BAKI, 30 mart — Sputnik. Dünən Türkiyənin İstanbul şəhərində voleybol üzrə Avropa kuboku çərçivəsində, Türkiyənin "Qalatasaray" klubu Rusiyanın "Dinamo" klubu ilə qarşılaşıb. Oyun zamanı "Qalatasaray" klubunun azərkeşləri rusiyalı idmançılara əllərində olan butılkaları, zibil qutularını atıblar.

Bu haqda məlumatı "Dinamo" klubunu təmsil edən voleybolçu Tatyana Koşeleva şəxsi instagram səhifəsində məlumat verib.

Məsələ ilə bağlı Sputnik-ə açıqlama verən "Azəryol" voleybol klubunun baş məşqçisi Ziya Rəcəbov hesab edir ki, idmanı siyasətə qatmaq doğru deyil. Onun sözlərinə görə, hal-hazırda Rusiya ilə Türkiyə arasında baş yaşanan gərginliyin idmana da sirayət etməsi, daha doğrusu idmanı siyasi münasibətlərə qatmaq üzücüdür.

"Bu, düzgün deyil. İdman ayrı, siyasət ayrı. Aqressiya idmanda ola bilər, idmançı idmançıya xarakter göstərib qalib gələ bilər. Amma idmançının idmançıya və ya azarkeşin idmançıya nə isə əşya atması… bu, idman qanununa ziddir", —deyə Z. Rəcəbov bildirib.

Baş məşqçi əlavə edib ki, bütün bunlarla yanaşı, azarkeşlərdə hansısa çılğınlığın, aqressiya hallarının olması da başadüşüləndir: "Hər bir azarkeşin bir xarakteri var. Sadəcə siyasəti də idmana qatdıqları üçün belə nəticə yaranıb. Başqa klubla Türkiyə oynasaydı, azarkeşlər belə aqressiya göstərməzdilər. Amma yenə də deyirəm, idmanı siyasətə qatmaq olmaz".

BAKI, 28 sentyabr - Sputnik. ABŞ Dağlıq Qarabağdakı vəziyyəti diqqətlə izləyir. Baxacağıq görək, zorakılığı dayandıra biləcəyikmi.

Sputnik Azərbaycan bildirir ki, bunu bazar ertəsi jurnalistlərə ABŞ Prezidenti Donald Tramp deyib.

“Biz bunu çox diqqətlə izləyirik. Bizim həmin regionda yaxşı münasibətlərimiz var. Baxacağıq görək, onu (gərginliyi) azalda bilirikmi”, - Tramp bildirib.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin mətbuat katibi, polkovnik-leytenant Anar Eyvazov isə açıqlamasında qeyd edib ki, Azərbaycan Ordusunun uğurlu əməliyyatı nəticəsində bir sıra kəndlərimiz azad edilib. A.Eyvazov bildirib ki, hazırkı məlumata görə, Füzuli–Cəbrayıl istiqamətində Qaraxanbəyli, Şərvənj, Kənd Horadiz, Nüzgar, Yuxarı Abdurrəhmanlı, Aşağı Abdurrəhmanlı, Böyük Mərcanlı kəndləri azad edilib. Bundan əlavə, Ağdərə rayonu və Murovdağ istiqamətlərində düşmən postları darmadağın edilib, hakim yüksəkliklər nəzarətə götürülüb.