Fuad Zeynalov, kikboks üzrə dünya və avropa çempionu

"Rəqib ilk raundda qabırğamı əzdi"

82
Fuad Zeynalov: "O, cavan olsa da, perspektivli idmançıdır, zərbələri dəqiq və ağır idi, ona görə də çalışdım ki, döyüşü tez başa vurum"

BAKI, 26 sen — Sputnik. Dünən Bakıda kikboks idman növünün K1 növü üzrə mötəbər yarış təşkil olunub. Yarışda Azərbaycan idmançıları ilə yanaşı Gürcüstan, Türkiyə, Almaniya, Hollandiya, İran, İtaliya və Rusiya komandaları iştirak edib.

Yarışda Azərbaycan komandası uğurla çıxış edib. 87 kq çəkidə döyüşən və Gürcüstan idmançısı Georgiya Gemadzeni məğlub edən Fuad Zeynalov qələbə təəssüratlarını Sputnik-lə bölüşüb.

"Hakim Hacıyevin rəhbərliyi altında Dinamo İdman Cəmiyyətində yarışa məsuliyyətlə hazırlaşmışdım. Bu yarışda qalib gəlməyim mənim döyüşçü olduğumu sübut etdi. Rəqibim cavan olsa da, perspektivli idmançıdır, zərbələri dəqiq və ağır idi, ona görə də çalışdım ki, döyüşü tez başa vurum", — F. Zeynalov bildirib.

O, rəqibini belə təsvir edib: "Ayaq və diz zərbələri hədsiz güclü idi, qabırğamı elə ilk raundun başlanğıcında əzdi. Mən də onu əl zərbələri ilə əzib sıradan çıxardım ki, döyüşü qələbə ilə başa vurdum".

İdmançı uğuruna çox sevindiyini və sevincini ailəsi ilə bölüşdüyünü dilə gətirib: "Hədsiz dərəcədə çox sevinirdim. Evə gəldim və məni anam sevinc göz yaşları ilə qarşıladı. Anam mənim zədə almamağım üçün döyüşməməyimi istəyir. Dünən aldığım zədələri gizlədərək hər şeyin yaxşı olduğunu bildirdim ki, anam narahat olmasın. Əslində nə yeriyə bilirdim, nə də nəfəs ala bilirdim".

Çempion qələbəsini anasına və anasının adını daşıyan balaca qızına həsr edib. O, həmçinin oktyabrın 25-30-da İtaliyada keçiriləcək Dünya çempionatına hazırlaşdığını bildirib.

82
Teqlər:
Fuad Zeynalov, döyüş, yarış, K1, idman, kikboks
Əlaqədar
"Rəqibi analiz etdikdən sonra əks taktikalarım olacaq"
Cüdoçumuz ilk rəqibinə qalib gəldi
Klublarımızın rəqibləri bəlli oldu
"Məşqçini yarışa özüylə gətirir ki, rəqibləri qorxutsun"
Dieqo Armando Maradona

Maradonanın həkimi ittihamlara cavab verdi

37
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

37
Teqlər:
axtarış, ittiham, həkim, ölüm, Dieqo Armando Maradona
Qurban Qurbanov, arxiv şəkli

"Qarabağ"dan üzücü xəbər: Qurban Qurbanov koronavirusa yoluxub

23
(Yenilənib 19:16 29.11.2020)
Dünən “Qarabağ”la Ağdama getməyən və bu gün komandanı meydana çıxarmayan 48 yaşlı mütəxəssisin səhhətindəki problem virusla bağlı olub

BAKI, 29 noyabr - Sputnik. “Qarabağ”ın baş məşqçisi Qurban Qurbanovun koronavirusa yoluxması təsdiqlənib.

Sputnik Azərbaycan apasport.az saytına istinadən bildirir ki, bu, Premyer Liqanın XI turunun “Sənail”lə matçından (1:1) sonra açıqlanıb.

Bildirilib ki, dünən “Qarabağ”la Ağdama getməyən və bu gün komandanı meydana çıxarmayan 48 yaşlı mütəxəssisin səhhətindəki problem virusla bağlı olub. Qurbanovun koronavirus testi müsbət nəticə verib.

23
Teqlər:
Qurban Qurbanov, Qarabağ FK, yoluxma, Koronavirus, epidemiya, COVID-19
Mövzu:
Azərbaycanda koronavirus: son xəbərlər
OPEC-in loqosu, arxiv şəkli

“OPEC+” nazirlərinin iclasının vaxtı dəyişib

0
(Yenilənib 16:32 01.12.2020)
Azərbaycanın energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur

BAKI, 1 dekabr — Sputnik. Dekabrın 1-də keçirilməsi nəzərdə tutulan "OPEC plus" ölkələri nazirlərinin 12-ci görüşünün vaxtı 3 dekabr tarixinə dəyişdirilib.

Sputnik Azərbaycan-ın məlumatına görə, görüşdə OPEC və qeyri-OPEC ölkələri nazirləri tərəfindən "Əməkdaşlıq Bəyannaməsi"ndən irəli gələn məsələlər üzrə müzakirələr keçiriləcək.

Azərbaycan Respublikasının energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur.

0
Teqlər:
nazirlər, OPEC, Müzakirələr