Formula 1 Avropa Qran-Prisinin elçisi Murad Dadaşov

"Azərbaycanda futbol yox dərəcəsindədir"

119
Murad Dadaşov: "Bu işə yeni başlayanda mənə maraqlı idi ki, necə ola bilər, insanlar pulsuz iş görsünlər"

BAKI, 29 noy — Sputnik. Azərbaycanın əməkdar artisti, Formula 1 Avropa Qran-Prisində marşalların ulduz elçisi Murad Dadaşov, 2016-cı il Formula 1-in mövsüm finalı ilə bağlı təəssüratlarını Sputnik-lə bölüşüb.

— Mövsüm haqqında təəssüratlarınız necədir?

— Dünyada bir nömrəli idman növü olan Formula 1 yarışı bir daha özünü təsdiqlədi. Bir daha anladım ki, burada nəinki idman, eyni zamanda yüzlərlə faktorlar bərabər yarışır. Baxmayaraq ki, yarışmada müxtəlif ölkələr komandalarla təmsil olunur, bu komandaların tərkibində müxtəlif ölkələrin vətəndaşları birləşərək mübarizə aparırlar. Bunun özü də qloballaşmanın bir növüdür.

 Azərbaycanda bu idman növü hələ də lazımınca populyar deyil. Ölkəmizdə Formula 1-i necə sevdirə bilərik?

— Azərbaycanlıların maşına sevgisi körpə yaşlarından var. Həm qadınlar, həm kişilər avtomobilləri çox sevirlər. Bunun üçün kartinqlər yaradılmalıdır ki, insanlar gələrək, artıq bu idman növünü hiss edib, daha da sevsinlər. Hətta təlim treki də hazırlanmalıdır ki, vətəndaşlar həm əylənsin, həm də bu idman növünü hiss edə bilsinlər.

 Marşallar haqqında fikirləriniz necədir? Yeni olsalar da, işlərindən razısınız?

— Bu işə yeni başlayanda mənə maraqlı idi ki, necə ola bilər, marşallar pulsuz iş görsünlər. Sonradan müşahidələrimlə anladım ki, insanlar standart və şablon həyatlarından uzaqlaşaraq, marşal kimi bir yarışın parçasına çevrilir və eyni zamanda dünya görüşünü artırır, fərqli millətlərdən dost qazanırlar. Bu da böyük zövqverici işdir.

Bəhram Bağırzadə
© Photo : Bəhram Bağırzadənin rəsmi Facebook səhifəsi

 "Neftçi" klubunun bu günkü ağır vəziyyəti heç kimə sirr deyil. Əvvəllər birgə çalışdığınız komanda yoldaşınız Bəhram Bağırzadə, bir neçə gün öncə öz istəyi ilə "Neftçi" klubunda tutduğu vəzifəsindən istefa verdi. Buna münasibətiniz necədir?

— Mən "Neftçi"nin indiki vəziyyəti ilə bağlı heç nə bilmirəm. İdmana gələn insan ömrü boyu birinci olacağını düşünürsə, bu, düzgün deyil. Ümumiyyətlə, Azərbaycanda futbol yox dərəcəsindədir. Mən əminəm ki, AFFA və digər klublar futbolun inkişafı üçün çox iş görür. Amma futbolu rəsmilər yox, futbolçular oynamalıdırlar. Bizdə futbola peşə kimi yanaşmırlar. Öncə bizdə futbolçular olmalıdır, daha sonra futboldan danışa bilərik. Hal-hazırda 7-8 futbolçumuz var ki, onlarla da komanda yarada bilmərik.

O ki qaldı Bəhram Bağırzadəyə, o, komanda adamıdır. Bəhram başa düşdü ki, onun cəhdləri və gördüyü işlər klubun inkişafına heç bir bəhrə verə bilmir, o da uzaqlaşdı. Mən onun addımını normal qalşılayıram.

119
Teqlər:
Murad Dadaşov, Bəhram Bağırzadə, trek, Avropa Qran-Prisi, əməkdar artist, Formula 1, Neftçi
Əlaqədar
Formula 1 biletləri bu tarixdən etibarən satışa çıxarılacaq
Formula 1 Avropa Qran Prisi-nin adı dəyişir
Formula 1-in suvenirləri endirimli qiymətlərlə satılacaq
Formula 1-in kommersiya direktorunun qaynanası oğurlandı
Sputnik Formula 1 diplomu ilə mükafatlandırılıb
Formula 1 geyimləri satışa çıxarıldı
Formula-1 ilə əlaqədar bağlanmış küçələr nə vaxt açılacaq?
Qarabağ - Makkabi oyunu

"Qarabağ" İsraildə ilk xalını qazandı

31
(Yenilənib 00:38 04.12.2020)
“Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar

BAKI, 3 dekabr - Sputnik. Azərbaycan çempionu “Qarabağ” avrokuboklarda növbəti oyununu keçirib.

Sputnik Azərbaycan apasport.az-a istinadən bildirir ki, Ağdam təmsilçisi Avropa Liqasının qrup mərhələsinin V turunda meydana çıxıb.

İlk 4 görüşdə uduzduqdan sonra İ qrupunda sonuncu yeri tutduğu rəsmiləşən Qurban Qurbanovun yetirmələri İsrailin “Makkabi” klubu ilə görüşüb. Cari mövsümdə avrokuboklarda son ev matçını keçirən təmsilçimiz Təl-Əviv klubunu da İstanbuldakı “Başakşəhər Fatih Teim” stadionunda qəbul edib.

Baş məşqçi Qurban Qurbanov və əsas heyətin bir sıra üzvləri koronavirusa yoluxduğu üçün qardaş ölkəyə böyük itkilərlə yollanan “Qarabağ” turnirdə ilk xalını qazanıb. Qarşılaşmada hər iki qol ilk 45 dəqiqədə vurulub.

Komandamız hissənin ortalarında qapısında qol görüb. İsrail təmsilçisi penalti ilə hesabı açıb. Ağdamlılar ilk yarı başa çatmamış hesabda tarazlıq yaradıblar. Xayme Romero bərabərlik qoluna imza atıb. 

Qrupun digər oyununda “Sivasspor” Türkiyədə “Vilyareal”ı qəbul edib. İspaniya təmsilçisi 1 qolla səfər qələbəsi qazanıb.

Qeyd edək ki, “Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar.

Avropa Liqası
Qrup mərhələsi
V tur, İ qrupu
3 dekabr
21:55. “Qarabağ” (Azərbaycan) - “Makkabi” (Təl-Əviv, İsrail) - 1:1
Qollar:  Xayme Romero, 37 - Yonatan Kohen, 22 (pen.)

Baş hakim: Robert Hennessi (İrlandiya)
“Qarabağ”: 1. Şahruddin Məhəmmədəliyev, 81. Kevin Medina, 77. Donald Gerye, 8. Uroş Matiç, 2. Qara Qarayev (k), 19. Filip Ozobiç, 10. Abdullah Zubir, 44. Elvin Cəfərquliyev, 7. Ovusu Kvabena, 9. Xayme Romero, 18. İsmayıl İbrahimli
Ehtiyat oyunçular: 12. Emil Balayev, 94. Ayxan Arazlı, 4. Rahil Məmmədov, 27. Toral Bayramov, 21. Rauf Hüseynli, 29. Zamiq Əliyev 
Məşqçi: Elçin Rəhmanov
“Makkabi”: 19. Daniel Tennenbaum, 30. Maor Kandil, 18. Eytan Tibi, 21. Şeran Yeini (k), 27. Ofir Davidzada, 23. Eyal Qolasa, 42. Dor Perets, 24. Yonatan Kohen, 44. Luis Ernandes, 17. Dan Biton, 9. Nik Blekmen
Ehtiyat oyunçular: 1. Daniel Perets, 3. Matan Baltaksa 11. Tal Ben Haim, 22. Avi Rikan, 25. Amit Qlazer, 29. Eylon Almoq, 39. Eduardo Gerrero, 47. Eden Karzev, 10. Etey Şexter, 6. Dan Qlazer, 31. Şahar Piven, 72. Aleksandar Peşiç
Baş məşqçi: Giorgios Donis

31
Teqlər:
UEFA Avropa Liqası, "Makkabi" FK (Tel-Əviv), Qarabağ FK
Futbolçular, arxiv şəkli

UEFA Azərbaycana qoyduğu qadağanı ləğv elədi

21
(Yenilənib 21:46 03.12.2020)
Qadağa müddətində Azərbaycan yığması Millətlər Liqasının iki matçını ölkə xaricində keçirib, “Qarabağ” isə Avropa Liqasının Türkiyədəki üçüncü ev oyununa bu gün çıxacaq

BAKI, 3 dekabr - Sputnik. Azərbaycan və Ermənistanın beynəlxalq oyunlara ev sahibliyi etməsinə icazə verilib.

Sputnik Azərbaycan apasport.az-a istinadən bildirir ki, bu barədə qərarı UEFA-nın İcraiyyə Komitəsi verib.

Qurum bugünkü iclasında Qarabağdakı hərbi əməliyyatların dayandırılmasını nəzərə alaraq, oktyabrın 20-də tətbiq etdiyi qadağanı aradan qaldırıb. Bu isə o deməkdir ki, milli və klub səviyyəli komandalarımız ev oyunlarını ölkəmizdə keçirə biləcəklər.
Qeyd edək ki, qadağa müddətində Azərbaycan yığması Millətlər Liqasının iki matçını ölkə xaricində keçirib, “Qarabağ” isə Avropa Liqasının Türkiyədəki üçüncü ev oyununa bu gün çıxacaq.

21
Teqlər:
"Qarabağ" FK, milli komanda, futbol, qadağa, Azərbaycan, UEFA
Xarı bülbül – символ Шуши

Saat 12-də Vətən müharibəsi şəhidlərinin xatirəsi bir dəqiqəlik sükutla yad ediləcək

0
(Yenilənib 09:50 04.12.2020)
Prezident İlham Əliyev Vətən müharibəsi şəhidlərinin xatirəsinin yad edilməsi haqqında Sərəncam imzalayıb.

BAKI, 4 dekabr - Sputnik. Bu gün saat 12:00-da Vətən müharibəsi şəhidlərinin xatirəsi bir dəqiqəlik sükutla yad ediləcək.

Sputnik Azərbaycan xəbər verir ki, Prezident İlham Əliyev Vətən müharibəsi şəhidlərinin xatirəsinin yad edilməsi haqqında Sərəncam imzalayıb.

Vətən müharibəsində Silahlı Qüvvələrimizin 2783 nəfər hərbi qulluqçusu şəhid olub. Onların sırasında 103 nəfər hərbi qulluqçunun DNT analiz metodu ilə şəxsiyyətinin müəyyən edilməsi üzrə işlər davam etdirilir.

100 nəfərdən artıq hərbi qulluqçumuz isə itkin düşmüş hesab olunur. Onların tapılıb ailələrinə məlumat verilməsi üçün zəruri təbdirlər görülür. Hazırda 1245 nəfər hərbi qulluqçumuzun tibb müəssisələrində müalicəsi davam edir. 

0