Бакинский Олимпийский стадион, фото из архива - Sputnik Azərbaycan
İDMAN
Ölkənin və dünyanın idman həyatına dair məlumatlar

Azərbaycan cüdoçusu Avropa çempionu oldu

© Azərbaycan Milli Karate Federasiyası (facebook)cüdoçu Rüstəm Orucov
cüdoçu Rüstəm Orucov - Sputnik Azərbaycan
Abunə olmaq
Cüdo üzrə milli komandamız Avropa çempionatında aktivinə daha bir 1 medal yazdırıb.

BAKI, 23 apr — Sputnik. Rusiyanın Kazan şəhərində cüdo üzrə Avropa çempionatı davam edir. Rio Olimpiadasına lisenziya xarakterli yarışın ikinci günü də Azərbaycan millisi üçün uğurlu olub.

Belə ki, milli komandamız aktivinə daha bir 1 medal yazdırıb.

73 kq çəki dərəcəsində ölkəmizi təmsil edən Rüstəm Orucov ilk döyüşünü litvalı Kestutis Vitkauskasa ipponla qalib gəlib. Orucov növbəti rəqibini — çexiyalı Yakub Jesmineki də eyni fəndlə məğlub edib. Idmançımız 1/4 finalda Sloveniya təmsilçisi Rok Draksiç üzərində qələbəyə sevinib. Yarımfinalda Rusiya cüdoçusu Denis Yartsevə də qalib gələn Orucov adını finala yazdırıb. Həlledici qarşılaşmada Olimpiya çempionu, gürcüstanlı Laşa Şavdatuaşvili ilə qarşılaşan Rüstəm bu mübarizədə də qalib gələrək Avropa çempionatnın qızıl medalını qazanıb.

Xatırladaq ki, 81 kq çəki dərəcəsində mübarizə aparan Əbdülhaqq Rəsullu mübarizəni erkən dayandırıb.

Qeyd edək ki, 46 ölkədən 394 (229 kişi, 165 qadın) idmançının qatıldığı mötəbər yarışda millimiz 9 kişi və 1 qadın cüdoçu ilə təmsil olunur.

Xəbər lenti
0