Masallıda cüdo üzrə turnir keçirilir

Masallıda cüdo üzrə turnir başladı

44
(Yenilənib 15:05 20.07.2016)
Yarışda 11 komada - Bakıdan 5, Sumqayıtdan 5, Naxçıvan MR-dan 2 və Masallıdan 2 komanda və ümumilikdə 208 nəfər idmançı iştirak edir

Rahim Zakiroğlu, Sputnik Azərbaycan

BAKI, 20 iyul — Sputnik. Masallı Rayon Olimpiya Kompleksində "Azərbaycan Respublikası Gənclər və İdman Nazirliyinin yaranmasının 22-ci il dönümü"nə həsr edilən Cüdo üzrə Masallı Rayon Açıq Turniri keçirilir.

Sputnik-in bölgə müxbiri xəbər verir ki, yarışda 11 komada — Bakıdan 5 komanda, Sumqayıtdan 5 komanda, Naxçıvan MR-dan 2 komanda və Masallıdan 2 komanda olmaqla, ümumilikdə 208 nəfər idmançı iştirak edir. Turnir uşaq və yeniyetmələr arasında 26 çəki dərəcəsində keçirilir.

  • Masallıda cüdo üzrə turnir keçirilir
    Masallıda cüdo üzrə turnir keçirilir
    © Sputnik / Rahim Muradov
  • Masallıda cüdo üzrə turnir keçirilir
    Masallıda cüdo üzrə turnir keçirilir
    © Sputnik / Rahim Muradov
  • Masallıda cüdo üzrə turnir keçirilir
    Masallıda cüdo üzrə turnir keçirilir
    © Sputnik / Rahim Muradov
  • Masallıda cüdo üzrə turnir keçirilir
    Masallıda cüdo üzrə turnir keçirilir
    © Sputnik / Rahim Muradov
  • Masallıda cüdo üzrə turnir keçirilir
    Masallıda cüdo üzrə turnir keçirilir
    © Sputnik / Rahim Muradov
  • Masallıda cüdo üzrə turnir keçirilir
    Masallıda cüdo üzrə turnir keçirilir
    © Sputnik / Rahim Muradov
1 / 6
© Sputnik / Rahim Muradov
Masallıda cüdo üzrə turnir keçirilir

Yarışın keçirilməsində məqsəd böyüməkdə olan gənc nəslin vətənpərvərlik ruhunu yüksəltmək, dövlət bayrağını daim uca tutmaq, Azərbaycanda cüdo ənənələrini davam etdirmək, yeniyetmələr arasında dostluq əlaqələrinin yaradılması, idmançıların ustalıq səviyyəsinin artırılması və təkmilləşdirilməsidir.

Qeyd edək ki, yarış Beynəlxalq Cüdo Federasiyasının mövcud qaydalarına uyğun olaraq keçirilir. Yarışda I, II, III yeri tutan idmançılar Masallı Rayon Gənclər və İdman İdarəsi tərəfindən diplom və medallarla mükafatlandırılacaqlar.

44
Teqlər:
il dönümü, Olimpiya Kompleksi, turnir, Masallı, Gənclər və İdman Nazirliyi, cüdo
Əlaqədar
Olimpiadaya yollanacaq cüdoçularımızın tam heyəti açıqlandı
Azərbaycanın ən məşhur qadın cüdoçusu: "Baş məşqçini çoxdan dəyişmək lazım idi"
Cüdoçularımızdan 2 qızıl, 1 bürünc medal
Qadın cüdoçumuz Avropa çempionu oldu
Meksikada tarix yazan cüdoçularımız Bakıya döndülər
Güləş, arxiv şəkli

Fransa Güləş Federasiyası loqoda bayrağımızın olmamasına görə üzr istədi

23
(Yenilənib 11:47 14.01.2021)
Azərbaycan Güləş Federasiyasının mətbuat katibi Sərxan Musayev səsləndirilən narazılıqlara aydınlıq gətirib.

BAKI, 14 yanvar — Sputnik. Fransanın Nitsa şəhərində keçiriləcək güləş üzrə Qran-pri turnirinin təşkilatçıları Azərbaycan bayrağının yarışın loqosunda yer almamasına görə üzr istəyib.

Bu barədə "Report"a Azərbaycan Güləş Federasiyasının Mətbuat katibi Sərxan Musalı məlumat verib.

O bildirib ki, məsələ ilə bağlı dərhal Fransa Güləş Federasiyası ilə əlaqə saxlayıblar: "Onlar qeyd etdilər ki, üzrlü hesab edin, bu, daha əvvəl hazırlanmış loqodur və burada bəzi yarış iştirakçılarının bayraqları yoxdur. Loqoda daha əvvəl bu yarışda olan ölkələrin bayraqları həkk olunub. Buna görə nəzərə alınmayıb. Loqoda elə ölkələrin bayraqları var ki, bu yarışda iştirak etmirlər. Həmin loqo 2020-ci ildə də istifadə edilib. Sadəcə, diqqətsizlik olub və bizə üzürxahlıq etdilər. Təşkilatçılıqla bağlı problem belə ola bilərdi ki, yarış nəkanında bayrağımız olmazdı. Amma bununla bağlı problem olmayacaq".

Federasiya rəsmisi təşkilatçılar tərəfindən heç bir soyuq münasibət görmədiklərini sözlərinə əlavə edib: "Mənfi nəsə hiss etməmişik. Ümumiyyətlə, problem olsaydı, bizim komandalara viza verməz, iştiraklarına problem yaradardılar. Arxivə də nəzər saldıq, Dünya Güləş Birliyinin saytında 2014-cü ildən sonrakı yarışları görmək mümkündür. 2019-cu ilə qədər bu yarış Qran-pri statusu almayıb. 2019, 2020 və 2021-ci illərdə artıq Qran-pri statusu ilə təşkil edilib. Yəni, həmin vaxta qədər ciddi yarış hesab edilmirdi. 2019-cu ilə qədər yalnız qadın və sərbəst güləşçilər arasında keçirilib. 2020 və 2021-ci illərdə isə güləşin hər üç növü proqrama daxil edilib. Biz 2020-ci ildə ilk dəfə bu yarışa qatılmışıq. Həmin vaxt yunan-Roma güləşi üzrə yığma komanda iştirak edib. Bu il isə həm yunan-Roma, həm də sərbəst güləşçilərimiz mübarizə aparacaq. Artıq təşkilatçılar bu çatışmazlığı aradan qaldırıblar və loqoya Azərbaycan bayrağını da yerləşdiriblər".

Qeyd edək ki, Qran-pri 15 - 17 yanvarda olacaq.

23
Bakı Olimpiya Stadionu, arxiv şəkli

"UEFA-2020" ilə bağlı vergidən azadolmanın müddəti artırıldı

10
Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi.

BAKI, 12 yanvar - Sputnik. Prezident İlham Əliyev Vergi Məcəlləsinə və “Gömrük tarifi haqqında” qanuna dəyişiklikləri təsdiqləyib.

Sputnik Azərbaycan xəbər verir ki, dəyişikliklər "UEFA-2020" futbol çempionatı ilə bağlı vergidən azadolmanın müddətinin daha 1 il uzadılmasını nəzərdə tutur.

Sənəddə deyilir ki, Avropa Futbol Assosiasiyaları Birliyinin (UEFA) İcraiyyə Komitəsi ötən il Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.

Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi. Hazırda bütün dünyada yeni növ koronavirusun (COVID-19) yayılması ictimai-siyasi, sosial-iqtisadi həyatın bütün sahələrinə təsir etdiyi kimi, idman sahəsindən də yan keçməyib, o cümlədən böyük idman oyunlarının keçirilməsi təxirə salınıb.

Bildirilib ki, bu səbəbdən futbol üzrə Avropa çempionatının 2020-ci ildə keçirilməsi nəzərdə tutulan oyunlarının 2021-ci ildə Bakıda keçirilməsi nəzərdə tutulur. Bununla əlaqədar, “Vergi Məcəlləsində dəyişiklik edilməsi haqqında” 9 aprel 2019-cu il tarixli və “Gömrük tarifi haqqında” qanunda dəyişiklik edilməsi barədə” 9 aprel 2019-cu il tarixli qanunların qüvvədə olma müddətinin 1 avqust 2021-ci il tarixinə qədər uzadılması nəzərdə tutulur.

Həmin qanunlarla Azərbaycanda keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar bir çox vergi növləri üzrə - gəlir vergisindən, mənfəət vergisindən, ƏDV-dən, aksizli mallara görə aksizdən, habelə gömrük rüsumlarından azadolmalar nəzərdə tutulub.

10
Hövsanda çirkli ərazi

Xəzərə tullantıların atılması azalıb

0
"ETSN sadəcə tullantıların idarəedilməsinə nəzarət edir, amma bələdiyyələr həmin tullantıların yığılmasını və atılmasını təmin etməlidirlər".

BAKI, 19 yanvar — Sputnik. Xəzər dənizinə tullantı sularının axıdılması halları xeyli azalıb.

Sputnik Azərbaycan xəbər verir ki, bu barədə Ekologiya və Təbii Sərvətlər Nazirliyinin Ekoloji Siyasət şöbəsinin müdiri Rasim Səttarzadə "Ekspert saatı" proqramında bildirib.

Onun sözlərinə görə, ötən dövr ərzində həm Xəzərə axıdılan tullantı sularının həcmi, həm də axarların sayı azalıb: "Lakin təkcə Abşeron yarımadasından Xəzərə gün ərzində 1 milyon kub metr su axıdılır. Bunun qarşısının alınması üçün tədbirlər görülür".

O qeyd edib ki, Bakı şəhərində tullantıların idarəedilməsi ilə bağlı əksər problemlər həll edilib. Belə ki, regionlarda bu problem hələ qalmaqda davam edir. O, bu problemin həlli üçün strategiya təsdiqləndiyini də nəzərə çatdırıb: "ETSN sadəcə tullantıların idarəedilməsinə nəzarət edir, amma bələdiyyələr həmin tullantıların yığılmasını və atılmasını təmin etməlidirlər".

0