Cüdo üzrə “Böyük dəbilqə” turnirinin açılış mərasimi

Cüdo üzrə “Böyük dəbilqə” turnirinin açılış mərasimi keçirilib

36
(Yenilənib 21:59 06.05.2016)
Mərasimdə gənclər və idman naziri Azad Rəhimov, Beynəlxalq Cüdo Federasiyasının rəsmisi Əl-Təmimi və Azərbaycan Cüdo Federasiyasının (ACF) prezidenti Rövnəq Abdullayev iştirak edib.

BAKI, 6 may — Sputnik. Bakıda Ümummilli Lider Heydər Əliyevin xatirəsinə həsr olunmuş cüdo üzrə “Böyük dəbilqə” turnirinin açılış mərasimi keçirilib. Sputnik-in məlumatına görə, Heydər Əliyev adına İdman Sarayında təşkil olunmuş mərasimdə gənclər və idman naziri Azad Rəhimov, Beynəlxalq Cüdo Federasiyasının rəsmisi Əl-Təmimi və Azərbaycan Cüdo Federasiyasının (ACF) prezidenti Rövnəq Abdullayev iştirak edib. Azərbaycan cüdoçularının uğurlarını əks etdirən videoçarx nümayiş olunduqdan sonra, yarışda iştirak edən 76 ölkənin rəmzi olaraq adını daşıyan şəxslər parad şəklində tatamiyə daxil olub.

Tədbiri nazir A.Rəhimov yarış iştirakçılarını və qonaqları salamlayıb, idmançılara uğurlar arzulayıb. Nazir qeyd edib ki, Azərbaycan böyük qürur hissi ilə dünyanın ən nüfuzlu və mötəbər yarışlarına ev sahibliyi edir: "Dünyanın ən mötəbər beynəlxalq yarışları Azərbaycanda yüksək səviyyədə təşkil olunur. Belə böyük uğurlara ölkə başçısı, Milli Olimpiya Komitəsinin Prezidenti İlham Əliyevin idman və idmançılara xüsusi diqqət və qayğısı nəticəsində imza atırıq. İdmançılarımızın uğurları artır, dünyanın müxtəlif ölkələrində Azərbaycanın himni səsləndirilir. Azərbaycan idmanının ən böyük təntənəsi "Bakı-2015" birinci Avropa Oyunları olub. Hazırda Azərbaycanda cüdo üzrə "Böyük dəbilqə" turniri, 17 yaşadək futbolçular arasında Avropa çempionatı keçirilir. Biz inanırıq ki, bu yarışda da idmançılarımız yüksək nəticələr qazanacaqlar. Bir daha bütün idmançılara uğurlar arzulayıram".

Daha sonra çıxış edən BCF-in rəsmisi Əl-Təmimi Bakı şəhərində olmaqdan məmnun olduğunu söyləyib. O, "Böyük dəbilqə" turnirinə ev sahibliyi etdiyi üçün Azərbaycan dövlətinə minnətdarlığını bildirib. BCF rəsmisi yarışın yüksək səviyyədə təşkil olunduğunu vurğulayıb. BCF rəsmisi idmançılara qələbələr arzulayıb. ACF-in prezidenti Rövnəq Abdullayev qonaqları ölkəmizdə salamlayaraq, idmançılara ədalətli mübarizə diləyib. O, turnirdə güclü olanın qalib gəlməsini arzulayıb. Yarış açıq elan olunub və Azərbaycanın Dövlət Himni səsləndirilib. Bədii hissədən sonra möhtəşəm lazer-şou nümayiş olunub. Şouda Azərbaycanın milli atrebutları və musiqilərindən istifadə edilib. Açılış mərasimindən sonra yarışın ilk gününün final mərhələsinə start verilib.

Xatırladaq ki, yarışın birinci günü idmançılarımız üçün uğursuz başlayıb. Heç bir idmançımız qələbə kürsüsünə yüksələrək olimpiyadaya lisenziya qazana bilməyib. 

36
Futbol üzrə Azərbaycan millisinin baş məşqçisi Canni De Byazi, arxiv şəkli

Hamısı italyan olacaq - Millimizin məşqçisi qərarını verdi

28
(Yenilənib 22:46 02.08.2020)
“Mənə De Byazi zəng vurdu. O, Karbonenin məsləhəti ilə bunu etdi. Mən Karbone ilə “Ternana” və “Venesiya”da çalışmışam"

BAKI, 2 avqust — Sputnik. Azərbaycanın futbol üzrə milli komandasının yeni baş məşqçisi Canni De Byazinin daha bir köməkçisi müəyyənləşib.

Sputnik Azərbaycan APA-ya istinadən bildirir ki, italiyalı mütəxəssisin məşqçilər korpusundakı həmyerlilərinin sayı 4-ə çatıb.

Köməkçi məşqçilər Benni Karbone və Klaudio Beluççi, oyunların analizi üzrə mütəxəssis Federiko Turritsianinin ardınca fiziki hazırlıq üzrə çalışdırıcı Alessandro Skayya da yığmamızda çalışacaq. O, millidə ümumilikdə 5-ci italiyalı olacaq.

Bunu Skayyanın özü açıqlayıb: “Mənə De Byazi zəng vurdu. O, Karbonenin məsləhəti ilə bunu etdi. Mən Karbone ilə “Ternana” və “Venesiya”da çalışmışam. Orada Valter Zenqanın baş məşqçiliyi dövründə birgə işləmişik”.

28
Əlaqədar
Futbol üzrə millimizin baş məşqçisi bəlli oldu
Rəsmi: Azərbaycanca danışan Canni De Byazi sükanı ələ aldı
Bir də futboldan görək: Millimizin baş məşqçisindən daha bir jest
“Real”ın keşmiş ulduzu Azərbaycana gəlməkdən imtina edib
Baş nazir futbolçuya ərə getdi
Dani Ramires (göy formada), arxiv şəkli

“Real”ın keşmiş ulduzu Azərbaycana gəlməkdən imtina edib

15
(Yenilənib 15:58 01.08.2020)
Yarımmüdafiəçi adını açıqlamadığı Azərbaycan klubundan aldığı daha cəlbedici təklifdən imtina etdiyini də bildirib

BAKI,  1 avqust — Sputnik. Polşamın “Lex” klubunun ispaniyalı futbolçusu Dani Ramires Azərbaycandan aldığı təklifdən imtina edib.

Apasport.az saytının məlumatına görə, bunu 28 yaşlı yarımmüdafiəçinin özü açıqlayıb.

Hələ 16 yaşında “Leqanes”dən Madrid “Real”ına keçən, sonradan bir sıra klublarda çıxış edən Ramires bu il LKS-dən “Lex”ə transfer olunub. Yarımmüdafiəçi adını açıqlamadığı Azərbaycan klubundan aldığı daha cəlbedici təklifdən imtina etdiyini də bildirib: “MLS-dən və Azərbaycanın bir klubundan təklifim var idi. Onlar mənə daha çox pul ödəyəcəkdi. Amma mən olmaq istədiyim yerdəyəm və çox xoşbəxtəm”.

Qeyd edək ki, 2017-ci ildən Polşada oynayan Dani “Ştormil” (2017-18) və LKS (2018-20) klublarının formasını geyinib.

15

COVID-lə mübarizədə həkimlərimizə italyanlar kömək edəcəklər - FOTO

0
(Yenilənib 21:18 03.08.2020)
Altı mütəxəssis təxminən iki həftə Azərbaycanda qalacaq və azərbaycanlı həmkarları ilə birlikdə COVID-19 ilə mübarizə və onun qarşısının alınması sahəsində məsləhət, kömək və təlim fəaliyyətlərini həyata keçirmək üçün yerli orqanlarla əməkdaşlıq edəcək

BAKI, 3 avqust — Sputnik. Bu gün İtaliya Mülki Müdafiə İdarəsinin nümayəndə heyəti Azərbaycanın COVID-19 epidemiyası ilə mübarizə səylərini dəstəkləmək məqsədi ilə Maliyyə Qvardiyası tərəfindən təşkil edilən xüsusi reys ilə Bakıya gəlib.

Sputnik Azərbaycan bildirir ki, bu barədə məlumatı İtaliyanın ölkəmizdəki səfirliyi yayıb.

Məlumata görə, komanda Pyemont, Toskana, Valle d'Aosta və iyun ayından etibarən Azərbaycan Respublikası Səhiyyə Nazirliyi ilə yüksək səviyyəli əməkdaşlıq proqramına başlamış və yoluxucu xəstəliklərin araşdırılmasında dünya səviyyəli bir mərkəz olan Roma "Lazzaro Spallanzani" Milli İnfeksiya Xəstəlikləri İnstitutundan gələn həkimlər və tibb bacıları daxil olmaqla altı nəfərdən ibarətdir.

"İtaliya pandemiyanın ən ağır həftələrində Azərbaycan kimi dost ölkələrin göstərdiyi yaxınlığı unutmur: beynəlxalq həmrəyliyin dəyəri tariximizin və xalqımızın qan yaddaşının ayrılmaz bir hissədir. İtaliya ölkələrimiz arasındakı dostluğu fəaliyyətlərlə qiymətləndirmək niyyətindədir", - İtaliyanın Azərbaycandakı səfiri Auqusto Massari qeyd edib.

Altı mütəxəssis təxminən iki həftə Azərbaycanda qalacaq və azərbaycanlı həmkarları ilə birlikdə COVID-19 ilə mübarizə və onun qarşısının alınması sahəsində məsləhət, kömək və təlim fəaliyyətlərini həyata keçirmək üçün yerli orqanlarla əməkdaşlıq edəcək.

0
Mövzu:
Azərbaycanda koronavirus: son xəbərlər
Əlaqədar
Azərbaycanda daha 647 nəfər COVID-19-dan sağalıb
COVID-19-la mübarizə qripə yoluxmanı da azaldıb - TƏBİB
Azərbaycanda karantin rejimi qismən yumşaldılır - DETALLAR
Azərbaycana Uhan şəhərindən ekspertlər gələcəklər