Бакинский Олимпийский стадион, фото из архива - Sputnik Azərbaycan
İDMAN
Ölkənin və dünyanın idman həyatına dair məlumatlar

Avro-2016-nın qrup mərhələsinin ikinci turunun icmalı

© Sputnik / Виталий Белоусов / Mediabanka keçidAvropa çempionatı. Portuqaliya - Avstriya görüşü
Avropa çempionatı. Portuqaliya - Avstriya görüşü - Sputnik Azərbaycan
Abunə olmaq
Avro-2016-nın qrup mərhələsinin ikinci turunun ətraflı şərhi, həmçinin qarşıdakı oyunlar barədə proqnozlarla bu geniş icmalda tanış ola bilərsiniz.

Avropa çempionatının qrup mərhələsinin ikinci turu gözləntilərimizi doğrultdu. Hörmətli oxucular, sizinlə güman etdiyimiz kimi müəyyən qruplarda vəziyyət aydınlaşdı, digərlərində isə daha da qeyri-müəyyən oldu. 

Buna baxmayaraq, çempionat yalnız bizi gərginlikdə saxlamaqla kifayətlənməyərək, komandaların çoxunun yüksək oyun səviyyəsinin sayəsində əsl futbol həvəskarlarına böyük həzz verir. Gəlin sizinlə birlikdə ikinci turda olanları müzakirə edək və üçüncü turda komandaların imkanlarını nəzərdən keçirək.

"A" qrupunda çempionatın meydan sahibləri Albaniya üzərində qələbənin (2:0) hesabına erkən olaraq növbəti mərhələyə çıxışı özləri üçün təmin ediblər. Albanlar isə əla futbol nümayiş etdirirlər və adlı-sanlı rəqibləri ilə fədakarcasına oynadılar. Lakin fransızlar ikinci oyunda rumınlarla görüşə nisbətən daha səlis oyun nümayiş etdirdilər. Əgər onlar belə oyundan oyuna daha səlis futbol göstərməkdə davam etsələr, şübhəsiz ki, öz fanatlarının və meydan sahiblərini çempionluğa əsas namizəd kimi görən bukmeker ofislərinin ümidlərini doğruldacaqlar. 

Футбол. Чемпионат Европы - 2016. Матч Англия - Россия - Sputnik Azərbaycan
YAZARLAR
Futbol bayramı davam edir

Rumınlar isveçrəlilərlə 1:1 oynayıblar və bir xalları var. Onlar haqlı olaraq albanlarla sonuncu görüşdə üç xala ümid edə bilərlər. Düşünmürəm ki, bu üç xalı onlar asanlıqla ala biləcəklər, həm də rumınlar növbəti mərhələni təmin etmək üçün daha çox top vurmalıdırlar.

Bu halda fransızlar çətin ki, oyunu isveçrəlilərə təslim etsinlər. Lakin sonuncuların oyun səviyyəsi onu göstərir ki, onlar sürpriz etməsələr belə, 1998-ci ilin dünya çempionları ilə heç-heçə oynamağa tam qadirdirlər. Bu isə İsveçrənin qrupdan çıxması üçün kifayətdir.

"B" qrupunda 1966-cı ilin dünya çempionları az qala bütün işləri korlayacaqdılar. Beyl və Remzinin irəli apardığı Uels yığması ingilislərə qalib gələ bilərdi, lakin ikinci hissədə oyununu aşkar zəiflətdi.Oyun 2:1 hesabı ilə başa çatdı və ingilislərdə topları meydana sonradan çıxmış Vardi və Starric vurublar. Bu hücumçular Keyn və Sterlinqdən daha inamlı görünürlər və fikrimcə artıq Hocson "Lester" və "Liverpul"dan olan forvardların cütlüyünə üstünlük verəcək. 

Fransanın Sen-Deni şəhər stadionunda UEFA-2016-ya hazırlıq - Sputnik Azərbaycan
YAZARLAR
Bir ay Avropa həyacan içində olacaq

Slovakiya-İngiltərə oyunu çox maraqlı və gərgin keçməlidir. Mənim fikrimcə, bu oyunda aşkar favorit yoxdur, lakin nəyə görəsə əminəm ki, "B" qrupundan növbəti mərhələyə 3 komanda çıxacaq.

Təəssüf ki, onların arasında Rusiya yığması olmayacaq. Rusiyalıların uğurlu çıxışına çox ümid bəsləyirdim, lakin açıq desək, belə müdafiə ilə Rusiya yığmasının Avropa birinciliyində işi yoxdur. Heç də yüksək səviyyəli komanda olmayan Slovakiya Rusiyaya inamla qalib gəldi — 2:1. Lakin acınacaqlı olan məğlubiyyət deyil, Slutskinin komandasının müadafiəçilərinin slovak hücumçuları öz cərimə meydançalarında qarşılayarkən mağmın görünmələridir.

Fikrimcə, sonuncu görüşdə möcüzə baş verməsə, uelslilər rusiyalıların olmayan müdafiəsini məhv edərək onları evlərinə yola salaraq özlərinə qrupdan çıxışı təmin edəcəklər. 

Lans şəhərinin Bollar Delelis stadionunda İngiltərə və Uels yığmaları qarşı-qarşıya gəliblər - Sputnik Azərbaycan
İDMAN
İngiltərə Uelsə qalib gələrək qrupdakı intriqanı son tura saxladı

"C" qrupunda postsovet məkanının daha bir təmsilçisi evə yola düşməyə hazırlaşır. Ukrayna zəif Şimali İrlandiya yığmasına 0:2 hesabı ilə uduzub. Sonuncular yalnız ədalətsiz əlverişli şərtlərdə növbəti mərhələyə adlaya bilərlər. Ümid edirəm ki, almanlar Şimali İrlandiyaya böyük üstünlüklə qalib gələrək onların növbəti mərhələyə keçməsinə imkan verməyəcəklər. Almanlarla 0:0-a nail olan polyaklar ukraynalıların nazı ilə çox oynamayacaqlar və Levandovskinin komandası Pyatovun qapısından top keçirə biləcəklər. Polşa bu çempionatda çox yaxşı təsir bağışlayır və əmin olmaq olar ki, pley-off mərhələsinin görüşlərində ən yüksək səviyyəli istənilən yığma üçün çox ciddi rəqib olacaq. 

"D" qrupunda qardaş Türkiyənin oyunu çox məyus etdi. Əgər xorvatlarla oyunda onlar heç də pis görünmürdülərsə, Avropa çempionları ilə görüşdə Türkiyə tam əlacsız qalmışdı. Türklərə 3:0 hesabı ilə qalib gələn ispanlar 1/8 finala çıxmağı təmin etdilər və arxayınlıqla Xorvatiya ilə oyunu gözləyirlər. 

Türklər isə hətta sonuncu oyunda Çexiyaya qalib gəlsələr belə çətin ki, qrupdan çıxa bilsinlər. Xorvatlarla oyunu qəhrəmancasına xilas edən çexlər (0:2 hesabı ilə uduzanda hesabı bərabərləşdirə bildilər) çox qətiyyətli görünürlər və türklərdən üç xal almağa iddialıdırlar. Bu üç xal Çexiyanın qrupdan çıxmaq şanslarını artırır. 

İspaniya və Türkiyə qarşılaşması - Sputnik Azərbaycan
İDMAN
Türkiyədən biabırçı məğlubiyyət

"E" qrupunda İtaliya yığması gözəl oyun nümayiş etdirir. Avropa birinciliyi başlamamışdan "Skuadra adzurra" barədə rəylər heç də yüksək deyildi. Lakin Antonio Kontenin komandası çox gözəl oyun nümayiş etdirir və və onları artıq çempionatın favoritləri sırasına daxil ediblər. "Tre krunur"a 1:0 hesabı ilə qalib gələn italyanlar artıq 1/8 finaldadırlar, lakin fikrimcə, irlandlarla sonuncu oyunu onlar az qüvvə sərf etməklə oynamayacaqlar. Britaniyalılar bu görüşdə var-qüvvələri ilə oyanayacaqlar, lakin irlandların oyun səviyyəsi pley-off mərhələsi üçün aşkar surətdə yetərli deyil.

Zlatan İbrahimoviçin irəli apardığı isveçlilər sonuncu görüşdə belçikalılarla qarşıalaşacaqlar. Sonuncular qrupdakı ikinci oyunlarında irlandların payını verdilər — 3:0. Görüş maraqlı, eyni zamanda gərgin olmalıdır. Azar və yoldaşları britaniyalılar üzərində qələbədən sonra yüksəlişdədirlər və "Tre krunur"dan üstün görünürlər. Lakin isveçlilər, xüsusən də onların liderləri belçikalılara ciddi problemlər yaşada bilərlər. 

Футбол. Чемпионат Европы - 2016. Матч Бельгия - Ирландия - Sputnik Azərbaycan
İDMAN
Belçika İrlandiyanı darmadağın etdi

"F" qrupunda ikinci tuirda islandlar penaltidən qol vuraraq uzun müddət macarlarla görüşdə irəlidə oldular, lakin sonuncular hesabı bərabərləşdirə bildilər — 1:1. Hər iki yığma yaxşı təsir bağışlayır. Heyətlərində hətta orta səviyyəli ulduz olmasa belə, onlar səviyyəli futbol nümayiş etdirərək daha güclü komandalarla bərabər oyun göstərə bilirlər.

Avstriya və Portuqaliya qolsuz bərbarəliyə imza ataraq özlərini çox xoşagəlməz vəziyyətə qoyublar. Bu oyunda XXI əsrin ən yaxşı oyunçularından olan Kriştianu Ronaldu avstriyalıların qapısına təyin olunmuş penaltini vura bilmədi. Son turda Portuqaliya mütləq Macarıstana qalib gəlməlidir. Amma bu iki tur onu göstərir ki, bunu etmək çox çətin olacaq. Avstriyalılara gəldikdə isə, islandlar bu çempionatda oyun səviyyəsinə görə onlardan üstündürlər və onların qarşılaşmasında fikrimcə, islandlar bir qədər üstün görünürlər. 

Стадион Велодром в Марселе. Архивное фото - Sputnik Azərbaycan
İDMAN
İslandiya və Macarıstan Avropa çempionatında heç-heçə oynayıblar

Qrup mərhələsinin üçüncü turu bu gün 23.00-da Fransa-İsveçrə və Rumıniya-Albaniya oyunları ilə başlayacaq. İyunun 22-də yenə də 23.00-da başlayacaq İsveç-Belçika və İtaliya-İrlandiya oyunları bu tura son qoyacaq. Avropa çempionatının bütün iştirakçılarının son dəfə qruplarındakı vəziyyəti dəyişmək şansları var. Tezliklə onların bunu edə bilib-bilməyəcəyinin şahidi olacağıq.

Xəbər lenti
0