Bakıda təşkil olunacaq cüdo üzrə Böyük dəbilqə turniri ilə əlaqədar mətbuat konfransı

"Böyük dəbilqə"dən Olimpiadaya gedən yol

21
Daniel Laskao : "Bu, dünyanın ən əhəmiyyətli yarışlarındandır. Sabah start götürəcək yarışda Azərbaycan hər çəki dərəcəsində 4 idmançı ilə təmsil olunacaq. Bu da sizin komanda üçün böyük şansdır"

BAKI, 5 may — Sputnik. 6-8 may tarixlərində Bakıda mərhum prezident Heydər Əliyevin xatirəsinə həsr olunmuş cüdo üzrə "Böyük dəbilqə" beynəlxalq turniri keçiriləcək. Sputnik-in məlumatına görə, Heydər Əliyev adına İdman Sarayında təşkil olunacaq beynəlxalq yarışla bağlı bu gün mətbuat konfransı keçirilib. Tədbirdə Beynəlxalq Cüdo Federasiyasının (BCF) idman direktoru Daniel Laskao, BCF-nin Hakimlər Komitəsinin sədri Berd Axiles, Azərbaycan Cüdo Federasiyasının (ACF) baş katibi Elmar Babanlı və milli komandamızın məşqçisi Mövlud Mirəliyev iştirak edib.

Daniel Laskao Bakıda olmaqdan məmnun olduğunu qeyd edib. İdman direktoru Bakıda keçirilən cüdo yarışlarını xatırlayıb və cüdoya göstərilən diqqətə görə təşəkkürünü bildirib. O, eyni zamanda keçiriləcək "Böyük dəbilqə" turniri haqqında da fikrini söyləyib.

"Bu yarışda bir çox olimpiya və dünya çempionları iştirak edəcəklər. "Böyük dəbilqə" dünyanın ən əhəmiyyətli yarışlarındandır. Sabah start götürəcək yarışda Azərbaycan hər çəki dərəcəsində 4 idmançı ilə təmsil olunacaq. Bu da sizin komanda üçün böyük şansdır", — direktor vurğulayıb.

D.Laskao, eyni zamanda Azərbaycanın yarışı yüksək səviyyədə təşkil etdiyini vurğulayıb: "Yarışın yüksək səviyyədə təşkili üçün bütün hazırlıq işləri görülüb. Azərbaycanın əziyyətini yüksək qiymətləndiririk. Gənclər və İdman Nazirliyi, ACF və sponsorlara minnətdarlığımı bildirirəm. Yarışda bizə bir çox könüllülər də yardımçı olurlar. Bu turnir Rio Olimpiadasına lisenziya xalları verəcək".

Berd Axiles isə keçiriləcək turnir haqqında bildirib ki, "Böyük dəbilqə" turnirini idarə edəcək hakimlərin çoxu Rio Olimpiadasında ədalət prinsiplərini qoruyacaq hakimlər olacaq. O, Azərbaycanın hər zaman beynəlxalq tədbirləri yüksək səviyyədə təşkil etdiyini qeyd edib: "Azərbaycanda öncələr də beynəlxalq tədbirlərdə iştirak etmişəm. Ölkəniz hər zaman belə tədbirləri çox gözəl keçirib".

ACF-nin baş katibi Elmar Babanlı yarışın cüdocularımız üçün əhəmiyyətindən danışıb. Belə nüfuzlu turnirin Azərbaycanda təşkil olunmasına razılıq verdiyinə görə, BCF-yə minnətdarlığını bildirib. Baş katib bildirib ki, "Böyük dəbilqə" turnirinin daha 4 il Azərbaycanda keçirilməsi haqda BCF ilə danışıqlar aparılır.

Azərbaycan yığmasının məşqçisi Mövlud Mirəliyev komandamızın yarışa tam hazır olduğunu vurğulayıb: "Turnirə əsas heyətlə qatılacağıq. İki idmançımız — Nicat Şıxəlizadə (66 kq) ilə Elmar Qasımov (100 kq) zədəli olduğuna görə yarışda iştirak edə bilməyəcək. Komandanın vəziyyəti yaxşıdır. Evdə güləşdiyimizə görə üstünlük də bizdədir".

Məşqçi bu yaxınlarda millimizin Avropa çempionatında 1 qızıl, 1 gümüş və ilk dəfə komanda yarışında 1 bürünc medal qazandığnı söyləyib. Jurnalistlərin sualını cavablandıran Mövlud Mirəliyev komandamızdan 3-4 medal gözlədiklərini vurğulayıb. Qadın idmançılardan yalnız Aişə Qurbanlının medal qazanmasını gözlədiyini vurğulayıb.

Qeyd edək ki, yarışda 82 ölkədən 519 idmançı (329 kişi, 190 qadın) qalib adı uğrunda mübarizə aparacaq. Yarışlarda qalib gələn idmançılar Olimpiyadaya lisenziya qazanacaq.

21
Teqlər:
Berd Axiles, Daniel Laskao, Elmar Babanlı, "Böyük dəbilqə", cüdo, Beynəlxalq Cüdo Federasiyası
Əlaqədar
Daha bir turnir başa çatdı
Bakıda güləş üzrə beynəlxalq turnir keçiriləcək
Beş yaşlı azərbaycanlı beynəlxalq turnirin qalibi oldu
Qadın güləşçilərimiz beynəlxalq turnirdən 7 medalla qayıtdılar
Şahmatçılarımız beynəlxalq turnirdə iştirak edirlər
Canni De Byazi, arxiv şəkli

Futbol üzrə millimizin baş məşqçisi bəlli oldu

111
(Yenilənib 18:39 10.07.2020)
AFFA-nın irəli sürdüyü xüsusi şərtlərə pandemiya ilə əlaqədar beynəlxalq oyunlar təxirə salınarsa və ya baş məşqçinin Azərbaycana gəlməsi ilə bağlı çətinliklər yaranarsa, maliyyə risklərinin nəzərə alınması daxildir

BAKI, 10 iyul — Sputnik. Futbol üzrə Azərbaycan milli komandasının baş məşqçisinin kim olacağı artıq bəllidir.

Sputnik Azərbaycan bildirir ki, bu barədə bu gün AFFA-nın İcraiyyə Komitəsinin videokonfrans formatında iclasının gedişində məlum olub. Aparılmış müzakirələrdən sonra aşağıdakı qərarlar qəbul olunub:

COVID-19 pandemiyası əlaqədar yaranmış mövcud vəziyyət nəzərə alınaraq AFFA tərəfindən irəli sürülən xüsusi şərtlərlə razılaşacağı təqdirdə, Canni De Byazi ilə Azərbaycan milli komandasının baş məşqçisi vəzifəsinə təyinatla bağlı müqavilə imzalansın. Müqavilənin digər şərtlərinin müəyyənləşdirilməsi məqsədilə danışıqlar davam etdirilsin (İcraiyyə Komitəsi üzvlərinin səs çoxluğu ilə).

Arif Əsədov baş məşqçinin köməkçisi təyin olunsun.

Qeyd: AFFA-nın irəli sürdüyü xüsusi şərtlərə pandemiya ilə əlaqədar beynəlxalq oyunlar təxirə salınarsa və ya baş məşqçinin Azərbaycana gəlməsi ilə bağlı çətinliklər yaranarsa, maliyyə risklərinin nəzərə alınması daxildir.

Bundan öncə İngiltərənin "Mançester Yunayted" klubunun əfsanəvi futbolçusu, irlandiyalı Roy Kinin (Roy Keane) futbol üzrə Azərbaycan yığmasının baş məşqçisi ola biləcəyi barədə məlumatlar yayılmışdı.

İtalyan Canni di Byazı karyerası ərzində xeyli klub komandalarına məşqçilik etsə də, millilər arasında yalnız Albaniya yığmasına rəhbərlik edib (2011-2017). 2017-ci ilin sentyabrında isə İspaniyanın "Alaves" klubunda baş məşqçi işləyib. İki ay sonra isə işdən çılxarılıb.

111
Əlaqədar
Futbol azarkeşlərinin qanını qaraldacaq xəbər – Stadionları hələ unudun
Görün millimizə kim gəlir!? Əfsanənin 48 saatı var
Futbolu yarıdıb, indi də keçib biznesə
"Qarabağ"ın ulduzu "Beşiktaş"da oynaya bilər
İdman şərhçisi: “Əcnəbi məşqçi millimizə fövqəl uğur qazandırmayacaq”
 Futbolçu top ilə, arxiv şəkli

Futbol azarkeşlərinin qanını qaraldacaq xəbər Stadionları hələ unudun

4
(Yenilənib 00:12 10.07.2020)
Çempionlar Liqası və Avropa Liqasının 1/8 final mərhələsinin oyunları ev komandalarının arenalarında keçiriləcək.

BAKI, 10 iyul – Sputnik. Çempionlar Liqası və Avropa Liqasının 2019/20 mövsümünün oyunları, eləcə də 2020/21 mövsümünün seçmə mərhələlərinin görüşləri tamaşaçısız keçiriləcək.

Sputnik Azərbaycan-ın məlumatına görə, bu barədə Avropa Futbol Assosiasiyaları İttifaqının (UEFA) mətbuat xidməti məlumat yayıb.

Qeyd edilib ki, Çempionlar Liqası və Avropa Liqasının 1/8 final mərhələsinin oyunları ev komandalarının arenalarında keçiriləcək.

Bu qərar qurumun icra komitəsinin iclasında qəbul edilib.

4
Favipiravir preparatı

Həyatınızla eksperiment aparmayın - Koronavirusu müalicə "edən" dərman təhlükəli çıxdı

2
(Yenilənib 19:07 10.07.2020)
Yaponiyada "Favipiravir" kliniki testlərdən keçirilib və onun koronavirusun müalicəsində effektiv olmadığı sübut olunub. Rusiya Səhiyyə Nazirliyi "Avifavir"-i mayın 30-u təsdiqləyib.

BAKI, 10 iyul — Sputnik. Rusiya Səhiyyə Nazirliyi tərəfindən koronavirusun müalicəsi üçün təsdiqlənən "Avifavir"in hamilə qadınlar üçün təhlükəli olduğu məlum olub. Sputnik Azərbaycan "Lenta.ru"-ya istinadən xəbər ki, bunu Qameli adına epidemiologiya və mikrobiologiya üzrə elmi-tədqiqat mərkəzinin direktoru Anatoli Altşeyn bildirib.

O, qeyd edib ki, daha əvvəl bu preparat yuxu dərmanı kimi istifadə olunub və genetik qüsurlu uşaqların doğulmasına səbəb olurdu.

Altşeyn bildirib ki, bu preparat Yaponiya istehsalı olan "Favripiravir"dən sintez olunub. Yaponiyada istehsal olunan və digər ölkələrə göndərilən dərman isə effektiv olmayıb: "Həmin dərman sintez olunub və digər adlarla buraxılıb. Bu dərman hamilə xanımlar üçün çox təhlükəlidir O, 60-cı illərdə yuxu dərmanı kimi tətbiq olunan talidomidə bənzəyir.

O, əlavə edib ki, Yaponiyada "Favipiravir" kliniki testlərdən keçirilib və onun koronavirusun müalicəsində effektiv olmadığı sübut olunub. Bu nəticələr Rusiyada da nəzərə alınmalıdır.

"Qovorit Moskva" radiostansiyası ilə qeyd edir ki, Yaponiya hökuməti bu dərmanı qrip epidemiyası üçün saxlayır və əlavə təsirlərlə bağlı açıq bazara çıxarmır.

Qeyd edək ki, Rusiya Səhiyyə Nazirliyi "Avifavir"-i mayın 30-u təsdiqləyib. Qeyd olunur ki, bu preparat Ebola hemorragik qızdırmasının müalicəsində istifadə olunub.

2