Taekvandoçu Fəridə Əzizova

Fəridə Əzizova: "Gələcəkdə hərbçi ya polis olmaq istərdim"

492
Taekvondoçu: "İşimlə həyatımı qarışdırmıram. Həyatın başqa qanunları var, idmanın başqa qanunları".

BAKI, 14 fev — Sputnik. Sputnik Azərbaycan Beynəlxalq İnformasiya Agentliyinin (BİA) Milli Olimpiya Komitəsi (MOK) ilə birlikdə həyata keçirdiyi "Olimpiyaçılarla idmandan kənar" rubrikasının növbəti sayını təqdim edirik. Rubrikanın budəfəki qonağı Rio-2016 Olimpiya oyunlarının iştirakçısı və Taekvando üzrə milli komandanın üzvü Fəridə Əzizovadır.

- Fəridə, Rio-2016 Olimpiadası bitəndən sonra hansı planlarınızı həyata keçirdiniz?

— Olimpiadadan sonra bir qədər dincəldim. Çünki olimpiadadan əvvəl və oyunlar zamanı  idmançı çox yorulur. Olimpiadadan sonra heç bir yarış yoxdursa idmançının bir qədər dincəlməsi yaxşıdır. Çünki idman yarışı zamanı idmançı həm psixoloji və mənəvi, həm də fiziki cəhətdən yorulur. Mən də bir ay dincəldim, enerji topladım və idmanıma davam elədim. 

- Fəridə Əzizova necə istirahət edir?

— Mən şəxsən passiv yox, aktiv istirahət etməyə üstünlük verirəm. Amma idmançı çox yorğundursa, o zaman 2-3 gün passiv istirahət edə bilər. Amma passiv istirahət 2-3 gündən çox olmamalıdır. Daha çox passiv həyat idman karyerasına təsir göstərə bilər və o daha sonra çətinliklər çəkə bilər və hətta idmançıya psixoloji təsir edərək onun idmanı atmasına səbəb ola bilər. Bunları nəzərə alaraq mən aktiv istirahətə üstünlük verdim. 

- İdmançı kimi istirahətini necə qurursunuz?

— Mən istirahətimi digər idman növləri ilə qururam. Velosiped sürürəm, bilyard və boulinq oynayıram. Şəkil çəkməyi sevirəm. Məxfi agentlər haqqında filmlərə baxmağı xoşlayıram və çalışıram günümü belə keçirim. 

- Fəridə Əzizovanın gün rejimi necədir?

— Hansı saatda yuxudan oyanmasına baxmayaraq, idmançı gününü itirməməyə çalışmalıdır. Aktiv günə başlamaq üçün səhər duran kimi ilıq su ilə duş qəbul edirəm. Duşun qəbul edilməsi gün boyu gümrah olmağa kömək edir. Axşamlar isə isti su ilə duş alıb yatıram. Bu da bütün günün yorğunluğunu çıxarır və rahat yatmağa səbəb olur.

- İdmançı olaraq necə qidalanırsınız?

— Yarış öncəsi bir çox peşəkar idmançılar kimi mən də özümə daha çox qida qadağaları qoyuram. Amma istirahət zamanı artıq bu qadağaları pozuram və istədiyimi yeyirəm. Doğrudur, istirahət zamanı çəkim bir neçə kilo arta bilər. Amma məşqləri bərpa edən zaman artıq yığılan əlavə çəkilər tez əriyir. Bunun üçün 1-2 həftə bəs edir. O ki qaldı qidalanmağıma, axşam 8-dən sonra ağır yeməklər yemirəm. Gecə acanda yoğurt və meyvə yeməklə kifayətlənirəm. 

- Hobbi insanın daxilindən gələn emosiyaları bildirir. Sizin hobbiniz rəsm çəkməkdir. Çəkdiyiniz rəsmlərlə nəyi demək istəyirsiniz?

— Rəsm çəkdiyim an düşündüyümü çəkirəm. Adətən idman mövzusuna üstünlük verirəm, ya da gün ərzində gördüyüm hadisələri ağ kağıza köçürməyə çalışıram. 

- Çəkdiyiniz rəsmlərdən bilinir ki, güclü görünsəniz də, daxilən çox romantik birisiniz. 

— Bəli romantikəm. Bunu gizlədə bilmərəm. Bu hər bir insanın içində var. 

- Çəkdiyiniz rəsmlərdən hansı sənə yaxındır?

— Ən çox hərbi mövzuya aid rəsmlərimi sevirəm. Çünki gələcəkdə özüm də hərbçi və ya polis olmaq istərdim. Bir sözlə idmanı atandan sonra dövlətimə xidmət etmək istəyirəm.

- Romantik insan dünyaya, insanlara qarşı da yumşaq davranır. Döyüşlərə bu təsir edir?

— Mən elə insanam ki, işim ilə həyatımı qarışdırmıram. Həyatın başqa qanunları var, idmanın başqa qanunları. Həyatda sakit insanam, döyüşdə də aqressiv olmamağa çalışıram. Rəqibimə hörmət edirəm və çalışıram təmiz qələbə qazanım.

492
Teqlər:
idman mövzusu, hərbi mövzuya aid rəsmlər, "Olimpiyaçılarla idmandan kənar" rubrikası, hərbçi, polis, Rio-2016 Olimpiadası, Sputnik Azərbaycan Beynəlxalq İnformasiya Agentliyi, Milli Olimpiya Komitəsi, Fəridə Əzizova
Əlaqədar
Fəridə Əzizova Olimpiadanın yarımfinalına çıxıb
Fəridə Əzizova: Formula 1 ölkəmizin tanınmasına xidmət edəcək
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

19
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

19
Teqlər:
Formula-1 yarışı, Formula 1
Oskar heykəli, arxiv şəkli

Hollivudla əməkdaşlıq edən məşhur idmançı "Oscar" almaq istəyir

13
Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib.

BAKI, 22 fevral — Sputnik. Peşəkar karyerasını bitirdiyini elan edən məşhur rusiyalı döyüşçü Həbib Nurməhəmmədov karyerası haqqında film çəkilişləri üçün Hollivudla çalışdığını və "Oscar" qazanmağı planlaşdırdığını söyləyib.

Sputnik Azərbaycan xarici mediaya istinadən xəbər verir ki, döyüşçü hazırda sənədli film üzərində işləyir: "Təxminən bir il yarım lazımdır. "Oscar" qazanmaq istəyirik. 20 dəqiqə ərzində "Oscar"lıq film çəkmək o qədər də asan deyil. Hollivudla birlikdə işləyirik. Çox güman ki, dərhal kinoteatrlarda nümayiş olunacaq. Bu normal bir hekayədir, dağdan gələn oğlan çəki kateqoriyasından asılı olmayaraq ən yaxşı döyüşçü oldu, məğlub olmadı".

Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib. Döyüşdən sonra rusiyalı karyerasını bitirdiyini elan edib. Onun hesabında 29 MMA döyüşündə 29 qələbə, o cümlədən UFC-nin 13 döyüşündə 13 qələbə var.

13
Teqlər:
Oskar, Hollivud, Həbib Nurməhəmmədov
Türkiyənin Cobra zirehli maşını, arxiv şəkli

Türkiyə minaya davamlı yeni zirehli maşınını göstərdi - VİDEO

0
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib. 

Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur. 

​Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir. 

Zirehli maşında 11 sərnişin yerləşir, tələbə görə, üç və ya beş qapılı ola bilər.

Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

0