Mariya Stadnik

Qadın güləşçilərimizin Ukraynaya yollanıblar

6
İyunun 5-dən 17-dək Ukraynanın Konça-Zaspa təlim-məşq bazasında hazırlıq keçən yığmanın heyətində 6 güləşçimiz yer alıb

BAKI, 9 iyun — Sputnik. Qadın güləşi üzrə yığma komandanın üzvləri Braziliyada keçiriləcək XXXI Yay Olimpiya Oyunlarına hazırlıq planı üzrə növbəti təlim-məşq toplanışı üçün Ukraynaya yollanıb. Güləş Federasiyasının mətbuat xidmətindən Sputnik-ə verilən məlumata görə, iyunun 5-dən 17-dək Ukraynanın Konça-Zaspa təlim-məşq bazasında hazırlıq keçən yığmanın heyətində 6 güləşçimiz yer alıb.

Toplanışa baş məşqçi Semyon Çterev və böyük məşqçi Nazim Əlicanovun rəhbərliyi altında Mariya Stadnik (48 kq), Anjela Doroqan (53 kq), Nataliya Sinişin, Yuliya Ratkeviç, Alyona Kolesnik (hamısı 58 kq) və Tatyana Omelçenko (60 kq) qatılıb. Təlim-məşq toplanışını başa vurduqdan sonra yığmamızın üzvləri Polşanın Spala şəhərində Zialkovski və Petlasinskinin xatirəsinə həsr olunan beynəlxalq turnirdə qüvvələrini sınayacaq.

Xatırladaq ki, bir müddət əvvəl isə, qadın güləşçilərimiz Bolqarıstanın Belmeken təlim-məşq bazasında Türkiyə, Belarus, Fransa, Rumıniya və Macarıstan yığmasının üzvləri ilə birgə hazırlıq keçib. Həmin təlim-məşq toplanışından foto və video görüntüləri təqdim edirik.

Qeyd edək ki, Rio-de Janeyroda keçiriləcək XXXI Yay Olimpiya Oyunlarında güləşçilərimiz 14 (sərbəst 6, yunan-Roma 5, qadın 3) idmançı ilə təmsil olunacaq. Yarışlar 14-21 avqust tarixlərində baş tutacaq.

6
Teqlər:
Azərbaycan Güləş Federasiyası, Yay Olimpiya Oyunları, Ukrayna, güləş, yığma komanda, qadın güləşi
Əlaqədar
Lənkəranlı güləşçilər milliyə dəvət alıblar
Azərbaycan güləşçisi olimpiadaya lisenziya qazandı
Bu güləşçilər Azərbaycanı Rio Olimpiadasında təmsil edə bilərlər
Qadın güləşçimiz Avropa Çempionu oldu
Azərbaycan güləşçisi dünya reytinqində liderdir
Qadın güləşçimiz birinciliyi qazandı