Azərbaycan millisinin sabiq baş məşqçisi, ikiqat dünya və Avropa çempionu Nizami Paşayev

Azərbaycanlı idmançı dopinq iddiasını rədd edir

94
Nizami Paşayev: "Tək məni deyil, onlarla olimpiya çempionunun dopinqə salıblar"

BAKI, 24 avq — Sputnik. "Qanımda dopinq aşkarlanması ilə bağlı Beynəlxalq Ağırlıqqaldırma Federasiyasının qərarı barədə məlumatım yoxdur. İlk dəfə sizdən eşidirəm. Əgər elədirsə, 5-ci yeri əlimdən alacaqlar".

Bunu Sputnik-ə açıqlamasında ağırlıqqaldırma üzrə ikiqat dünya və Avropa çempionu Nizami Paşayev deyib. O, barəsindəki qərarla razılaşmadığını deyib: "Mən dopinq tərkibli heç nə qəbul etməmişəm. Lakin bu, IWF-in qərarını dəyişəcək deyil".

"Tək məni deyil, onlarla olimpiya çempionunun dopinqə salıblar. Odur ki, əlavə nəsə demək fikrim yoxdur", — çempion bildirib.

Qeyd edək ki, Beynəlxalq Ağırlıqqaldırma Federasiyasının (IWF) 2008-ci il Pekin Yay Olimpiya Oyunlarında dopinq-testdən keçə bilməyən idmançıların adlarını açıqlayıb. BU siyahıda idmançımız ikiqat dünya və Avropa çempionu Nizami Paşayevdir. Avropa çempionu Nİzami Paşayev 3 preparat — Dehidroxlormetiltestosteron, Oksandrolon və Stanozolol preparatları aşkarlanıb.

94
Teqlər:
IWF, Nizami Paşayev, Beynəlxalq Ağırlıqqaldırma Federasiyası, dopinq
Əlaqədar
Azərbaycanın ikiqat dünya çempionunda dopinq aşkarlandı
Putin: İdmanda dopinqin yeri olmayıb və olmayacaq
Milli Olimpiya Komitəsinin vitse-prezidentindən idmançılara dopinq xəbərdarlığı
Dopinqdə ittiham olunan azərbaycanlı idmançı: "Son şansım idi..."
Azərbaycanla Dünya Ağır Atletika Federasiyası arasında dopinq qalmaqalı davam edir
Nazirlik dopinqə düşən idmançılarla bağlı açıqlama yaydı
Bakı Olimpiya Stadionu, arxiv şəkli

Bakını pul gətirən layihədən çıxarırlar?

89
(Yenilənib 13:30 25.01.2021)
Türkiyə yalnız coğrafi baxımdan Azərbaycana yaxın deyil, həmçinin ənənəvi olaraq öz komandalarını fəal şəkildə dəstəkləyən türk azarkeşlərin axınını da nəzərə alsaq, paytaxtımız UEFA oyunlarının keçirilməsi üçün sərfəli məkan hesab oluna bilər.

BAKI, 25 yanvar — Sputnik, Teymur Tuşiyev. Avropa Futbol Assosiasiyaları Birliyi (UEFA) 2020-ci ildə keçirilməli olan və koronavirus pandemiyası səbəbindən 2021-ci ilə kimi təxirə salınan Avropa çempionatının təşkilatçı sayını azaltmaq məqsədilə dörd variantı nəzərdən keçirir. Sputnik Azərbaycan bu barədə Express.de-yə istinadən xəbər yayıb.

AVRO 2020-nin təşkilatçıları ilə bağlı ssenarilərdən biri çempionata ev sahibliyi edəcək şəhərlərin sayının 12-dən 10-a endirilməsindən ibarətdir. İkinci variantda şəhərlərin sayının 5-ə, üçüncü variantda isə 2-yə endirilməsi nəzərdə tutulur.

Qeyd edək ki, sonuncu dəfə 2012-ci ildə Avropa çempionatı iki ölkədə keçirilmiş, həmin vaxt turnirə Polşa və Ukrayna ev sahibliyi etmişdi.

Nəhayət, dördüncü ssenari keçən il Avropa Liqasının həlledici mərhələsində olduğu kimi, çempionatın yalnız bir ölkədə keçirilməsini nəzərdə tutur.

Bununla belə, hansı şəhərlərin təşkilatçılar siyahısından çıxarıla biləcəyi haqqında məlumat verilmir, yalnız o qeyd olunur ki, şəhərlərin sayının azaldılması çoxsaylı səfərlərin qarşısını almaq zərurətindən irəli gəlir. Əgər coğrafi prinsipdən çıxış edilərsə, siyahıda Avropaya ən uzaq olan şəhərlər Bakı və Sankt-Peterburqdur. Bu səbəbdən AVRO 2020-yə ev sahibliyi edəcək şəhərlər siyahısından çıxarılan ilk namizədlər məhz bu şəhərlər ola bilər.

"Qarabağ" futbol klubundan sensasion açıqlama>>

Digər tərəfdən, üç qarşılaşması Bakıda keçirilməli olan "A" qrupunda Türkiyə yığması da var. Özü də bu ölkə yalnız coğrafi baxımdan Azərbaycana yaxın deyil, həmçinin ənənəvi olaraq öz komandalarını fəal şəkildə dəstəkləyən türk azarkeşlərin axınını da nəzərə alsaq, Bakı UEFA oyunlarının keçirilməsi üçün sərfəli məkan hesab oluna bilər. Bununla belə, eyni qrupda olan Uels komandası Bakıya gəlmək üçün min kilometr yol qət etməlidir. Odur ki, UEFA qərar qəbul edərkən bu iki amildən birinə üstünlük verməlidir.

Əgər Avropa Futbol İttifaqı AVRO 2020-yə ev sahibliyi edəcək şəhərlərin sayını kəskin şəkildə azaltmağa qərar versə, bu halda oyunların keçirilə biləcəyi dörd Avropa şəhəri qeyd olunur: Münhen (Almaniya), London (Böyük Britaniya), Vyana (Avstriya) və Lissabon (Portuqaliya).

UEFA AVRO 2020-nin təşkilatçılarının sayının azaldılması ehtimalı ilə bağlı xəbərləri şərh etməyib, bununla belə qurumdan bildirilib ki, hazırda assosiasiya 12 təşkilatçı ilə birgə Avropa çempionatı ərzində stadionların hansı formada doldurulması ilə bağlı turnir ssenariləri üzərində işləyir. Həmin ssenarilərə əsasən, çempionat vaxtı tribunaların 50 faizdən 100 faizə, 20 faizdən 30 faizə qədər doldurulması və ya oyunların tamamilə azarkeşsiz keçirilməsi nəzərdə tutulur.

Xatırladaq ki, Bakı futbol üzrə Avropa çempionatının dörd oyununa ev sahibliyi etməli idi. Bakı Olimpiya Stadionunda İsveçrə - Uels, Türkiyə - Uels və İsveçrə - Türkiyə milli komandaları arasında A qrupunun oyunları və dörddə bir finallardan birinin keçirilməsi nəzərdə tutulmuşdu. AVRO 2020-nin bu il iyunun 11-dən iyulun 11-nə kimi keçirilməsi planlaşdırılır.

Avropa çempionatının formatı ilə bağlı son qərar martın əvvəlində açıqlanacaq.

89
Teqlər:
Bakı, UEFA, AVRO-2020, futbol
Məsut Özil, arxiv şəkli

Məsut Özil bundan sonra Türkiyədə oynayacaq

24
(Yenilənib 20:41 24.01.2021)
Türkiyə mediası 3.5 illik sözləşməyə imza atan Özilin bu müddət ərzində İstanbul klubunda 15 milyon avrodan çox qazacağını yazıb.

BAKI, 24 yanvar - Sputnik. Türkiyənin "Fənərbaxça" klubu yeni transferi Məsut Özillə 3,5 illik müqavilə bağlayıb.

Sputnik Azərbaycan klubun rəsmi saytına istinadla xəbər verir ki, 2014-cü ildən oyunçusu olduğu Almaniya millisindən istefa verən türkəsilli hücumameylli yarımmüdafiəçi müqaviləyə imza atdıqdan dərhal sonra məşqlərə başlayıb.

"Burada olduğum üçün xoşbəxtəm. Xəyalım gerçək oldu. İnanıram ki, uğurlu mövsüm keçirəcəyik", - deyə Özil vurğulayıb.

33 yaşlı oyunçunun transferi "sarı-lacivərdlilər"ə demək olar ki, havayı başa gəlib. Türkiyə mediası 3.5 illik sözləşməyə imza atan Özilin bu müddət ərzində İstanbul klubunda 15 milyon avrodan çox qazacağını yazıb.

Özil İngiltərə "Arsenal"ı ilə müqaviləsini pozduqdan sonra İstanbul klubu ilə razılaşıb. 

24
Teqlər:
İstanbul, "Fənərbaxça", məşhur futbolçu, futbolçu, Məsut Özil

Azərbaycanda koronavirus: yoluxma sayı yenə üçrəqəmliyə qalxdı

2
İndiyədək ölkədə ümumilikdə 229 358 nəfərin koronavirus infeksiyasına yoluxması faktı müəyyən edilib, onlardan 221 116 nəfər müalicə olunaraq sağalıb, 3 100 nəfər vəfat edib

BAKI, 26 yanvar - Sputnik. Azərbaycan Respublikasında koronavirus (COVID-19) infeksiyasına 326 yeni yoluxma faktı qeydə alınıb, 551 nəfər müalicə olunaraq sağalıb. Qeyd edək ki, yanvarın 25-də bir sutkada yoluxanların sayı 57 idi. 

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 7 nəfər vəfat edib.

İndiyədək ölkədə ümumilikdə 229 358 nəfərin koronavirus infeksiyasına yoluxması faktı müəyyən edilib, onlardan 221 116 nəfər müalicə olunaraq sağalıb, 3 100 nəfər vəfat edib, aktiv xəstə sayı 5 142 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 7 807, ötən müddət ərzində isə ümumilikdə 2 372 616 test aparılıb.

2
Teqlər:
ölənlər, yoluxma, Azərbaycan, statistika, Koronavirus, epidemiya, COVID-19
Mövzu:
Azərbaycanda koronavirus: son xəbərlər