Болид Формулы 1, выставленный на бакинском бульваре

Formula-1-in faydası barədə fikirlər haçalandı

82
(Yenilənib 22:24 28.03.2016)
Anar Niftəliyev: Azərbaycanın geosiyasi durumunu nəzərə alanda da bu tədbirlərin keçirilməsinin mahiyyətini anlamaq olar.

BAKI, 28 mar – Sputnik. Ölkəmizdə keçiriləcək Formula-1 oyunlarına sayılı günlər qalıb. Kifayət qədər bahalı və baxımlı yarışın ölkəmizdə keçirilməsinə Sputnik-in əməkdaşı ölkə vətəndaşlarının münasibətini alıb. Fikirləri təqdim edirik. 

Vaqif Hüseynov – marketoloq:

“Düşünürəm ki, Formula-1 yarışları marka dəyəri kifayət qədər yüksək olan bir idman növüdür, adətən bu idmanı elit təbəqə izləyir, ona görə də nəzər yetirsək, əslində bu tip yarışlar kifayət qədər məşhur və bahalı şəhərlərdə keçirilir. 

Devalvasiya dövrünə təsadüf etməsi, neftin ucuzlaşması və bu kimi məsələlərin fonunda Formula-1 yarışına uğursuz planlama deyə bilərik, amma turizmin inkişafı nöqteyi nəzərindən tam əleyhinə də deyiləm, çünki ölkəmiz çox sayda turist qəbul edəcək”. 

Anar Niftəliyev – jurnalist:

“Bu məsələni ciddi araşdırmamışam və ona görə də bu barədə ictimaiyyət üçün fikir demək çətindir. Şəxsi qənaətim isə belədir: nazir Azad Rəhimov bu yarışlar üçün həddən artıq az məbləğ xərclənəcəyini dedi. Hesab edirəm ki, Azərbaycan bir müddət öncə (devalvasiyadan əvvəl) bu öhdəliyi götürübsə və bu yarış Azərbaycanın dünyada təbliğinə xidmət edirsə, devalvasiyadır deyə, yüngül xərcdən imtina etmək naminə götürdüyümüz öhdəliyi yerinə yetirməmək və bu təbliğatdan imtina etmək doğru olmazdı. Azərbaycanın geosiyasi durumunu nəzərə alanda da bu tədbirlərin keçirilməsinin mahiyyətini anlamaq olar. Üstəlik, turizm sektorunun inkişafı baxımından da gərəklidir”.

Röya Rəfiyeva – jurnalist:

“Bu yarışların keçirilməsinin ölkəyə hər hansı xeyri olacağını düşünmürəm. Əksinə, iqtisadi böhran vəziyyətində olan bir ölkə üçün bu, çox ciddi mənfi nəticələrə səbəb ola bilər. Yarışa milyonlarla manat pul xərclənəcək. Bəs qazanc nə olacaq? Avropa Oyunlarına görə ölkənin qazancı nə oldu ki? Oyunlara gələnlərin xərcini belə Azərbaycan hökuməti üzərinə götürmüşdü. Bu oyunlarda isə ölkəyə turist gələcək, ölkə tanınacaq kimi fikirlərlə razı deyiləm”. 

82
Canni De Byazi, arxiv şəkli

Futbol üzrə millimizin baş məşqçisi bəlli oldu

193
(Yenilənib 18:39 10.07.2020)
AFFA-nın irəli sürdüyü xüsusi şərtlərə pandemiya ilə əlaqədar beynəlxalq oyunlar təxirə salınarsa və ya baş məşqçinin Azərbaycana gəlməsi ilə bağlı çətinliklər yaranarsa, maliyyə risklərinin nəzərə alınması daxildir

BAKI, 10 iyul — Sputnik. Futbol üzrə Azərbaycan milli komandasının baş məşqçisinin kim olacağı artıq bəllidir.

Sputnik Azərbaycan bildirir ki, bu barədə bu gün AFFA-nın İcraiyyə Komitəsinin videokonfrans formatında iclasının gedişində məlum olub. Aparılmış müzakirələrdən sonra aşağıdakı qərarlar qəbul olunub:

COVID-19 pandemiyası əlaqədar yaranmış mövcud vəziyyət nəzərə alınaraq AFFA tərəfindən irəli sürülən xüsusi şərtlərlə razılaşacağı təqdirdə, Canni De Byazi ilə Azərbaycan milli komandasının baş məşqçisi vəzifəsinə təyinatla bağlı müqavilə imzalansın. Müqavilənin digər şərtlərinin müəyyənləşdirilməsi məqsədilə danışıqlar davam etdirilsin (İcraiyyə Komitəsi üzvlərinin səs çoxluğu ilə).

Arif Əsədov baş məşqçinin köməkçisi təyin olunsun.

Qeyd: AFFA-nın irəli sürdüyü xüsusi şərtlərə pandemiya ilə əlaqədar beynəlxalq oyunlar təxirə salınarsa və ya baş məşqçinin Azərbaycana gəlməsi ilə bağlı çətinliklər yaranarsa, maliyyə risklərinin nəzərə alınması daxildir.

Bundan öncə İngiltərənin "Mançester Yunayted" klubunun əfsanəvi futbolçusu, irlandiyalı Roy Kinin (Roy Keane) futbol üzrə Azərbaycan yığmasının baş məşqçisi ola biləcəyi barədə məlumatlar yayılmışdı.

İtalyan Canni di Byazı karyerası ərzində xeyli klub komandalarına məşqçilik etsə də, millilər arasında yalnız Albaniya yığmasına rəhbərlik edib (2011-2017). 2017-ci ilin sentyabrında isə İspaniyanın "Alaves" klubunda baş məşqçi işləyib. İki ay sonra isə işdən çılxarılıb.

193
Əlaqədar
Futbol azarkeşlərinin qanını qaraldacaq xəbər – Stadionları hələ unudun
Görün millimizə kim gəlir!? Əfsanənin 48 saatı var
Futbolu yarıdıb, indi də keçib biznesə
"Qarabağ"ın ulduzu "Beşiktaş"da oynaya bilər
İdman şərhçisi: “Əcnəbi məşqçi millimizə fövqəl uğur qazandırmayacaq”
 Futbolçu top ilə, arxiv şəkli

Futbol azarkeşlərinin qanını qaraldacaq xəbər Stadionları hələ unudun

7
(Yenilənib 00:12 10.07.2020)
Çempionlar Liqası və Avropa Liqasının 1/8 final mərhələsinin oyunları ev komandalarının arenalarında keçiriləcək.

BAKI, 10 iyul – Sputnik. Çempionlar Liqası və Avropa Liqasının 2019/20 mövsümünün oyunları, eləcə də 2020/21 mövsümünün seçmə mərhələlərinin görüşləri tamaşaçısız keçiriləcək.

Sputnik Azərbaycan-ın məlumatına görə, bu barədə Avropa Futbol Assosiasiyaları İttifaqının (UEFA) mətbuat xidməti məlumat yayıb.

Qeyd edilib ki, Çempionlar Liqası və Avropa Liqasının 1/8 final mərhələsinin oyunları ev komandalarının arenalarında keçiriləcək.

Bu qərar qurumun icra komitəsinin iclasında qəbul edilib.

7
 Belarus Prezidenti Aleksandr Lukaşenko, arxiv şəkli

Lukaşenko Belarusun dağılması təhlükəsindən danışdı

0
(Yenilənib 00:23 11.07.2020)
Prezident eyni zamanda vurğulayıb ki, Belarusda dəyişikliklər "Maydandan deyil, Konstitusiyadan" gəlməlidir

BAKI, 10 iyul — Sputnik. Belarus Prezidenti Aleksandr Lukaşenko ölkənin dağılması təhlükəsi olduğunu bəyan edib. Sputnik Azərbaycan "RİA Novosti"-yə istinadən xəbər verir ki, Lukaşenko yerli KİV-lərlə görüşündə ölkənin suverenliyinin qorunmasının əsas məqsəd olduğunu bildirib.

"Yalnız mənim deyil, bizim öz əllərimizlə qurduğumuz hər şeyin sabah dağılmasını və kiminsə gəlib, eksperimentlər həyata keçirməsini istəmirəm", - deyə Lukaşenko vurğulayıb.

Prezident eyni zamanda vurğulayıb ki, Belarusda dəyişikliklər "Maydandan deyil, Konstitusiyadan" gəlməlidir.

Qeyd edək ki, avqustun 9-da Belarusda prezident seçkisi keçiriləcək. Seçki kampaniyası zamanı müxalifətin bəzi liderləri və namizəd Viktor Babariko tutulub. Belarus DİN vurğulayır ki, onlar siyasi fəaliyyətinə görə deyil, kütləvi tədbirlər zamanı asayişin pozulmasına görə saxlanılıblar.

0
Əlaqədar
Lukaşenko anons etdi – İqtisadi, ekoloji problemlər kəskinləşəcək
Lukaşenko qələbə paradında - Moskvanı vətəninin paytaxtı adlandırdı
Lukaşenko bəyan etdi: "Koronavirus üzərində qələbə çaldıq"
Kreml: Belarusdakı seçkilərə müdaxilə etməyə hazırlaşmırıq
Lukaşenko xəbərdarlıq edib: Belarus ərazisinin bir hissəsini itirə bilər