Velosipedçilər, arxiv şəkli

Daha bir legioner Azərbaycan yığmasında

31
(Yenilənib 16:06 11.01.2017)
Dünya Velosipedçilər İttifaqı razılıq verəcəyi halda, rusiyalı idmançı dünya çempionatında Azərbaycanı təmsil edəcək

BAKI, 11 yan — Sputnik. Azərbaycan Velosiped İdmanı Federasiyası milli komandaya daha bir legioner qəbul edib. Bu barədə Sputnik-ə federasiyanın mətbuat xidmətinin rəhbəri Pərviz Musayev məlumat verib.

"Daha bir rusiyalı idmançını — Kiril Pozdnyakovu milli yığmaya dəvət etdik. O da Azərbaycanı təmsil etməyə razı oldu" — Musayev bildirib.

Federasiya sözçüsünə görə, velosiped idman növündə belə bir qayda var ki, əgər hansısa idmançı bir dövlətdən imtina edib başqa dövlətin şərəfini qorumaq qərarına gələrsə, bu zaman o, 2 il ərzində dünya çempionatında iştirak edə bilməz: "Kirilin bir müsbət tərəfi var ki, o, heç vaxt Rusiya milli komandasında iştirak etməyib, yalnız "RusVelo" komandasında çıxış edib. Bu da bizim xeyrimizədir".

"Biz bu haqda artıq Dünya Velosipedçilər İttifaqına müraciət etmişik. Onlar razılıq versələr, Pozdnyakov iki il karantin müddəti olmadan — bu ilin sentyabr ayında Norveçdə keçiriləcək dünya çempionatında Azərbaycanı təmsil edə bilər. Karantin müddəti Kirilə də tətbiq edilərsə, o, 2017-2018-ci illərdə keçiriləcək dünya çempionatlarında iştirak edə bilməyəcək" — P. Musayev əlavə edib.

Onun sözlərinə görə, hər bir halda K. Pozdnyakov digər beynəlxalq yarışlarda və Avropa çempionatında Azərbaycanı təmsil edə biləcək: "Hətta Azərbaycan birinciliyində də özünü sınamaq imkanı olacaq. İdmançının beynəlxalq yarışlarda qazandığı uğurlar vasitəsilə yığdığı reytinq xalları, öz şəxsi aktivi ilə yanaşı federasiyanın da reytinqinə yazılacaq".

Qeyd edək ki, Kiril Pozdnyakov 2013-cü ildə "Synergy Baku" komandası yarananda dəvət olunub. İdmançı bir il ərzində komandada iştirak edib. Daha sonra 2014-2016-cı illər Rusiyanın "RusVelo" komandasında karyerasını davam etdirib. 2016-cı ilin yekunlarından Azərbaycan milli komandasına üzv kimi qəbul edilib və karyerasını Azərbaycan milli yığmasında davam etdirəcək.

31
Teqlər:
"RusVelo", Kiril Pozdnyakov, legioner, velosiped, Pərviz Musayev, Rusiya, Azərbaycan
Əlaqədar
Göyçayda avtomobil velosipedçini vuraraq öldürüb
Velosipedçilərimizdən böyük uğur
Bu səbəblərə görə velosiped sürməyiniz məsləhətdir
Velosiped sürməyin 5 faydası
Qarabağ klubunun futbolçuları, arxiv şəkli

"Qarabağ"da koronavirusa yoluxan futbolçuların sayı artıb

17
Milli komandanın heyətində Lüksemburqda koronavirusa yoluxmuş Maksim Medvedev müalicəsini tamamlayaraq Bakıya qayıdıb.

BAKI, 5 dekabr - Sputnik. Azərbaycan çempionu "Qarabağ"da daha beş futbolçunun koronavirus testi müsbət çıxıb.

Sputnik Azərbaycan bildirir ki, bu barədə klubun yaydığı açıqlamada deyilir.

Məlumata görə, "Qarabağ" Avropa Liqasının qrup mərhələsində "Makkabi" ilə matçdan geri döndükdən sonra Peşəkar Futbol Liqasının tələblərinə əsasən, Premyer Liqanın XII turunda qarşılaşacağı "Qəbələ" ilə matçın hazırlıqları çərçivəsində növbəti dəfə koronavirus testindən keçib
Testin nəticələrinə görə, futbolçular Qara Qarayev, Emil Balayev, İsmayıl İbrahimli, Toral Bayramov Kevin Medinada koronavirus aşkarlanıb.
Daha öncə testin nəticəsi pozitiv olan daha iki futbolçunun - Mahir Emreli Abbas Hüseynovun - müalicələri davam etdirilir.
Milli komandanın heyətində Lüksemburqda koronavirusa yoluxmuş Maksim Medvedev müalicəsini tamamlayaraq Bakıya qayıdıb.

Qeyd edək ki, komandanın baş məşqçisi Qurban Qurbanov da koronavirusa yoluxub. 

17
Teqlər:
test, Qarabağ FK, yoluxma, Koronavirus, epidemiya, COVID-19
Mövzu:
Azərbaycanda koronavirus: son xəbərlər
Qarabağ - Makkabi oyunu

"Qarabağ" İsraildə ilk xalını qazandı

37
(Yenilənib 00:38 04.12.2020)
“Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar

BAKI, 3 dekabr - Sputnik. Azərbaycan çempionu “Qarabağ” avrokuboklarda növbəti oyununu keçirib.

Sputnik Azərbaycan apasport.az-a istinadən bildirir ki, Ağdam təmsilçisi Avropa Liqasının qrup mərhələsinin V turunda meydana çıxıb.

İlk 4 görüşdə uduzduqdan sonra İ qrupunda sonuncu yeri tutduğu rəsmiləşən Qurban Qurbanovun yetirmələri İsrailin “Makkabi” klubu ilə görüşüb. Cari mövsümdə avrokuboklarda son ev matçını keçirən təmsilçimiz Təl-Əviv klubunu da İstanbuldakı “Başakşəhər Fatih Teim” stadionunda qəbul edib.

Baş məşqçi Qurban Qurbanov və əsas heyətin bir sıra üzvləri koronavirusa yoluxduğu üçün qardaş ölkəyə böyük itkilərlə yollanan “Qarabağ” turnirdə ilk xalını qazanıb. Qarşılaşmada hər iki qol ilk 45 dəqiqədə vurulub.

Komandamız hissənin ortalarında qapısında qol görüb. İsrail təmsilçisi penalti ilə hesabı açıb. Ağdamlılar ilk yarı başa çatmamış hesabda tarazlıq yaradıblar. Xayme Romero bərabərlik qoluna imza atıb. 

Qrupun digər oyununda “Sivasspor” Türkiyədə “Vilyareal”ı qəbul edib. İspaniya təmsilçisi 1 qolla səfər qələbəsi qazanıb.

Qeyd edək ki, “Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar.

Avropa Liqası
Qrup mərhələsi
V tur, İ qrupu
3 dekabr
21:55. “Qarabağ” (Azərbaycan) - “Makkabi” (Təl-Əviv, İsrail) - 1:1
Qollar:  Xayme Romero, 37 - Yonatan Kohen, 22 (pen.)

Baş hakim: Robert Hennessi (İrlandiya)
“Qarabağ”: 1. Şahruddin Məhəmmədəliyev, 81. Kevin Medina, 77. Donald Gerye, 8. Uroş Matiç, 2. Qara Qarayev (k), 19. Filip Ozobiç, 10. Abdullah Zubir, 44. Elvin Cəfərquliyev, 7. Ovusu Kvabena, 9. Xayme Romero, 18. İsmayıl İbrahimli
Ehtiyat oyunçular: 12. Emil Balayev, 94. Ayxan Arazlı, 4. Rahil Məmmədov, 27. Toral Bayramov, 21. Rauf Hüseynli, 29. Zamiq Əliyev 
Məşqçi: Elçin Rəhmanov
“Makkabi”: 19. Daniel Tennenbaum, 30. Maor Kandil, 18. Eytan Tibi, 21. Şeran Yeini (k), 27. Ofir Davidzada, 23. Eyal Qolasa, 42. Dor Perets, 24. Yonatan Kohen, 44. Luis Ernandes, 17. Dan Biton, 9. Nik Blekmen
Ehtiyat oyunçular: 1. Daniel Perets, 3. Matan Baltaksa 11. Tal Ben Haim, 22. Avi Rikan, 25. Amit Qlazer, 29. Eylon Almoq, 39. Eduardo Gerrero, 47. Eden Karzev, 10. Etey Şexter, 6. Dan Qlazer, 31. Şahar Piven, 72. Aleksandar Peşiç
Baş məşqçi: Giorgios Donis

37
Teqlər:
UEFA Avropa Liqası, "Makkabi" FK (Tel-Əviv), Qarabağ FK
Ağlayan qadın, arxiv şəkli

Həkim ölümüylə bütün İzmiri ağlatdı - VİDEO

0
Qızın sözlərinə görə, İzmirdə güclü zəlzələ olan gün, oktyabrın 30-da Adnan Çetinin durumu ağırlaşıbmış, amma zəlzələdə xəsarət alanlardan kiminsə ehtiyacı olar deyə özünə görə təcili tibbi yardım çağırmayıb

BAKI, 5 dekabr - Sputnik. İyirmi beş illik fasilədən sonra tibb fakültəsindən məzun olan təcili yardım həkimi Adnan Çetin koronavirusa yoluxaraq dünyasını dəyişib. 

Sputnik Azərbaycan Milliyet-ə istinadən bildirir ki, həkimin qızı Afra Sevde Çetin atasının evdə müalicə aldığını, sonradan vəziyyətinin ağırlaşdığını deyib. Qızın sözlərinə görə, İzmirdə güclü zəlzələ olan gün, oktyabrın 30-da Adnan Çetinin durumu ağırlaşıbmış, amma zəlzələdə xəsarət alanlardan kiminsə ehtiyacı olar deyə özünə görə təcili tibbi yardım çağırmayıb. Xəstəxanaya yerləşdiriləndə onun ciyərlərinin 80 faizində tutulma olduğu bəlli olub. A.Çetin 35 gün reanimasiyada qaldıqdan sonra dekabrın 4-də dünyasını dəyişib.

Adnan Çetin illər öncə tibb fakültəsində təhsilini yarımçıq qoymağa məcbur olub, amma həkimliyə olan sevdası heç vaxt bitməyib. Bu ilin fevralında tibb fakültəsindən məzun olmağı bacaran A.Çetin mayda işə başlayaraq cəmi 7 ay həkimlik edib. Qızları deyirlər ki, onunla hətta "səni koronavirusla mübarizəyə təyin edəcəklər" deyə zarafat edirmişlər. 

59 yaşlı A.Çetin infarkt keçiribmiş və ürəyinə stent taxılıbmış. 

0
Teqlər:
ölüm, yoluxma, Koronavirus, epidemiya, COVID-19, həkim, təcili yardım, İzmir, Türkiyə