Anar Süleymanov, dördqat Avropa və Dünya çempionu

"Çalışacağam ki, ölkəmizdə daha güclü kikboksçu qızlar olsun"

173
(Yenilənib 16:40 14.07.2016)
Baş məşqçi təyin olunan Anar Süleymanov: "Belə komandanın formalaşması rəqabəti artıracaq. Eyni zamanda, bu sahəyə maraq güclənəcək və daha çox uğur qazanmaq şansımız olacaq"

BAKI, 14 iyul — Sputnik. Azərbaycan Kikboks Federasiyasında (AKF) yeni vəzifəyə təyinat olub. Belə ki, bir neçə gün öncə Federasiyanın prezidenti Adil Əliyevin sərəncamı ilə məşqçi Anar Süleymanov qızlardan ibarət milli komandanın baş məşqçisi postuna gətirilib.

AKF-in vitse-prezidenti Güloğlan Cabbarov Sputnik-ə açıqlamasında deyib ki, Anar Süleymanov uzun illərdir, xanım kikboksçularımıza məşq keçir: "Başqa məşqçilərdən fərqli olaraq onun yetirmələri, demək olar ki, xanımlardır, həm də bu illər ərzində yaxşı kikboksçu xanımlar yetişdirməyi bacarıb".

"Məhz buna görə də Federasiyamızın prezidenti Adil Aliyevlə məsləhətləşdikdən sonra qərara gəldik ki, Anar Süleymanovu qızlardan ibarət yığma komandanın baş məşqçisi vəzifəsinə gətirək. Düşünürəm, bundan sonra beynəlxalq yarışlarda daha uğurlu nəticələr olacaq".

Anar Süleymanov isə Sputnik-ə açıqlamasında təyinatdan razı qaldığını və bunun məsuliyyət olduğunu dilə gətirib: "Güloğlan Cabbarovun məsləhəti, Adil Əliyevin təşəbbüsü ilə mən Kikboks Federasiyasında qızlardan ibarət milli komandanın baş məşqçisi postuna gətirildim".

"Bundan sonra Respublika çempionatında 1, 2, 3-cü yerləri tutan xanım idmançılar bir araya gələrək məşqlər ediləcək", — A. Süleymanov vurğulayıb.

Baş məşqçi bildirib ki, belə komandanın formalaşması rəqabəti artıracaq: "Bu, eyni zamanda marağı artıracaq, daha çox uğur qazanma şansları olacaq. Bu gündən sonra çalışacağam ki, ölkədə daha güclü qız kikboksçular olsun və daha çox Dünya və Avropa medalları gətirək ölkəmizə".

173
Teqlər:
Güloğlan Cabbarov, AKF, Azərbaycan Kikboks Federasiyası, Adil Əliyev, kikboks, Anar Süleymanov
Əlaqədar
İdmançı xanım: "İki oğlandan birini döydüm, o biri qaçdı"
Azərbaycanın ən məşhur qadın cüdoçusu: "Baş məşqçini çoxdan dəyişmək lazım idi"
Qadın güləşçilərimizin Ukraynaya yollanıblar
Karateçilərimiz mübarizəyə başladılar
Dieqo Armando Maradona

Maradonanın həkimi ittihamlara cavab verdi

37
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

37
Teqlər:
axtarış, ittiham, həkim, ölüm, Dieqo Armando Maradona
Qurban Qurbanov, arxiv şəkli

"Qarabağ"dan üzücü xəbər: Qurban Qurbanov koronavirusa yoluxub

23
(Yenilənib 19:16 29.11.2020)
Dünən “Qarabağ”la Ağdama getməyən və bu gün komandanı meydana çıxarmayan 48 yaşlı mütəxəssisin səhhətindəki problem virusla bağlı olub

BAKI, 29 noyabr - Sputnik. “Qarabağ”ın baş məşqçisi Qurban Qurbanovun koronavirusa yoluxması təsdiqlənib.

Sputnik Azərbaycan apasport.az saytına istinadən bildirir ki, bu, Premyer Liqanın XI turunun “Sənail”lə matçından (1:1) sonra açıqlanıb.

Bildirilib ki, dünən “Qarabağ”la Ağdama getməyən və bu gün komandanı meydana çıxarmayan 48 yaşlı mütəxəssisin səhhətindəki problem virusla bağlı olub. Qurbanovun koronavirus testi müsbət nəticə verib.

23
Teqlər:
Qurban Qurbanov, Qarabağ FK, yoluxma, Koronavirus, epidemiya, COVID-19
Mövzu:
Azərbaycanda koronavirus: son xəbərlər
Notebook-la oynayan kişi, arxiv şəkli

Bu qurum vətəndaş müraciətlərini sosial səhifələr vasitəsilə cavablandıracaq

0
Vətəndaşlar həmin səhifələr vasitəsilə pensiya, müavinət, təqaüd, ünvanlı dövlət sosial yardımı və digər sosial təminat növləri üzrə ödənişlər, sosial sığorta məsələləri, fərdi uçot və s. aid suallarını DSMF-yə ünvanlaya bilərlər

 

BAKI, 1 dekabr — Sputnik. Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu (DSMF) dekabrın 1-dən vətəndaş müraciətlərini özünün yeni fəaliyyətə başlayan facebook, instagram, telegram və twitter sosial səhifələri vasitəsilə də cavablandıracaq. Bu barədə Sputnik Azərbaycan-a DSMF-dan məlumat verilib. Qeyd olunub ki, vətəndaşlar həmin səhifələr:

www.facebook.com/dsmf.sosial.gov.az/

www.instagram.com/dsmf.sosial.gov.az/

t.me/dsmfsosialgovaz

twitter.com/dsmfsosialgovaz

vasitəsilə pensiya, müavinət, təqaüd, ünvanlı dövlət sosial yardımı və digər sosial təminat növləri üzrə ödənişlər, sosial sığorta məsələləri, fərdi uçot və s. aid suallarını DSMF-yə ünvanlaya bilərlər.

Sorğu xarakterli müraciətlərlə bağlı qanunvericiliyə uyğun şəkildə izahatlar veriləcək. Araşdırma tələb edən müraciətlər isə müvafiq qaydada baxılaraq nəticəsinə uyğun tədbirlər görüləcək və müraciət edən vətəndaşlar bu barədə məlumatlandırılacaq. Sosial şəbəkə səhiflərində DSMF-nin fəaliyyəti, bu sahədəki yeniliklər də ictimaiyyətə təqdim ediləcək.

0
Teqlər:
sosial şəbəkə, Əmək və əhalinin Sosial Müdafiə Nazirliyi, Dövlət Sosial Müdafiə Fondu