Ümumdünya Antidopinq Agentliyi tərəfindən qadağan edilən meldonium maddəsi

İdman dünyasında böyük qalmaqal: Avropa Oyunlarına görə Azərbaycandan intiqam aldılar

1621
Çempion Dünya Ağır Atletika Federasiyasının prezidenti Tamaş Ayanı dopinq saxtakarlığında ittiham etdi.

BAKI, 14 iyun-Sputnik. Ağır Atletika üzrə milli komandamız haqqında yeni xəbər var. Belə ki, A seriyalı dopinq testindən çıxa bilməyən idmançılarımız, bir neçə gün öncə aparılan B dopinq testindən də üzüağ çıxa bilməyiblər. Və beləliklə, millimizin idmançıları Əliquluzadə Elxan, Anqelova Silviya, Quliyev Firidun, Xristov Valentin, Zairov İntiqam Ağır Atletika Federasiyası tərəfindən cəzalandırılıblar. Onlar 8 il müddətində yarışlara qatılmaq qadağası ilə üzləşiblər. Yalnız Dadaşbəyli Dadaş ilk dəfə dopinqə düşdüyü üçün 4 illik cəza alıb. 

Gənclər və İdman Nazirliyi məsələ ilə bağlı narahatlığını ifadə edib:

 "Biz, nazirlik olaraq öz növbəmizdə bütün federasiyalara dopinq yoxlamaları ilə bağlı yeniliklər, tərkibində dopinq olan yeni dərman ləvazimatlarının siyahısını mütəmadi təqdim edirik. Bütün lazimi işlərin aparılmasına baxmayaraq, əfsuslar olsun ki, bəzi hallarda diqqətsizlik nəticəsində içilən hansısa maye və ya yemək idmançının dopinqə düşməsinə səbəb ola bilər. Bu səbəbdən idmançıları çəkdikləri zəhmətin bəhrəsinin hədər getməməsi məqsədi ilə maksimal dərəcədə diqqətli olmağa çağırırıq. Biz baş verən bu hadisə ilə bağlı çox narahatıq və bu istiqamətdə lazımi tədbirlər görüləcək."

Ayan vəzifədən gedəcək deyə, idmançılara zərbə vurur

Dopinq qurbanı olmuş idmançı Valentin Xristov sözügedən qərarla razılaşmır. Sputnik-ə açıqlama verən idmançı günahı Dünya Ağır Atletika Federasiyasının prezidentində görür: "2015-ci ilin sonlarında A testi təmiz çıxmamışdı, biz gözləyirdik ki, B testindən təmiz çıxaq. Bu zaman bizə 2-3 il cəza kəsilə bilərdi. Amma B testi də təmiz çıxmadığı üçün və mən ikinci dəfədir dopinqə düşdüyüm üçün 8 illik cəza aldım. Mənim nandralon dərmanı qəbul etdiyimi yazıblar. Halbuki mən bu dərmanı heç vaxt qəbul etməmişəm. Bu, sadəcə Dünya Ağır Atletika Federasiyasının prezidenti erməni əsilli Tamaş Ayanın idmançılar üçün qurduğu oyundur. O, 2016-cı il Rio-de-Janeyro Olimpiya oyunlarından sonra vəzifədən gedəcək deyə idmançılara belə zərbə vurur. Tək Azərbaycan idmançılarını yox, dünyada olan bütün güclü idmançıları idmandan uzaqlaşdırır."

İdmançı artıq qərarın çıxdığını və bunun əksini heç cür sübut etməyin mümkün olmadığını qeyd edib. Xristov deyib:

"Biz 2015-ci ildə Amerikada keçirilən Dünya çempionatına gedəndə yarışa 10 gün qalmış Gənclər və İdman Nazirliyi tərəfindən dopinq testindən keçdik və nəticələr qənaətbəxş oldu. Yarışda Firudin Quliyev 5-ci oldu, mən bürünc medal qazandım və digər komanda yoldaşlarım uğurlu nəticə göstərdi. Azərbaycana geri döndükdən 10 gün keçəndən sonra xəbər çıxdı ki, biz dopinqə düşmüşük."

Xristov dünyadakı digər həmkarlarının da analoji halla rastlaşdıqlarını qeyd edib: "Qazaxıstanın ən güclü idmançısı İlya İlyin 2008-ci ildə Pekində olimpiya oyunlarında birinci yerə çıxıb. Sonra Londonda 2012-ci ildə çempion olub. Oyundan 8 il keçəndən sonra qərar veriblər ki, İlya İlyin dopinqə düşdüyü üçün göstərdiyi nəticə ləğv olunur. Sadəcə təsəvvür edin, yarışdan 8 il keçəndən sonra yarışın nəticəsi necə ləğv oluna bilər?!"

Xristov ədalətsiz qərarala üzləşməsinə baxmayaraq, idmanı atmayacağını bildirib: "Baxmayaraq ki, mənə 8 illik cəza veriblər, mən o vaxtı gözləyəcəm və mütləq yarışlara qatılacam. Çünki mənim idmandan başqa işim yoxdur."

"Tamaş Ayan Avropa Oyunlarına görə Azərbaycandan intiqam alır"

İdman eksperti Natiq Muxtarlı Sputnik-ə verdiyi açıqlamada deyib ki, məsələnin kökündə Azərbaycanda keçirilən Avropa Oyunlarına ağır atletikanın daxil edilməməsi durur:

"Bu problem Tamaş Ayanın erməni əsilli olmasına görə deyil, ağır atletikanın Avropa Oyunlarına daxil edilməməsinə görə yaranıb. Azərbaycan Avropa oyunlarına ev sahibliyi etdiyindən ağır atletikanı oyunlara salmaq istəməyib. O zaman bəziləri deyirdilər ki, buna səbəb erməni idmançılarının bu idman növündə çox güclü olması idi. Düşünürəm ki, Azərbaycan tərəfi istəmirdi Azərbaycanda Ermənistanın himni səslənsin. Buna baxmayaraq, Beynəlxalq Ağır Atletika Federasiyasının prezidenti Tamaş Ayan Azərbaycana gəldi və idman naziri Azad Rəhimovla görüşdü. Amma danışıqlar heç bir nəticə vermədiyindən Tamaş Ayanın bizim idmançılara qarşı belə təxribatı başladı."

Ekspert çıxış yolunu Azərbaycan Ağır Atletika Federasiyasının prezidentinin dəyişilməsində görür.

"Hazırkı prezident Cahangir Əsgərov bu problemi aradan qaldıra bilmir. Artıq vitse-prezident postunda dəyişik olub, Sevil Əliyevanın oğlu Azər Əliyev bu posta gətirilib. Tez bir zamanda federasiya prezidentinin də dəyişilməsi gözlənilə bilər. Bəlkə o zaman Tamaş Ayan ilə münasibətləri bərpa edərək, bu halların qarşısını almaq olar." — deyə Muxtarlı əlavə edib.

1621
Teqlər:
Natiq Muxtarlı, Tomas Ayan, Tamaş Ayan, Dünya Ağır Atletika Federasiyasının prezidenti erməni əsilli Tamaş Ayan, Dünya Ağır Atletika Federasiyası, Azərbaycan Ağır Atletika Federasiyası, Rio-de-Janeyro Yay Olimpiya Oyunları, Gənclər və İdman Nazirliyi, Valentin Xristov, Avropa Oyunları
Əlaqədar
"Dopinq ittihamı siyasi təzyiq vasitəsidir"
Azərbaycanlı idmançılar növbəti dəfə dopinq qalmaqalı ilə üzləşiblər
Nazirlik dopinqə düşən idmançılarla bağlı açıqlama yaydı
Mərhum prezident Heydər Əliyevin nəvəsi vəzifəyə təyin olundu
Bakı Olimpiya Stadionu, arxiv şəkli

Bakını pul gətirən layihədən çıxarırlar?

89
(Yenilənib 13:30 25.01.2021)
Türkiyə yalnız coğrafi baxımdan Azərbaycana yaxın deyil, həmçinin ənənəvi olaraq öz komandalarını fəal şəkildə dəstəkləyən türk azarkeşlərin axınını da nəzərə alsaq, paytaxtımız UEFA oyunlarının keçirilməsi üçün sərfəli məkan hesab oluna bilər.

BAKI, 25 yanvar — Sputnik, Teymur Tuşiyev. Avropa Futbol Assosiasiyaları Birliyi (UEFA) 2020-ci ildə keçirilməli olan və koronavirus pandemiyası səbəbindən 2021-ci ilə kimi təxirə salınan Avropa çempionatının təşkilatçı sayını azaltmaq məqsədilə dörd variantı nəzərdən keçirir. Sputnik Azərbaycan bu barədə Express.de-yə istinadən xəbər yayıb.

AVRO 2020-nin təşkilatçıları ilə bağlı ssenarilərdən biri çempionata ev sahibliyi edəcək şəhərlərin sayının 12-dən 10-a endirilməsindən ibarətdir. İkinci variantda şəhərlərin sayının 5-ə, üçüncü variantda isə 2-yə endirilməsi nəzərdə tutulur.

Qeyd edək ki, sonuncu dəfə 2012-ci ildə Avropa çempionatı iki ölkədə keçirilmiş, həmin vaxt turnirə Polşa və Ukrayna ev sahibliyi etmişdi.

Nəhayət, dördüncü ssenari keçən il Avropa Liqasının həlledici mərhələsində olduğu kimi, çempionatın yalnız bir ölkədə keçirilməsini nəzərdə tutur.

Bununla belə, hansı şəhərlərin təşkilatçılar siyahısından çıxarıla biləcəyi haqqında məlumat verilmir, yalnız o qeyd olunur ki, şəhərlərin sayının azaldılması çoxsaylı səfərlərin qarşısını almaq zərurətindən irəli gəlir. Əgər coğrafi prinsipdən çıxış edilərsə, siyahıda Avropaya ən uzaq olan şəhərlər Bakı və Sankt-Peterburqdur. Bu səbəbdən AVRO 2020-yə ev sahibliyi edəcək şəhərlər siyahısından çıxarılan ilk namizədlər məhz bu şəhərlər ola bilər.

"Qarabağ" futbol klubundan sensasion açıqlama>>

Digər tərəfdən, üç qarşılaşması Bakıda keçirilməli olan "A" qrupunda Türkiyə yığması da var. Özü də bu ölkə yalnız coğrafi baxımdan Azərbaycana yaxın deyil, həmçinin ənənəvi olaraq öz komandalarını fəal şəkildə dəstəkləyən türk azarkeşlərin axınını da nəzərə alsaq, Bakı UEFA oyunlarının keçirilməsi üçün sərfəli məkan hesab oluna bilər. Bununla belə, eyni qrupda olan Uels komandası Bakıya gəlmək üçün min kilometr yol qət etməlidir. Odur ki, UEFA qərar qəbul edərkən bu iki amildən birinə üstünlük verməlidir.

Əgər Avropa Futbol İttifaqı AVRO 2020-yə ev sahibliyi edəcək şəhərlərin sayını kəskin şəkildə azaltmağa qərar versə, bu halda oyunların keçirilə biləcəyi dörd Avropa şəhəri qeyd olunur: Münhen (Almaniya), London (Böyük Britaniya), Vyana (Avstriya) və Lissabon (Portuqaliya).

UEFA AVRO 2020-nin təşkilatçılarının sayının azaldılması ehtimalı ilə bağlı xəbərləri şərh etməyib, bununla belə qurumdan bildirilib ki, hazırda assosiasiya 12 təşkilatçı ilə birgə Avropa çempionatı ərzində stadionların hansı formada doldurulması ilə bağlı turnir ssenariləri üzərində işləyir. Həmin ssenarilərə əsasən, çempionat vaxtı tribunaların 50 faizdən 100 faizə, 20 faizdən 30 faizə qədər doldurulması və ya oyunların tamamilə azarkeşsiz keçirilməsi nəzərdə tutulur.

Xatırladaq ki, Bakı futbol üzrə Avropa çempionatının dörd oyununa ev sahibliyi etməli idi. Bakı Olimpiya Stadionunda İsveçrə - Uels, Türkiyə - Uels və İsveçrə - Türkiyə milli komandaları arasında A qrupunun oyunları və dörddə bir finallardan birinin keçirilməsi nəzərdə tutulmuşdu. AVRO 2020-nin bu il iyunun 11-dən iyulun 11-nə kimi keçirilməsi planlaşdırılır.

Avropa çempionatının formatı ilə bağlı son qərar martın əvvəlində açıqlanacaq.

89
Teqlər:
Bakı, UEFA, AVRO-2020, futbol
Məsut Özil, arxiv şəkli

Məsut Özil bundan sonra Türkiyədə oynayacaq

24
(Yenilənib 20:41 24.01.2021)
Türkiyə mediası 3.5 illik sözləşməyə imza atan Özilin bu müddət ərzində İstanbul klubunda 15 milyon avrodan çox qazacağını yazıb.

BAKI, 24 yanvar - Sputnik. Türkiyənin "Fənərbaxça" klubu yeni transferi Məsut Özillə 3,5 illik müqavilə bağlayıb.

Sputnik Azərbaycan klubun rəsmi saytına istinadla xəbər verir ki, 2014-cü ildən oyunçusu olduğu Almaniya millisindən istefa verən türkəsilli hücumameylli yarımmüdafiəçi müqaviləyə imza atdıqdan dərhal sonra məşqlərə başlayıb.

"Burada olduğum üçün xoşbəxtəm. Xəyalım gerçək oldu. İnanıram ki, uğurlu mövsüm keçirəcəyik", - deyə Özil vurğulayıb.

33 yaşlı oyunçunun transferi "sarı-lacivərdlilər"ə demək olar ki, havayı başa gəlib. Türkiyə mediası 3.5 illik sözləşməyə imza atan Özilin bu müddət ərzində İstanbul klubunda 15 milyon avrodan çox qazacağını yazıb.

Özil İngiltərə "Arsenal"ı ilə müqaviləsini pozduqdan sonra İstanbul klubu ilə razılaşıb. 

24
Teqlər:
İstanbul, "Fənərbaxça", məşhur futbolçu, futbolçu, Məsut Özil
Tərəzi, kökəlmək, köklük

Diabetə qalib gəlməyin çox asan yolu

0
(Yenilənib 00:44 27.01.2021)
Diabetə on iki həftə ərzində qalib gəlmək mümkündür. Amerikalı alimlərin araşdırmasına görə, minimal karbohidratlı pəhriz həm sağaldır, həm də arıqladır

BAKI, 27 dekabr - Sputnik. On iki həftə boyunca minimal karbohidrat pəhrizinə riayət edən insanlar ikinci tip diabetə qalib gəlmək şansını təxminən 30% artırırlar. 

Sputnik Azərbaycan bildirir ki, bu barədə Diabetes.co.uk portalı Texasın A&M Universitetinin (ABŞ) əməkdaşlarının araşdırmalarına istinadən yazır.

Tədqiqatda 1357 nəfər iştirak edib. Yaşları 47 ilə 67 arasında dəyişən bu şəxslərin əksəriyyəti artıq çəki və ya piylənmədən əziyyət çəkib. Onlar on iki həftə ərzində minimal karbohidrat pəhrizinə riayət ediblər. Bundan 6 ay və bir il sonra isə mütəxəssislər tədqiqatda iştirak edənlərin səhhətlərini təkrar yoxlamadan keçiriblər. 

Qeyd olunur ki, pasiyentlər nişastalı karbohidratlardan (daha çox kartof və makaronda olur) imtina ediblər. Alimlər belə nəticəyə gəliblər ki, 6 aydan sonra bu qrup insanların xəstəliyin əlamətlərini azaltmaq şansları digər pəhrizlərə riayət edənlərlə müqayisədə daha çoxdur. 

Elmi tədqiqatın müəllifləri qeyd ediblər ki, gələcəkdə onlar kalorilərə nəzarətlə bağlı da bir sıra tədqiqatlar aparmaq niyyətindədirlər. Bununla onlar minimal karbohidratlı pəhrizin arıqlamağa və diabetin remissiyasına davamlı müsbət təsir göstərdiyinə əmin olmaq istəyirlər.

* Minimal karbohidratlı pəhriz - sutkada 100-150 qramdan artıq olmayan karbohidratın qəbul olunmasını nəzərdə tutan qida rejimidir. Bundan başqa, burada istifadə olunan karbohidratın əksər hissəsi böyük miqdarda lifə malik tərəvəz və tam buğdaların payına düşməlidir. 

Bu pəhriz həm diabet xəstələrinə, həm də arıqlamağa çalışan idmançılara məsləhət görülür. O, qanda şəkərin miqdarını tənzimləmək üçün əla üsul sayılır.

0