Yay Olimpiya Oyunları

Olimpiadadakı iştirakımızla bağlı rüşvət qalmaqalı

149
Hicran Şərifov: "Hətta erməni olsa belə, mənim üçün göy və qırmızı trikoda olan idmançı var. Onun milliyyəti mənə yarış zamanı maraqlı deyil"

BAKI, 28 sen — Sputnik. Braziliyanın Rio-de Janeyro şəhərində keçirilən Rio-2016 Yay Olimpiya Oyunları bitsə də, bu oyunlar ətrafında yaşanan söz-söhbət bitmir. ABŞ-ın "Flowrestling" saytının dərc etdiyi məqalədə bildirilir ki, Dünya Güləş Federasiyasının baş hakimi Antonio Silvestri Rusiya, Azərbaycan və Özbəkistan idmançılarına, final mərhələsinə çatmaq üçün hakimlərin vasitəsi ilə kömək edib.

Dünya Güləş Federasiyasının baş hakimi Antonio Silvestri
© Photo : subscribe.ru
Dünya Güləş Federasiyasının baş hakimi Antonio Silvestri

Eyni zamanda bildirilir ki, Azərbaycan, Rusiya və Özbəkistan hakimləri döyüşlərin 50 faizini eyni tərkiblə idarə ediblər. Bu da digər ölkələrin nümayəndələri tərəfindən şübhə ilə qarşılanıb. Və sayt A. Silvestri rüşvət alaraq oyunları satmaqda ittiham edir.

Sputnik-in əməkdaşı məsələ ilə bağlı, məqalədə adı hallanan beynəlxalq dərəcəli hakim Hicran Şərifovun münasibətini öyrənib. O, iddiaları təkzib edib: "Mən 3 olimpiya oyunlarını, 30-dan çox dünya çempionatını, 40-dan çox Avropa çempionatını idarə etmişəm. Amerika saytında yazılan məqalə ilə tanış oldum. Bir onu deyə bilərəm ki, kənardan yarışa baxmaq asandır. Güləşin içində olsalar, bu idman növündə qarşılaşmanın hakim kimi idarə edilməsinin nə dərəcədə çətin olduğunun şahidi ola bilərlər".

"Antonio Silvester də yarışlar zamanı problem olmasın deyə hakimlərin ən təcrübəlilərindən istifadə edib. Bizim daha çox yarış idarə etməyimizin səbəbi də məhz təcrübəli olmağımızdır", — H. Şərifov bildirib.

Hİcran Şərifov, güləş üzrə beynəlxalq dərəcəli hakim
© Photo : Hijran Sharifov / facebook
Hİcran Şərifov, güləş üzrə beynəlxalq dərəcəli hakim

Beynəlxalq dərəcəli hakimimiz heç kimə güzəşt etmədiyini və onun üçün yalnız göy və qırmızı trikoda güləşən idmançıların olduğunu dilə gətirib: "Hətta erməni olsa belə, mənim üçün göy və qırmızı trikoda olan idmançı var. Onun milliyyəti mənə yarış zamanı maraqlı deyil. Amma elə hakimlər var ki, qorxur, döyüşü idarə edə bilmir, döyüş zamanı özlərini itirirlər. Bu səbəbdən onlara az döyüş həvalə edilir".

Müsahibimiz onu da qeyd edib ki, A. Silvesterdən əvvəl olan baş hakim zamanı korrupsiya olub: "Dürüstlük yox idi. Amma Antonio Silvester gələndən sonra belə hallar aradan qaldırılıb. Heç bir rüşvətdən söhbət gedə bilməz".

"Hakimlik borcunu layiqincə yerinə yetirməyi özümə borc bilirəm. Mən Azərbaycanı təmsil edirəm, ölkəmi təmsil edirəm. Mənə yaraşmaz ki, yarışlarda haqsızlıq edim. Bu zaman nüfuzumu itirərəm. Belə hallar bizə yaddır".

149
Teqlər:
Hicran Şərifov, Antonio Silvester, Rio-de Janeyro, Braziliya, Yay Olimpiya Oyunları, güləş
Əlaqədar
"Azərbaycan idmançıları Rio Olimpiadasında uğurla çıxış ediblər"
Radik İsayevə Azərbaycan Prezidentinin xüsusi olimpiya təqaüdü təyin edilib
Azərbaycan olimpiyaçıları Bakıya döndülər
Azərbaycan Olimpiadada növbəti gümüş medalını qazandı
Toğrul Əsgərov Olimpiadanın gümüş medalını qazandı
Yelena Parxomenko

Yelena Parxomenko: Özümü azərbaycanlı hesab edir Qarabağda qələbə gözləyirəm

72
(Yenilənib 13:24 28.10.2020)
Voleybol üzrə Azərbaycan millisinin sabiq üzvü Yelena Parxomenko azərbaycanlı əsgərlərə dəstəyini bildirib

BAKI, 28 oktyabr – Sputnik, Teymur Tuşiyev. Azərbaycanın qadınlardan ibarət voleybol millisinin sabiq üzvü Yelena Parxomenko Qarabağda əks-hücum əməliyyatları yerinə yetirən Silahlı Qüvvələrimizdən böyük uğurlar gözləyir. Bu barədə o, bacısı Oksana Kurt-Parxomenkonun Facebook sosial şəbəkəsində yerləşdirdiyi müraciətində deyib.

Yelena Parxomenko Bakıda doğulub. Atası ukraynalı, anası rusdur. Buna rəğmən, millimizin sabiq üzvü özünü azərbaycanlı hesab edir.

© Photo : Courtesy of Yelena Parkhomenko
Yelena Parxomenko

“Azərbaycan – mənim Vətənimdir. Valideynlərim, bacım, mən – burada doğulmuşuq. Bütün qəlbimlə Azərbaycanın yanındayam. Bəziləri deyə bilərlər ki, mən ukraynalıyam, amma yox, Mən Azərbaycanda doğulmuşam, bura mənim ölkəmdir və özümü azərbaycanlı sayıram”, - Parxomenko deyib.

© AFP 2020 / KAZUHIRO NOGI
Yelena Parxomenko

Azərbaycan millisinin heyətində beynəlxalq yarışlara Parxomenko 1996-cı ildən çıxmağa başlayıb. O, həmçinin Azərbaycanın “Azərreyl”, “Lokomotiv” və “Azəryol” komandalarında da forma geyinib.

© Photo : Courtesy of Yelena Parkhomenko
Yelena Parxomenko

Keçmiş voleybolçu vurğulayıb ki, bəzi başqa dövlətlərdən fərqli olaraq, Azərbaycanda heç vaxt dini problem olmayıb.

“Bir xristian kimi deyə bilərəm ki, bu gün Azərbaycanda siz məscidə də, kilsəyə də, sinaqoqa da gedə bilərsiniz. Bizdə katolik və pravoslav kilsələri var. Hətta Salyan kazarmasının yanındakı kilsəmizin mesenatının da azərbaycanlı olduğunu bilirəm. Bizim ölkəmiz tamamilə tolerant və dünyəvidir”, - Parxomeko qeyd edib.  

Azərbaycan millisinin sabiq üzvü bütün ön cəbhə boyu əks-hücum əməliyyatı aparan əsgərlərimizə dəstəyini bildirib.

© AFP 2020 / TOSHIFUMI KITAMURA
Yelena Parxomenko

“İstəyirəm ki, dövlətimizi qoruyan əsgərlərimiz bilsinlər ki, burada, Bakıda, hər bir evdə onlara inanır, onlardan qələbə gözləyirlər. Biz həmişə onlarlayıq. Qarabağ Azərbaycandır!” – deyə Parxomenko əlavə edib.  

72
Teqlər:
Karabakh is Azerbaijan, Qarabağ, Yelena Parxomenko, milli yığma, voleybol, azərbaycanlı, dəstək, Azərbaycan Ordusu
Mövzu:
Azərbaycan və Ermənistan arasında müharibə
Əlaqədar
Məşhur futbolçudan Azərbaycan xalqına dəstək - "Erməni, təxribatını dayandır"
Alpinistlər hərbçilərimizə dəstək məqsədilə Azərbaycanın ən yüksək zirvəsinə qalxıblar
Bir ailədən üç əsgər ön cəbhədə: Tat icması qələbə xəbərini dörd gözlə gözləyir – video
Rusiyalı stilistdən Azərbaycana dəstək
İsraildən Azərbaycana qardaş yardımı
Elmar Babanlı, Azərbaycan Cüdo Federasiyasının baş katibi

Baş katib cüdoçularımızın ““Böyük dəbilqə”dəki çıxışından danışır

22
(Yenilənib 08:33 27.10.2020)
Azərbaycan Cüdo Federasiyasının baş katibi Elmar Babanlı deyir ki, Tokio Olimpiadasına vacib reytinq xalları qazandırması turnirin əhəmiyyətliliyini daha da artırır
Elmar Babanlı: “Medal gözlədiyimiz idmançımız ümidləri doğrultmadı”

““Böyük dəbilqə” turniri 7 aylıq fasilədən sonra keçirilən ilk böyük turnir idi” . Sputnik Azərbaycan xəbər verir ki, bunu Azərbaycan Cüdo Federasiyasının baş katibi Elmar Babanlı bildirib.

O bildirib ki, yarışın Tokio Olimpiadasına vacib reytinq xalları qazandırması onun əhəmiyyətliliyini daha da artırır:

“Cüdoçumuz Nicat Şıxəlizadə (66 kiloqram) medal qazana bilərdi. Gültac Məmmədəliyeva (52 kiloqram) yaxşı güləş göstərib güclü rəqiblərinə qalib gəlsə də, medal qazana bilmədi. Amma onun üçün reytinqli idmançılar arasında “Böyük dəbilqə” kimi nüfuzlu turnirdə 7-ci yeri tutmaq yaxşı nəticə sayılır. Digər cüdoçumuz, 81 kiloqram çəkidə mübarizə aparan Hidayət Heydərov o qədər də güclü olmayan bolqarıstanlı rəqibinə məğlub oldu. Rəqib görüşün əvvəlində vazari xalı ilə üstünlüyə malik idi və sonadək mövqeyini qorudu. Bu çəkidə Murad Fətiyev kifayət qədər perspektivli idmançıdır. Bir görüşdə qalib gəlməyi onun potensialının göstəricisidir. Daha bir perspektivli cüdoçumuz Telman Vəliyev (73 kiloqram) ötən Qran-Pri yarışlarında mükafatçı olub və bu turnirdə də ondan medal gözləyirdik. Amma ümidləri doğrultmadı”.

Elmar Babanlının fikirlərinə audiofaylda qulaq asa bilərsiniz

22
Azərbaycan Türkiyə bayrağları, arxiv şəkli

Azərbaycan Türkiyəyə jest etdi, qardaş ölkə cavabsız qoymadı

0
(Yenilənib 12:01 29.10.2020)
"Türkiyə Cümhuriyyətinin elan edilməsinin 97-ci ildönümündə Can Qardaşımızı Cümhuriyyət Bayramı münasibətilə ürəkdən təbrik edir, səmimi qəlbdən hər zaman azad və firavan yaşamasını diləyirik"

Eldar Tanrıverdiyev, Sputnik Azərbaycan

BAKI, 29 oktyabr — Sputnik. Azərbaycan Xarici İşlər Nazirliyi (XİN) qardaş Türkiyə Respublikasını Cümhuriyyət Bayramı münasibətilə təbrik edib. Sputnik Azərbaycan xəbər verir ki, təbrik mesajı qurumun rəsmi "Twitter" hesabında yerləşdirilib.

"Türkiyə Cümhuriyyətinin elan edilməsinin 97-ci ildönümündə Can Qardaşımızı Cümhuriyyət Bayramı münasibətilə ürəkdən təbrik edir, səmimi qəlbdən hər zaman azad və firavan yaşamasını diləyirik. Dünyaya örnək qardaşlığımız var olsun!" – deyə məlumatda bildirilir.

Qardaş ölkə Türkiyənin cavabı da özünü gecikdirməyib. Belə ki, Türkiyə XİN ölkələr arasında qardaşlıq münasibətinin bundan sonra davam edəcəyini bildirib.

0