mükafatçılar sırasına düşə bilib.
Bununla, yığmamızın İslamiadadakı ümumi medal sayı 81-ə çatıb. 41 qızıl, 24 gümüş və 16 bürünc medalı olan Azərbaycan millisi komanda hesabında 2-ci pillədə qalıb. Yarışda ən çox medal qazanan isə Türkiyə millisidir — 115 medal. Onlardan 43-ü qızıldır.
