Azərbaycan Ağır Atletika Federasiyasının Hesabat-Seçki Konfransı

Federasiyanın prezidenti bəlli oldu

339
(Yenilənib 13:21 28.12.2016)
AAAF-ın Rəyasət Heyəti səsə qoyulub, 25 nəfərlik heyət yekdil səsvermə ilə təsdiqlənib

BAKI, 28 dek — Sputnik. Dünən Azərbaycan Ağır Atletika Federasiyasının (AAAF) Hesabat-Seçki Konfransı keçirilib. AAAF-ın mətbuat xidmətindən Sputnik-ə verilən məlumata görə, İcraiyyə Komitəsi tərəfindən Federasiyanın Nizamnaməsinin 5-ci maddəsinə uyğun olaraq, 4 illik (2013-2016) Olimpiya dövrü başa çatdığına görə, Hesabat-Seçki Konfransının keçirilməsi haqqında qərar qəbul olunub.

Şəhər və rayon idman cəmiyyətləri, idman klubları, idman məktəbləri və AAAF-ın bütün üzvləri Konfransda iştirak edərək mandat əldə ediblər. Onlardan 68 nəfərin səsvermədə iştirak etmək hüququ olub.

Gənclər və idman nazirinin müavini İsmayıl İsmayılov deyib ki, Azərbaycanda 2016-cı ildə Avropa və dünya çempionatları, həmçinin digər beynəlxalq yarışlar keçirilib. O, əlavə edib ki, Olimpiya və qeyri-olimpiya idman növlərində ümumilikdə 837 medal əldə olunub.

Federasiyanın vitse-prezidenti Tofiq Heydərov, son illərdə ağır atletikada baş verən hadisələr, yaranan problemlər, həmçinin əldə olunan böyük uğurlar barədə danışıb, infrastruktur məsələlərinin qısa müddətdə həll olunduğunu, idmançılar üçün ən yüksək şərait yaradıldığını qeyd edib. O, Azərbaycanın daxili yarışlarının Avropa çempionatları səviyyəsində təşkil olunduğu, maliyyə dayaqlarının möhkəmləndirildiyini bildirib.

  • Azərbaycan Ağır Atletika Federasiyasının Hesabat-Seçki Konfransı
    Azərbaycan Ağır Atletika Federasiyasının Hesabat-Seçki Konfransı
    © Photo : www.aaaf.az
  • Azərbaycan Ağır Atletika Federasiyasının Hesabat-Seçki Konfransı
    Azərbaycan Ağır Atletika Federasiyasının Hesabat-Seçki Konfransı
    © Photo : www.aaaf.az
  • Azərbaycan Ağır Atletika Federasiyasının Hesabat-Seçki Konfransı
    Azərbaycan Ağır Atletika Federasiyasının Hesabat-Seçki Konfransı
    © Photo : www.aaaf.az
  • Azərbaycan Ağır Atletika Federasiyasının Hesabat-Seçki Konfransı
    Azərbaycan Ağır Atletika Federasiyasının Hesabat-Seçki Konfransı
    © Photo : www.aaaf.az
  • Azərbaycan Ağır Atletika Federasiyasının Hesabat-Seçki Konfransı
    Azərbaycan Ağır Atletika Federasiyasının Hesabat-Seçki Konfransı
    © Photo : www.aaaf.az
  • Azərbaycan Ağır Atletika Federasiyasının Hesabat-Seçki Konfransı
    Azərbaycan Ağır Atletika Federasiyasının Hesabat-Seçki Konfransı
    © Photo : www.aaaf.az
  • Azərbaycan Ağır Atletika Federasiyasının Hesabat-Seçki Konfransı
    Azərbaycan Ağır Atletika Federasiyasının Hesabat-Seçki Konfransı
    © Photo : www.aaaf.az
1 / 7
© Photo : www.aaaf.az
Azərbaycan Ağır Atletika Federasiyasının Hesabat-Seçki Konfransı

Mandat Komissiyasının baş katib Rizvan Rəsulov, ölkənin bütün regionlarından nümayəndələrin Konfransa dəvət olunduğunu, 68 nəfərin qeydiyyatdan keçərək səsvermə hüququ əldə etdiyini bildirib. Daha sonra səsverməyə keçilib. Yeganə namizəd olaraq Azərbaycan Ağır Atletika Federasiyasının prezidenti, AZAL Qapalı Səhmdar Cəmiyyətinin sədri Cahangir Əsgərov göstərilib. Onun namizədliyi yekdilliklə dəstəklənib.

Sonda AAAF-ın Rəyasət Heyəti səsə qoyulub, 25 nəfərlik heyət yekdil səsvermə ilə təsdiqlənib. Daxili iclasda AAAF İcraiyyə Komitəsi, vitse-prezidentlər, həmçinin digər komitələrin tərkibi müəyən edilib, səsvermə nəticəsində təsdiqlənib.

Federasiyanın bütün qurumlarının tərkibi haqqında aşağıdakı kimidir:

İcraiyyə Komitəsi

1. Cahangir Əsgərov — prezident
2. Rizvan Rəsulov — baş katib
3. İsmayıl İsmayılov — vitse prezident
4. Azər Əliyev — vitse-prezident
5. Ruslan Xanverdiyev — vitse-prezident
6. Tofiq Heydərov — vitse-prezident
7. Elxan Əliyev — icraçı direktor

Rəyasət Heyəti

1. Cahangir Əsgərov (AZAL QSC-nin Prezidenti)
2. İsmayıl ismayılov (AZ. GİN-nin 1-ci müavini)
3. Azər Əliyev (MOK-un baş katibinin müavini)
4. Tofq Heydərov (AAAF Holdinqin prezidenti)
5. Ruslan xanverdiyev (AAAF-İnşaat MMC-nin direktoru)
6. Rizvan Rəsulov (Zirvə İSC-nin direktoru)
7. Elxan Əliyev (AZAL prezidentinin köməkçisi)
8. Natiq Ağayev (VAA İB-nin sədri)
9. Vahid Nəzərov (Təhsil İM-in baş məşqçisi)
10. Fəxrəddin İsmayılov (GİN-in mütəxəssis)
11. Əli Nəbiyev (AAAF Park MMc-nin direktoru)
12. Fəxri Ağayev (AAAF Holdinqin vitse-prezidenti)
13. Rafiq Zülfüqarov (Xaçmaz OK-nın direktoru)
14. Şüa Hüseynov (AAAF-ın fəxri vitse-prezidenti)
15. Rəşad Əliyev (AAAF Media MMC-nin direktoru)
16. Məmmədli Oruc (UGİM-in direktoru)
17. Azad Mustafayev (Beynəlxalq dərəcəli hakim)
18. Qadir Babayev (Cəlilabad UGİM-in direktoru)
19. Yavər Hacıyev (Sprtak İC-nin sədri)
20. Raqif Abbasov (Bakı şəhər Gənclər və İdman İdarəsinin rəisi)
21. Rəşad Quliyev (Ordu İdman Klubunun rəisi)
22. Fikrət Adıgözəlov (İdman Azərbaycan TV-nin şöbə müdiri)
23. Hüseyn Səfərov (Eleiko şirkətinin ümayəndəsi)
24. Məmmədov Rahid (AAAF Construction MMC-nin direktoru)
25. Əsgərov Cənil (Ağır atletika Akademiyasının direktoru)

339
Teqlər:
AAAF, Azərbaycan Ağır Atletika Federasiyası, hesabat, konfrans, seçki, prezident
Əlaqədar
Atçılıq federasiyası mükafatlandırdı
Həndbol federasiyasına yeni prezident seçildi
Yeni federasiyalar yaradıb xarici idmançılara pul xərcləyəcəklər
İdman federasiyaları, yoxsa "dərin dövlət"?!
Dalğıc Federasiyasının prezidenti suda boğulub
Qarabağ klubunun futbolçuları, arxiv şəkli

"Qarabağ" qardaş Türkiyəni seçdi

29
(Yenilənib 17:48 21.10.2020)
Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarının neytral ərazidə keçirilməsi ilə bağlı qərarından apelyasiya şikayəti verib.

BAKI, 21 oktyabr — Sputnik. Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarını keçirmək istədiyi ölkənin adını açıqlayıb.

Sputnik Azərbaycan "Report"a istinadən xəbər verir ki, Avropa Futbol Assosiasiyaları İttifaqının (UEFA) İcraiyyə Komitəsi dünən Azərbaycan və Ermənistanın Dağlıq Qarabağdakı hərbi əməliyyatlarla əlaqədar ölkələrində UEFA-nın himayəsi altında ev oyunlarının keçirilməsinə qadağa qoyulması barədə qərar qəbul edib.

"Qarabağ" klubunun direktoru Emrah Çelikel bəyan edib ki, bu halda komandası ev oyunlarını qardaş Türkiyədə keçirmək istəyir.

"İndi üç neytral ərazi var – Kipr, Macarıstan və Polşa, ancaq bizim alternativ seçim təklif etmək imkanımız var. Avropa Liqasının qrup mərhələsindəki rəqiblərimizi Türkiyənin şəhərlərindən birində qəbul etmək istəyirik", – deyə E.Çelikel bildirib.

Komandanın bu seçimini əsaslandıran klub direktoru qeyd edib ki, Avropa İttifaqı ərazisindəki oyunlar üçün futbolçulara viza almaq lazım gəlir, bu prosedur isə xeyli vaxt tələb edir. Türkiyə ilə Azərbaycan arasında vizasız-gediş gəliş sistemi qüvvədə olduğundan, oyun qardaş ölkənin stadionlarından birində keçirilsə, sənədləşmə işlərinə əlavə vaxt lazım gəlməyəcək.

E.Çelikel klubun UEFA İcraiyyə Komitəsinin qərarından apelyasiya şikayəti verəcəyini də vurğulayaraq bildirib ki, Avropa kuboku oyunlarının Bakıda keçirilməsinə heç bir təhdid yoxdur.

Qeyd edək ki, "Qarabağ" klubu oktyabrın 22-də Avropa Liqasının qrup mərhələsi çərçivəsində ilk oyununu Tel-Əvivdə yerli "Makkabi" klubuna qarşı keçirəcək. Bir həftə sonra isə futbolçularımız Bakıda İspaniyanın "Villarreal" komandasını qəbul etməli idi.

29
Teqlər:
qrup mərhələsi, Avropa Liqası, Türkiyə, Qarabağ futbol klubu
Əlaqədar
UEFA rəhbərliyi Bakının AVRO-2020 siyahısından çıxarılacağını istisna etmir
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"
Теймур Раджабов, Шахрияр Мамедьяров и Рауф Мамедов, фото из архива

Dünya şöhrətli zəngilanlı şahmatçı: "Sevincimin həddi-hüdudu yoxdur"

42
Türkan Məmmədyarova: "Çox heyiflər olsun ki, Zəngilan qaçqını olaraq dünyasını dəyişən nənəm və elə bu il vəfat edən əmim bu günü görmədi".

BAKI, 20 oktyabr — Sputnik. "Nəhayət ki, Zəngilan şəhərində yenidən Azərbaycan bayrağı dalğalandı".

Sputnik Azərbaycan Apasport-a istinadla xəbər verir ki, bu sözləri Azərbaycan yığmasının şahmatçısı Şəhriyar Məmmədyarov deyib.

35 yaşlı qrossmeyster Azərbaycan Ordusunun Zəngilan şəhərinin və daha bir neçə kəndinin işğaldan azad etməsinə münasibət bildirib. Əslən Zəngilandan olan milli üzvü feysbuk səhifəsi vasitəsilə sevincini bölüşüb:

"Sevincimin həddi-hüdudu yoxdur. Təşəkkür edirik, Ali Baş Komandanımız, təşəkkür edirik, Azərbaycan əsgəri! Qarabağ Azərbaycanın olub, Qarabağ Azərbaycandır və həmişə Qarabağ Azərbaycanın olacaq!"

Şəhriyarın sevincinə bacısı Türkan Məmmədyarova da şərik olub. Yığmamızın əsas simalarından sayılan xanım şahmatçı hər iki valideyninin zəngilanlı olduğunu xüsusi vurğulayıb: "Zəngilan işğaldan azad olundu, sevincimizin həddi yoxdur. Mən Zəngilanı çox az xatırladığım halda (işğal olunanda 4 yaşım var idi) sevinc göz yaşlarım sel kimi axdısa, orada həyatları keçənlərin sevincini təsəvvür edə bilmirəm. Çox heyiflər olsun ki, Zəngilan qaçqını olaraq dünyasını dəyişən nənəm və elə bu il vəfat edən əmim bu günü görmədi. Allah bütün şəhidlərimizə rəhmət eləsin..."

Qeyd edək ki, Azərbaycan Respublikasının Prezidenti İlham Əliyev bu gün xalqa müraciətində Füzuli rayonu (Dördçinar, Kürdlər, Yuxarı Əbdürrəhmanlı, Qarğabazar, Aşağı Veysəlli, Yuxarı Aybasanlı kəndləri), Cəbrayıl rayonu (Sarafşa, Həsənqaydı, Fuğanlı, İmambağı, Daş Veysəlli, Ağtəpə, Yarəhmədli kəndləri), Xocavənd rayonu (Ağcakənd, Mülküdərə, Daşbaşı, Günəşli, Çinarlı kəndləri) və Zəngilan rayonunun (Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri) işğaldan azad edilmiş yaşayış məntəqələrinin adlarını açıqlayıb.

42
Əlaqədar
Şəhriyar Məmmədyarov onlayn turnirin mükafatçısı oldu
Ali Baş Komandan: Zəngilan bizimdir!
İşğaldan azad edilmiş Zəngilan şəhərində Azərbaycan bayrağı dalğalanır - VİDEO
Şəhriyar Məmmədyarov: Ananda qalib gəldiyimi biləndə, məndən pul almadılar

Ordumuz daha bir neçə kəndi qəsəbəni işğaldan azad edib - Prezident

0
Cəbrayıl, Füzuli və Zəngilan rayonlarının bir neçə kəndi və qəsəbəsi Ermənistan silahlı qüvvələrindən təmizlənib

BAKI, 21 oktyabr - Sputnik. Azərbaycan Ordusu daha bir neçə yaşayış məntəqəmizi erməni işğalından azad edib.

Sputnik Azərbaycan xəbər verir ki, bu barədə Prezident İlham Əliyev "Twitter" səhifəsində bildirib.

"Rəşadətli Azərbaycan ordusu Füzuli rayonunun Gecəgözlü, Aşağı Seyidəhmədli, Zərgər kəndlərini, Cəbrayıl rayonunun Bələnd, Papı, Tulus, Hacılı, Tinli kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!".

Dövlət başçısı Zəngilan rayonunun bəzi kəndlərinin də azad olunduğu xəbərini verib: "Rəşadətli Azərbaycan Ordusu Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!"

0
Mövzu:
Azərbaycan və Ermənistan arasında müharibə