Ruslan Lunyovun mətbuat konfransı

Lunyov: "Ümid edirəm ki, ölkəmizə 4 qızıl medal qazandıracam"

49
(Yenilənib 20:40 06.03.2017)
İradə Aşumova: "Yaxşı məşqlər nəticəsində o gələcəkdə daha da yaxşı nəticələr əldə edə bilər"

BAKI, 6 mart — Sputnik. Gənclər və İdman Nazirliyində Hindistanın paytaxtı Dehlidə güllə atıcılığı üzrə Dünya Kubokunda bürünc medal qazanan idmançı Ruslan Lunyovla görüş keçirilib. Sputnik Azərbaycan xəbər verir ki, görüş zamanı idmançı yarışdan təəssuratlarını bölüşüb və jurnalistlərin suallarına cavab verirb.

Tədbiri giriş sözü ilə Gənclər və İdman Nazirliyinin idman şöbəsinin müdiri Fərid Mansurov açıb. 

Gənclər və İdman Nazirliyinin idman şöbəsinin müdiri Fərid Mansurov
© Sputnik / Murad Orujov
Gənclər və İdman Nazirliyinin idman şöbəsinin müdiri Fərid Mansurov

O qeyd edib ki, Azərbaycan idmançısının bürünc medal qazanması yaxşı nəticədir: “Bu, möhtəşəm nəticədir. Atıcılıq ölkəmizdə ənənəsi olan idman növüdür. Bu idman növü 1920-ci ildə yaransa da, Azərbaycan ilk uğurlarını 1990-cı illərdə qazanıb. Zemfira Meftahəddinova və İradə Aşumova kimi olimpiya çempionu, mükafatçılarımızı göstərə bilərik. Ancaq uzun müddət bu növ üzrə qazanılan medallar sarıdan müəyyən interval yaranmışdı. Hamı yaxşı nəticə gözləyirdi. Nəhayət, Hindistanda keçirilmiş Dünya Kubokunda Ruslan Lunyov bürünc medal qaza bildi. İnanırıq ki, uğurların davamı gələcək”.

Ruslan Lunyovun mətbuat konfransı
© Sputnik / Murad Orujov
Ruslan Lunyovun mətbuat konfransı

Daha sonra dünya üçüncüsü Ruslan Lunyov Dünya Kubokunda qazandığı uğur haqqında fikirlərini bölüşüb. O, IV İslam Həmrəyliyi Oyunlarında daha yaxşı nəticə əldə edəcəyini qeyd edib: “Yarışdan uğur qazanmağım özüm üçün də sevindirici hal oldu. Rəqiblərim güclü idi. Xüsusilə də ən çətin rəqiblərim Çin idmançıları idi. Elə onlar yarışın ilk iki pilləsini tutdular. Finala vəsiqə qazanan 6 idmançıdan biri oldum və sona kimi mübarizə apardım. Beləliklə, bürünc medal əldə etdim. Qarşıda İslam Həmrəyliyi Oyunları var. Bu yarışda da 6 növdə özümü sınayacam. Ümid edirəm ki, ölkəmizə ən azı 4 medal qazandıracam və bu medalların hamısı qızıl olacaq”.

Ruslan Lunyovun mətbuat konfransı
© Sputnik / Murad Orujov
Ruslan Lunyovun mətbuat konfransı

Tədbirdə eyni zamanda Ruslan Lunyovun anası və eyni zamanda şəxsi məşqçisi, 2004-cü il Afina Yay Olimpiya Oyunlarının bürünc medalçısı, Azərbaycan Atıcılıq Federasiyasının vitse-prezidenti İradə Aşumova iştirak edib. İradə Aşumova bildirib ki, bu, Ruslan Lunyovun ilk uğurudur. “Bu idman növündə yaş həddi yoxdur. Deməli, hələ hər şey qarşıdadır. Bunu Ruslanın ilk uğuru saymaq olar. Yaxşı məşqlər nəticəsində gələcəkdə daha da yaxşı nəticələr əldə edə bilər”. 

Qeyd edək ki, Ruslan Lunyov Dünya Kubokunda 25 metr məsafəyə atəş açma yarışında bürünc medal qazanıb. O, təsnifat mərhələsində 579, finalda isə 23 xal toplayaraq bu uğura nail olub.

49
Hadisə yerində

Ermənistanın raket zərbələri Bərdə Olimpiya İdman Kompleksini yararsız hala salıb - FOTO

22
(Yenilənib 15:08 29.10.2020)
Xoşbəxtlikdən, işçilər arasında zərərçəkən yoxdur. Ancaq ilkin hesablamalara əsasən, kompleksə yüz minlərlə manat dəyərində ziyan dəyib

BAKI, 29 oktyabr — Sputnik. Bərdə şəhərinə növbəti dəfə təcavüzkar Ermənistan tərəfindən endirilən raket zərbəsindən sonra bir çox mülkü obyektlərlə yanaşı, Bərdə Olimpiya İdman Kompleksinə də dəyən ziyan nəticəsində kompleks tamamilə yararsız hala düşüb. 3,8 hektar ərazini əhatə edən Bərdə Olimpiya İdman Kompleksinin hər iki binasının infrastrukturu sıradan çıxlb.

Bu barədə Milli Olimpiya Komitəsindən Sputnik Azərbaycan-a verilən məlumatda bildirilib. Bərdə Olimpiya İdman Kompleksinin direktoru Qabil Məmmədovun sözlərinə görə, xoşbəxtlikdən, işçilər arasında zərərçəkən yoxdur. Ancaq ilkin hesablamalara əsasən, kompleksə yüz minlərlə manat dəyərində ziyan dəyib. 

  • Hadisə yerində
    © Photo: National Olympic Committee of Azerbaijan
  • Hadisə yerində
    © Photo: National Olympic Committee of Azerbaijan
  • Hadisə yerində
    © Photo: National Olympic Committee of Azerbaijan
  • Hadisə yerində
    © Photo: National Olympic Committee of Azerbaijan
  • Hadisə yerində
    © Photo: National Olympic Committee of Azerbaijan
  • Hadisə yerində
    © Photo: National Olympic Committee of Azerbaijan
  • Hadisə yerində
    © Photo: National Olympic Committee of Azerbaijan
1 / 7
© Photo: National Olympic Committee of Azerbaijan
Hadisə yerində

Qeyd edək ki, yüksək səviyyəli müxtəlif yarışların keçirilməsi üçün nəzərdə tutulan, beynəlxalq standarlara cavab verən kompleks 2003-cü il oktyabrın 7-də istifadəyə verilib.

Ermənistan silahlı qüvvələri humanitar atəşkəs rejimini kobudcasına pozaraq Azərbaycan əhalisinin sıx yaşadığı yaşayış məntəqələrini, mülki obyektləri, o cümlədən fərdi və çoxmənzilli yaşayış binalarını, təsərrüfatları ağır artilleriya və raketlərdən atəşə tutmaqla dağıntı və yanğınlar törətməkdə davam edir.

22
Mövzu:
Azərbaycan və Ermənistan arasında müharibə
Əlaqədar
Mərmi sanki yağış kimi yağdı… - Bərdə faciəsi xəsarət alanın dilindən - VİDEO
Ombudsman Bərdədə faktaraşdırıcı missiya həyata keçirir
Bir ay ərzində doxsan dinc sakinimiz erməni terrorunun qurbanı olub
Prezidentin köməkçisi: "Paşinyan, böyük səhv etdin"
Möhkəm ol, Bərdə! Raket bombardmanından sonra şəhərdəki vəziyyət – video
Yelena Parxomenko

Yelena Parxomenko: Özümü azərbaycanlı hesab edir Qarabağda qələbə gözləyirəm

73
(Yenilənib 13:24 28.10.2020)
Voleybol üzrə Azərbaycan millisinin sabiq üzvü Yelena Parxomenko azərbaycanlı əsgərlərə dəstəyini bildirib

BAKI, 28 oktyabr – Sputnik, Teymur Tuşiyev. Azərbaycanın qadınlardan ibarət voleybol millisinin sabiq üzvü Yelena Parxomenko Qarabağda əks-hücum əməliyyatları yerinə yetirən Silahlı Qüvvələrimizdən böyük uğurlar gözləyir. Bu barədə o, bacısı Oksana Kurt-Parxomenkonun Facebook sosial şəbəkəsində yerləşdirdiyi müraciətində deyib.

Yelena Parxomenko Bakıda doğulub. Atası ukraynalı, anası rusdur. Buna rəğmən, millimizin sabiq üzvü özünü azərbaycanlı hesab edir.

© Photo : Courtesy of Yelena Parkhomenko
Yelena Parxomenko

“Azərbaycan – mənim Vətənimdir. Valideynlərim, bacım, mən – burada doğulmuşuq. Bütün qəlbimlə Azərbaycanın yanındayam. Bəziləri deyə bilərlər ki, mən ukraynalıyam, amma yox, Mən Azərbaycanda doğulmuşam, bura mənim ölkəmdir və özümü azərbaycanlı sayıram”, - Parxomenko deyib.

© AFP 2020 / KAZUHIRO NOGI
Yelena Parxomenko

Azərbaycan millisinin heyətində beynəlxalq yarışlara Parxomenko 1996-cı ildən çıxmağa başlayıb. O, həmçinin Azərbaycanın “Azərreyl”, “Lokomotiv” və “Azəryol” komandalarında da forma geyinib.

© Photo : Courtesy of Yelena Parkhomenko
Yelena Parxomenko

Keçmiş voleybolçu vurğulayıb ki, bəzi başqa dövlətlərdən fərqli olaraq, Azərbaycanda heç vaxt dini problem olmayıb.

“Bir xristian kimi deyə bilərəm ki, bu gün Azərbaycanda siz məscidə də, kilsəyə də, sinaqoqa da gedə bilərsiniz. Bizdə katolik və pravoslav kilsələri var. Hətta Salyan kazarmasının yanındakı kilsəmizin mesenatının da azərbaycanlı olduğunu bilirəm. Bizim ölkəmiz tamamilə tolerant və dünyəvidir”, - Parxomeko qeyd edib.  

Azərbaycan millisinin sabiq üzvü bütün ön cəbhə boyu əks-hücum əməliyyatı aparan əsgərlərimizə dəstəyini bildirib.

© AFP 2020 / TOSHIFUMI KITAMURA
Yelena Parxomenko

“İstəyirəm ki, dövlətimizi qoruyan əsgərlərimiz bilsinlər ki, burada, Bakıda, hər bir evdə onlara inanır, onlardan qələbə gözləyirlər. Biz həmişə onlarlayıq. Qarabağ Azərbaycandır!” – deyə Parxomenko əlavə edib.  

73
Teqlər:
Karabakh is Azerbaijan, Qarabağ, Yelena Parxomenko, milli yığma, voleybol, azərbaycanlı, dəstək, Azərbaycan Ordusu
Mövzu:
Azərbaycan və Ermənistan arasında müharibə
Əlaqədar
Məşhur futbolçudan Azərbaycan xalqına dəstək - "Erməni, təxribatını dayandır"
Alpinistlər hərbçilərimizə dəstək məqsədilə Azərbaycanın ən yüksək zirvəsinə qalxıblar
Bir ailədən üç əsgər ön cəbhədə: Tat icması qələbə xəbərini dörd gözlə gözləyir – video
Rusiyalı stilistdən Azərbaycana dəstək
İsraildən Azərbaycana qardaş yardımı

İşğaldan azad olunmuş ərazilərə giriş-çıxış üçün xüsusi rejim tətbiq ediləcək

0
Müdafiə Nazirliyi və Azərbaycan Respublikasının Daxili İşlər Nazirliyi işğaldan azad olunmuş ərazilərdə giriş-çıxışın xüsusi rejimini tətbiq edəcəklər.

BAKI, 29 oktyabr - Sputnik. Azərbaycan Respublikasının Müdafiə Nazirliyi və Azərbaycan Respublikasının Daxili İşlər Nazirliyi işğaldan azad olunmuş ərazilərdə giriş-çıxışın xüsusi rejimini tətbiq edəcəklər.

Sputnik Azərbaycan xəbər verir ki, bu barədə Prezident İlham Əliyevin Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında Fərmanında yer alıb.

0