Zurab Azmayparaşvili

"Azərbaycanın ev sahibliyi etdiyi olimpiada indiyə qədərki yarışların ən yaxşısıdır"

22
(Yenilənib 14:50 06.09.2016)
Zurab Azmayparaşvili: "Fəxr edirəm ki, Bakıda belə bir olimpiada keçirilir"

BAKI, 6 sen — Sputnik. 42-ci Ümumdünya Şahmat Olimpiadasını canlı izləyən Avropa Şahmat İttifaqının prezidenti, milli komandamızın keçmiş kapitanı Zurab Azmayparaşvili jurnalistlər üçün brifinq keçirib. Sputnik Zurab Azmayparaşvilinin müsahibəsini təqdim edir:

- 42-ci Ümumdünya Şahmat Olimpiadasında artıq 3 tur geridə qalıb. Turnirin təşkilatçılığını necə dəyərləndirirsiniz?

— Bu, iştirak etdiyim sayca 13-cü şahmat olimpiadasıdır. Fərqli statuslarda — oyunçu, FİDE-nin vitse-prezidenti, Gürcüstan Şahmat Federasiyasının rəsmisi kimi olimpiadalarda iştirak etmişəm. Avropa Şahmat İttifaqının prezidenti kimi isə ilk dəfədir ki, olimpiadaya qatılıram. Çox şadam ki, bu yarış Bakıda, bizə doğma olan məkanda keçirilir. Bizim ölkələrimiz arasında çox sıx əlaqələr mövcuddur. Təkcə qonşuluqdan söhbət getmir. Mənim Azərbaycanla bağlı xoş xatirələrim var. Komandanın kapitanı olduğum vaxt Azərbaycan millisi 2009-cu ildə ilk dəfə Avropa çempionu oldu. Təəssüf ki, eyni uğuru dünya çempionatında təkrarlaya bilmədik.

Azərbaycanda şahmata olan diqqət məni daim heyran edib. Məhz dövlət dəstəyi sayəsində Azərbaycan şahmatı hazırda bu səviyyəyə çatıb. Olimpiadaya ev sahibliyi etmək asan deyil. Ümumi götürsək, şahmat olimpiadası nüfuzuna görə üçüncü vacib idman hadisəsi hesab olunur.

Təşkilatçılıq barədə ancaq müsbət fikirlər səsləndirmək olar. Əmin idim ki, Bakı Şahmat Olimpiadası tarixə düşəcək. Azərbaycanın ev sahibliyi etdiyi olimpiada bu günə qədər baş tutan yarışlar arasında ən yaxşılardan biri yox, ən yaxşısıdır. Burada gördüklərim gözlədiklərimdən də çox oldu.

Bildiyiniz kimi, növbəti olimpiada Gürcüstanda olacaq. Azərbaycanın təcrübəsindən yararlanmaq üçün bura komanda göndərmişdim. Onlar da gördüklərindən heyran olublar. Hətta Azərbaycandakı olimpiadadan sonra belə yüksək səviyyəli yarış keçirməyin mümkünsüzlüyünü qeyd edirlər. Azərbaycanın yüksək təşkilatçılığı mənim üçün başağrısı olacaq. Lakin bu, xoş haldır. Fəxr edirəm ki, Bakıda belə bir olimpiada keçirilir.

- İlk 3 tur ərzində hansı nəticə sizin üçün sürpriz olub?

— Hələ ki yalnız Gürcüstan millisi məni təəccübləndirib. Qadınlardan ibarət yığmamız ikinci turda gözlənilmədən Filippinə uduzdu. Olimpiada uzun marafondur. Hələ 8 tur var və bir çox maraqlı nəticələr qeydə alına bilər.

- Azərbaycan şahmatçılarının çıxışını necə dəyərləndirə bilərsiniz?

— Azərbaycanda əsas diqqət kişilərdən ibarət əsas yığmaya yönəldilib. Komandanın çıxışı hələ ki yaxşıdır. Dünən Macarıstanla görüşdə xal itirmək ehtimalı var idi. Amma sona qədər mübarizə aparıb 3:1 hesablı qələbə qazandılar.

- Sizin vaxtınızdakı Azərbaycan millisi ilə indiki komandanı müqayisə etmək olar?

— Həmin vaxt komanda gənc idi. Hazırda şahmatçılar xeyli təcrübə toplayıblar. Qələbənin sevincini, məğlubiyyətin acısını bilirlər. Komandada hazırda motivasiya yüksəkdir. Doğma divarlar arasında Azərbaycan yığması maksimum nəticə göstərməyə çalışır.

- Olimpiadadan öncə Azərbaycan və Gürcüstan yığmalarının birgə toplanışı oldu. Bu barədə də fikirləriniz maraqlıdır.

— Qəbələdə əla şəraitdə çox yaxşı hazırlıq alındı. Yoldaşlıq görüşləri Azərbaycan yığmasının qələbəsi ilə tamamlandı. Amma mən 57:43 hesabını gözləmirdim. Düşünürdüm ki, Azərbaycan millisi daha böyük hesablı qələbə qazanacaq. Görünür, Teymur Rəcəbovun hazırlıqda tam iştirak etməməsi nəticəyə təsirini göstərib.

22
Teqlər:
Zurab Azmayparaşvili, Avropa Şahmat İttifaqı, 42-ci Ümumdünya Şahmat Olimpiadası, yarış, idman
Əlaqədar
Bakı Şahmat Olimpiadasında üçüncü tur başlayıb
Bakıda Ümumdünya Şahmat Olimpiadasının birinci turuna start verildi
İlham Əliyev 42-ci Ümumdünya Şahmat Olimpiadasını açıq elan edib
Ümumdünya Şahmat Olimpiadasının açılışına belə hazırlaşırıq
Şahmat üzrə Azərbaycan komandalarının kapitanları müəyyənləşdi
Güləş, arxiv şəkli

Fransa Güləş Federasiyası loqoda bayrağımızın olmamasına görə üzr istədi

23
(Yenilənib 11:47 14.01.2021)
Azərbaycan Güləş Federasiyasının mətbuat katibi Sərxan Musayev səsləndirilən narazılıqlara aydınlıq gətirib.

BAKI, 14 yanvar — Sputnik. Fransanın Nitsa şəhərində keçiriləcək güləş üzrə Qran-pri turnirinin təşkilatçıları Azərbaycan bayrağının yarışın loqosunda yer almamasına görə üzr istəyib.

Bu barədə "Report"a Azərbaycan Güləş Federasiyasının Mətbuat katibi Sərxan Musalı məlumat verib.

O bildirib ki, məsələ ilə bağlı dərhal Fransa Güləş Federasiyası ilə əlaqə saxlayıblar: "Onlar qeyd etdilər ki, üzrlü hesab edin, bu, daha əvvəl hazırlanmış loqodur və burada bəzi yarış iştirakçılarının bayraqları yoxdur. Loqoda daha əvvəl bu yarışda olan ölkələrin bayraqları həkk olunub. Buna görə nəzərə alınmayıb. Loqoda elə ölkələrin bayraqları var ki, bu yarışda iştirak etmirlər. Həmin loqo 2020-ci ildə də istifadə edilib. Sadəcə, diqqətsizlik olub və bizə üzürxahlıq etdilər. Təşkilatçılıqla bağlı problem belə ola bilərdi ki, yarış nəkanında bayrağımız olmazdı. Amma bununla bağlı problem olmayacaq".

Federasiya rəsmisi təşkilatçılar tərəfindən heç bir soyuq münasibət görmədiklərini sözlərinə əlavə edib: "Mənfi nəsə hiss etməmişik. Ümumiyyətlə, problem olsaydı, bizim komandalara viza verməz, iştiraklarına problem yaradardılar. Arxivə də nəzər saldıq, Dünya Güləş Birliyinin saytında 2014-cü ildən sonrakı yarışları görmək mümkündür. 2019-cu ilə qədər bu yarış Qran-pri statusu almayıb. 2019, 2020 və 2021-ci illərdə artıq Qran-pri statusu ilə təşkil edilib. Yəni, həmin vaxta qədər ciddi yarış hesab edilmirdi. 2019-cu ilə qədər yalnız qadın və sərbəst güləşçilər arasında keçirilib. 2020 və 2021-ci illərdə isə güləşin hər üç növü proqrama daxil edilib. Biz 2020-ci ildə ilk dəfə bu yarışa qatılmışıq. Həmin vaxt yunan-Roma güləşi üzrə yığma komanda iştirak edib. Bu il isə həm yunan-Roma, həm də sərbəst güləşçilərimiz mübarizə aparacaq. Artıq təşkilatçılar bu çatışmazlığı aradan qaldırıblar və loqoya Azərbaycan bayrağını da yerləşdiriblər".

Qeyd edək ki, Qran-pri 15 - 17 yanvarda olacaq.

23
Bakı Olimpiya Stadionu, arxiv şəkli

"UEFA-2020" ilə bağlı vergidən azadolmanın müddəti artırıldı

10
Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi.

BAKI, 12 yanvar - Sputnik. Prezident İlham Əliyev Vergi Məcəlləsinə və “Gömrük tarifi haqqında” qanuna dəyişiklikləri təsdiqləyib.

Sputnik Azərbaycan xəbər verir ki, dəyişikliklər "UEFA-2020" futbol çempionatı ilə bağlı vergidən azadolmanın müddətinin daha 1 il uzadılmasını nəzərdə tutur.

Sənəddə deyilir ki, Avropa Futbol Assosiasiyaları Birliyinin (UEFA) İcraiyyə Komitəsi ötən il Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.

Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi. Hazırda bütün dünyada yeni növ koronavirusun (COVID-19) yayılması ictimai-siyasi, sosial-iqtisadi həyatın bütün sahələrinə təsir etdiyi kimi, idman sahəsindən də yan keçməyib, o cümlədən böyük idman oyunlarının keçirilməsi təxirə salınıb.

Bildirilib ki, bu səbəbdən futbol üzrə Avropa çempionatının 2020-ci ildə keçirilməsi nəzərdə tutulan oyunlarının 2021-ci ildə Bakıda keçirilməsi nəzərdə tutulur. Bununla əlaqədar, “Vergi Məcəlləsində dəyişiklik edilməsi haqqında” 9 aprel 2019-cu il tarixli və “Gömrük tarifi haqqında” qanunda dəyişiklik edilməsi barədə” 9 aprel 2019-cu il tarixli qanunların qüvvədə olma müddətinin 1 avqust 2021-ci il tarixinə qədər uzadılması nəzərdə tutulur.

Həmin qanunlarla Azərbaycanda keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar bir çox vergi növləri üzrə - gəlir vergisindən, mənfəət vergisindən, ƏDV-dən, aksizli mallara görə aksizdən, habelə gömrük rüsumlarından azadolmalar nəzərdə tutulub.

10
Hövsanda çirkli ərazi

Xəzərə tullantıların atılması azalıb

0
"ETSN sadəcə tullantıların idarəedilməsinə nəzarət edir, amma bələdiyyələr həmin tullantıların yığılmasını və atılmasını təmin etməlidirlər".

BAKI, 19 yanvar — Sputnik. Xəzər dənizinə tullantı sularının axıdılması halları xeyli azalıb.

Sputnik Azərbaycan xəbər verir ki, bu barədə Ekologiya və Təbii Sərvətlər Nazirliyinin Ekoloji Siyasət şöbəsinin müdiri Rasim Səttarzadə "Ekspert saatı" proqramında bildirib.

Onun sözlərinə görə, ötən dövr ərzində həm Xəzərə axıdılan tullantı sularının həcmi, həm də axarların sayı azalıb: "Lakin təkcə Abşeron yarımadasından Xəzərə gün ərzində 1 milyon kub metr su axıdılır. Bunun qarşısının alınması üçün tədbirlər görülür".

O qeyd edib ki, Bakı şəhərində tullantıların idarəedilməsi ilə bağlı əksər problemlər həll edilib. Belə ki, regionlarda bu problem hələ qalmaqda davam edir. O, bu problemin həlli üçün strategiya təsdiqləndiyini də nəzərə çatdırıb: "ETSN sadəcə tullantıların idarəedilməsinə nəzarət edir, amma bələdiyyələr həmin tullantıların yığılmasını və atılmasını təmin etməlidirlər".

0