Teymur Məmmədov (81 kq) 1/16 final mərhələsində rinqdə ilk görüşə ukraynalı rəqibi Denis Solonenko ilə çıxıb

Azərbaycan boksçusu 1/8 finaldadır

48
(Yenilənib 11:19 08.08.2016)
Rio-2016-da Azərbaycan Olimpiya komandasının bayraqdarı olan Teymur Məmmədov qələbə uğrunda mübarizəyə inamla başlayıb.

Murad Fərzəliyev, xüsusi olaraq Sputnik Azərbaycan üçün

BAKI, 8 avq-Sputnik. XXXI Yay Olimpiya Oyunlarının proqramına daxil olan idman növləri üzrə qələbə uğrunda mübarizə aparan atletlərin yarış həyəcanı davam edir.

Olimpiya Oyunlarının üçüncü günü boks üzrə növbəti qarşılaşmalar keçirilib. Rio-2016-ya tam heyətlə yollanan boks üzrə yığmamızın üzvü Teymur Məmmədov (81 kq) 1/16 final mərhələsində rinqdə ilk görüşə ukraynalı rəqibi Denis Solonenko ilə çıxıb.

Gərgin keçən hər üç raundda əzmlə mübarizə aparan boksçumuz rəqibini məğlub edərək 1/8 finala vəsiqə qazanıb.

London Olimpiadasının bürünc və Avropa Oyunlarının qızıl medalçısı olan Teymur Məmmədov boks üzrə yığma komandanın ümidverici idmançılarından biridir. Rio-2016-da Azərbaycan Olimpiya komandasının bayraqdarı olan Teymur Məmmədov qələbə uğrunda mübarizəyə inamla başlayıb.

  • Теймур Мамедов против Дениса Солоненко (Украина). 1/16 финала
    Теймур Мамедов против Дениса Солоненко (Украина). 1/16 финала
    © Sputnik / Murad Farzaliyev
  • Теймур Мамедов против Дениса Солоненко (Украина). 1/16 финала
    Теймур Мамедов против Дениса Солоненко (Украина). 1/16 финала
    © Sputnik / Murad Farzaliyev
  • Теймур Мамедов против Дениса Солоненко (Украина). 1/16 финала
    Теймур Мамедов против Дениса Солоненко (Украина). 1/16 финала
    © Sputnik / Murad Farzaliyev
  • Теймур Мамедов против Дениса Солоненко (Украина). 1/16 финала
    Теймур Мамедов против Дениса Солоненко (Украина). 1/16 финала
    © Sputnik / Murad Farzaliyev
  • После поединка Теймур Мамедов дал журналистам короткое интервью
    После поединка Теймур Мамедов дал журналистам короткое интервью
    © Sputnik / Murad Farzaliyev
1 / 5
© Sputnik / Murad Farzaliyev
Теймур Мамедов против Дениса Солоненко (Украина). 1/16 финала

İlk qələbəsindən dərhal sonra jurnalistlərə qısa müsahibə verən boksçumuz bildirib ki, rəqibi ilə döyüşü çətin keçsə də o, qələbə uğrunda inamla mübarizə aparıb. İlk qələbəsindən sonra arxayınlaşmadığını, gələcək görüşlərini də qələbə ilə başa vurmaq üçün bütün gücünü səfərbər edəcəyini deyən Teymur Məmmədov Olimpiya medalını qazanmaq arzusunda olduğunu vurğulayıb.

Rioda boks üzrə yığma komandamız 10 kişi və 1 qadın boksçu ilə təmsil olunur. Bu gün Olimpiadanın rinqinə daha bir boksçumuz- Abdulqadir Abdullayev (91 kq) çıxacaq. Onun rəqibi fransalı boksçu Pol Omba Bionqolo olacaq.

48
Teqlər:
Avropa Oyunları, Teymur Məmmədov, XXXI Yay Olimpiya Oyunları, London olimpiadası, Rio-2016 Olimpiya Oyunları, Pol Omba Bionqolo
Əlaqədar
Rio-de-Janeyroda IV İslam Həmrəyliyi Oyunlarının təqdimat mərasimi keçirilib
Rio-2016 Sputnikin obyektivində
Rio-2016: Oyunların II gününündə 16 ölkə ümumilikdə 23 medal qazanıb
Rio-de-Janeyroda partlayış baş verib
Azərbaycanlı akademik avarçəkənlər Rio-2016-nın yarımfinalına yüksəliblər
Voislav Stankoviç (ağ formada)

"Neftçi"nin serbiyalı oyunçusu: "Uşaqlar Azərbaycan himnini oxutmağımı istəyirlər"

2378
(Yenilənib 09:49 23.09.2021)
Bakının "Neftçi" klubunun 34-cü doğum gününü qeyd edən serbiyalı legioneri Azərbaycandakı həyatından və işindən danışıb.

BAKI, 23 sentyabr - Sputnik. Bakı "Neftçi"sinin serbiyalı legioneri Voislav Stankoviçin uşaqları atalarından Azərbaycanın himnini qoşmağını istəyir, sonra isə onu ifa edirlər. 

Stankoviç bildirib ki, uşaqları Azərbaycan himnini keçən il öyrəniblər.

"Hələ keçən il, mənim "Neftçi"dəki oyunumu televizorda izləyərkən uşaqlar Azərbaycan himnini öyrəndilər. Hər dəfə baxdıqca himnin sözlərini öyrəniblər. Xanımımla mən onlara deyirik ki, bu, Azərbaycanın himnidir, onu Serbiyanın himni kimi bilmək, bu ölkəyə hörmət etmək lazımdır. Mən Azərbaycanda işləyirəm və bu ölkə mənə doğmadır. Onlar uşaq bağçasında da himni öyrənirlər. Dəfələrlə məndən himni qoşmağı istəyiblər, sonra da oxumağa başlayıblar", - Stankoviç deyib.

Serbiyalı futbolçu sentyabrın 22-də 34-cü yaşını tamam edib.

"Adətən, ad günümü ailəmlə restoranda qeyd edirəm, amma indi pandemiya səbəbindən evdə qeyd edirik. Artıq 34 yaşım var, qocalıram (gülür), amma əsas odur ki, özümü yaxşı hiss edirəm, əla fiziki formadayam", - legioner vurğulayıb.

Qeyd edək ki, Azərbaycan Premyer Liqasının dördüncü turunda "Keşlə"yə qarşı oyun (3:0) serbiyalı futbolçunun çempionatımızda 150-ci oyunu olub. "Keşlə" (o vaxtın "İnter"i) isə 2015-ci ildə Stankoviçin oynadığı ilk Azərbaycan klubu olub.

"Uzun illərdir Azərbaycanda oynayıram, bu ölkəni sevirəm, burada hər şey məni qane edir. Elə olmasaydı, bu qədər müddət burada oynamazdım. "Neftçi"nin şərəfini qoruduğum üçün şadam. Ümid edirəm ki, hələ burada çox oynayacam", - Stankoviç əlavə edib.

Eləcə də oxuyun:

2378
Teqlər:
'Neftçi', futbolçu, Serbiya, legioner, himn, Azərbaycan
Zabit Səmədov

Zabit Səmədov növbəti döyüşünü Qroznıda keçirəcək

217
(Yenilənib 19:52 22.09.2021)
Səmədovun rəqibi peşəkar rinqdə 12 döyüşdə iştirak edib ki, onlardan 6-da qalib gəlib və eyni sayda da məğlub olub.

 

BAKI, 22 sentyabr — Sputnik. Azərbaycanın ən məhşur kikboksçularından biri olan Zabit Səmədov növbəti döyüşünü Qroznıda peşəkər rinqdə keçirəcək. Bu barədə Çeçenistan Kikboksinq Federasiyasının rəsmi İnstagramı xəbər verib.

Səmədovun iştirakı ilə döyüş oktyabrın 4-də Qoznıda baş tutacaq və onun rəqibi "Bıçaq" ləqəbli fransız kikboksçu Didye Kilola olacaq. Peşəkar rinqdə fransız idmançı 12 döyüşdə iştirak edib ki, onlardan 6-da qalib gəlib və eyni sayda da məğlub olub.

Səmədov indiyədək peşəkar rinqdə 112 döyüş keçirib, 102-də qələbə qazanıb və 37 dəfə isə rəqiblərini nokauta göndərib. Sonuncu döyüşünü o, bu ilin iyun ayında Minskin beynəlxalq turnirində keçirib və burada "Quduz it" ləqəbli nigeriyalı döyüşçü Deje Kelejayeni məğlub edib. Bu döyüşü 37 yaşlı Səmədov iki illik fasilədən sonra keçirib.

Maraqlıdır ki, azərbaycanlı kikboksçu ardıcıl 19 döyüşdə məğlub olmayıb. Məğlubiyyət acısını sonuncu dəfə 2013-cü ildə Xorvatiyanın Zaqreb şəhərində keçirilən beynəlxalq turnirdə məşhur hollandiyalı döyüşçü Badr Hariyə məğlub olanda hiss edib.

Eləcə də oxuyun:

217
Teqlər:
kikboks, K-1 ustası Zabit Səmədov, Qroznı
 Şuşa, arxiv şəkli

"Xudayar təsnifi" Şuşanı bürüdü: Şəhid anaları övladları müqəddəs torpaqlarda

0
(Yenilənib 21:56 24.09.2021)
Vətən müharibəsində adı əfsanəyə çevrilmiş gizirlərimizdən olan şəhid Xudayar Yusifzadənin anası Radə xanım, şəhid övladları və digər iştirakçılar Cıdır düzündə şəhidlərimizi yad ediblər.

BAKI, 24 sentyabr — Sputnik. Şuşa Şəhəri Dövlət Qoruğu İdarəsinin, Müdafiə Nazirliyinin dəstəyi və "Fire Land Production"ın təşkilatçılığı ilə Şuşada "Mənim atam qəhrəmandır" layihəsi çərçivəsində tədbir keçirilib.

Vətən müharibəsində adı əfsanəyə çevrilmiş gizirlərimizdən olan şəhid Xudayar Yusifzadənin anası Radə xanım, şəhid övladları və digər iştirakçılar Cıdır düzündə şəhidlərimizi yad ediblər.

Sputnik Azərbaycan-in məlumatına görə, şəhid övladları könüllülərlə birlikdə "Xudayar təsnifi"ni oxuyublar.

Azərbaycanın qəhrəman oğulları bu musiqinin sədaları ilə bir daha yad olunub.

Sonra Xudayar Yusifzadənin və digər şəhidlərin anaları övladlarının ruhu şad olsun deyə Şuşa dağlarına gülab səpib, dualar oxuyublar.

Qeyd edək ki, bu gün səhər saatlarında şəhid övladları hərbi polisin müşayiəti ilə onlara ayrılmış avtobuslarda Şuşa şəhərinə istiqamət alıblar. Şuşa şəhərinə "Zəfər marşı"nı ifa edərək daxil olan şəhid övladları tədbirə öz atalarının rəsmi, digər uşaqlar subay şəhidlərimizin rəsmləri həkk olunmuş geyimlərdə, şəhid anaları isə öz övladlarının rəsmi olan və "Mənim qəhrəmanım" yazılmış geyimlərdə qatılıblar.

Onları İsa Bulağında Azərbaycan Respublikası Prezidentinin Şuşa rayonunda xüsusi nümayəndəsi Aydın Kərimov və Şuşa Şəhəri Dövlət Qoruğu İdarəsinin İdarə Heyətinin sədri Məftun Abbasov qarşılayıb. Səhər yeməyi ərəfəsində doğum günü bu günə təsadüf edən Şəhid Ramid Hacıyevin övladı Əlini hər kəs təbrik edib. Aydın Kərimov şəhidin balaca balasını hədiyyə ilə sevindirərək təbrik edib və onun üçün Şuşada hazırlanmış tort kəsilib. Sonra tədbirə qonaq qismində qatılan Xalq artistləri Alim Qasımov və Zülfiyyə Xanbabayeva şəhid övladları, şəhid anaları üçün İsa Bulağında "Qarabağın maralı" mahnısını ifa ediblər.

Daha sonra tədbir iştirakçıları Yuxarı Gövhər Ağa məscidində olub. Orada general-mayor Polad Həşimovun anası Səmayə xanım başda olmaqla şəhid anaları namaz qılıb, Allaha dua ediblər. Sonra tədbirə qatılan Olimpiya çempionları Cıdır düzündə uşaqlar üçün güləş təlimi həyata keçiriblər. Yarışın sonunda həm əylənən, həm də yarışan uşaqların hər birini Olimpiya çempionları birinci yer medalı ilə təltif edib.

Tədbirin gedişində şəhid anaları Şuşa qalasının önündə şəhidlərin ruhuna ehsan bişirərək hazırda Şuşada xidmət edən əsgərlərə paylayıblar.

Daha sonra tədbirin rəsmi hissəsi baş tutub. Rəsmi hissədə aparıcı Nərgiz Cəlilova qəhrəman övladlarını, şəhid analarını, şəhid xanımlarını və tədbirə qatılan digər qonaqları salamladıqdan sonra hamını müzəffər ordumuzun şəhid qəhrəmanlarını bir dəqiqəlik sükutla yad etməyə çağırıb.

Sonra tədbirin ikinci aparıcısı Lalə Azərtaş general-mayor Polad Həşimovun anasını Səmayə xanımı çıxış üçün dəvət edib.

"Bu torpaqları gördükcə bir daha təsəvvür edirəm ki, burada necə ağır döyüşlər gedib, oğullarımız, şəhid balalarımız necə qəhrəmanlıqlar göstərib" - deyən şəhid anası övlad həsrətinə dözmək çətin olsa da, oğlunun zəfərimizin bir parçası olması ilə qürur hissi keçirdiyini deyib.

O, "Mənim atam qəhrəmandır" tədbirinin təşkilatçılarına dərin minnətdarlığını bildirərək Şuşaya ayaq basdıqları üçün xoşbəxt olduğunu vurğulayıb.

Tədbirdə çıxış edən Aydın Kərimov öz növbəsində şəhid analarına belə qəhrəman övladlar yetişdikləri üçün minnətdarlıq edərək qəhrəman oğullar var olduqca bu Vətənin də var olacağını deyib.

Tədbirdə çıxış edən "Fire Land Production"un rəhbəri Cəlal Qurbanov da öz növbəsində tədbirin əsas məqsədinin öz qanı ilə tarix yazan hər bir şəhidimizin uşaqdan böyüyə hər kəsin yaddaşına həkk olunması, daim qürurla xatırlanması olduğunu bildirib. Dövlət başçısı, Ali Baş Komandan İlham Əliyevin şəhid ailələrini hər zaman diqqətdə saxladığını vurğulayan C.Qurbanov bu tədbiri Şuşada keçirməyin onlar üçün şərəf olduğunu deyib.

Rəsmi hissənin sonunda Aydın Kərimov və Məftun Abbasov şəhid övladlarına "Xarıbülbül" döş nişanı hədiyyə ediblər.

Daha sonra qəhrəman şəhidlərimizin övladları əsgərlərimizlə birlikdə Şuşa qalasının önündə olan "Xarıbülbül" nişanını əsən güclü küləklər səbəbindən boşaldığı üçün torpağa bərkidiblər. Şəhid Ramiq Mikayılovun övladı Ağaseyid Mikayılov təşkilatçılardan ona verilən "Xarıbülbül" nişanını hədiyyə olaraq Prezident İlham Əliyevə və Mehriban Əliyevaya göndərmələrini xahiş edib.

"Mənim bir böyük arzum var. Mən istəyirəm ki, Novruz bayramında Cıdır düzündə İlham əmi və Mehriban xalayla birgə, şəhidlərimizin anaları və övladları ilə əl-ələ tutub tonqalın ətrafında yallı gedək" - deyə öz arzusunu dilə gətirən balaca Ağaseyid - "Mən də hər kəsin qarşısında söz verirəm ki, qəhrəman atam kimi mən də hər zaman Vətənimi qoruyacağam və sevəcəyəm", söyləyib.

Qeyd edək ki, tədbirə fəxri qonaq qismində qatılan Azərbaycanın Xalq artistləri Alim Qasımov, Zülfiyyə Xanbabayeva, Rasim Balayev, Nurəddin Mehdixanlı şəhid övladları, şəhid anaları ilə öz hisslərini bölüşüblər. Zülfiyyə Xanbabayeva Cıdır düzündə "Şuşanın dağları" mahnısını ifa edib.

Tədbirin sonunda Cıdır düzündə şəhid övladları sənət adamlarıyla birlikdə "Zəfər marşı"nı ifa edərək səmaya ağ göyərçinlər buraxıb, dünyaya "Müharibə olmasın! Uşaqlar atasız qalmasın!" mesajını veriblər.

0