Fəridə Əzizova

Dinini dəyişmiş azərbaycanlı idmançı: "Boynumdakı xaçı görüb üstümə gəldilər"

1230
Fəridə Əzizova: "Neçə illərdir, ailəmlə bir yerdə yaşamıram, mənim öz yolum var. Valideynlərim mənim seçimimə qarışmır və hörmət edirlərsə, başqa insanlar da seçimimi normal qarşılamalıdırlar"

BAKI, 4 iyul — Sputnik. 2012-ci il London olimpiadasında Azərbaycanı təmsil edən, 2016-cı il Rio-de Janeyro olimpiadasına lisenziya qazanan, Gənclər arasında Avropa çempionu, Qadınlar arasında dünya 3-cüsü, Dünya təsnifat turnirinin 2-cisi, Avropa oyunlarının gümüş medalçısı, xanım taekvandoçumuz Fəridə Əzizova Sputnik-in suallarını cavablandırıb.

– Fəridə Əzizovanın fərqli imici və kişi geyimlərinə üstünlük verməsi cəmiyyətdə birmənalı qarşılanmır. Bu haqda nə düşünürsən?

– Belə bir məsəl var ki, "pişiyin əli ətə çatmayanda adını iylənmiş qoyur". Bizim cəmiyyətdə belə hallar var. İnsanlar xoşlayırlar ki, başqalarının həyatına müdaxilə eləsinlər. Xüsusilə özü kimi olmayan, özü kimi düşünməyən insanın həyatı daha maraqlı gəlir. Hər kəsin şəxsi həyatı var. Mən heç kimin şəxsi həyatına müdaxilə etmirəm. Xüsusilə 18 yaşından böyük insanın fikrini dəyişmək və ya onu özlərinə oxşatmağa çalışmaq çox çətindir və düzgün deyil.

Taekvandoçu Fəridə Əzizova
© Sputnik / Tarana Khudabakhshiyeva
Taekvandoçu Fəridə Əzizova

O ki qaldı mənim geyim tərzimə, mən 10 ildir, belə geyinirəm və bu, mənə çox rahatdır. İdmançıyam, idmandan çıxandan sonra mənim saçıma, makiyajıma sərf etməyə vaxtım yoxdur. O vaxtı idmanıma sərf etməyi üstün tuturam. Onu da qeyd edim ki, elə insanlar var, mənim geyimimi şəxsi fikirləri ilə bağlayırlar. Belə insanlara demək istəyirəm ki, düşüncələrinizi dəqiqləşdirmək üçün başqalarından deyil, məhz məndən soruşun və mən də lazımı olan düzgün cavabı verim.

– Bu imicini nə qədər davam etdirmək fikrin var?

–  Buna imic deyə bilmərəm. Çünki, mənə rahat olduğu üçün belə geyinirəm. Düşünmürəm, nə vaxtsa geyim tərzimi dəyişəcəm. Böyük ehtimalla, həmişə belə geyinəcəm.

– Bir müddət sonra gənc qızlar Fəridənin imicinə müraciət edə bilərlərmi?

– Ola bilər. Niyə də olmasın? Mən düşünürəm ki, heç də pis geyinmirəm. Kimsə özünə bu imicdə görürsə, geyinsin.

– Bir neçə il əvvəl dinini dəyişdin. Niyə məhz xristianlıq və onun provaslav qanadı?

– Hər bir insanın özünə yaxın bildiyi din var. Mən xristianlığı qəbul edəndə heç kimə açıqlamadım. Bilirdim, çoxu mənə pis baxacaq, hətta mənə kafir deyən də çox olacaq. Mən bunu gündəm üçün eləmədim, əksinə özümə görə etdim. Sonradan şəkillərdə boynumdakı xaçı görüb başladılar sosial şəbəkələrdə mənə yazmağa və üzərimə gəlməyə. O insanlar cavabını aldılar. Mən düşünürəm ki, Allaha inanmaq lazımdır. Fərq eləmir məsciddəsən, kilsədəsən. Mən məscidə də getmişəm, sadəcə özümü rahat hiss edə bilmirdim. Kilsəyə gəldim, aylarla dərinliyə kimi araşdırdım və bir il sonra xristianlığı qəbul etdim. 3 ildir artıq bu dini qəbul etmişəm.

– Ailə üzvülərin bu haqda bilirlər?

– Necə ki digər insanlara, eləcə də ailəmə bu haqda heç nə demədim. Mən ailəmlə illərdir ki, bir yerdə yaşamıram və mənim öz yolum var. Ailəm də mənim seçimimə hörmətlə yanaşır. Valideynlərim mənim seçimimə qarışmırsa və hörmət edirlərsə, başqa insanlar da seçimimi normal qarşılamalıdırlar.

– Gələcəkdə hansısa müsəlman oğlanı sevsən və o, yenidən müsəlmanlığa qayıtmağı qarşına şərt qoysa, qərarın nə olar?

– Məni sevən olduğum kimi sevməlidir. Bunu bacarmırsa, demək sevmir. Ona görə dinimi dəyişmək fikrim yoxdur. Sevgi hörmətdir, sevgi bir-birini qarşılıqlı anlamaqdır. Əgər məni olduğu kimi qəbul etməsə, o insandan imtina edərəm.

1230
Teqlər:
London olimpiadası, Avropa çempionu, Rio-de Janeyro Olimpiadası, Fəridə Əzizova, taekvando, idman
Əlaqədar
İdmançı xanım: "İki oğlandan birini döydüm, o biri qaçdı"
Azərbaycanlı idmançı Britaniyada idman klubu yaradıb
Azərbaycanlı və erməni idmançılar arasında kütləvi dava - şok kadrlar
Avropa çempionatında azərbaycanlı və türkiyəli idmançılara qarşı böyük haqsızlıq
Brüssel terrorunun şübhəlisi məşhur idmançının qardaşıdır
Öldürülən idmançının yaxında üçüncü övladı dünyaya gələcək
Transseksual idmançılar üçün yeni qaydalar
Transseksual idmançılarla bağlı sensasion təklif: bu, reallaşarsa...
Dieqo Armando Maradona

Maradonanın həkimi ittihamlara cavab verdi

37
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

37
Teqlər:
axtarış, ittiham, həkim, ölüm, Dieqo Armando Maradona
Qurban Qurbanov, arxiv şəkli

"Qarabağ"dan üzücü xəbər: Qurban Qurbanov koronavirusa yoluxub

23
(Yenilənib 19:16 29.11.2020)
Dünən “Qarabağ”la Ağdama getməyən və bu gün komandanı meydana çıxarmayan 48 yaşlı mütəxəssisin səhhətindəki problem virusla bağlı olub

BAKI, 29 noyabr - Sputnik. “Qarabağ”ın baş məşqçisi Qurban Qurbanovun koronavirusa yoluxması təsdiqlənib.

Sputnik Azərbaycan apasport.az saytına istinadən bildirir ki, bu, Premyer Liqanın XI turunun “Sənail”lə matçından (1:1) sonra açıqlanıb.

Bildirilib ki, dünən “Qarabağ”la Ağdama getməyən və bu gün komandanı meydana çıxarmayan 48 yaşlı mütəxəssisin səhhətindəki problem virusla bağlı olub. Qurbanovun koronavirus testi müsbət nəticə verib.

23
Teqlər:
Qurban Qurbanov, Qarabağ FK, yoluxma, Koronavirus, epidemiya, COVID-19
Mövzu:
Azərbaycanda koronavirus: son xəbərlər
Prezident İlham Əliyev xalqa müraciəti zamanı

İlham Əliyev: Ermənistan rəhbərləri 20 il quldurlar - Koçaryan-Sarkisyan xunta rejimi olub

0
(Yenilənib 15:53 01.12.2020)
"Ermənistan, sən dalansan. Biz səni dalan etdik. Kim səni təcrid etdi? Biz. Enerji, nəqliyyat, elektroenergetika - biz onu təcrid etmişdik".

BAKI, 1 dekabr — Sputnik. "Ermənistan, haradasan? Bakı-Tbilisi-Ceyhan yan keçdi. Bakı-Tbilisi-Ərzurum da həmçinin. TANAP da həmçinin. İndi biz qazımızı Avropaya çatdırırıq. Sən, Ermənistan, pul qazana bilərdin. Kəmərin bir hissəsi sənin əlində ola bilərdi. Sən tranzit haqqı alacaqdın".

Sputnik Azərbaycan xəbər verir ki, bunu Azərbaycan Prezidenti İlham Əliyev xalqa müraciətində bildirib.

"Sən özünü nədən məhrum etdin?! Dəyərdimi buna? Bu işğalçılıq, bu düşmənçilik, qonşuya qarşı bu nifrət hissləri, onları, bax, bu günə saldı. Biz nəqliyyatla, energetika ilə bağlı bütün işləri gördük. Biz nəinki neft-qaz, elektrik enerjisi dəhlizi yaratdıq. Bu gün Azərbaycan-Gürcüstan-Türkiyə enerji dəhlizi var. Bu gün Rusiya-Azərbaycan-İran enerji dəhlizi var. Bu gün Rusiya-Azərbaycan-İran nəqliyyat dəhlizi var. Bu il bu dəhliz vasitəsilə daşınan yüklərin həcmi təqribən 30-40 faiz artıb. Ermənistan 20 ildir ki, Şimal-Cənub nəqliyyat dəhlizi üzərində işləyir. Ortalıqda da bir şey yoxdur. Nə Şimal-Cənub dəhlizi ola bilər? Oradan, o dağlardan, o Mehri dağlarından dəmir yolu çəkmək olar? Adam gərək dəli olsun ki, oraya bir neçə milyard pul qoysun. Özü də yaxşı, tutaq ki, kimsə bu pulu verdi, sonra haraya gedəcək? Ermənistan, sən dalansan. Biz səni dalan etdik. Kim səni təcrid etdi? Biz. Enerji, nəqliyyat, elektroenergetika - biz onu təcrid etmişdik. Bu günlərdə bu çirkin qətnamələri qəbul edənlər və onların arxasında duranlar kömək etdimi onlara? Yox. Bizim iradəmizə təsir etdimi? Yox. Nəyə görə? Çünki güclü iradəmiz var, xalq-iqtidar birliyi var. Çünki Azərbaycan 1993-cü ildən bu günə qədər etibarlı əllərdədir. Azərbaycana rəhbərlik edən Ulu Öndər və ondan sonra mən Azərbaycan xalqının maraqlarını hər şeydən üstün tutmuşuq. Ermənistan rəhbərləri kim olub? 20 il quldurlar - Koçaryan-Sarkisyan xunta rejimi, iki il yarım da kim olub, erməni xalqı özü bilir. Qatar getdi. Amma hələ də gec deyil. Hələ o qatara minə bilərsiniz, əgər bizim icazəmiz olsa, əgər bizim şərtlərimiz təmin olunsa. Bundan sonra belə olacaq, ancaq belə olacaq!", - deyə Prezident qeyd edib.

0
Teqlər:
Ermənistan, Serj Sarkisyan, Robert Koçaryan