Формула 1 в Баку – второй день

Bakı Şəhər Halqasının asfalt örtüyü yarışa hazır vəziyyətə gətirilir

15
(Yenilənib 16:24 14.04.2017)
Bakı Şəhər Halqası Əməliyyat Şirkətinin Yarış Obyektinin tikintisi üzrə rəhbəri Tom Butçer trekin asfalt qatının yarışa hazır vəziyyətə gətirilməsi ilə əlaqədar aparılacaq işlərin üç mərhələdə həyata keçiriləcəyini bildirib

BAKI, 14 apr — Sputnik. Azərbaycanda Formula 1 yarışının keçiriləcəyi Bakı Şəhər Halqasında asfalt örtüyünün yarışa hazır vəziyyətə gətirilməsi üçün aprelin 15-də təmir-bərpa işlərinə başlanacaq. 

Mayın 1-dək davam edəcək prosesdə trekin Niyazi küçəsindən keçən qəmbər daşlı hissəsinə asfalt örtüyü çəkiləcək və həmçinin bütövlükdə trekə baxış keçirilərək ehtiyac olan yerlərdə asfalt örtüyündə təmir-bərpa işləri aparılacaq.

Bakı Şəhər Halqası Əməliyyat Şirkətinin (BŞH) Yarış Obyektinin tikintisi üzrə rəhbəri Tom Butçer trekin asfalt qatının yarışa hazır vəziyyətə gətirilməsi ilə əlaqədar aparılacaq işlərin üç mərhələdə həyata keçiriləcəyini bildirib: “İlkin mərhələdə, 15-19 aprel tarixlərində, trekin 15 və 16-cı döngələri arasında yerləşən qəmbər daşlı hissəsinə qoruyucu qat çəkilərək yol hamarlaşdırılacaq. 20-23 aprel tarixlərini əhatə edən ikinci mərhələdə qəmbər daşlı hissəyə sonuncu asfalt qatı çəkiləcək. 

Devid Kulthard
© Sputnik / Murad Orujov

Asfalt çəkilişinin sürətli şəkildə reallaşdırılması üçün 15-23 aprel tarixləri ərzində trekin İstiqlaliyyət küçəsinin Şeyx Şamil küçəsi ilə kəsişməsindən Niyazi küçəsinədək olan hissəsi və həmçinin buradan da Azneft dairəsinədək olan hissəsi nəqliyyatın hərəkəti üçün bağlı olacaq.

Sonuncu mərhələyə 23 aprel tarixində start veriləcək. Mayın 1-dək davam edəcək proses çərçivəsində Bakı Şəhər Halqasının bütün asfalt örtüyünə baxış keçiriləcək və ehtiyac olduğu yerlərdə təmir-bərpa işləri aparılaraq trek yarış üçün tam hazır vəziyyətə gətiriləcək”. 

23-25 iyun tarixlərində Bakıda baş tutacaq növbəti Formula 1 yarışına yaxınlaşdıqca hazırlıq işlərinin intensivləşdiyini deyən Tom Butçer şəhər sakinlərinin nəzərinə çatdırıb ki, günboyu aparılan işlər zamanı trekin keçdiyi küçələrdə nəqliyyat vasitələrinin və piyadaların fasiləsiz hərəkətinin təmin olunmasına xüsusi diqqət yetirilir. 

Əməliyyat şirkəti nəqliyyatın hərəkətinin məhdudlaşdırılması nəticəsində yaranan müvəqqəti çətinliyə görə paytaxt sakinlərindən üzr istəyib, göstərilən anlayış və dəstəyə görə təşəkkürünü bildirib. 

15
Teqlər:
Bakı Şəhər Halqası Əməliyyat Şirkəti, Tom Butçer, Şeyx Şamil küçəsi, Niyazi küçəsi, Azərbaycan, Bakı
Əlaqədar
"Formula-1"in əfsanəsi Bakıdadır
İl ərzində 500 milyon insan Formula 1 yarışını izləyir
"Formula 1"in sosial-iqtisadi faydaları müzakirə olunacaq
“Formula-1” rəhbəri istefaya göndərilib