Qarabağ futbol klubu

Azərbaycan futbolunun gələcəyi sual altında

79
(Yenilənib 14:25 11.05.2016)
17 yaşadək futbolçulardan ibarət yığmamızın Portuqaliya millisinə uduzması ölkə uşaq futbolu ilə bağlı problemləri yenidən gündəmə gətirib. Mütəxəssislər vəziyyətdən çıxmaq üçün bir neçə həll yolu təklif edirlər.

Azərbaycan futbolunun gələcəyi sual altında
BAKI, 6 may — Sputnik. Komandalarımızın az qala hər uğursuzluğundan sonra uşaq futbolu yada düşür. "Gəlin, bunlardan imtina edib, səviyyəli futbolçular yetişdirək" deyirlər. Amma bir qədər sonra hansısa təsadüfi uğur əldə edən kimi bu mövzu yenə yaddan çıxır.

Ötən gün isə ölkədə uşaq futbolunun vəziyyəti ilə tanış olduq. Belə ki, Azərbaycanın 17 yaşadək futbolçulardan ibarət yığması Bakıda təşkil olunan Avropa çempionatının ilk mərhələsində Portuqaliya millisi ilə üz-üzə gəlib. Bakı Olimpiya Stadionunda keçirilən oyunda millimiz 0:5 hesabı ilə uduzub.

Portuqaliya yığması ilə görüşdən sonra mətbuat konfransı keçirən baş məşqçi Təbriz Həsənov deyib ki, ən çox ehtiyat etdiyi erkən qol idi, o da oldu: "Belə rəqiblə oyundan sonra gərginlik öz sözünü dedi. Ən zəif oyunumuzu sərgilədik. Rəqib bizi hərtərəfli üstələdi. Hesab da oyuna görə oldu".

Bəs, görəsən Azərbaycanda uşaq futbolunu necə inkişaf etdirmək olar? Ümumiyyətlə uşaqlar futbola neçə yaşdan başlamalıdırlar?

Qol.az saytının redaktoru Aydın Bağırovun fikrincə, dünənki oyunda məğlubiyyət gözlənilən idi. Ölkədə uşaq futbolunun vəziyyətinə gəlincə isə o belə deyib: "Açığı, mən belə acınacaqlı məğlubiyyət gözləmirdim. Ümid edirəm ki, baş məşqçi növbəti oyunlarda məğlubiyyətdən nəticə çıxarar. Amma, ümumiyyətlə ölkədə uşaq futbolunun vəziyyəti çox acınacaqlıdır. Yəni bu sahədə inkişaf prosesi çox zəif gedir. Bizdə bu sahəyə cavabdeh olan kadr çatışmazlığı var".

Onun sözlərinə görə, bu istiqamətdə normal işlər görən klublardan biri Qəbələdir: "Onların böyük bir akademiyası var. Uşaq futboluna yetərincə böyük diqqət ayırırlar. Bu klubda çox ciddi işlər görülür. Elə bunun nəticəsidir ki, təkcə bu və bundan əvvəlki mövsümlərdə aşağı yaş qruplarında Qəbələnin 3 ya 4 komandası Azərbaycan çempionu olub".

"Bununla Bakı klubunda da yaxşı işlər görülmüşdü, onların da akademiyası var idi. Amma, o klubda son illər yaranan maddi problemlərə görə, bu komandanın akademiyasının dağılmaq təhlükəsi var. Dağılsa, orada 300-ə yaxın yeniyetmə futbolçunun taleyi qeyri-müəyyən olaraq qalacaq", — ekspert deyib.

A. Bağırov hesab edir ki, AFFA bu məsələ ilə məşğul olub Bakı klubunun akademiyasını xilas etməlidir: "Bu kimi məğlubiyyətlərdən nəticələr çıxarılmasa, ölkə futbolunu gələcək təhlükədən xilas etmək mümkün olmaycaq. 5:0 uduzan komanda 3-5 ildən sonra bizim əsas milli komandamız olacaq. Yəni biz ona o gözlə baxmalıyıq. Sadəcə uşaq fotbolu deyib keçməməliyik. Eyni zamanda biz bu cür hallarda ona köklənməməliyik ki, qələbə qazanıb, Avropa çempionu olmalıyıq".

"Uşaq futbolu nə üçündür? Yaxşı bir futbolçu yetişdirmək lazımdır, kubok qazanmaq yox. Uğur qazanmağı fikirləşmək lazım deyil. Milli komanda və klublar üçün yaxşı futbolçular yetişdirmək lazımdır ki, onlar da lazımi məqamda gəlib uğur qazansınlar. Uğurları böyük yaş qrupunda millinin əsas heyətində qazansın. Hər şeydən uşaq futbolundan başlayır", — Bağırov bildirib.

Məsələyə münasibət bildirən Kəpəz klubunun baş məşqçisi Şahin Diniyev hesab edir ki, uşaq futbolunun vəziyyəti bizi bir oyuna görə yox, həmişə narahat etməlidir: "Futbolun təməli uşaq futbolundan qoyulur. Sadəcə uşaqlar üçün böyük maddi-texniki bazanın olması vacibdir. Məşqçilər daha savadlı olmalıdır. Bu gün AFFA tərəfindən böyük kurslar keçirilir. A, B, C kateqoriyalı məşqçiləri öyrətməyə çalışırlar".

"Yəni yolun başlanğıcındayıq. Proseslər təzə-təzə başlayıb. Amma, bu işləri həyata keçirmək üçün dəqiq bir proqram olmalıdır. Uşaq futbolu olmadan futbolumuz olmayacaq. Maddi-texniki bazanın olmaması, savadlı məşqçilərin az olması, deyək ki, strukturun düzgün qurulmaması, hamısı bir-birinin üstünə gələrək bu kimi problemlərə gətirib çıxarır", — Diniyev qeyd edib.

Onun fikrincə, ölkə futbolunu bir klub üzərində qurmaq olmaz: "Bir klub Azərbaycan futbolunun gələcəyi demək deyil. Yaxşı futbolçu yetişdirmək üçün savadlı məşqçilər lazımdır".

79
Teqlər:
Şahin Diniyev, Aydın Bağırov, uşaq futbolu, uğursuzluq, Avropa çempionatı, futbol
Əlaqədar
Əfsanəvi futbolçu vəfat etdi
Ulduz futbolçudan dünyaya mesaj
Terror qurbanları arasında məşhur futbolçunun atası da var
Məşhur futbolçu “Neftçi”yə başçılıq edəcək
Bülənt Qorxmaz Azərbaycandan Türkiyəyə hansı futbolçuları aparmaq istəyir?
Jurnalisti öldürən futbolçu: "Yaxşı etmişəm öldürmüşəm"
Makkabi - Qarabağ oyunu

"Qarabağ" qrup mərhələsinin ilk matçında məğlub oldu

31
(Yenilənib 10:23 23.10.2020)
I qrupunun digər matçında "Vilyarreal" İspaniyada Türkiyə "Sivasspor"unu qəbul edib. Görüş məhsuldar keçib və ispanların 5:3 hesablı qələbəsi ilə başa çatıb.

BAKI, 23 oktyabr - Sputnik. UEFA Avropa Liqasının qrup mərhələsində ilk turun oyunları keçirilib.

Ağdamın "Qarabağ" klubu Avropa Liqasının qrup mərhələsində mübarizəyə başlayıb.

Dalbadal 7-ci dəfə avrokubokların qrupunda çıxış edən Qurban Qurbanovun yetirmələri İsraildə Təl-Əvivin “Makkabi” komandası ilə görüşüb. I qrupunun I turu çərçivəsində keçirilən görüşdə hesab 10-cu dəqiqədə açılıb. Yonatan Kohen "Makkabi"ni irəli çıxarıb - 1:0. Birinci hissə bu hesabla bitib.

İkinci hissədə də "Qarabağ" buraxılmış qolun əvəzini çıxa bilməyib. Oyun minimal hesabla israillilərin xeyrinə başa çatıb. 

I qrupunun digər matçında "Vilyarreal" İspaniyada Türkiyə "Sivasspor"unu qəbul edib. Görüş məhsuldar keçib. Oyun ispanların 5:3 hesablı qələbəsi ilə qurtarıb.

II turun oyunları oktyabrın 29-da keçiriləcək. “Qarabağ” ilk ev görüşündə İspaniya təmsilçisi “Vilyarreal”la üz-üzə gələcək. Matç Türkiyədəki "Başakşehir Fatih Terim" stadionunda olacaq.

31
Qarabağ - Legiya matçı

Türkiyə "Qarabağ"a qucaq açdı

37
(Yenilənib 20:24 22.10.2020)
Qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib

BAKI, 22 oktyabr - Sputnik. Avropa Liqasının qrup mərhələsində Azərbaycan çempionu "Qarabağ"ın İspaniyanın "Vilyarreal" komandası ilə qarşılaşacağı meydan bəlli olub.

Sputnik Azərbaycan bildirir ki, bu barədə "Qarabağ" klubunun yaydığı açıqlamada deyilir.

Vurğulanır ki, hazırda ölkəmizin bütün cəbhəboyu əks-hücum əməliyyatları uğurla davam edir və ölkəmizdə hərbi vəziyyət elan edilib. İki gün öncə UEFA İcraiyyə Komitəsi ölkəmizdə vəziyyəti nəzərə alaraq, "Qarabağ"ımızın qrup mərhələsində ilk ev oyununu neytral meydanda keçirilməsi ilə bağlı qərar qəbul edib. Və "Vilyarreal"la matçının hansı ölkədə keçirilməsi ilə bağlı UEFA tərəfindən bir neçə ölkə klubumuza təqdim edilmişdir.

"Lakin həmin ölkələrdə klubumuzun təhlükəsizliyi, klubumuza qarşı hər hansı bir təxribat olması ehtimalı və digər məsələləri nəzərə alan klubumuz tərəfindən anında UEFA-ya məlumat verilib və "Vilyarreal"la matçın hər zaman öz dəstəyi ilə yanımızda olan Türkiyədə keçirilməsi üçün tutarlı əsaslarla müraciət göndərilib və bu müraciət UEFA tərəfindən müsbət qarşılanıb.

Ali futbol qurumunun tələbi ilə qarşılaşma bu mövsüm avrokuboklarda ev sahibliyi etmiş stadionda keçirilməlidir. Bununla bağlı qardaş Türkiyə təmsilçilərinə klubumuz tərəfindən məktub ünvanlanıb. Və qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib. Başda "Qalatasaray" olmaqla, öz dəstəyini əsirgəməyən qardaş ölkə təmsilçilərinə təşəkkür edirik.

Hazırda Çempionlar Liqasının qrup mərhələsində iştirak edən "İstanbul Başakşehir" klubunun stadionu isə texniki cəhətdən UEFA-nın tam təmin olunduğuna görə "Qarabağ"ımız "Vilyarreal"la ev matçını məhz "Başakşehir"in Fatih Terim adına stadionunda keçirəcək", - açıqlamada deyilir.

"Qarabağ" Futbol Klubu "Başakşehir" klubuna könüldən göstərdiyi dəstəyə görə təşəkkürünü bildirib.

37
Teqlər:
Türkiyə, qrup mərhələsi, Avropa Liqası, "Qarabağ" FK, futbol
Əlaqədar
Qurban Qurbanov: “Fikrimiz Azərbaycan əsgərlərinin yanındadır”
"Qarabağ" qardaş Türkiyəni seçdi
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"
Rusiyanın Xarici İşlər naziri Sergey Lavrov, arxiv şəkli

Rusiya Qarabağla bağlı Türkiyəyə çağırış etdi

0
Türkiyəli tərəfdaşlarımızı bu cür xəttin dəstəklənməsi çərçivəsində öz təsirini göstərməyin məqsədəuyğunluğuna inandırmağa çalışırıq

BAKI, 26 oktyabr — Sputnik. Rəsmi Moskva Türkiyəni atəşkəs rejimi çərçivəsində və Dağlıq Qarabağ nizamlanması üzrə səmərəli danışıqların başlaması üçün bütün təsir gücündən istifadə etməyə çağırır. Sputnik Azərbaycan xəbər verir ki, bunu Rusiyanın Xarici İşlər naziri Sergey Lavrov "Afina və Makedoniya Xəbərlər agentliyinə" müsahibəsində bildirib.

"Türkiyəli tərəfdaşlarımızı bu cür xəttin dəstəklənməsi çərçivəsində öz təsirini göstərməyin məqsədəuyğunluğuna inandırmağa çalışırıq", - deyə Lavrov qeyd edib.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlardan, minaatanlardan və müxtəlif çaplı artilleriya qurğularından intensiv atəşə tutub.

Ermənistan silahlı birləşmələrinin hərbi fəallığının qarşısını almaq və dinc əhalinin təhlükəsizliyini təmin etmək məqsədilə Azərbaycan Ordusunun komandanlığı qoşunların cəbhə boyu əks-hücum əməliyyatına başlayıb.

Azərbaycan ordusunun əks-hücum əməliyyatı zamanı Cəbrayıl rayonu, Füzuli şəhəri, Zəngilan şəhəri, Qubadlı şəhəri, Hadrut qəsəbəsi də daxil olmaqla bir sıra yaşayış məntəqələrimiz işğaldan azad olunub.

10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

0
Əlaqədar
Lavrov Qarabağ barədə: "Təbii ki, siyasi nizamlama mümkündür"
Lavrov azərbaycanlı və erməni həmkarlarına üç ölkənin bəyanatını xatırlatdı
Lavrov Qarabağ döyüşləri barədə: "Moskva görüşü ümidləri doğrultmadı"
Sergey Lavrov Moskvada Ceyhun Bayramovla görüşüb