Çingiz Hüseynzadə

"Dopinq Qərbdə icad olunub, amma nədənsə, onların idmançılarında dopinq tapılmır"

40
Çingiz Hüseynzadə: "Zika virusu bir mif idi. Bu məsələni mətbuat və Beynəlxalq Həkimlər Təşkilatı elə şişirtmişdi ki, hamı Rio-de-Janeyroya getməkdən qorxurdu"

BAKI, 6 sen — Sputnik. "Azərbaycan idmançıları Rioda keçirilən 31-ci Olimpiya oyunlarında uğurla çıxış etdilər. Bir çox göstəricilər üzrə biz böyük nəticələr əldə etmişik. Sabah isə paralimpiya oyunları başlayır və biz ümid edirik ki, idmançılarımız orada da yaxşı nəticələr əldə edəcəklər".

Bu gün Sputnik Beynəlxalq Mətbuat Mərkəzində, "Azərbaycan yığmasının Rio-2016 Olimpiya oyunlarındakı nəticələri" mövzusunda keçirilən konfransda, Azərbaycan Milli Olimpiya Komitəsinin (AzMOK) vitse-prezidenti Çingiz Hüseynzadə belə deyib.

Rio-2016 Olimpiya Oyunları ərəfəsində Braziliyada zika virusu barədə təhlükəli vəziyyətin olduğu deyilirdi. Buna görə, idmançılara virusdan qorunmaq üçün tövsiyyələr verilmişdi. Çingiz Hüseynzadənin sözlərinə görə, Azərbaycan idmançıları Rio-de-Janeyroda olduqları müddətdə zika virusu ilə bağlı heç bir problemlə üzləşməyiblər.

"Zika virusu bir mif idi. Bu məsələni mətbuat və Beynəlxalq Həkimlər Təşkilatı elə şişirtmişdi ki, hamı Rio-de-Janeyroya getməkdən qorxurdu. Mən orada bir dənə də ağcaqanad görmədim. Zika virusu təhlükəsi sıfıra endirilmişdi, bütün obyektlər xüsusi maddələr ilə vaxtlı-vaxtında təmizlənirdi. Mən orada zika virusu ilə xəstələnən heç bir idmançı görmədim, əksinə, biz orada zika virusu haqqında unutmuşduq", — vitse-prezident vurğulayıb.

Azərbaycan güləşçisində dopinq olması barədə yayılan məlumatlara münasibət bildirərkən isə Ç. Hüseynzadə ölkəmizin son illər ərzində bu idman növü üzrə böyük uğurlar əldə etdiyini bildirib: "Azərbaycan güləşçiləri Olimpiya Oyunlarında doqquz medal qazandılar. Bu, bəzi adamları qıcıqlandırır. Deyirlər, "necə oldu ki, Azərbaycan bir idman növündə doqquz medal qazanıb, gəlin bunu araşdıraq!" Konkret bir fikir bildirilmir. Dopinqlə bağlı bu qalmaqal salınıb və davam edir. Bundan sonra necə olacağı isə bilinmir".

"Dopinqi və antidopinqi icad edən Qərb ölkələridir, lakin onların adı nədənsə dopinq tapılan siyahıya düşmür. Ancaq Azərbaycan, Qazaxıstan, Özbəkistan və digər bu kimi ölkələrin adı o siyahıya salınır. Bizim idmançılarımız həmişə yarışdan əvvəl də, sonra da dopinq testindən keçib və təmiz çıxıblar. İndi bilmirəm necə olub, kimsə yeni texnologiya tapıb, yenidən gəlib dopinqi yoxlayır. Heç bir qanunun geriyə tətbiqi yoxdur, ancaq dopinqdə var", — AzMOK yetkilisi qeyd edib.

O, hesab edir ki, dopinqlə bağlı yaxın iki il ərzində çoxlu mübahisələr gedəcək və əvvəl-axır bu məsələ öz həllini tapacaq. Ç. Hüseynzadə onu da qeyd edib ki, Azərbaycan gələn il keçiriləcək İslam oyunlarını böyük oyunlar səviyyəsinə qaldırıb.

"Bu vaxta kimi İslam Oyunlarına dünya idman ictimaiyyəti tərəfindən çox da ciddi maraq yox idi. Bu oyunlar sırf islam ölkələri arasında orta səviyyədə keçirilən oyunlar olurdu. Oyunlara hazırlıq prosesi isə çox qapalı şəkildə və piarsız keçirilirdi. Azərbaycan İslam oyunlarına yeni nəfəs gətirdi. Biz onları digər böyük oyunlar səviyyəsinə, ən azı kontinental oyunlar səviyyəsinə qaldırmağı bacardıq", — vitse-prezident deyib.

O, əlavə edib ki, bu gün artıq bütün dünyada Azərbaycanda IV İslam Oyunlarının hansı səviyyədə keçiriləcəyini bilirlər: "Beynəlxaql federasiyaların və Beynəlxalq Olimpiya Komitəsinin də bu oyunlara dəfələrlə artıb. Mən ümid edirəm ki, Azərbaycanda keçiriləcək İslam oyunları bu oyunların yeni səviyyəsini müəyyənləşdirəcək".

40
Teqlər:
"zika" virusu, dopinq, idman, olimpiada, olimpiya, Çingiz Hüseynzadə
Əlaqədar
İlham Əliyev 42-ci Ümumdünya Şahmat Olimpiadasını açıq elan edib
Afrika diktatoru Rio-2016 olimpiyaçılarının hamısını həbs etdirib
Olimpiya çempionu 4 milyon manatlıq villa aldı
Azərbaycan olimpiyaçıları Bakıya döndülər
Azərbaycan idmançısı Olimpiadadakı ədalətsizlikdən danışdı
Azərbaycan Olimpiadada növbəti gümüş medalını qazandı
Lorenzo Sotomayor Olimpiadanın finalında məğlub oldu
Bakı Olimpiya Stadionu, arxiv şəkli

Bakını pul gətirən layihədən çıxarırlar?

89
(Yenilənib 13:30 25.01.2021)
Türkiyə yalnız coğrafi baxımdan Azərbaycana yaxın deyil, həmçinin ənənəvi olaraq öz komandalarını fəal şəkildə dəstəkləyən türk azarkeşlərin axınını da nəzərə alsaq, paytaxtımız UEFA oyunlarının keçirilməsi üçün sərfəli məkan hesab oluna bilər.

BAKI, 25 yanvar — Sputnik, Teymur Tuşiyev. Avropa Futbol Assosiasiyaları Birliyi (UEFA) 2020-ci ildə keçirilməli olan və koronavirus pandemiyası səbəbindən 2021-ci ilə kimi təxirə salınan Avropa çempionatının təşkilatçı sayını azaltmaq məqsədilə dörd variantı nəzərdən keçirir. Sputnik Azərbaycan bu barədə Express.de-yə istinadən xəbər yayıb.

AVRO 2020-nin təşkilatçıları ilə bağlı ssenarilərdən biri çempionata ev sahibliyi edəcək şəhərlərin sayının 12-dən 10-a endirilməsindən ibarətdir. İkinci variantda şəhərlərin sayının 5-ə, üçüncü variantda isə 2-yə endirilməsi nəzərdə tutulur.

Qeyd edək ki, sonuncu dəfə 2012-ci ildə Avropa çempionatı iki ölkədə keçirilmiş, həmin vaxt turnirə Polşa və Ukrayna ev sahibliyi etmişdi.

Nəhayət, dördüncü ssenari keçən il Avropa Liqasının həlledici mərhələsində olduğu kimi, çempionatın yalnız bir ölkədə keçirilməsini nəzərdə tutur.

Bununla belə, hansı şəhərlərin təşkilatçılar siyahısından çıxarıla biləcəyi haqqında məlumat verilmir, yalnız o qeyd olunur ki, şəhərlərin sayının azaldılması çoxsaylı səfərlərin qarşısını almaq zərurətindən irəli gəlir. Əgər coğrafi prinsipdən çıxış edilərsə, siyahıda Avropaya ən uzaq olan şəhərlər Bakı və Sankt-Peterburqdur. Bu səbəbdən AVRO 2020-yə ev sahibliyi edəcək şəhərlər siyahısından çıxarılan ilk namizədlər məhz bu şəhərlər ola bilər.

"Qarabağ" futbol klubundan sensasion açıqlama>>

Digər tərəfdən, üç qarşılaşması Bakıda keçirilməli olan "A" qrupunda Türkiyə yığması da var. Özü də bu ölkə yalnız coğrafi baxımdan Azərbaycana yaxın deyil, həmçinin ənənəvi olaraq öz komandalarını fəal şəkildə dəstəkləyən türk azarkeşlərin axınını da nəzərə alsaq, Bakı UEFA oyunlarının keçirilməsi üçün sərfəli məkan hesab oluna bilər. Bununla belə, eyni qrupda olan Uels komandası Bakıya gəlmək üçün min kilometr yol qət etməlidir. Odur ki, UEFA qərar qəbul edərkən bu iki amildən birinə üstünlük verməlidir.

Əgər Avropa Futbol İttifaqı AVRO 2020-yə ev sahibliyi edəcək şəhərlərin sayını kəskin şəkildə azaltmağa qərar versə, bu halda oyunların keçirilə biləcəyi dörd Avropa şəhəri qeyd olunur: Münhen (Almaniya), London (Böyük Britaniya), Vyana (Avstriya) və Lissabon (Portuqaliya).

UEFA AVRO 2020-nin təşkilatçılarının sayının azaldılması ehtimalı ilə bağlı xəbərləri şərh etməyib, bununla belə qurumdan bildirilib ki, hazırda assosiasiya 12 təşkilatçı ilə birgə Avropa çempionatı ərzində stadionların hansı formada doldurulması ilə bağlı turnir ssenariləri üzərində işləyir. Həmin ssenarilərə əsasən, çempionat vaxtı tribunaların 50 faizdən 100 faizə, 20 faizdən 30 faizə qədər doldurulması və ya oyunların tamamilə azarkeşsiz keçirilməsi nəzərdə tutulur.

Xatırladaq ki, Bakı futbol üzrə Avropa çempionatının dörd oyununa ev sahibliyi etməli idi. Bakı Olimpiya Stadionunda İsveçrə - Uels, Türkiyə - Uels və İsveçrə - Türkiyə milli komandaları arasında A qrupunun oyunları və dörddə bir finallardan birinin keçirilməsi nəzərdə tutulmuşdu. AVRO 2020-nin bu il iyunun 11-dən iyulun 11-nə kimi keçirilməsi planlaşdırılır.

Avropa çempionatının formatı ilə bağlı son qərar martın əvvəlində açıqlanacaq.

89
Teqlər:
Bakı, UEFA, AVRO-2020, futbol
Məsut Özil, arxiv şəkli

Məsut Özil bundan sonra Türkiyədə oynayacaq

24
(Yenilənib 20:41 24.01.2021)
Türkiyə mediası 3.5 illik sözləşməyə imza atan Özilin bu müddət ərzində İstanbul klubunda 15 milyon avrodan çox qazacağını yazıb.

BAKI, 24 yanvar - Sputnik. Türkiyənin "Fənərbaxça" klubu yeni transferi Məsut Özillə 3,5 illik müqavilə bağlayıb.

Sputnik Azərbaycan klubun rəsmi saytına istinadla xəbər verir ki, 2014-cü ildən oyunçusu olduğu Almaniya millisindən istefa verən türkəsilli hücumameylli yarımmüdafiəçi müqaviləyə imza atdıqdan dərhal sonra məşqlərə başlayıb.

"Burada olduğum üçün xoşbəxtəm. Xəyalım gerçək oldu. İnanıram ki, uğurlu mövsüm keçirəcəyik", - deyə Özil vurğulayıb.

33 yaşlı oyunçunun transferi "sarı-lacivərdlilər"ə demək olar ki, havayı başa gəlib. Türkiyə mediası 3.5 illik sözləşməyə imza atan Özilin bu müddət ərzində İstanbul klubunda 15 milyon avrodan çox qazacağını yazıb.

Özil İngiltərə "Arsenal"ı ilə müqaviləsini pozduqdan sonra İstanbul klubu ilə razılaşıb. 

24
Teqlər:
İstanbul, "Fənərbaxça", məşhur futbolçu, futbolçu, Məsut Özil
Nəqliyyat, Rabitə və Yüksək Texnologiyalar naziri Ramin Quluzadə

Ramin Quluzadə Prezidentin İşlər müdiri təyin edildi

2
Quluzadə bundan əvvəl Azərbaycan Respublikasının nəqliyyat, rabitə və yüksək texnologiyalar naziri vəzifəsində çalışıb

BAKI, 26 yanvar — Sputnik. Ramin Namiq oğlu Quluzadə Azərbaycan Respublikası Prezidentinin İşlər müdiri təyin edilib.

Sputnik Azərbaycan xəbər verir ki, bununla bağlı Prezident İlham Əliyev sərəncam imzalayıb.

Qeyd edək ki, R.Quluzadə bundan əvvəl Azərbaycan Respublikasının nəqliyyat, rabitə və yüksək texnologiyalar naziri vəzifəsində çalışıb. O, bu gün dövlət başçısının sərəncamı ilə nəqliyyat, rabitə və yüksək texnologiyalar naziri vəzifəsindən azad edilib.

Prezidentin digər sərəncamı ilə Oqtay Qəşəm oğlu Şahbazov Azərbaycan Respublikası Prezidentinin İşlər müdiri vəzifəsindən azad edilib.

2