Bu gün Azərbaycan Milli Paralimpiya Komitəsi Rio-de Janeyro Paraolimpiya oyunları öncəsi mətbuat konfransı keçirib

"Azərbaycan paralimpiya komandası dünyanın ən güclüləri sırasında qərarlaşıb"

209
İlqar Rəhimov: "Rio Olimpiyadasında daha güclü mübarizə apararaq, London Yay Olimpiadasındakı rekordumuzu təzələmək istəyirik"

BAKI, 22 iyul — Sputnik. Bu gün Azərbaycan Milli Paralimpiya Komitəsi (AMPK) Rio-de Janeyro Paraolimpiya oyunları öncəsi mətbuat konfransı keçirib. Sputnik xəbər verir ki, AMPK-nın prezidenti İlqar Rəhimov, 1996-cı ildən fəaliyyətə başlayan və bu gün 20 yaşını qeyd edən komitənin illər ərzində gördüyü işlərdən və qazandığı uğurlardan danışıb.

"Bir çox paralimpiyaçılar dövlət mükafatı alıblar. Bununla bağlı prezident İlham Əliyevə təşəkkür bildirib və gələcəkdə qazanacaq uğurlarla Prezidentin etimadını qazanmağa çalışacağıq", — İ. Rəhimov bildirib.

O, London Yay Olimpiadasından sonrakı 4 il ərzində Rio-de Jameyro Olimpiadasına güclü hazırlıqlar getdiyini deyib: "Maliyyə Nazirliyi, Gənclər və İdman Nazirliyi və digər dövlət təşkilatlarının köməyi ilə daha da uğurlu məşqlər və hazırlıqlar gedib. Hər bir idmançı Rio-de Janeyro olimpiyadasına ciddi hazırlaşıb. Bu müddət ərzində bir çox dünya, Avropa və digər beynəlxalq yarışlarda iştirak edib və çox sayda naliyyətlər qazanılıb".

Azərbaycan Milli Paralimpiya Komitəsinin prezidenti İlqar Rəhimov
© Sputnik / Murad Orujov
Azərbaycan Milli Paralimpiya Komitəsinin prezidenti İlqar Rəhimov

"Xüsusilə 2015-ci ildə keçirilən Birinci Avropa Oyunlarını misal göstərmək olar. Oyunların açılış məşəlinin paralimpiyaçı İlham Zəkiyevə həvalə olunması böyük uğur sayıla bilər. Prezident İlham Əliyevin təşəbbüsü ilə ilk dəfə olaraq sağlam idmançılarla yanaşı, eyni zamanda paralimpiyaçılarımız da yarışlarda iştirak edib və qızıl, gümüş və bürünc medal qazanıblar", — AMPK prezidenti vurğulayıb.

İ. Rəhimov bildirib ki, AMPK bu illər ərzində həm yerli, həm də beynəlxalq əlaqələrini genişləndirib: "Braziliya və Macarıstan Milli Paralimpiya Komitələri və Moskva Dövlət Humanitar İqtisad Universiteti ilə qarşılıqlı əməkdaşlıq müqavilələri imzalanıb".

Onun sözlərinə görə, London Paralimpiyası ilə müqayisədə Rio-de Janeyro Paralimpiyasında 5 ədəd daha çox lisenziya qazanılıb: "71 idmançı paralimpiya oyunlarında iştirak etmək üçün mübarizə aparıb. 24 idmançı 41 lisenziya qazanıb ki, bu da London Yay Paralimpiya Oyunlarından 3 idmançı və 5 lisenziya daha çoxdur".

Bu gün Azərbaycan paralimpiya komandası artıq dünyada çox məşhurdur və ən güclü komandalar sırasında qərarlaşıb
© Sputnik / Murad Orujov
Bu gün Azərbaycan paralimpiya komandası artıq dünyada çox məşhurdur və ən güclü komandalar sırasında qərarlaşıb

"Bu gün Azərbaycan paralimpiya komandası artıq dünyada çox məşhurdur və ən güclü komandalar sırasında qərarlaşıb. Biz də daha uğurlu nəticələr göstərərək daha çox lisenziya qazanaraq, London Yay Olimpiadasından daha uğurlu nəticə göstərərək öz rekordumuzu təzələmək istəyirik", — Komitə prezidenti qeyd edib.

Qeyd edək ki, paralimpiya komandamız 2 sentyabrda Rio-de Janeyroya yola düşəcək. 7 sentyabrda paralimpiya oyunlarının açılışı olacaq, 8-17 sentyabr tarixlərində yarışlar keçiriləcək və ayın 18-də bağlanış mərasimi baş tutacaq. Oyunlarda 170 ölkədən 4000 atlet iştirak edəcək.

209
Teqlər:
Rio-de Janeyro Paraolimpiya oyunları, İlqar Rəhimov, Azərbaycan Milli Paralimpiya Komitəsi, paralimpiya, olimpiya
Əlaqədar
Bayraqdarımız olimpiya oyunları ilə bağlı gözləntilərini açıqladı
Prezident olimpiya çempionlarına 400 min manat mükafat verəcək
Prezident idmançıları olimpiadaya yola saldı
Tarixdəki ən qeyri-adi Olimpiada
Olimpiadaya yollanacaq cüdoçularımızın tam heyəti açıqlandı
Güloğlan Cabbarov: “Bu Olimpiadadan daha çox medal gözləyirik”
Dieqo Armando Maradona, arxiv şəkli

Əfsanəvi Dieqo Maradona vəfat etdi

58
(Yenilənib 20:55 25.11.2020)
Dieqo Maradona 1986-cı ildə Argentina yığmasının futbol üzrə dünya çempionu olmasında həlledici rol oynayıb.

BAKI, 25 noyabr - Sputnik. Dünya futbolunun əfsanəsi Dieqo Armando Maradona dünyasını dəyişib.

Sputnik Azərbaycan RİA Novosti-yə istinadən xəbər verir ki, argentinalı hücumçu 60 yaşında vəfat edib. O, bir neçə gün əvvəl La-Plata klinikasında beyin əməliyyatı keçirdiyinə baxmayaraq, ölümü başqa səbəbdən olub. Maradona infarktdan həyatını itirib. 

Dieqo Maradona 1986-cı ildə Argentina yığmasının dünya çempionu olmasında həlledici rol oynayıb.

Dieqo Armando Maradona 1960-cı il oktyabr ayının 30-da Argentinanın Villa Fiorito şəhərində anadan olub. Futbol karyerasına 10 yaşından başlayıb. 1976-cı ildə "Argentinos Xuniors" klubunda ölkə çempionatı matçına çıxan Maradona 1979-cu ildə keçirilən gənclər arasında dünya çempionatına qatılıb.

O, 1982-ci ildə o dövr üçün rekord məbləğə – 4 milyon dollara İspaniya "Barselona"sına transfer olub. İki il sonra İtaliya "Napoli"sinə keçən Maradona Neapolda 1991-ci ilədək qalıb. O, Argentina millisinin şərəfini qoruduğu 91 matçda 34 qol vurub.

1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə İtaliya çempionatı matçından sonra dopinq-testdən keçən Maradonanın kokain qəbul etdiyi aşkarlanıb. İki il sonra İspaniya "Sevilya"sına transfer olan futbolçu 1994-cü il dünya çempionatında forma geyib. Lakin onun yenə qadağan olunmuş dərman preparatı qəbul etdiyi ortaya çıxdığından, 15 aylıq diskvalifikasiya olunaraq, yarışdan kənarlaşdırılıb.

Cəzalı olduğu müddətdə o, vətənində "Deportivo Mandiyu" və "Rasinq" klublarında baş məşqçi kimi çalışıb, diskvalifikasiyası başa çatdıqdan sonra isə o, "Boka Huniors"a qayıdıb. Lakin kokain aludəçiliyindən qurtula bilməməsi üzündən 1997-ci ildə futbolçu karyerasını başa vurub.

Eniş-çıxışlarla, qalmaqallarla zəngin həyatına baxmayaraq, Maradona 2000-ci ildə FİFA tərəfindən braziliyalı Pele ilə birgə XX əsrin ən yaxşı futbolçusu seçilib. Lakin o, təntənəli mərasimdə öz mükafatını aldıqdan sonra Pelenin də təltif olunmasını gözləmədən zalı tərk edib. O, ertəsi gün verdiyi açıqlamada yalnız özünü dünyanın ən yaxşı futbolçusu hesab etdiyi üçün belə addım atdığını bildirib.

58
Teqlər:
Argentina, hücumçu, Dieqo Maradona, Vəfat
Qalatasaray azarkeşləri, arxiv şəkli

Türkiyənin məşhur klubundan şəhidimizlə bağlı jest

42
(Yenilənib 21:08 24.11.2020)
"Qalatasaray"ın növbəti oyunlarından birində stadionda şəhidimiz Muradın səs yazısı səslənəcək, oyunçular Fərid yazılı forma ilə oyuna çıxacaqlar.

BAKI, 24 noyabr — Sputnik. "Qalatasaray"ın növbəti oyunlarından birində stadionda şəhidimiz Murad Məmmədovun səs yazısı səslənəcək, oyunçular Fərid yazılı forma ilə oyuna çıxacaqlar. Sputnik Azərbaycan-ın məlumatına görə, bu barədə CBC Sportun idman şərhçisi Gündüz Abbaszadə məlumat yayıb. O bildirib ki, şəhidin ailəsi "Qalatasaray"ın oyununa dəvət olunacaq. Klub şəhidimizin məzarını ziyarət edəcək: ""Qalatasaray" prezidentinin köməkçisi Yusuf Günay bir az əvvəl telefon danışığımızda mənə bunları dedi. Fərid və Muradın ailəsinin nömrələrini də istədi. Tapdıq, göndərdik. Bununla yanaşı, Türkiyə TV-lərində bu haqda xəbərlər olacaq. Ümid edirəm, ruhları şaddır!"

Xatırladaq ki, Vətən müharibəsində torpaqlarımızın azad edilməsi uğrunda qəhrəmancasına döyüşərək şəhid olan Fərid Dursunovun son istəklərindən biri azarkeşi olduğu Türkiyənin "Qalatasaray" klubu ilə bağlı olub. Qax rayonundan olan Fərid "Şəhid olsam, məzarıma Azərbaycan bayrağı ilə yanaşı "Qalatasaray"ımın bayrağını da asarsınız", - deyə dostlarından xahiş edib. Şəhidlik zirvəsinə ucalandan sonra isə yoldaşları onun bu istəyini yerinə yetiriblər. Qəhrəmanımızın məzarına üçrəngli Azərbaycan bayrağı ilə yanaşı, "Qalatasaray" bayrağı da asılıb. Eyni zamanda sosial şəbəkələrdə gəncin dostları və digər fəallar məsələ ilə bağlı "Qalatasaray" klubunun rəhbərliyinə məlumat verdiklərini bildiriblər. Qeyd edilib ki, klub rəsmiləri də şəhidin xatirəsini əbədiləşdirmək məqsədilə müəyyən rəsmi addımlar atacaqlarını vurğulayıblar.

42
Teqlər:
bayraq, arzu, Qax, azərbaycanlı, şəhid, "Qalatasaray" futbol klubu, Türkiyə

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0