“Rio 2016 Birlikdə Güclüyük” layihəsinin təqdimatı keçirildi

Milli Olimpiya Komitəsinin vitse-prezidentindən idmançılara dopinq xəbərdarlığı

41
(Yenilənib 21:40 30.06.2016)
Çingiz Hüseynzadə: "Rusiya atletləri dopinq istifadəsinə görə bu il keçiriləcək olimpiadada iştirak edə bilməyəcəklər. Buna görə Azərbaycan ağır atletlərini də eyni aqibət gözləyir"

BAKI, 30 iyun — Sputnik. Braziliyada keçiriləcək Rio-de Janeyro yay olimpiya oyunlarına sayılı günlər qalıb. Yarışa hazırlıqlar və yeni qaydalar ilə bağlı Olimpiya komitəsində idman federasiyaları ilə görüş keçirilib.

Milli Olimpiya Komitəsinin (MOK) vitse-prezidenti Çingiz Hüseynzadə bildirib ki, Beynəlxalq Olimpiya Komitəsinin (BOK) prezidenti dəyişiləndən və vəzifəyə Tomas Bax gələndən sonra olimpiya oyunlarında dəyişikliklər olub: "Bu dəyişikliklərdən biri də BOK-un qəbul etdiyi "Olimpiya gündəliyi-2020" proqramına əsasən, brendlərdən istifadə qaydalarına xüsusi diqqət yetirilməsidir. Bunun üçün milli olimpiya komitələrində marketinq departamentləri yaradılıb. Azərbaycan Milli Olimpiya Komitəsində də həmin departament artıq fəaliyyətə başlayıb. Beynəlxalq qurum brenddən istifadə qaydalarının bir qismini yerli komitələrə həvalə edib".

Vitse-prezident proqramda yer alan əsas məsələlərdən birinin "təmiz idman" olduğunu dilə gətirib: "Məsələn Rusiya atletləri dopinq istifadəsinə görə bu il keçiriləcək olimpiadada iştirak edə bilməyəcəklər. Dopinq istifadəsinə görə, Azərbaycan ağır atletlərini də eyni aqibət gözləyir".

Ç. Hüseynzadə federasiya rəsmilərini, gələcək işlərində, xüsusilə idmançıların dopinq istifadəsində diqqətli olmağa çağırıb.

"Olimpiya gündəliyi-2020"də yer alan əsas mövzulardan birinin də "İdman və ekologiya" olduğunu söyləyən vitse-prezident, bu istiqamətdə, hətta bir neçə il öncədən başlanan işlərin bu gün də davam etdiyini dilə gətirib: "Bu sahədə görülən ən uğurlu addım Bakı Olimpiya Stadionunun tikilməsidir. Biz bataqlığı qurudub əvəzində idman stadionu tikdik. İndi azarkeşlər orada rahatlıqla gəlib istirahət edib, futbola baxa bilirlər. "London-2012"də də Olimpiya parkı yararsız ərazidə salınmışdı. Hazırda həmin məkan turistlərin ən çox sevdiyi məkanlardan biri sayılır".

Proqramda digər mövzulardan birinin gender problemi olduğunu söyləyən MOK rəsmisi bildirib ki, ölkəmizdə bu istiqamətdə uğurlu işlər görülür: "Azərbaycanda bəzi idman federasiyalarına qadınlar rəhbərlik edirlər. Həmçinin qadınlar idman qurumlarında yüksək vəzifələrdə yer alıblar. MOK-un İcraiyyə Komitəsinin üzvlərindən dördü qadındır. Bu istiqamətdə işlər davam etdiriləcək".

Tədbirdə çıxış edən, Rio-de Janeyro 2016 Olimpiya Oyunlarının Azərbaycan üzrə şef-de-missionu İlham Mədətov "Rio-2016"ya hazırlıqdan danışıb. O, qeyd edib ki olimpiadaya hazırlıqlara 2015-ci ilin yanvarından start verilib və hazırda uğurla davam etdirilir: "Artıq bu günə kimi heyətin 95 faizi qeydiyyatdan keçib. Olimpiadada iştirak edəcək idmançılarımız üçün geyim dəsti İtaliya şirkəti tərəfindən hazırlanır və on gün ərzində gətiriləcək".

İ. Mədətov çoxlarını narahat edən "Zika" virusu ilə bağlı da açıqlama verib: "Bu virusla bağlı heç bir problemimiz olmayacaq. Geyim dəstində əsasən uzunqol geyimlərin hazırlanması nəzərdə tutulub. Həmçinin idmançılara Braziliyada olarkən qapalı geyinmək məsləhət görülür".

"İdmançılara xüsusi preparatlar da təqdim olunacaq ki, bu da virusa yoluxma riskini azaldacaq Sadəcə idmançılar və heyət də özünü qorumağa çalışsın", — o bildirib.

Şef-de-mission nümayəndə heyətinin bir hissəsinin avqustun 1-də bir qrup idmançı ilə birgə Braziliyaya yollanacağını bildirib. O, əkavə edib ki, ölkə Prezidentinin göstərişinə əsasən, idmançılara və komanda üzvlərinə əlavə maliyyə dəstəyi də göstəriləcək.

41
Teqlər:
şef-de-mission, İlham Mədətov, "Olimpiya gündəliyi-2020", MOK, Çingiz Hüseynzadə, Rio-de Janeyro Olimpiadası, vitse-prezident, dopinq, Milli Olimpiya Komitəsi, Braziliya
Əlaqədar
Böyük qalmaqal: Olimpiadaya lisenziyalarımız ləğv olundu
Azərbaycanlı atlet: “Özümü Olimpiadada ilk üçlükdə görürəm”
Daha bir boksçumuz Rio Olimpiadasına vəsiqə qazanıb
Azərbaycanla Dünya Ağır Atletika Federasiyası arasında dopinq qalmaqalı davam edir
Nazirlik dopinqə düşən idmançılarla bağlı açıqlama yaydı
AVRO-2020-nin kuboku Prezident İlham Əliyevə təqdim olunub

AVRO-2020-nin kuboku Prezident İlham Əliyevə təqdim olunub - FOTO

16
UEFA-nın ilk baş katibi olmuş, Avropa çempionatının keçirilməsi təklifini irəli sürmüş şəxsin şərəfinə "Anri Delone kuboku" da adlandırılan bu kubok turnirin final oyununda qalib gələn komandaya təqdim olunacaq.

 

BAKI, 7 may — Sputnik. Bu il iyunun 11-dən iyulun 11-dək keçiriləcək AVRO-2020-nin Kubok turu çərçivəsində Avropa çempionatının kuboku Bakıya gətirilib.

Sputnik Azərbaycan xəbər verir ki, mayın 7-dən 9-dək Bakıda nümayiş olunacaq Avropa çempionatının kuboku Prezident İlham Əliyevə təqdim edilib.

© Official website of President of Azerbaijan Republic
AVRO-2020-nin kuboku Prezident İlham Əliyevə təqdim olunub

UEFA-nın ilk baş katibi olmuş, Avropa çempionatının keçirilməsi təklifini irəli sürmüş şəxsin şərəfinə "Anri Delone kuboku" da adlandırılan bu kubok turnirin final oyununda qalib gələn komandaya təqdim olunacaq. Kubok Bakıdan sonra Danimarkanın paytaxtı Kopenhagenə aparılacaq.

Xatırladaq ki, Avropa çempionatının 60 illik yubileyi münasibətilə AVRO-2020-nin oyunları müxtəlif ölkələrdə təşkil olunacaq. A qrupunun 3 oyunu və 1/4 final mərhələsinin 1 qarşılaşması Bakı Olimpiya Stadionunda keçiriləcək.

16
Teqlər:
İlham Əliyev, kubok, AVRO-2020
Laurel Habbard, arxiv şəkli

Transgenderlər Olimpiya oyunlarına ayaq aça bilərlər

12
(Yenilənib 08:18 07.05.2021)
Laurel Habbard 12 il əvvəl əməliyyat etdirərək cinsini dəyişdirib və kişiliklə vidalaşaraq zərif cinsin nümayəndəsinə çevrilib. İdmançı beynəlxalq yarışlarda iki qızıl və bir gümüş medala sahib olub.

BAKI, 7 may — Sputnik. Yeni Zelandiyalı ağır atlet Laurel Habbard Olimpiya oyunları tarixində yarışlarda iştirak edəcək ilk transgender (cinsini dəyişmiş insan) ola bilər. Sputnik Azərbaycan Rusiya mediasına istinadən xəbər verir ki, 43 yaşlı, əvvəllər kişi olmuş Habbard hələ Yeni Zelandiya yığmasına rəsmən daxil edilməyib. Lakin buna rəğmən Beynəlxalq Olimpiya Komitəsi (BOK) yarışlarda iştiraka dair qaydalara dəyişikliklər etdikdən sonra idmançının super-ağır çəki kateqoriyasında yarışlarda iştirakı məsələsi demək olar ki, həll olunub.

"The Guardian" məcmuəsi yazır ki, BOK hətta yumurtalıqların kəsilib götürülməsi əməliyyatı etmədən də cinsini dəyişdirən idmançılara yarışlarda iştirak etməyə icazə verib. Bunu üçün şərt olaraq son on iki ay ərzində testesteron miqdarının bir litrdə 10 nanomol həddini keçməməsidir.

Xatırladaq ki, 2019-cu ildə Habbard bir sıra ictimai təşkilatların qınaq obyektinə çevrilib. Qeyd olunub ki, hazırda faktiki qadın olmağına baxmayaraq, o kişilərə aid olan "fiziki üstünlüklərdən" istifadə edir.

Qeyd edək ki, Habbard 12 il əvvəl əməliyyat etdirərək cinsini dəyişdirib və kişiliklə vidalaşaraq zərif cinsin nümayəndəsinə çevrilib. İdmançı bundan əvvəl də ağır atletika ilə məşğul olub və beynəlxalq yarışlarda iki qızıl və bir gümüş medala sahib olub.

12
Qanvermə, arxiv şəkli

Mütəmadi olaraq qan vermək infarkt xərçəng riskini azaldır

0
(Yenilənib 23:15 07.05.2021)
Mütəmadi qan vermək həm də vaxtaşırı mini check-up-dan keçmək deməkdir. Çünki qan verməmişdən əvvəl donordan müxtəlif analizlər götürülür.

BAKI, 7 may — Sputnik. Mütəmadi şəkildə qan vermək infarkt və xərçəng riskini azaldır, ürək-damar xəstəliklərinin qarşısını alır, xolesterolu və qandakı şəkərin səviyyəsini normallaşdırır. Bu barədə Türkiyə Səhiyyə Elmləri Universitetinin müəllimi, hematologiya üzrə mütəxəssis, professor Erdal Kurtoğlu Anadolu Agentliyinə müsahibəsində bildirib. Onun sözlərinə görə, qan vermək hüceyrələrin yenilənməsinə səbəb olur.

Donorlardan alınan qanın fərqli komponentlərə ayrıldığını bildirən professor qeyd edib ki, beləliklə, könüllü şəkildə verilən hər vahid qan eritrosit, trombosit və plazma şəklində üç nəfərin həyatını xilas edir.

Kurtoğlu onu da bildirib ki, qan vermək üçün maneə yaratmayan hər hansı bir sağlamlıq problemi olmayan 18-65 yaş arası hər kəs donor kimi qan verə bilər.

Temperaturun yüksəlməsi ilə müşayiət olunan xəstəlik keçirən insanlardan isə ən azı 2 həftə qan alınmamalıdır. Bundan başqa, cərrahiyyə əməliyyatı keçirənlərin, akupunktura, döymə, və pirsinq etdirənlərin də 12 ay ərzində donor kimi qan verməsi qadağandır.

"Kişilər 90 gündən bir, qadınlar isə 120 gündən bir donor kimi qan verə bilərlər", – deyə professor qeyd edib.

Mütəxəssis onu da bildirib ki, COVID-19-a qarşı peyvənd olunanlar da donor kimi qan verə bilərlər. Özü də bunun üçün peyvəndin üstündən müəyyən müddətin keçməsinə ehtiyac yoxdur.

Kurtoğlu qan donorluğunun insanlara mənəvi rahatlıq bəxş etdiyini də bildirib.

"Mütəmadi qan donorluğunu tövsiyə edirik. Çünki bunun infarkt və xərçəng riskini azaltması, qan-damar xəstəliklərinin qarşısını alması, xolesterolu və qan şəkərini balanslaşdırmasına dair tibbi məlumatlar mövcuddur. Bundan başqa, mütəmadi qan vermək həm də vaxtaşırı mini check-up-dan keçmək deməkdir. Çünki qan verməmişdən əvvəl donordan müxtəlif analizlər götürülür. Ən əsası isə qan vermək, beləliklə də, insanlara faydalı olduğunu bilmək adama mənəvi rahatlıq bəxş edir", – deyə o vurğulayıb.

0