Formula 1

Formula 1 geyimləri satışa çıxarıldı

47
Müxtəlif ölçü, rəng və dizaynda olan geyim məhsullarına corab, günəşlik, qısaqol köynək və papaqlı gödəkçələr daxildir

BAKI, 24 iyun — Sputnik. Bakı Şəhər Halqası Əməliyyat Şirkəti (BŞH) tərəfindən bu il Azərbaycanda ilk dəfə keçirilən Formula 1 Avropa Qran Prisi üçün hazırlanan və yarış həftəsindən etibarən alıcılara təklif olunan məhsulların satışı əməliyyat şirkətinin Park Bulvar alış-veriş mərkəzində yerləşən ticarət köşkündə davam etdirilir. Bakı Şəhər Haqlasının mətbuat xidmətindən Sputnik-ə verilən məlumata görə, üzərində Formula 1 və Bakı Şəhər Halqası loqotiplərinin əks olunduğu bu məhsullar həmin köşkdə ilboyu satışda olacaq.

Bakı şəhərindən bir görünüş
© Sputnik / Murad Orujov

Müxtəlif ölçü, rəng və dizaynda olan geyim məhsullarına corab, günəşlik, qısaqol köynək və papaqlı gödəkçələr daxildir. İki yaşdan etibarən bütün yaş qruplarının istifadəsi üçün hazırlanmış bu məhsulların qiyməti 15 — 110 manat arasında dəyişir.

Bundan başqa, Formula 1 azarkeşlərinə 75 manat dəyərində bel çantası ilə yanaşı müxtəlif növ aksesuarlar da təklif olunur. Qulaq tıxacı, avtomobil üçün stiker, qələm, açarlıq, dəftər, fləşkard və "iphone" markası üçün telefon üzlüklərindən ibarət aksesuarların qiyməti müvafiq olaraq 2 manatdan 30 manatadək dəyişir.

Qeyd edək ki, Avropa Qran Prisi məhsulları sadəcə Park Bulvar alış-veriş mərkəzindəki köşkdə satışdadır. Bu ticarət köşkü həftənin hər günü saat 10:00-dan 22:00-dək fəaliyyət göstərir.

47
Teqlər:
satış, geyim, Avropa Qran Prisi, Formula 1, Bakı Şəhər Halqası Əməliyyat Şirkəti
Əlaqədar
Formula-1 ilə əlaqədar bağlanmış küçələr nə vaxt açılacaq?
Alonso Formula-1-i tərk etdi
Formula-1-də bir pilot yarışdan çıxdı
“Formula-1” üzrə Avropa Qran-prisi başlayıb
“Formula-1” Avropa Qran-prisinin açılış mərasimi keçirilib
Futbol üzrə Azərbaycan millisinin baş məşqçisi Canni De Byazi, arxiv şəkli

Hamısı italyan olacaq - Millimizin məşqçisi qərarını verdi

28
(Yenilənib 22:46 02.08.2020)
“Mənə De Byazi zəng vurdu. O, Karbonenin məsləhəti ilə bunu etdi. Mən Karbone ilə “Ternana” və “Venesiya”da çalışmışam"

BAKI, 2 avqust — Sputnik. Azərbaycanın futbol üzrə milli komandasının yeni baş məşqçisi Canni De Byazinin daha bir köməkçisi müəyyənləşib.

Sputnik Azərbaycan APA-ya istinadən bildirir ki, italiyalı mütəxəssisin məşqçilər korpusundakı həmyerlilərinin sayı 4-ə çatıb.

Köməkçi məşqçilər Benni Karbone və Klaudio Beluççi, oyunların analizi üzrə mütəxəssis Federiko Turritsianinin ardınca fiziki hazırlıq üzrə çalışdırıcı Alessandro Skayya da yığmamızda çalışacaq. O, millidə ümumilikdə 5-ci italiyalı olacaq.

Bunu Skayyanın özü açıqlayıb: “Mənə De Byazi zəng vurdu. O, Karbonenin məsləhəti ilə bunu etdi. Mən Karbone ilə “Ternana” və “Venesiya”da çalışmışam. Orada Valter Zenqanın baş məşqçiliyi dövründə birgə işləmişik”.

28
Əlaqədar
Futbol üzrə millimizin baş məşqçisi bəlli oldu
Rəsmi: Azərbaycanca danışan Canni De Byazi sükanı ələ aldı
Bir də futboldan görək: Millimizin baş məşqçisindən daha bir jest
“Real”ın keşmiş ulduzu Azərbaycana gəlməkdən imtina edib
Baş nazir futbolçuya ərə getdi
Dani Ramires (göy formada), arxiv şəkli

“Real”ın keşmiş ulduzu Azərbaycana gəlməkdən imtina edib

15
(Yenilənib 15:58 01.08.2020)
Yarımmüdafiəçi adını açıqlamadığı Azərbaycan klubundan aldığı daha cəlbedici təklifdən imtina etdiyini də bildirib

BAKI,  1 avqust — Sputnik. Polşamın “Lex” klubunun ispaniyalı futbolçusu Dani Ramires Azərbaycandan aldığı təklifdən imtina edib.

Apasport.az saytının məlumatına görə, bunu 28 yaşlı yarımmüdafiəçinin özü açıqlayıb.

Hələ 16 yaşında “Leqanes”dən Madrid “Real”ına keçən, sonradan bir sıra klublarda çıxış edən Ramires bu il LKS-dən “Lex”ə transfer olunub. Yarımmüdafiəçi adını açıqlamadığı Azərbaycan klubundan aldığı daha cəlbedici təklifdən imtina etdiyini də bildirib: “MLS-dən və Azərbaycanın bir klubundan təklifim var idi. Onlar mənə daha çox pul ödəyəcəkdi. Amma mən olmaq istədiyim yerdəyəm və çox xoşbəxtəm”.

Qeyd edək ki, 2017-ci ildən Polşada oynayan Dani “Ştormil” (2017-18) və LKS (2018-20) klublarının formasını geyinib.

15
Haker, arxiv şəkli

İki ölkənin gizli ticarət sənədləri oğurlandı səsi bir il sonra çıxdı

0
(Yenilənib 22:18 03.08.2020)
Mənbələr bildiriblər ki, hakerlər ötən il iyulun 12-dən oktyabrın 21-dək Foksun poçt hesabına bir neçə dəfə daxil ola biliblər

BAKI, 3 avqust — Sputnik. ABŞ və Böyük Britaniya arasında ticarətə dair gizli sənədlərin oğurlanmasında rus hakerlər şübhəli bilinirlər.

Sputnik Azərbaycan bildirir ki, bu barədə The Telegraph iki mənbəyə istinadən yazır.

Qəzetin yazdığına görə, sənədlər Britaniyanın keçmiş ticarət naziri Liam Foksun elektron poçtundan oğurlanıb. Eyni zamanda həmin sənədlər barədə məlumat Birləşmiş Krallıqda 2019-cu ildə keçirilmiş parlament seçkisi ərəfəsində üzə çıxıb.

Mənbələr bildiriblər ki, hakerlər ötən il iyulun 12-dən oktyabrın 21-dək Foksun poçt hesabına bir neçə dəfə daxil ola biliblər. Oğurlanan məlumatlar arasında Amerika və Britaniya tərəflərinin ticari danışıqlarını əhatəli şəkildə əks etdirən altı sənəd paketi olub.

 

0