İdman Nazirliyinin mətbuat xidmətinin rəhbəri Səmayə Məmmədova və Şəfəq Hüseynli

AMADA: Dopinqə düşən idmançılarımızın Rusiya ilə əlaqəsi yoxdur

73
(Yenilənib 18:58 23.02.2017)
Şəfəq Hüseynli: "AMADA Bakıda keçiriləcək İslam Həmrəyliyi Oyunlarında alman şirkəti ilə birgə çalışacaq"

BAKI, 23 fev — Sputnik. Bu gün Azərbaycan Milli Antidopinq Agentliyinin (AMADA) yaranması ilə bağlı mətbuat konfransı keçirilib. Sputnik Azərbaycan xəbər verir ki, Gənclər və İdman Nazirliyinin mətbuat xidmətinin rəhbəri Səmayə Məmmədova media nümayəndələrinə agentliyin rəhbəri Şəfəq Hüseynlini təqdim edib. 

© Sputnik / Murad Orujov
Глава национального антидопингового агентства Азербайджана (AMADA) Шафаг Гусейнли

Mətbuat xidmətinin rəhbəri bildirib ki, Milli Antidopinq Agentliyinin yaranması zəruri hal idi. Bu agentlik vasitəsi ilə artıq idmançıların dopinq problemləri daha rahat həll edilə biləcək. 

Daha sonra yeni yaradılan agentliyin rəhbəri Şəfəq Hüseynli açıqlama verib: “Fevralın 17-də Beynəlxalq Antidopinq Agentliyindən (WADA) Azərbaycanın antidopinq standartlarına uyğun olmayan ölkələr siyahısından çıxarılması ilə bağlı məktub aldıq. Bu səbəbdən də mətbuatla görüşümüz bir qədər sonra baş tutdu”. 

Dopinq-test
© AP Photo / Alexander Zemlianichenko

AMADA-nın rəhbəri Azərbaycanın dopinqlə bağlı problemlərindən də danışıb: “Azərbaycan bu sahədə bir sıra problemlərlə üzləşmişdi. Artıq bu çətinlikləri arxada qoymuşuq. Hazırda fəaliyyət istiqamətimiz idmançıları dopinq testindən keçirmək və maarifləndirməkdir. Həmçinin, federasiyalarda məşqçi və həkim heyətini də savadlandırmaq istiqamətində işlər aparacağıq. Əsas məqsədimiz idmanımızı müdafiə etmək, idmançıların hər biri üçün eyni şəraiti yaratmaqdır. Ölkəmizdə idmançıların saflığını qorumaq əsas missiyamız olacaq. Bu il milli proqram sayəsində 435 test keçirmək nəzərdə tutulub. Hər bir idman növü üçün risk proqramı hazırlanır. Biz də bunu nəzərə alaraq, lazımı testlər götürürük”.

İdman Nazirliyinin mətbuat xidmətinin rəhbəri Səmayə Məmmədova və Şəfəq Hüseynli
© Sputnik / Murad Orujov
İdman Nazirliyinin mətbuat xidmətinin rəhbəri Səmayə Məmmədova və Şəfəq Hüseynli

Ş.Hüseynli hər kəsin diqqətdə saxladığı İslam Həmrəyliyi oyunlarında dopinq-testlər haqda da danışıb: “AMADA Bakıda keçiriləcək İslam Həmrəyliyi Oyunlarında alman şirkəti ilə birgə çalışacaq. Agentliyin 18 nümayəndəsinin bu işlə məşğul olacağı planlaşdırılır”.

O, qeyd edib ki, bəzi idman növləri dopinqdə risk qrupuna daxildir: “Hazırda 18 dopinq zabiti hazırlayırıq. Onlar İslam Həmrəyliyi oyunlarında iştirak edəcək və sonra AMADA ilə birgə işləyəcək. Oyunlarda iştirak edən bütün idman növləri dopinq-testlərdən keçəcəklər”. 

Hüseynli deyib ki, Azərbaycanda antidopinq laboratoriyaların olmadığından hələlik analizləri hansı ölkəyə göndəriləcəyini tam müəyyənləşdirməyiblər: “Hələ dəqiq deyil. Böyük ehtimal ki, bütün dopinq-testlər Köln laboratoriyasına göndəriləcək. Bu haqda yekun qərar mart ayında veriləcək”.

AMADA rəhbərinin fikrincə, idmançılarımızın dopinqə düşməsində siyasətin rolu yoxdur: “Bir il ərzində dopinqə düşən idmançılarımızın Rusiya ilə heç bir əlaqəsi yoxdur. Biz, əksinə, WADA-dan hər cür dəstək aldıq. Onlar bizə çox kömək etdilər”.

Hüseynli qeyd edib ki, qurumu 5 nəfərlik ibarət Müşahidə Şurası idarə edəcək: “Tam dəqiqləşəndən sonra Şuranın üzvlərinin adları açıqlanacaq”.

73
Güləş, arxiv şəkli

Fransa Güləş Federasiyası loqoda bayrağımızın olmamasına görə üzr istədi

18
(Yenilənib 11:47 14.01.2021)
Azərbaycan Güləş Federasiyasının mətbuat katibi Sərxan Musayev səsləndirilən narazılıqlara aydınlıq gətirib.

BAKI, 14 yanvar — Sputnik. Fransanın Nitsa şəhərində keçiriləcək güləş üzrə Qran-pri turnirinin təşkilatçıları Azərbaycan bayrağının yarışın loqosunda yer almamasına görə üzr istəyib.

Bu barədə "Report"a Azərbaycan Güləş Federasiyasının Mətbuat katibi Sərxan Musalı məlumat verib.

O bildirib ki, məsələ ilə bağlı dərhal Fransa Güləş Federasiyası ilə əlaqə saxlayıblar: "Onlar qeyd etdilər ki, üzrlü hesab edin, bu, daha əvvəl hazırlanmış loqodur və burada bəzi yarış iştirakçılarının bayraqları yoxdur. Loqoda daha əvvəl bu yarışda olan ölkələrin bayraqları həkk olunub. Buna görə nəzərə alınmayıb. Loqoda elə ölkələrin bayraqları var ki, bu yarışda iştirak etmirlər. Həmin loqo 2020-ci ildə də istifadə edilib. Sadəcə, diqqətsizlik olub və bizə üzürxahlıq etdilər. Təşkilatçılıqla bağlı problem belə ola bilərdi ki, yarış nəkanında bayrağımız olmazdı. Amma bununla bağlı problem olmayacaq".

Federasiya rəsmisi təşkilatçılar tərəfindən heç bir soyuq münasibət görmədiklərini sözlərinə əlavə edib: "Mənfi nəsə hiss etməmişik. Ümumiyyətlə, problem olsaydı, bizim komandalara viza verməz, iştiraklarına problem yaradardılar. Arxivə də nəzər saldıq, Dünya Güləş Birliyinin saytında 2014-cü ildən sonrakı yarışları görmək mümkündür. 2019-cu ilə qədər bu yarış Qran-pri statusu almayıb. 2019, 2020 və 2021-ci illərdə artıq Qran-pri statusu ilə təşkil edilib. Yəni, həmin vaxta qədər ciddi yarış hesab edilmirdi. 2019-cu ilə qədər yalnız qadın və sərbəst güləşçilər arasında keçirilib. 2020 və 2021-ci illərdə isə güləşin hər üç növü proqrama daxil edilib. Biz 2020-ci ildə ilk dəfə bu yarışa qatılmışıq. Həmin vaxt yunan-Roma güləşi üzrə yığma komanda iştirak edib. Bu il isə həm yunan-Roma, həm də sərbəst güləşçilərimiz mübarizə aparacaq. Artıq təşkilatçılar bu çatışmazlığı aradan qaldırıblar və loqoya Azərbaycan bayrağını da yerləşdiriblər".

Qeyd edək ki, Qran-pri 15 - 17 yanvarda olacaq.

18
Bakı Olimpiya Stadionu, arxiv şəkli

"UEFA-2020" ilə bağlı vergidən azadolmanın müddəti artırıldı

10
Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi.

BAKI, 12 yanvar - Sputnik. Prezident İlham Əliyev Vergi Məcəlləsinə və “Gömrük tarifi haqqında” qanuna dəyişiklikləri təsdiqləyib.

Sputnik Azərbaycan xəbər verir ki, dəyişikliklər "UEFA-2020" futbol çempionatı ilə bağlı vergidən azadolmanın müddətinin daha 1 il uzadılmasını nəzərdə tutur.

Sənəddə deyilir ki, Avropa Futbol Assosiasiyaları Birliyinin (UEFA) İcraiyyə Komitəsi ötən il Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.

Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi. Hazırda bütün dünyada yeni növ koronavirusun (COVID-19) yayılması ictimai-siyasi, sosial-iqtisadi həyatın bütün sahələrinə təsir etdiyi kimi, idman sahəsindən də yan keçməyib, o cümlədən böyük idman oyunlarının keçirilməsi təxirə salınıb.

Bildirilib ki, bu səbəbdən futbol üzrə Avropa çempionatının 2020-ci ildə keçirilməsi nəzərdə tutulan oyunlarının 2021-ci ildə Bakıda keçirilməsi nəzərdə tutulur. Bununla əlaqədar, “Vergi Məcəlləsində dəyişiklik edilməsi haqqında” 9 aprel 2019-cu il tarixli və “Gömrük tarifi haqqında” qanunda dəyişiklik edilməsi barədə” 9 aprel 2019-cu il tarixli qanunların qüvvədə olma müddətinin 1 avqust 2021-ci il tarixinə qədər uzadılması nəzərdə tutulur.

Həmin qanunlarla Azərbaycanda keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar bir çox vergi növləri üzrə - gəlir vergisindən, mənfəət vergisindən, ƏDV-dən, aksizli mallara görə aksizdən, habelə gömrük rüsumlarından azadolmalar nəzərdə tutulub.

10
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0