Qroznıda uşaqlar arasında MMA döyüşləri

Kadırovun "qladiator döyüşü" böyük qalmaqala səbəb olub

710
(Yenilənib 16:14 07.10.2016)
Azərbaycanın tanınmış idman ustaları azyaşlı uşaqların qaydasız döyüş yarışına çıxarılmasını etiraz edirlər

BAKI, 7 okt — Sputnik. Bir neçə gün öncə Çeçenistan Respublikasının rəhbəri Ramzan Kadırovun iştirakı ilə qaydasız döyüş üzrə yarış keçirilib. Çeçenistanın paytaxtı Qroznı şəhərində təşkil olunan yarışla bağlı reaksiyalar isə sərt olub. 8-10 yaşlı uşaqların, heç bir müdafiə geyimi olmadan rinqdə döyüşməsi cəmiyyətdə birmənalı qarşılanmayıb.

Sputnik-in əməkdaşı məsələ ilə bağlı Azərbaycanın tanınmış döyüşçülərinin fikirlərini öyrənib.

Anar Süleymanov — kikboksçu: "Uşaqların peşəkar rinqdə döyüşməsi təhlükəlidir. Nəzərə alsaq ki, uşaqların sümüklərinin tam formalaşma dövrü 10-12 yaşa təsadüf edir, deməli 8 yaşlı usaqların qoruyucusuz, sərt idman növü üzrə döyüşmələri məsləhət deyil. Bu, həm tibbi, həm də psixoloji baxımdan təhlükəlidir. Bu yaş dövründə aldığı travmalar uşağın gələcək inkişafında mənfi təsir edir, həmçinin onun idmanı vaxtından tez tərk etəməsi ilə nəticələnir".

Vüqar Fərmanoğlu — karate üzrə qara kəmər ustası: "Belə yarışın keçirilməsi yolverilməzdir. Hətta böyüklər arasında çox ciddi travmalara yol açan belə döyüş üslubunu uşaqlar üzərində tətbiq etmək olmaz. O uşaq bir zərbənin əziyyətini ömür boyu çəkə bilər. Bundan başqa, uşaqların ala biləcəkləri psixi travmalar da qorxunc nəticələrə gətirib çıxara bilər. Uşaqların gələcək həyatlarını riskə atan belə ağılsızlığa o valideynlərin razılığını başa düşə bilmirəm. Bir nüansı da qeyd edim ki, sözügedən yarışa Kadırov soyadı ilə çıxan uşaqların rəqibləri fiziki cəhətdən zəif idilər. Aydın görünür ki, əvvəlcədən hansı uşağın qalib gəlməli olduğu planlaşdırılıb".

Orxan Səfərov — peşəkar cüdoçu: "Biz də o yaşlarda məşqlərə başlamışıq, kimisi cüdoda, kimisi boksda, kimisi güləşdə. Fikrimcə, belə yarışların keçirilməsi normaldır. Əsas uşağın istəyinin olmasıdır".

Taleh Orucov — Azərbaycan Kapoeyra Federasiyasının prezidenti: "Mən özüm 5-6 yaşından küçələrdə döyüşürəm. Bu da mənim böyüyüb döyüşçü olmağıma səbəb oldu. Əlbəttə, müəyyən qoruyuculardan istifadə olunanda daha yaxşı olar. Həm də uşaq böyüklə döyüşmür. Öz yaşıdı ilə döyüşür. Yəni aldığı zərbələr dözə biləcəyi zərbələrdir. Hər iki tərəfin möhkəm zədə alma ehtimalı çox azdır".

Elmar Babanlı — Azərbaycan Cüdo Federasiyasının baş katibi və beynəlxalq dərəcəli hakim: "Uşaqlar arasında belə yarışların keçirilməsinin qəti əleyhinəyəm. Belə yarışlar uşaqların böyük zədələr almasına səbəb ola bilər".

Elməddin Vəliyev — "Fahet" taekvando klubunun məşqçisi: "Qaydasız döyüş, sadəcə bir neçə qadağanın qoyulduğu çox güclü və ən travmatik döyüş növüdür. Dünyanın hər yerində bu növ üzrə yarışlar keçirilir. Əgər söhbət Çeçenistanda 8 yaşlı uşaqların arasında keçirilən qaydasız döyüş üzrə yarışdan gedirsə, mən bunu bir növ reklam, şou, diqqət cəlb etmək üçün atılan addım adlandırardım. Bildiyimiz kimi Çeçenistan prezidenti idman sevən və biraz da çılğın birisidir. Ama hər kəs nəzərə almalıdır ki, qaydasız döyüş-pankration olduqca fiziki güc, möhkəmlik, sərtlik tələb edən bir döyüş növüdür. Əgər tibbi nöqteyi-nəzərdən baxsaq, bu addım uşaqlara kəskin və qalıcı travmalar verə bilər. Düzdür, elə bir idman növü yoxdur ki, orada travma almaq olmasın, amma sözügedən idman növünün əsasını təşkil edən ağrıdıcı, boğucu və sındırıcı fəndlər, hələ də bədəni fiziki cəhətdən inkişafını tamamlamamış azyaşlı uşaqların həm çox tez, həm də ağır travmalar almasına şərait yaradar. Ayrıca, bu yarışda iştirak edən azyaşlı idmançıların qoruyucusuz olaraq yarışa buraxılması qətiyyən yolverilməzdir".

Əhəd Məmmədov — qaydasız döyüş ustası: "Bu, normal haldır. Uşaqlar bu yaşdan idmana öyrəşməlidirlər ki, gələcək illərdə döyüşmək daha asan olsun. Heç bir zədə ala bilməzlər. Rəqibləri də eyni çəkidədirlər, nə zərbələri var ki, ondan da travma alsınlar?! Bir sözlə dəstəkləyirəm".

710
Teqlər:
Ramzan Kadırov, Çeçenistan, döyüş, idman, uşaq
Əlaqədar
Ən güclü azərbaycanlı və erməni döyüşçü qarşılaşacaq
Radik İsayev Olimpiadanın qızıl medalı uğrunda döyüşəcək
"Min nəfərdən cəmi 200-ü döyüşdən sağ çıxdı"
Öz ölüm xəbərini bir il sonra eşidən döyüşçü - Prezident ona nə sürpriz etdi?
Güləş, arxiv şəkli

Fransa Güləş Federasiyası loqoda bayrağımızın olmamasına görə üzr istədi

18
(Yenilənib 11:47 14.01.2021)
Azərbaycan Güləş Federasiyasının mətbuat katibi Sərxan Musayev səsləndirilən narazılıqlara aydınlıq gətirib.

BAKI, 14 yanvar — Sputnik. Fransanın Nitsa şəhərində keçiriləcək güləş üzrə Qran-pri turnirinin təşkilatçıları Azərbaycan bayrağının yarışın loqosunda yer almamasına görə üzr istəyib.

Bu barədə "Report"a Azərbaycan Güləş Federasiyasının Mətbuat katibi Sərxan Musalı məlumat verib.

O bildirib ki, məsələ ilə bağlı dərhal Fransa Güləş Federasiyası ilə əlaqə saxlayıblar: "Onlar qeyd etdilər ki, üzrlü hesab edin, bu, daha əvvəl hazırlanmış loqodur və burada bəzi yarış iştirakçılarının bayraqları yoxdur. Loqoda daha əvvəl bu yarışda olan ölkələrin bayraqları həkk olunub. Buna görə nəzərə alınmayıb. Loqoda elə ölkələrin bayraqları var ki, bu yarışda iştirak etmirlər. Həmin loqo 2020-ci ildə də istifadə edilib. Sadəcə, diqqətsizlik olub və bizə üzürxahlıq etdilər. Təşkilatçılıqla bağlı problem belə ola bilərdi ki, yarış nəkanında bayrağımız olmazdı. Amma bununla bağlı problem olmayacaq".

Federasiya rəsmisi təşkilatçılar tərəfindən heç bir soyuq münasibət görmədiklərini sözlərinə əlavə edib: "Mənfi nəsə hiss etməmişik. Ümumiyyətlə, problem olsaydı, bizim komandalara viza verməz, iştiraklarına problem yaradardılar. Arxivə də nəzər saldıq, Dünya Güləş Birliyinin saytında 2014-cü ildən sonrakı yarışları görmək mümkündür. 2019-cu ilə qədər bu yarış Qran-pri statusu almayıb. 2019, 2020 və 2021-ci illərdə artıq Qran-pri statusu ilə təşkil edilib. Yəni, həmin vaxta qədər ciddi yarış hesab edilmirdi. 2019-cu ilə qədər yalnız qadın və sərbəst güləşçilər arasında keçirilib. 2020 və 2021-ci illərdə isə güləşin hər üç növü proqrama daxil edilib. Biz 2020-ci ildə ilk dəfə bu yarışa qatılmışıq. Həmin vaxt yunan-Roma güləşi üzrə yığma komanda iştirak edib. Bu il isə həm yunan-Roma, həm də sərbəst güləşçilərimiz mübarizə aparacaq. Artıq təşkilatçılar bu çatışmazlığı aradan qaldırıblar və loqoya Azərbaycan bayrağını da yerləşdiriblər".

Qeyd edək ki, Qran-pri 15 - 17 yanvarda olacaq.

18
Bakı Olimpiya Stadionu, arxiv şəkli

"UEFA-2020" ilə bağlı vergidən azadolmanın müddəti artırıldı

10
Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi.

BAKI, 12 yanvar - Sputnik. Prezident İlham Əliyev Vergi Məcəlləsinə və “Gömrük tarifi haqqında” qanuna dəyişiklikləri təsdiqləyib.

Sputnik Azərbaycan xəbər verir ki, dəyişikliklər "UEFA-2020" futbol çempionatı ilə bağlı vergidən azadolmanın müddətinin daha 1 il uzadılmasını nəzərdə tutur.

Sənəddə deyilir ki, Avropa Futbol Assosiasiyaları Birliyinin (UEFA) İcraiyyə Komitəsi ötən il Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.

Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi. Hazırda bütün dünyada yeni növ koronavirusun (COVID-19) yayılması ictimai-siyasi, sosial-iqtisadi həyatın bütün sahələrinə təsir etdiyi kimi, idman sahəsindən də yan keçməyib, o cümlədən böyük idman oyunlarının keçirilməsi təxirə salınıb.

Bildirilib ki, bu səbəbdən futbol üzrə Avropa çempionatının 2020-ci ildə keçirilməsi nəzərdə tutulan oyunlarının 2021-ci ildə Bakıda keçirilməsi nəzərdə tutulur. Bununla əlaqədar, “Vergi Məcəlləsində dəyişiklik edilməsi haqqında” 9 aprel 2019-cu il tarixli və “Gömrük tarifi haqqında” qanunda dəyişiklik edilməsi barədə” 9 aprel 2019-cu il tarixli qanunların qüvvədə olma müddətinin 1 avqust 2021-ci il tarixinə qədər uzadılması nəzərdə tutulur.

Həmin qanunlarla Azərbaycanda keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar bir çox vergi növləri üzrə - gəlir vergisindən, mənfəət vergisindən, ƏDV-dən, aksizli mallara görə aksizdən, habelə gömrük rüsumlarından azadolmalar nəzərdə tutulub.

10
Manat, arxiv şəkli

Yardım dayandırılmayıb - Şahmar Mövsümov

0
(Yenilənib 20:07 16.01.2021)
"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur" - Prezidentin köməkçisi

BAKI, 16 yanvar — Sputnik. Sahibkarlara dəymiş ziyanın ödənilməsi ilə bağlı tədbirlər planı üzrə proseslər davamlı olaraq həyata keçirilir. Sputnik Azərbaycan-ın məlumatına görə, bunu jurnalistlərə açıqlamasında Prezidentin köməkçisi, Prezident Administrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov bildirib.

Ş.Mövsümov deyib ki, müxtəlif sahələr və istiqamətlərdə sahibkarlara yardım nəzərdə tutulub:

"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur. Ümumilikdə zərərçəkmiş sahələrdə çalışanlara yardım heç vaxt dayandırılmayıb".

0