Atlet Nazim Babayev

Azərbaycanlı atlet: “Özümü Olimpiadada ilk üçlükdə görürəm”

137
(Yenilənib 17:12 27.05.2016)
2015-ci ilin gənclər arasında yüngül atletika üzrə dünya lideri planları barədə Sputnik-ə danışıb.

BAKI, 27 may — Sputnik. İdman ölkəni dünyaya tanıdan sahələrdən biridir. Himnin səslənməsi, bayrağın dalğalanması böyük idman siyasətidir. Bu baxımdan Azərbaycanı dünyada kifayət qədər tanıdan atlet Nazim Babayev Sputnik-in əməkdaşının suallarını cavablandırıb. 18 yaşlı Olimpiadaya lisenziya qazanmış idmançının müsahibəsini təqdim edirik.

- Bilirik ki, əvvəlcə futbolu sevmisiniz, amma sonradan atletikanı seçmişiniz. Niyə?

— Uşaq yaşlarından futbola həvəsim olub. 6 yaşım olanda futbola yazılmalı idim. Amma fiziki zəif olduğumdan məni futbola götürmədilər, məsləhət gördülər ki, yüngül atletika ilə məşğul olub fiziki cəhətdən gücləndikdən sonra futbola gəlim. İlk gündən, yəni 2004-cü ildən bu günə kimi məşqçim Xəlfəyev Ziyadla atletika məşqlərini davam etdirirəm. 

- Atletikaya sevgi yarandı və siz futboldan imtina elədiniz, yoxsa uğurlarınız sizi bu idman növündə qalmağa məcbur edib?

— Məşqçim yönləndirdi və həvəsləndirdi, eyni zamanda məndə istedad gördüyündən bu idman növündə qalmağımı məsləhət gördü. O ki qaldı futbola, məhəllə futbolunu çox oynayırdım. Peşəkar atletikaya gələndən sonra atlet üçün futbol oynamağın təhlükəli olduğunu anlayıb oynamağı dayandırdım. Hal-hazırda futbola yalnız baxmaqla kifayətlənirəm.  

- Olimpiadaya kimi hansı uğurların olub?

— 2012-ci ildən beynəlxalq oyunlara başlamışam. Üç təkanla tullanma  növü üzrə Asiya oyunlarının gümüş mükafatını qazandım. 2013-cü ildə Yeniyetmələrin Avropa Olimpiya festivalının qalibi oldum. 2014-cü ildə Çində keçirilən Yeniyetmələrin Olimpiya oyunlarında bürünc medal qazandım. 2015-ci Avropa oyunlarında öz hesabımda birinci oldum. 2015-ci ilin iyul ayında Gənclərin Avropa çempionatının qalibi oldum. 30 illik Avropa çempionatının rekordunu qırdım və Olimpiadaya lisenziya qazandım. 16,93 sm üç təkanla tullanmada rekord idi, mən 17,04 sm ilə rekordu təzələdim. 2015-ci ildə gənclər üzrə dünya reytinqinin lideri olmuşam.

- Etiraf edək ki, məhz bu idman növü ilə məşğul olan azərbaycanlı idmançılar azdır. Digər millətlərdən olan idmançıları zallarda daha çox görmək  mümkündür. Səbəb?

— Əvvəllər üç təkanda 8-10 idmançı yarışırdısa, Avropa oyunlarından sonra bu rəqəm artıb. Hətta əvvəlki illərə baxanda 2-3 dəfə artıb. Amma azərbaycanlı qızlar mentalitetə görə yalnız 9-10-cu sinifə kimi gəlirlər. Amma digər millətdən olan qızlarda bu problem olmur və onlar davam edirlər.  

- Bu idman növündə zədələr var?

— Bəli. Keçən ilin avqust və oktyabr aylarında dizlərimdən aldığım zədə məşqi dayanmağıma səbəb olmuşdu. Hal-hazırda zədəm düzəlib. Tam sürətlə Olimpiadaya hazırlıq işləri gedir. 

- Səmimi olaq. Olimpiadadan nə gözləyirsiniz?

— İlk Olimpiadamdır. 18 yaşımda çıxış etməyin özü uğurdur. Ən azı medallar uğrunda mübarizə aparacağam. İlk üçlukdə özümü görürəm. 

137
Qarabağ - Legiya matçı

Türkiyə "Qarabağ"a qucaq açdı

28
(Yenilənib 20:24 22.10.2020)
Qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib

BAKI, 22 oktyabr - Sputnik. Avropa Liqasının qrup mərhələsində Azərbaycan çempionu "Qarabağ"ın İspaniyanın "Vilyarreal" komandası ilə qarşılaşacağı meydan bəlli olub.

Sputnik Azərbaycan bildirir ki, bu barədə "Qarabağ" klubunun yaydığı açıqlamada deyilir.

Vurğulanır ki, hazırda ölkəmizin bütün cəbhəboyu əks-hücum əməliyyatları uğurla davam edir və ölkəmizdə hərbi vəziyyət elan edilib. İki gün öncə UEFA İcraiyyə Komitəsi ölkəmizdə vəziyyəti nəzərə alaraq, "Qarabağ"ımızın qrup mərhələsində ilk ev oyununu neytral meydanda keçirilməsi ilə bağlı qərar qəbul edib. Və "Vilyarreal"la matçının hansı ölkədə keçirilməsi ilə bağlı UEFA tərəfindən bir neçə ölkə klubumuza təqdim edilmişdir.

"Lakin həmin ölkələrdə klubumuzun təhlükəsizliyi, klubumuza qarşı hər hansı bir təxribat olması ehtimalı və digər məsələləri nəzərə alan klubumuz tərəfindən anında UEFA-ya məlumat verilib və "Vilyarreal"la matçın hər zaman öz dəstəyi ilə yanımızda olan Türkiyədə keçirilməsi üçün tutarlı əsaslarla müraciət göndərilib və bu müraciət UEFA tərəfindən müsbət qarşılanıb.

Ali futbol qurumunun tələbi ilə qarşılaşma bu mövsüm avrokuboklarda ev sahibliyi etmiş stadionda keçirilməlidir. Bununla bağlı qardaş Türkiyə təmsilçilərinə klubumuz tərəfindən məktub ünvanlanıb. Və qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib. Başda "Qalatasaray" olmaqla, öz dəstəyini əsirgəməyən qardaş ölkə təmsilçilərinə təşəkkür edirik.

Hazırda Çempionlar Liqasının qrup mərhələsində iştirak edən "İstanbul Başakşehir" klubunun stadionu isə texniki cəhətdən UEFA-nın tam təmin olunduğuna görə "Qarabağ"ımız "Vilyarreal"la ev matçını məhz "Başakşehir"in Fatih Terim adına stadionunda keçirəcək", - açıqlamada deyilir.

"Qarabağ" Futbol Klubu "Başakşehir" klubuna könüldən göstərdiyi dəstəyə görə təşəkkürünü bildirib.

28
Teqlər:
Türkiyə, qrup mərhələsi, Avropa Liqası, "Qarabağ" FK, futbol
Əlaqədar
Qurban Qurbanov: “Fikrimiz Azərbaycan əsgərlərinin yanındadır”
"Qarabağ" qardaş Türkiyəni seçdi
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"
Qurban Qurbanov, arxiv şəkli

Qurban Qurbanov: “Fikrimiz Azərbaycan əsgərlərinin yanındadır”

20
(Yenilənib 16:01 22.10.2020)
“Qarabağ” komandasının baş məşqçisi Qurban Qurbanov deyir ki, futbolçuları oyuna motivasiya etməyə çalışırıq
Qurban Qurbanov: ““Makkabi”nin yaxşı oyun fəlsəfəsi var”

“Rəqibimizin Çempionlar Liqasında həm Belarusun “Dinamo” (Brest), həm də Avstriyanın “Zaltsburq” komandaları ilə keçirdiyi matçları izləmişəm. Özünəməxsus oyun taktikası olan komandadır”.

Sputnik Azərbaycan xəbər verir ki, bu sözləri “Qarabağ”ın baş məşqçisi Qurban Qurbanov İsrailin paytaxtı Təl-Əvivdə “Makkabi”yə qarşı keçirəcəkləri UEFA Avropa Liqasının I qrupunun ilk tur matçı barədə danışarkən deyib.

O bildirib ki, rəqibin hansısa futbolçusunu fərqləndirmək istəmir: ““Makkabi”nin yaxşı oyun fəlsəfəsi var. Hazırda Qarabağda müharibə getdiyi üçün fikrimiz Azərbaycan əsgərlərinin yanındadır. Ordumuz torpaqlarımızın işğaldan azad olunması üçün mübarizə aparır. Hər gün cəbhədən xoş xəbərlər gəlir. Biz də futbolçularımızı oyuna motivasiya etməyə və sərfəli nəticə qazanmaq üçün əlimizdən gələni etməyə çalışırıq”.

Qeyd edək ki, bu gün “Blumfild” stadionunda keçiriləcək “Makkabi” – “Qarabağ” matçı Bakı vaxtı ilə saat 23:00-da başlayacaq.

Qurban Qurbanovun fikirlərinə audiofaylda qulaq asa bilərsiniz

20
Армянская военная форма

Ermənistan son günlərdə hərbi əməliyyatlarda ölən hərbçilərinin siyahısını açıqlayıb

0
(Yenilənib 00:18 23.10.2020)
Ermənistan hökuməti oktyabrın 22-də Dağlıq Qarabağ münaqişəsində həlak olan hərbi qulluqçularının növbəti siyahısını açıqlayıb.

BAKI, 22 oktyabr - Sputnik. Ermənistan hökuməti oktyabrın 22-də Dağlıq Qarabağ münaqişəsində həlak olan hərbi qulluqçularının yeni siyahısını açıqlayıb.

Sputnik Azərbaycan Ermənistan KİV-lərinə istinadən xəbər verir ki, bugünkü siyahıda 26 nəfərin adı yer alıb.

Bu günədək Ermənistan tərəfinin açıqladığı itkilərin sayı 900 nəfərə çatıb.

Qeyd edək ki, qarşı tərəf itkilərinin sayını məqsədyönlü şəkildə gizlədir.

0
Əlaqədar
MN: Ermənistan rəhbərliyi cəbhədə verdiyi ağır itkiləri yaddan çıxarıb
Madagiz-Ağdərə istiqamətində ermənilərin itkiləri açıqlandı
Ermənistan ordusu ağır itkilər verməyə davam edir - VİDEO
İtkilər üzə çıxır? Ermənistan ordusunun əsgəri ölüb
"Ermənistanın verdiyi itkilər arasında xaricdən gətirilən muzdlular çoxluq təşkil edir"