Бакинский Олимпийский стадион, фото из архива - Sputnik Azərbaycan
İDMAN
Ölkənin və dünyanın idman həyatına dair məlumatlar

Güləş üzrə Avropa çempionatında yenilik

© Photo : STRGüləş üzrə beynəlxalq turnir. Arxiv şəkli
Güləş üzrə beynəlxalq turnir. Arxiv şəkli - Sputnik Azərbaycan
Abunə olmaq
Bu ildən etibarən yeniyetmə güləşçilərin qitə çempionatlarında hər bir ölkə hər bir çəki dərəcəsində 2 idmançı ilə təmsil oluna bilər

BAKI, 18 iyul — Sputnik. 19-24 iyul 2016-cı il tarixdə İsveçin paytaxtı Stokholmda yeniyetmə güləşçilər arasında Avropa çempionatı keçiriləcək. Güləş Federasiyasının mətbuat xidmətindən Sputnik-ə verilən məlumata görə, bu çempionatı digərlərindən fərqləndirən ən önəmli məqam odur ki, bu ildən etibarən yeniyetmə güləşçilərin qitə çempionatlarında hər bir ölkə hər bir çəki dərəcəsində 2 idmançı ilə təmsil oluna bilər.

Mariya Stadnik - Sputnik Azərbaycan
İDMAN
Qadın güləşçilərimizin Ukraynaya yollanıblar

Bu qərar ötən ilin dekabrında Dünya Güləş Birliyi İcraiyyə Komitəsinin Soçidə keçirilən toplantısında qəbul edilib. Proqrama əsasən, iyulun 19-20-də sərbəst güləşçilər arasında qaliblər müəyyənləşəcək. Böyük məşqçi Arif Abdullayev, məşqçilər Rövşən Umudov və Yaşar Əliyevin rəhbərliyi altında Avropa çempionatının medalları uğrunda 18 sərbəst güləşçimiz mübarizə aparacaq.

Heyətdə Mahir Məmmədzadə, Maqomedsalix Abakarov (hər ikisi 42 kq), Əsgər Məmmədəliyev (46 kq), İntiqam Vəlizadə, Vüsal Hüseynov (hər ikisi 50 kq), Sabutay Əmişov, Maqomedqadji Kasumov (hər ikisi 54 kq), Daur Psardiya, Murad Məmmədov (hər ikisi 58 kq), Qadjimurad Qadjiyev, Djopua İnal (hər ikisi 63 kq), Abakar Abakarov, Abdulmuslim Məmmədov (hər ikisi 69 kq), Rəşad Yusifli, İslam Əliyev (hər ikisi 76 kq), Əhliman Quliyev (85 kq), Asxab Həmzətov və Əli Əminzadə (hər ikisi 100 kq) yer alıb.

İyulun 21-22-də böyük məşqçi Həsrət Məmmədyarov və məşqçi İsaməddin Hüseynovun başçılığı altında 7 qız güləşçimiz — Şəhanə Nəzərova (38 kq), Ayşən Yusifova (40 kq), Aynur Camalova (43 kq), Sevinc Əhədova (46 kq), Jalə Əliyeva (49 kq), Alina Zakoeva (52 kq) və Ceyla Nağızadə (56 kq) çempion adı uğrunda yarışacaq.

Veteran cüdoçularımız Avropa çempionatını komanda hesabdında 3-cü başa vurdular - Sputnik Azərbaycan
İDMAN
Qadın cüdoçumuz Avropa çempionu oldu

Və nəhayət, son 2 yarış günü, yəni iyulun 23-24-də yunan-roma güləşçiləri arasında qaliblər müəyyənləşəcək. Böyük məşqçi Bəhram Mürvətov və məşqçi Fuad Alıyev heyətə 14 güləşçi daxil edib. Yarışda ölkəmizi Azər Muxtarlı (42 kq), Fail İskəndərov (46 kq), Zaur Nuriyev, Ədil Sadıqzadə (hər ikisi 50 kq), Nurlan Dadaşov (54 kq), Cavidan Cavadov (58 kq), Elnur Əsədov, Cavid Miralayev (hər ikisi 63 kq), Ülvi Qənizadə, Şirxan Quliyev (hər ikisi 69 kq), Cavid Yusifov (76 kq), Tehran Əminzadə (85 kq), Uğur Hacılı və Əli Əminzadə (100 kq) təmsil edəcək.

Qeyd edək ki, 100 kq çəkidə mübarizə aparan Əli Əminzadə həm sərbəst, həm də yunan-Roma güləşi yarşlarında mübarizə aparacaq. Beynəxalq dərəcəli hakim Natiq Hacıyev görüşlərin idarə edilməsində ölkəmizi təmsil edəcək.

Xəbər lenti
0