İntiqam Zairov 2012-ci il London Olimpiadasında

Dopinqdə ittiham olunan azərbaycanlı idmançı: "Son şansım idi..."

255
İntiqam Zairov: "Konkret olaraq nədə ittiham olunduğumla maraqlanmamışam. Çünki, hansı dopinqin olmasından asılı olmayaraq, mən onlara heç nə sübut edə bilməyəcəm"

BAKI, 23 iyun — Sputnik. Son zamanlar Azərbaycan Ağır Atletika Federasiyasının başının üstündən "qara buludlar" çəkilmək bilmir. Beynəlxalq Ağırlıqqaldırma Federasiyası İcraiyyə Komitəsinin Gürcüstanın paytaxtı Tbilisidə keçirilən iclasında idmançılarımızla bağlı sərt qərar qəbul olunub. Belə ki, daha iki idmançımızın (İntiqam Zairov və Boyanka Kostova), dopinq ittihamı ilə Rio Olimpiadasına lisenziyası ləğv edilib.

Hadisəni Sputnik-ə şərh edən, Avropa çempionu, 2012 Yay Olimpiya Oyunlarının 6-cısı İntiqam Zairov baş verənləri özlərinə qarşı haqsızlıq hesab edir: "O vaxt yoxlanıb təmiz çıxmışıq, illər keçəndən sonra dopinq çıxıb? Bu, haqsızlıqdır. Sadəcə 17 illik əziyyətim heçə getdi. Canımı, ömrümü bu idman növünə sərf etdim, indi də evdə oturub nə olacağını gözləyirəm".

İdmançımız dopinqsiz məşq eləməyin mümkünsüz olduğunu da deyib: "Meyvə və adi şirələr məşqdə itirilən enerjini bərpa edə bilmir və məcbur olaraq idmançılar enerji bərpaedicilərdən istifadə edirlər. Amma bu bərpaedicilər (vitaminlər) heç də dopinq demək deyil. İllərlə bu üsulla məşq etmişik, sadəcə bu il onlar dopinq hesab olunub".

Avropa çempionu bundan sonrakı fəaliyyətindən də danışıb: "Mənim idmandan başqa bir işim yoxdur. Məsləhət olsa, gələcəkdə məşqçi kimi fəaliyyətimi davam etdirəcəm. Hansı dopinqə görə lisenziyamın ləğv olunmasına gəldikdə isə, bununla maraqlanmamışam. Çünki, hansı dopinqin olmasından asılı olmayaraq, mən onlara heç nə sübut edə bilməyəcəm".

İ. Zairov bu olimpiadanın onun sonuncu şansı olduğunu da əlavə edib: "Mənim artıq 32 yaşım var. Bir neçə il sonra 40 yaşa çatacam. Artıq peşəkar idmanı davam etdirmək çətin olacaq. Rio-de Janero Olimpiadası peşəkar karyeramda sonuncu şansım idi. Ona da imkan vermədilər".

255
Teqlər:
Boyanka Kostova, İntiqam Zairov, lisenziya, Rio-2016 olimpiadası, Tbilisi, Gürcüstan, dopinq, Beynəlxalq Ağırlıqqaldırma Federasiyası, Azərbaycan Ağır Atletika Federasiyası
Əlaqədar
Azərbaycanla Dünya Ağır Atletika Federasiyası arasında dopinq qalmaqalı davam edir
Nazirlik dopinqə düşən idmançılarla bağlı açıqlama yaydı
"Şarapovanın qəbul etdiyi dərmanda dopinqlik heç bir effekt yoxdur"
"Dopinq ittihamı siyasi təzyiq vasitəsidir"
Azərbaycanlı idmançılar növbəti dəfə dopinq qalmaqalı ilə üzləşiblər
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

21
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

21
Ramil Quliyev

Dünya çempionu da "Qarabağ Azərbaycandır!" dedi

22
(Yenilənib 23:21 29.10.2020)
İdmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

BAKI, 29 oktyabr — Sputnik. Türkiyə millisinin azərbaycanlı dünya çempionu Ramil Quliyev Ermənistan silahlı qüvvələrinin Bərdə şəhərinə raket zərbələri ilə törətdiyi terror barədə özünün "Instagram" səhifəsində paylaşım edib.

Sputnik Azərbaycan xəbər verir ki, idmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

Ramil Quliyevin paylaşımının skrinşotu

Bununla yanaşı, sosial şəbəkədə Qarabağa aid video yayımlayıb və qeyd bölməsinə "Qarabağ Azərbaycandır" yazıb.

Qeyd edək ki, 30 yaşlı idmançının "Instagram"da 67 mindən çox izləyicisi var.

22