Prezident İlham Əliyev Ümumdünya Şahmat Olimpiadasının birinci turunun açılışında iştirak edib

Bakıda Ümumdünya Şahmat Olimpiadasının birinci turuna start verildi

14
İlham Əliyev Azərbaycanın kişilərdən ibarət birinci komandasının üzvü Şəhriyar Məmmədyarov ilə Zimbabve şahmatçısı Rodvel Makoto arasındakı partiyada ilk gedişi edib

BAKI, 2 sen — Sputnik. Bu gün "Baku Crystal Hall"da 42-ci Ümumdünya Şahmat Olimpiadasının birinci turuna start verilib. Sputnik xəbər verir ki, tədbirdə iştirak edən prezident İlham Əliyev Beynəlxalq Şahmat Federasiyasının (FIDE) prezidenti Kirsan İlyumjinov ilə görüşüb. Sonra dövlət başçısı Azərbaycanın kişilərdən ibarət birinci komandasının üzvü Şəhriyar Məmmədyarov ilə Zimbabve şahmatçısı Rodvel Makoto arasındakı partiyada ilk gedişi (D2-D4) edib.

Bakı Olimpiadasında 175 ölkəni təmsil edən 181 kişi və 142 qadın komandanın 1600-dən çox üzvü, bundan əlavə, yüzlərlə komanda kapitanları və məşqçilər, digər rəsmi nümayəndələr iştirak edirlər. Bu, iştirakçı ölkələrin sayına görə Olimpiada tarixində rekord göstəricidir. Yarışları 193 hakim idarə edir. Yarışın idarə olunmasına Azərbaycandan 30 hakim cəlb edilib.

Azərbaycan Olimpiadada üç kişi və üç qadın komandası ilə təmsil olunur. Kişilərdən ibarət "Azərbaycan-1" komandası Zimbabve, "Azərbaycan-2" Mozambik, "Azərbaycan-3" isə Papua-Yeni Qvineya milliləri ilə qarşılaşacaq. Qadınların mübarizəsində isə "Azərbaycan-1" komandası Nikaraqua, "Azərbaycan-2" Yaponiya, "Azərbaycan-3" isə Lesoto yığması ilə üz-üzə gələcək.

1 / 8
Prezident İlham Əliyev Ümumdünya Şahmat Olimpiadasının birinci turunun açılışında iştirak edib

Sonra dövlət başçısı yarışların keçirildiyi zala baxıb, şahmatçıların oyunlarını izləyib. Prezident İlham Əliyev qadın şahmatçıların yarışında Rusiya idmançısı Aleksandra Kostenyuk ilə şotlandiyalı Araksamita Grant arasındakı partiyada da ilk gedişi (E2-E4) edib.

Azərbaycan prezidenti əlil şahmatçıların yarışına da baxıb, daha sonra arenada yaradılan şəraitlə tanış olub. On bir turdan ibarət yarışlar sentyabrın 13-də yekunlaşacaq. Olimpiada ilə yanaşı, sentyabrın 4-dən 13-dək Bakıda FIDE-nin 87-ci Konqresi və Baş Assambleyasının iclasları keçiriləcək.

Şahmat Olimpiadasını işıqlandırmaq üçün 250-dən çox yerli və xarici media nümayəndəsi qeydiyyatdan keçib.

14
Teqlər:
"Baku Crystal Hall", Ümumdünya Şahmat Olimpiadası, Kirsan İlyumjinov, şahmat, İlham Əliyev
Əlaqədar
Elman Rüstəmov: Şahmatçılarımızın uğur qazanması federasiya hər şeyi edib
Ümumdünya Şahmat Olimpiadasının açılışına belə hazırlaşırıq
Qadın şahmatçılarımız Gürcüstan komandası ilə qarşılaşıblar
Erməni şahmatçı Azərbaycana gələcək
Şahmat üzrə Azərbaycan komandalarının kapitanları müəyyənləşdi