Zəfər günləri kampaniyasının təqdimat mərasimi

İslam Həmrəyliyi Oyunlarının bayraqdarı bu idmançı olacaq

239
(Yenilənib 16:44 01.05.2017)
Çingiz Hüseynzadə: "Bir onu bilirəm ki, bu oyunlarda ən yaxşı halda qalib, ən pis halda ilk üçlükdə olmalıyıq"

BAKI, 1 may — Sputnik. Bu gün İslam Oyunlarında Azərbaycanı təmsil edəcək Olimpiya Komandasının təşviq və təltifi üçün nəzərdə tutulmuş Zəfər günləri kampaniyasının təqdimat mərasimi keçirilib.

Zəfər günləri kampaniyasının təqdimat mərasimi
© Sputnik / Murad Orujov
Zəfər günləri kampaniyasının təqdimat mərasimi

Təqdimat mərasimini giriş sözü ilə açan Olimpiya Komitəsinin vitse-prezidenti Çingiz Hüseynzadə İslam Oyunlarının Azərbaycan idman tarixi üçün önəmli bir yarış olacağını dilə gətirib: "İslam Həmrəylik Oyunları 4 ildən bir keçirilir və islam ölkələrinin demək olar hər birinin iştirakı ilə bu mötəbər yarış həyata keçirilir. Bu dəfə biz bu möhtəşəm yarışa ev sahibliyi edəcəyik və inanıram ki, yarış da Birinci Avropa oyunları kimi dövlətimiz üçün uğurlu olacaq. Həmişə yarışlar haqqında proqnoz vermişəm. Bu dəfə İslam Həmrəyliyi Oyunlarına gələcək idmançıların əksəriyyətini tanımadığım üçün proqnoz verməkdə çətinlik çəkirəm. Amma bir onu bilirəm ki, bu oyunlarda ən yaxşı halda qalib, ən pis halda ilk üçlükdə olmalıyıq". 

Mehman Kərimov
© Sputnik / Murad Orujov
Milli Olimpiya Komitəsinin marketinq idarəsinin rəisi Mehman Kərimov

Daha sonra MOK-un marketinq idarəsinin rəisi Mehman Kərimov İslam Həmrəylik Oyunlarına həsr olunmuş "Zəfər Günləri" kampaniyası haqda təqdimatla çıxış edib. O, çıxışı zamanı bu oyunların təbliği ilə bağlı silsilə tədbirlərin həyata keçiriləcəyini bildirib. TV-lərdə, KİV-lərdə, eyni zamanda sosial şəbəkələrdə bu tipli kompaniyaların keçiriləcəyini dilə gətirib.

Zəfər günləri kampaniyasının təqdimat mərasimi
© Sputnik / Murad Orujov
Təqdimat mərasiminin iştirakçıları

Daha sonra MOK-un vitse-prezidenti Çingiz Hüseynzadə yarışın bayraqdarının hansı idmançı olacağı sualına belə cavab verib: "Bayraqdar haqqında hələ ki konkret bir ad deyə bilmərəm. Amma namizədlər arasında Rafael Ağayev həm titullarına, həm uğurlu idmançı olduğuna görə ən layiqli namizəddir. Sadəcə açılış mərasiminin səhəri Rafael Ağayev döyüşür. Əgər idmançının iştirakı üçün problem olmayacaqsa bu zaman böyük ehtimal ki, bayraqdar Rafael Ağayev olacaq".

Zəfər günləri kampaniyasının təqdimat mərasimi
© Sputnik / Murad Orujov
Tədbirin sonunda Olimpiya Komitəsinin vitse-prezidenti Çingiz Hüseynzadə jurnalistlərin suallarını cavablandırıb

Vitse-prezident idmançılara veriləcək pul mükafatlarına da aydınlıq gətirib: "Hər dəfə İslam Həmrəyliyi Oyunlarının iştirakçılarının qaliblərinə Milli Olimpiya Komitəsi tərəfindən pul mükafatı təqdim edilir. Bu ilki oyunlarda da medal qazanacaq idmançılara pul mükafatı veriləcək. Hələ ki, Prezidentin fərmanını gözləyirik. Yarış öncəsi prezident bu haqda fərman imzalayacaq və mətbuata bu haqda açıqlama verəcəyik".

239
Teqlər:
İslam Həmrəyliyi Oyunları, Milli Olimpiya Komitəsi, Mehman Kərimov, Çingiz Hüseynzadə, Rafael Ağayev, Azərbaycan
Mövzu:
IV İslam Həmrəyliyi Oyunları (21)
Əlaqədar
İdmançımız İslam Həmrəyliyi oyunlarında iştirak edə bilməyəcək
İslam Oyunları 2017-nin yeni tərəfdaşı məlum oldu
İslam oyunlarına 12 min polis cəlb olunacaq
İslam Həmrəylik Oyunlarını mindən çox yerli və xarici KİV izləyəcək

Dünya futbolunun əfsanəsi FOTOlarda

3
(Yenilənib 08:53 26.11.2020)
Dieqo Maradonanın oyunu dedikdə yəqin ki, öncə göz önünə onun sinəsini qabağa verərək rəqib oyunçuları aldadaraq bütün meydançanı keçməsi göz önünə gələcək.

Xəbər verildiyi kimi, dünya futbolunun əfsanəsi argentinalı Dieqo Armando Maradona dünyasını dəyişib. Maradona 60 yaşında infarktdan həyatını itirib. 

Əfsanəvi hücumçu azrkeçlərin yadında yalnız fenomenal oyunu ilə deyil, həm də qalmaqallarla yadda qalıb. 

Məsələn, 1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə isə İtaliya çempionatının oyunundan sonra dopinq-testdən keçən Maradonanın kokain qəbul etdiyi aşkarlanıb.

Bütün bunlara baxmayaraq, futbolla maraqlanan hər kəs Dieqo Maradonanı futbol dahisi, təkbaşına oyunun taleyini həll edə bilən oyunçu kimi xatırlayacaq.

Sputnik Azərbaycan əfsanənin müxtəlif görüntülərini təqdim edir. 

 

3
  • © REUTERS / Carlos Barria

    Argentinalı futbolçu Dieqo Maradona müsahibə zamanı, 2010-cu il.

  • © REUTERS / Action Images / Juha Tamminen

    Argentinanın hücumçusu Maradona DÇ-1986-nın dörddəbir final matçında İngiltərə yığmasına qarşı oyunda.

  • © AP Photo / Carlo Fumagalli, file

    Dieqo Armando Maradona DÇ-1986-ın finalında AFR üzərində qələbədən sonra kuboku başı üzərinə qaldırır.

  • © REUTERS / Stringer

    Dieqo Maradona həyat yoldaşı Klaudiya və anası ilə toyda, 1989-cu il.

  • © Sputnik / Vladimir Rodionov

    İtaliyanın "Napoli" klubunun futbolçusu Dieqo Maradona Moskvanın "Spartak" komandası ilə oyundan sonra, 1990-cı il.

  • © AFP 2020 / Daniel Garcia

    Argentina millisinin kapitanı Dieqo Maradona DÇ-1994-də Yunanıstan komandasının qapısına vurduğu qolu qeyd edir.

  • © REUTERS / Stringer

    Futbol əfsanəsi Dieqo Maradona və Kuba lideri Fidel Kastro, 2001-ci il.

  • © REUTERS / Marcos Brindicci

    Maradona Kuba siqarı və Çe Qevaranın tatusu ilə, 2006-cı il.

  • © AFP 2020 / Stringer

    Futbol əfsanəsi Dieqo Maradona kolumbiyalı futbolçu Karlos Valderamanın karyerasını başa vurması ilə əlaqədar təşkil olunan şənlikdə rəqs edir, 2004-cü il.

  • © AP Photo / Matt Sayles

    Futbol əfsanəsi Dieqo Maradona Kannda özünə dair sənədli filmin nümayişi zamanı, 2008-ci il.

  • © AFP 2020 / Valery Hache

    Dieqo Maradona qızları ilə birgə 61-ci Kann kinofestivalında "Maradona" sənədli filminin premyerasından əvvəl, 2008-ci il.

  • © REUTERS / Eddie Keogh


    Məşqçi Maradona komandasının DÇ-2010-da Nigeriya millisinə vurduğu qolu qeyd edir.

  • © Sputnik / Sergey Guneev

    Rusiya Prezidenti Vladimir Putin, braziliyalı futbolçular Pele və Dieqo Maradona FİFA-2018 futbol üzrə dünya çempionatının püşkatmasından əvvəl.

  • © REUTERS / Marcos Brindicci

    Argentinalı futbol ulduzu Dieqo Maradona sevgilisi ilə, 2017-ci il.

  • © REUTERS / Grigory Dukor

    Futbol əfsanəsi Dieqo Maradona Kremldə, 2017-ci il.

Teqlər:
Argentina, braziliyalı futbolçu Pele, futbol, Dieqo Maradona
Dieqo Armando Maradona, arxiv şəkli

Əfsanəvi Dieqo Maradona vəfat etdi

60
(Yenilənib 20:55 25.11.2020)
Dieqo Maradona 1986-cı ildə Argentina yığmasının futbol üzrə dünya çempionu olmasında həlledici rol oynayıb.

BAKI, 25 noyabr - Sputnik. Dünya futbolunun əfsanəsi Dieqo Armando Maradona dünyasını dəyişib.

Sputnik Azərbaycan RİA Novosti-yə istinadən xəbər verir ki, argentinalı hücumçu 60 yaşında vəfat edib. O, bir neçə gün əvvəl La-Plata klinikasında beyin əməliyyatı keçirdiyinə baxmayaraq, ölümü başqa səbəbdən olub. Maradona infarktdan həyatını itirib. 

Dieqo Maradona 1986-cı ildə Argentina yığmasının dünya çempionu olmasında həlledici rol oynayıb.

Dieqo Armando Maradona 1960-cı il oktyabr ayının 30-da Argentinanın Villa Fiorito şəhərində anadan olub. Futbol karyerasına 10 yaşından başlayıb. 1976-cı ildə "Argentinos Xuniors" klubunda ölkə çempionatı matçına çıxan Maradona 1979-cu ildə keçirilən gənclər arasında dünya çempionatına qatılıb.

O, 1982-ci ildə o dövr üçün rekord məbləğə – 4 milyon dollara İspaniya "Barselona"sına transfer olub. İki il sonra İtaliya "Napoli"sinə keçən Maradona Neapolda 1991-ci ilədək qalıb. O, Argentina millisinin şərəfini qoruduğu 91 matçda 34 qol vurub.

1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə İtaliya çempionatı matçından sonra dopinq-testdən keçən Maradonanın kokain qəbul etdiyi aşkarlanıb. İki il sonra İspaniya "Sevilya"sına transfer olan futbolçu 1994-cü il dünya çempionatında forma geyib. Lakin onun yenə qadağan olunmuş dərman preparatı qəbul etdiyi ortaya çıxdığından, 15 aylıq diskvalifikasiya olunaraq, yarışdan kənarlaşdırılıb.

Cəzalı olduğu müddətdə o, vətənində "Deportivo Mandiyu" və "Rasinq" klublarında baş məşqçi kimi çalışıb, diskvalifikasiyası başa çatdıqdan sonra isə o, "Boka Huniors"a qayıdıb. Lakin kokain aludəçiliyindən qurtula bilməməsi üzündən 1997-ci ildə futbolçu karyerasını başa vurub.

Eniş-çıxışlarla, qalmaqallarla zəngin həyatına baxmayaraq, Maradona 2000-ci ildə FİFA tərəfindən braziliyalı Pele ilə birgə XX əsrin ən yaxşı futbolçusu seçilib. Lakin o, təntənəli mərasimdə öz mükafatını aldıqdan sonra Pelenin də təltif olunmasını gözləmədən zalı tərk edib. O, ertəsi gün verdiyi açıqlamada yalnız özünü dünyanın ən yaxşı futbolçusu hesab etdiyi üçün belə addım atdığını bildirib.

60
Teqlər:
Argentina, hücumçu, Dieqo Maradona, Vəfat