Kikboksinq yarışı.Arxiv şəkli

Sumqayıtda kikboksinq turniri olacaq

115
(Yenilənib 13:20 27.05.2016)
Sumqayıt şəhərində 28 May – Respublika gününə həsr edilmiş kikboksinqin K -1versiyası üzrə peşəkarlararası reytinq və “Azərbaycan kəməri” müdafəsi uğrunda döyüşlər təşkil olunacaq.

BAKI, 27 may — Sputnik. Sumqayıtda respublika gününə həsr olunan kikboksinq yarışı keçiriləcək. 

Kikboksinq Federasiyasının mətbuat xidmətindən Sputnik-ə verilən məlumata görə, Sumqayıt şəhər İcra Hakimiyyətinin və Azərbaycan Kikboksinq Federasiyasının birgə təşkilatçılığı ilə 29 may 2016-ci il tarixində Sumqayıt şəhərində 28 May – Respublika gününə həsr edilmiş kikboksinqin K —1versiyası üzrə peşəkarlararası reytinq və “Azərbaycan kəməri” müdafəsi uğrunda döyüşlər təşkil olunacaq. 

Bu barədə məlumat verən Azərbaycan Kikboksinq Federasiyasının prezidenti, millət vəkili Adil Əliyev cəmiyyətdə vətənpərvərlik ruhunu təbliği istiqamətində federasiyasının dövlət qurumları ilə tədbirlərinin davam etdiyini qeyd edib: “Təbdir respublika gününə həsr olunub. Bilirik ki, 1918-ci ilin may ayının 28-də böyük şəxsiyyətlərimiz yoxdan bir dövlət qurdular. Bu, şərqin ilk demokratik və hüquqi dövləti sayılırdı. Gəncliyimiz tariximiz yaxşı oxumalı və öyrənməlidir. Sumqayıtda keçirilən tədbir digər bölgələrdə təşkil etdiyimiz təbliğatın davamıdır. Bizim üçün əsas məsələ cəmiyyətdə sağlam ruhlu və vətənpərvər gənclərin yetişməsidir. Bu, turnirlərlə bu missiyanın davam etdirilməsini istəyirik.” Tədbirə təşkilatı dəstəyi Azərbaycan Respublikası Gənclər və İdman Nazirliyi və Sumqayıt şəhər İcra Hakimiyyəti verir. 

Yarış 17:00-da Sumqayıt Şəhər Olimpiya Kompleksində keçiriləcək.

115