Kamran Şahsuvarlı

"Qızlar mənə deyirlər ki, boksçuların başı yaxşı işləmir"

491
(Yenilənib 17:04 13.01.2017)
Kamran Şahsuvarlı: "Real döyüş filmlərdəki kimi deyil. Filmdə göstərilənlər rinqdə baş vermir"

BAKI, 11 yan — Sputnik. Sputnik Azərbaycan Beynəlxalq İnformasiya Agentliyinin (BİA) Milli Olimpiya Komitəsi (MOK) ilə birlikdə həyata keçirdiyi "Olimpiyaçılarla idmandan kənar" rubrikasının birinci sayını təqdim edirik. Rubrikanın birinci sayının qonağı Rio-2016 Olimpiya oyunlarının iştirakçısı və boks üzrə 75 kilo çəki dərəcəsində bürünc mükafatçı Kamran Şahsuvarlıdır.

— Kamran bəy, idmandan kənarda gününüzü necə keçirirsiniz?

— Məşqdən çıxandan sonra evə gedib istirahət edirəm. Daha sonra dostlarla şəhərə çıxıb gəzirik və ya haradasa oturub söhbət edirik. Hər günümü fərqli keçirirəm. Bəzən futbol oynayıram, bəzən filmə baxmağa gedirəm.

Kamran Şahsuvarlı
© Sputnik / Murad Orujov
Kamran Şahsuvarlı: Uşaq vaxtı boksdan çox futbola marağım var idi.

 Başqa idman növləri ilə peşəkar şəkildə məşğul olan idmançılar belə, futbolu sevirlər. Siz necə, boksçu olmasaydınız, futbolu seçərdiniz?

— Uşaq vaxtı boksdan çox futbola marağım var idi. Sadəcə vəziyyət elə gətirdi ki, futbola yox, boksa getməli oldum. Boksa getməyim tam təsadüf olub. Məktəbdə oxuyurdum, sinif yoldaşım mənə dedi ki, "gəl gedək boksa". Onda boks hansı idman növü idi, bilmirdim. O tək getməsin deyə, dostuma qoşulub boks zalına getdim. Elə alındı ki, bir ay sonra dostum boksu atdı, amma mən davam etdirdim və bu yerə kimi gəlib çıxdım.

 Gələk filmlərə. Hansı janrda olan filmləri xoşlayırsınız?

— Döyüş və melodrama janırında olan filmləri daha çox sevirəm.

- Deməli döyüş filmlərinə baxa-baxa idmana marağınız artıb?

— Mən bu filmlərə baxanda, sanki motivasiyam artır. Amma idmana gəlməyimə təsir etməyib.

- Sevdiyiniz döyüş filmləri hansılardır?

— "İnkaredilməz 2", "İnkaredilməz 3" filmləri. "Heç vaxt təslim olma" filmini də bəyənirəm.

Kamran Şahsuvarlı
© Sputnik / Murad Orujov
Kamran Şahsuvarlı: Real döyüş filmlərdəki kimi deyil – o zaman yalnız rəqibin haqqında fikirləşirsən, ağlına başqa heç nə gəlmir.

- Döyüş filmlərinin çoxunda göstərilir ki, döyüşdə məğlub olan zaman idmançı hansısa hadisələri xatırlayır və bu, onda qələbə üçün motivasiya yaradır. Sizdə belə hallar olub?

— Real döyüş filmlərdəki kimi deyil. Təbii ki, filmdə göstərilənlər rinqdə baş vermir. Döyüş zamanı yalnız rəqibin haqqında fikirləşirsən. Başqa heç nə ağlına gəlmir.

- Silvester Stallone (Rokki) boks idman növünü dünyada məşhurlaşdıran aktyorlardandır. Ona münasibətiniz necədir?

— Mən onu kumir kimi görə bilmirəm. Rokki filmində daha çox motivasiya var. Amma ümumi götürdükdə çox şişirdilmiş obrazdır. Mənim kumirim Məhəmməd Əlidir.

- Hansı filmin qəhrəmanı olmaq istərdiniz?

— Döyüş filmlərinə baxanda öz-özümə deyirəm ki, axı belə deyil, başqa cür döyüşmək lazımdır. Amma o filmlərdə qəhrəman olmaq istəməzdim.

Kamran Şahsuvarlı
© Sputnik / Murad Orujov
Kamran Şahsuvarlı: İdmanda olmayan qızlar idmana vaxt ayırmağını başa düşmür.

- Bir idmançı olaraq xanımlardan nə kimi münasibət görürsünüz?

— Bir çox qızlar mənim boksçu olduğumu biləndə deyirlər ki, "boksçuların başı yaxşı işləmir". Amma bir qədər məşhur olandan sonra sosial şəbəkələrdə mənə yazıb tanış olmaq istəyən qızlar da az olmayıb.

- Kamran Şahsuvarlı idmançı qızla evlənər?

— Əlbəttə. Çünki, idmançı qızlar bizi daha yaxşı başa düşər, nəinki idmandan uzaq olan qızlar. İdmanda olmayan qızlar idmana vaxt ayırmağını qəbul etmir və səni düzgün başa düşmür.

© Sputnik / Kamilla Əliyeva
“Qızlar mənə deyirlər ki, boksçuların başı yaxşı işləmir”

491
Teqlər:
Kamran Şahsuvarlı, mükafat, film, həyat, idman, boks
Əlaqədar
Azərbaycan boksçusu Olimpiadanın finalına çıxdı
Kamran Şahsuvarlıdan bürünc medal
Kamran Şahsuvarlı Rio-2016-nın yarımfinalına çıxıb
Dieqo Armando Maradona

Maradonanın həkimi ittihamlara cavab verdi

33
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

33
Teqlər:
axtarış, ittiham, həkim, ölüm, Dieqo Armando Maradona
Qurban Qurbanov, arxiv şəkli

"Qarabağ"dan üzücü xəbər: Qurban Qurbanov koronavirusa yoluxub

22
(Yenilənib 19:16 29.11.2020)
Dünən “Qarabağ”la Ağdama getməyən və bu gün komandanı meydana çıxarmayan 48 yaşlı mütəxəssisin səhhətindəki problem virusla bağlı olub

BAKI, 29 noyabr - Sputnik. “Qarabağ”ın baş məşqçisi Qurban Qurbanovun koronavirusa yoluxması təsdiqlənib.

Sputnik Azərbaycan apasport.az saytına istinadən bildirir ki, bu, Premyer Liqanın XI turunun “Sənail”lə matçından (1:1) sonra açıqlanıb.

Bildirilib ki, dünən “Qarabağ”la Ağdama getməyən və bu gün komandanı meydana çıxarmayan 48 yaşlı mütəxəssisin səhhətindəki problem virusla bağlı olub. Qurbanovun koronavirus testi müsbət nəticə verib.

22
Teqlər:
Qurban Qurbanov, Qarabağ FK, yoluxma, Koronavirus, epidemiya, COVID-19
Mövzu:
Azərbaycanda koronavirus: son xəbərlər

Azərbaycanda minaların partlaması nəticəsində 535 mülki şəxs ölüb

0
Əhmədov qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

BAKI, 30 noyabr — Sputnik. 1999-2020-ci illər ərzində Azərbaycanda minaların partlaması nəticəsində 535 nəfər mülki şəxs həlak olub, 2418 nəfər yaralanıb.

Sputnik Azərbaycan xəbər verir ki, bunu Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) direktoru Qəzənfər Əhmədov deyib.

O qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

Q.Əhmədov qeyd edib ki, bununla bağlı vətəndaşların rayon polis idarəsinə və icra hakimiyyətinə məlumat vermələri xahiş olunur.

0