Bakı Şəhər Halqası Əməliyyat Şirkəti Formula 1 Azərbaycan Qran Prisi üçün yerli medianın akkreditasiya prosesinə başlayıb

Qeydiyyat prosesinə start verildi

408
(Yenilənib 22:05 20.02.2017)
Növbəti "Formula 1" yarışı üçün yerli media nümayəndələrinin qeydiyyatı prosesinə start verilib

BAKI, 20 fev — Sputnik. Bakı Şəhər Halqası Əməliyyat Şirkəti (BŞH) bu ilin yayında, 23-25 iyun tarixlərində, Bakıda ikinci dəfə keçiriləcək "Formula 1 Azərbaycan Qran Prisi" üçün yerli medianın akkreditasiya prosesini açıq elan edir. 

Bakı Şəhər Halqası Əməliyyat Şirkətinin mətbuat xidmətindən Sputnik Azərbaycan-a verilən məlumata görə, yarışa qeydiyyat prosesi barəsində ətraflı məlumat vermək məqsədilə əməliyyat şirkəti fevralın 20-də, “Hilton Baku” otelində media nümayəndələri ilə görüş keçirib. Görüşdə jurnalistlərə Azərbaycanda növbəti dəfə baş tutacaq "Formula 1" yarışına akkreditasiyaya dair onlayn portal və media bələdçisi təqdim olunub, qeydiyyat prosesi ilə bağlı iştirakçıları maraqlandıran bütün suallara aydınlıq gətirilib. 

  • Bakı Şəhər Halqası Əməliyyat Şirkəti Formula 1 Azərbaycan Qran Prisi üçün yerli medianın akkreditasiya prosesinə başlayıb
    Bakı Şəhər Halqası Əməliyyat Şirkəti "Formula 1 Azərbaycan Qran Prisi" üçün yerli medianın akkreditasiya prosesinə başlayıb
    © Photo : Bakucitycircuit
  • Bakı Şəhər Halqası Əməliyyat Şirkəti Formula 1 Azərbaycan Qran Prisi üçün yerli medianın akkreditasiya prosesinə başlayıb
    Bakı Şəhər Halqası Əməliyyat Şirkəti "Formula 1 Azərbaycan Qran Prisi" üçün yerli medianın akkreditasiya prosesinə başlayıb
    © Photo : Bakucitycircuit
  • Bakı Şəhər Halqası Əməliyyat Şirkəti Formula 1 Azərbaycan Qran Prisi üçün yerli medianın akkreditasiya prosesinə başlayıb
    Bakı Şəhər Halqası Əməliyyat Şirkəti "Formula 1 Azərbaycan Qran Prisi" üçün yerli medianın akkreditasiya prosesinə başlayıb
    © Photo : Bakucitycircuit
  • Bakı Şəhər Halqası Əməliyyat Şirkəti Formula 1 Azərbaycan Qran Prisi üçün yerli medianın akkreditasiya prosesinə başlayıb
    Bakı Şəhər Halqası Əməliyyat Şirkəti "Formula 1 Azərbaycan Qran Prisi" üçün yerli medianın akkreditasiya prosesinə başlayıb
    © Photo : Bakucitycircuit
1 / 4
© Photo : Bakucitycircuit
Bakı Şəhər Halqası Əməliyyat Şirkəti "Formula 1 Azərbaycan Qran Prisi" üçün yerli medianın akkreditasiya prosesinə başlayıb

Məlumata görə, "Formula 1 Azərbaycan Qran Prisi" daxil olmaqla bütövlükdə 2017-ci il FIA "Formula 1" Dünya Çempionatının hər bir yarışı üçün medianın akkreditasiyası prosesi Beynəlxalq Avtomobil Federasiyası (FIA) və Formula One Management (FOM) şirkəti tərəfindən kurasiya olunur və müraciət edən Kütləvi İnformasiya Vasitələrinin (KİV) növündən asılı olaraq üç şəkildə həyata keçirilir:

BŞH vasitəsilə onlayn akkreditasiya: Yalnız "Formula 1 Azərbaycan Qran Prisi"nə media akkreditasiyası almaq istəyən yerli KİV-ə: qəzet, jurnal, televiziya, radio, xəbər agentlikləri və vebsayt əməkdaşlarına şamil olunur.

FIA-nın rəsmi vebsaytı vasitəsilə onlayn akkreditasiya: Bu, 2017-ci il FIA "Formula 1" Dünya Çempionatının digər yarışlarına qeydiyyat üçün müraciət edən bütün yerli və beynəlxalq KİV-ə, o cümlədən qəzet, jurnal, xəbər agentlikləri və vebsayt əməkdaşlarına şamil olunur. 

Hər hansı bir kütləvi informasiya vasitəsini təmsil etməyən fotoqraflar bir qayda olaraq yarışın kommersiya hüquqlarına nəzarət edən quruma – FOM-a müraciət etməlidirlər. Bunun üçün gərəkli olan məlumatlar BŞH akkreditasiya veb səhifəsində ətraflı göstərilib. 

Qeyd edək ki, yerli media nümayəndələrinin yarışa qeydiyyatı BŞH vasitəçiliyi ilə həyata keçiriləcək. Akkreditasiya prosesi martın 31-i, saat 17:00-dək davam edəcək. Qeydiyyatdan keçmək istəyən jurnalistlər https://www.bakucitycircuit.com/az/media/media-accreditation keçidi vasitəsilə BŞH rəsmi veb səhifəsində olan formanı dolduraraq onlayn qaydada müraciət etməlidirlər. Natamam və ya vaxtından gec göndərilmiş müraciət formaları nəzərə alınmayacaq.

408
Teqlər:
Formula 1 Azərbaycan Qran Prisi, Hilton Baku” oteli, Beynəlxalq Avtomobil Federasiyası, Bakı Şəhər Halqası Əməliyyat Şirkəti
Əlaqədar
İl ərzində 500 milyon insan Formula 1 yarışını izləyir
"Formula 1"in sosial-iqtisadi faydaları müzakirə olunacaq
“Formula-1” rəhbəri istefaya göndərilib
Güləş, arxiv şəkli

Fransa Güləş Federasiyası loqoda bayrağımızın olmamasına görə üzr istədi

25
(Yenilənib 11:47 14.01.2021)
Azərbaycan Güləş Federasiyasının mətbuat katibi Sərxan Musayev səsləndirilən narazılıqlara aydınlıq gətirib.

BAKI, 14 yanvar — Sputnik. Fransanın Nitsa şəhərində keçiriləcək güləş üzrə Qran-pri turnirinin təşkilatçıları Azərbaycan bayrağının yarışın loqosunda yer almamasına görə üzr istəyib.

Bu barədə "Report"a Azərbaycan Güləş Federasiyasının Mətbuat katibi Sərxan Musalı məlumat verib.

O bildirib ki, məsələ ilə bağlı dərhal Fransa Güləş Federasiyası ilə əlaqə saxlayıblar: "Onlar qeyd etdilər ki, üzrlü hesab edin, bu, daha əvvəl hazırlanmış loqodur və burada bəzi yarış iştirakçılarının bayraqları yoxdur. Loqoda daha əvvəl bu yarışda olan ölkələrin bayraqları həkk olunub. Buna görə nəzərə alınmayıb. Loqoda elə ölkələrin bayraqları var ki, bu yarışda iştirak etmirlər. Həmin loqo 2020-ci ildə də istifadə edilib. Sadəcə, diqqətsizlik olub və bizə üzürxahlıq etdilər. Təşkilatçılıqla bağlı problem belə ola bilərdi ki, yarış nəkanında bayrağımız olmazdı. Amma bununla bağlı problem olmayacaq".

Federasiya rəsmisi təşkilatçılar tərəfindən heç bir soyuq münasibət görmədiklərini sözlərinə əlavə edib: "Mənfi nəsə hiss etməmişik. Ümumiyyətlə, problem olsaydı, bizim komandalara viza verməz, iştiraklarına problem yaradardılar. Arxivə də nəzər saldıq, Dünya Güləş Birliyinin saytında 2014-cü ildən sonrakı yarışları görmək mümkündür. 2019-cu ilə qədər bu yarış Qran-pri statusu almayıb. 2019, 2020 və 2021-ci illərdə artıq Qran-pri statusu ilə təşkil edilib. Yəni, həmin vaxta qədər ciddi yarış hesab edilmirdi. 2019-cu ilə qədər yalnız qadın və sərbəst güləşçilər arasında keçirilib. 2020 və 2021-ci illərdə isə güləşin hər üç növü proqrama daxil edilib. Biz 2020-ci ildə ilk dəfə bu yarışa qatılmışıq. Həmin vaxt yunan-Roma güləşi üzrə yığma komanda iştirak edib. Bu il isə həm yunan-Roma, həm də sərbəst güləşçilərimiz mübarizə aparacaq. Artıq təşkilatçılar bu çatışmazlığı aradan qaldırıblar və loqoya Azərbaycan bayrağını da yerləşdiriblər".

Qeyd edək ki, Qran-pri 15 - 17 yanvarda olacaq.

25
Bakı Olimpiya Stadionu, arxiv şəkli

"UEFA-2020" ilə bağlı vergidən azadolmanın müddəti artırıldı

10
Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi.

BAKI, 12 yanvar - Sputnik. Prezident İlham Əliyev Vergi Məcəlləsinə və “Gömrük tarifi haqqında” qanuna dəyişiklikləri təsdiqləyib.

Sputnik Azərbaycan xəbər verir ki, dəyişikliklər "UEFA-2020" futbol çempionatı ilə bağlı vergidən azadolmanın müddətinin daha 1 il uzadılmasını nəzərdə tutur.

Sənəddə deyilir ki, Avropa Futbol Assosiasiyaları Birliyinin (UEFA) İcraiyyə Komitəsi ötən il Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.

Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi. Hazırda bütün dünyada yeni növ koronavirusun (COVID-19) yayılması ictimai-siyasi, sosial-iqtisadi həyatın bütün sahələrinə təsir etdiyi kimi, idman sahəsindən də yan keçməyib, o cümlədən böyük idman oyunlarının keçirilməsi təxirə salınıb.

Bildirilib ki, bu səbəbdən futbol üzrə Avropa çempionatının 2020-ci ildə keçirilməsi nəzərdə tutulan oyunlarının 2021-ci ildə Bakıda keçirilməsi nəzərdə tutulur. Bununla əlaqədar, “Vergi Məcəlləsində dəyişiklik edilməsi haqqında” 9 aprel 2019-cu il tarixli və “Gömrük tarifi haqqında” qanunda dəyişiklik edilməsi barədə” 9 aprel 2019-cu il tarixli qanunların qüvvədə olma müddətinin 1 avqust 2021-ci il tarixinə qədər uzadılması nəzərdə tutulur.

Həmin qanunlarla Azərbaycanda keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar bir çox vergi növləri üzrə - gəlir vergisindən, mənfəət vergisindən, ƏDV-dən, aksizli mallara görə aksizdən, habelə gömrük rüsumlarından azadolmalar nəzərdə tutulub.

10
KT, arxiv şəkli

"Tibbi ölçü cihazları dövlət yoxlamasından keçməlidir"

0
(Yenilənib 16:38 22.01.2021)
Məqsəd diaqnostikada istifadə olunan klinik-laborator, rentgen aparatları və s.  kimi diaqnostik tibbi cihazların qeyri-dəqiq ölçmələrinin vətəndaşların həyatı və sağlamlığına mənfi təsirinin qarşısını almaqdır.

BAKI, 22 yanvar — Sputnik. Mülkiyyət formasından asılı olmayaraq, səhiyyə sahəsində istifadə olunan tibbi ölçü cihazları istismara verilənədək və təmirdən sonra ilkin yoxlamadan, istismar prosesində isə dövrü yoxlamadan keçirilməlidir. Bunu Sputnik Azərbaycan-a Antiinhisar və İstehlak Bazarına Nəzarət Dövlət Xidmətinin sektor müdiri Elməddin Quliyev deyib.

Məqsəd göstərilən səhiyyə xidmətləri zamanı xəstəliklərin diaqnostikasında istifadə olunan klinik-laborator, rentgen aparatları və s. kimi diaqnostik tibbi cihazların qeyri-dəqiq ölçmələrinin vətəndaşların həyatı və sağlamlığına mənfi təsirinin qarşısını almaqdır. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti səhiyyə sahəsində xidmət göstərən subyektlərin nəzərinə çatdırır ki, "Ölçmələrin vəhdətinin təmin edilməsi haqqında" Azərbaycan Respublikası Qanununa əsasən, səhiyyə sahəsində yalnız üzərində yararlılığına dair yoxlama nişanı və ya yoxlama haqqında şəhadətnaməyə malik tibbi ölçü cihazlarından istifadəyə icazə verilir.

İnzibati Xətalar Məcəlləsinə əsasən, səhiyyə sahəsində ölçmələrin tipi təsdiq edilməmiş və ya yoxlamadan keçirilməmiş ölçmə vasitələrindən istifadəyə görə vəzifəli şəxslər üçün 1500 manatdan 2000 manatadək, hüquqi şəxslər üçün 3000 manatdan 4000 manatadək məbləğdə cərimə olunur. Mülkiyyət formasından asılı olmayaraq, səhiyyə sahəsində xidmət göstərən subyektlər tibbi ölçü cihazlarını ilkin yoxlamadan və ya dövrü yoxlamadan keçirmək üçün "Azərbaycan Metrologiya İnstitutu" publik hüquqi şəxsə və ya ölçmələrin vəhdətinin təmin edilməsi sahəsində akkreditasiya olunmuş digər qurumlara müraciət edə bilərlər.

İstehlakçılara tövsiyə olunur ki, səhiyyə xidmətlərindən istifadə edərkən ölçmələrin qeyri-dəqiq nəticələri ilə qarşılaşmamaq üçün tibbi ölçü cihazlarının yararlılığına dair təsdiqedici sənədi tələb etsinlər, yoxlamadan keçməmiş tibbi cihazlarla göstərilən xidmətləri almaqdan çəkinsinlər. Bu kimi hallarla qarşılaşdıqları təqdirdə istehlakçılara İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə müraciət etmələri tövsiyə olunur (tel: 498-15-01 və 498-15-04).

0