Мария Шарапова - фото архив

"Şarapovanın qəbul etdiyi dərmanda dopinqlik heç bir effekt yoxdur"

55
(Yenilənib 15:38 10.03.2016)
Gənclər və İdman Nazirliyinin Dopinqə qarşı mübarizə setorunun müdiri: "Biz bu meldoni preparatının dopinq siyahısına düşdüyünü hələ ötən ildən bilirdik"

BAKI, 10 mart — Sputnik. Bu günlərdə idman mediasında yayılan şok effekti yaradıb. Dünyanın ən güclü xanım tennisçilərindən olan Mariya Şarapovanın qanında dopinq akarlanıb və buna görə idmançı xanımın idmandan bir neçə illik uzaqlaşdırılmasına dair qərar verilib. Rusiyalı tennisçi 10 ildir bu dərmandan istifadə etdiyini və meldoni preparatının dopinq siyahısına salındığından xəbərsiz olduğunu etiraf edib.

Mariya Şarapova
© REUTERS / Jayne Kamin-Oncea

Məsələnin qalmaqallı tərəfi, nələrin dopinq hesab olunması, Şarapovanın təqsirli olub-olmaması ilə bağlı Sputnik-in əməkdaşı, Gənclər və İdman Nazirliyinin Dopinqə qarşı mübarizə setorunun müdiri İradə Rüstəmzadə ilə həmsöhbət olub.

- İradə xanım, Mariya Şarapova, 10 il istifadə etdiyi dərmana görə onu idmandan uzaqlaşdırdıqlarını deyir. Bu qərar nə dərəcədə düzgündür?

— Hər il qadağa olunan dərmanların siyahısı dəyişir. Hər il sentyabr ayının 1-dən artıq yeni ildə qadağan olunacaq dərmanların siyahısı hamıya təqdim olunur. Hətta biz də keçən il sentyabr ayından bilirdik ki, meldoni adlı dərman yanvarın birindən qadağan olunacaq. Biz də öz növbəmizdə bütün federasiya həkimləri ilə əlaqə saxlayıb bu haqda məlumat verdik və siyahını göndərdik.

- Amma, sözügedən dərmanın dopinq olub-olmadığını idmançı özü müəyyənləşdirə bilməz…

— Bəli, Mariya Şarapova ilə birlikdə bir neçə başqa idmançı da dopinqin testindən uğursuz çıxıblar, məhz bu dərmana görə. Deməli həmin idmançıların həkimləri diqqətli olmayıblar.

- Sizcə, meldoni həqiqətən dopinqdir?

— Şəxsən öz fikrimi qeyd edim ki, bu dərmanda dopinqlik heç bir effekt yoxdur. Sadəcə bərpaedici funksiya daşıyan dərman preparatıdır. Dopinq odur ki, idmançıya xüsusi enerji verir və idmançı rəqibindən üstün olur. Amma meldranatda belə bir funksiya yoxdur. Amma gərək idmançılar da diqqətli olaydılar. Əgər dərman siyahıya alınıbsa, nə olur olsun, ondan uzaq durmaq lazımdır. Günah həkimlərin günahıdır. Gərək diqqətli olaydılar və indi Şarapova kimi idmançı koryerasında belə bir problemlə üzləşməzdi.

- O zaman məsuliyyət kimin üzərinə düşür?

— Belə bir qanun var ki, dopinq idmançıda aşkarlananda məsuliyyət idmançıda olur. Amma idmançı idmanı ilə məşğul olmalıdır. Həkim də öz işini görməlidir. Hər kəs öz işini peşəkarcasına yerinə yetirməlidir. Mən fikir vermişəm, artıq neçənci dəfədir Rusiyanın bir neçə məşhur idmançısı həkimlərin səhvindən dopinqə görə idmandan uzaqlaşdırılıb. Bir nüans var. Həkimlərin əksəriyyəti də deyir ki, "biz bütün məsuliyyəti daşıyırıqsa, bütün işləri görürüksə, idmançı uğur qazananda həm uğurunda, həm də maddi gəliri zamanı həkimi xatırlamır". Heç vaxt idman həkiminə xüsusi adlar verilmir, məhz buna görə çox idman həkimləri öz işlərinə laqeyd yanaşırlar. Yenə deyirəm, hər kəs nə olur olsun, öz işini peşəkarcasına yerinə yetirsə, belə problemlər yaranmaz.

55
Teqlər:
tennis, İradə Rüstəmzadə, Mariya Şarapova, dopinq, idman
Əlaqədar
Azərbaycanlı idmançılar növbəti dəfə dopinq qalmaqalı ilə üzləşiblər
"Bütün idman növlərində uğur qazanmaq mümkün deyil"
On qat Azərbaycan çempionu rus idmançıya qarşı döyüşəcək
"Həyatımı idmana həsr edəcəm, özümü başqa yerdə görmürəm"
Oskar heykəli, arxiv şəkli

Hollivudla əməkdaşlıq edən məşhur idmançı "Oscar" almaq istəyir

13
Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib.

BAKI, 22 fevral — Sputnik. Peşəkar karyerasını bitirdiyini elan edən məşhur rusiyalı döyüşçü Həbib Nurməhəmmədov karyerası haqqında film çəkilişləri üçün Hollivudla çalışdığını və "Oscar" qazanmağı planlaşdırdığını söyləyib.

Sputnik Azərbaycan xarici mediaya istinadən xəbər verir ki, döyüşçü hazırda sənədli film üzərində işləyir: "Təxminən bir il yarım lazımdır. "Oscar" qazanmaq istəyirik. 20 dəqiqə ərzində "Oscar"lıq film çəkmək o qədər də asan deyil. Hollivudla birlikdə işləyirik. Çox güman ki, dərhal kinoteatrlarda nümayiş olunacaq. Bu normal bir hekayədir, dağdan gələn oğlan çəki kateqoriyasından asılı olmayaraq ən yaxşı döyüşçü oldu, məğlub olmadı".

Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib. Döyüşdən sonra rusiyalı karyerasını bitirdiyini elan edib. Onun hesabında 29 MMA döyüşündə 29 qələbə, o cümlədən UFC-nin 13 döyüşündə 13 qələbə var.

13
Teqlər:
Oskar, Hollivud, Həbib Nurməhəmmədov
Braziliya futbolçusu Ronaldinyo Bakıda, arxiv şəkli

Dünyanın ən yaxşı futbolçusu qəmə batdı: əzizini COVID apardı

11
(Yenilənib 14:41 21.02.2021)
Ronaldinyo 71 yaşlı anası Migelinanın xəstəxanaya aparıldığını hələ ötən ilin dekabrında sosial şəbəkədə yazmışdı

BAKI, 21 fevral - Sputnik. Futbol ulduzu Ronaldinyo Qauçonun anası koronavirusdan vəfat edib.

Sputnik Azərbaycan bildirir ki, bu barədə Mundo Deportivo xəbər yayıb. 

Ronaldinyo 71 yaşlı anası Migelinanın xəstəxanaya aparıldığını hələ ötən il dekabrın 21-də sosial şəbəkədə yazmış, anasının intensiv terapiya şöbəsinə yerləşdirildiyini və həkimlərin tam qayğısı ilə əhatə olunduğunu demişdi. 

​Ronaldinyo 2018-ci ildə futbolçu karyerasına son qoyub. O, 2003-2008-ci illərdə "Barselona"nın heyətində iki dəfə İspaniya çempionu, bir dəfə isə Çempionlar Liqasının qalibi olub.

 

11
Teqlər:
COVID-19, vəfat, ana, Ronaldinyo
Yanğınsöndürənlər, arxiv şəkli

Evləri yanan köçkünlər harada qalacaqlar? "Qaçqınkom"dan açıqlama

0
(Yenilənib 01:00 25.02.2021)
Müvəqqəti məskunlaşma yerlərinə zərər dəymiş ailələr dövlət vəsaiti hesabına kirayə mənzillə təmin olunacaqlar.

BAKI, 25 fevral — Sputnik. Qaçqınların və Məcburi Köçkünlərin İşləri üzrə Dövlət Komitəsi Bakıda baş verən yanğınla bağlı açıqlama yayıb.

Sputnik Azərbaycan-a daxil olan məlumatda bildirilib ki, fevralın 24-də Bakı şəhəri, Yasamal rayonu, Tbilisi prospekti, 31/66 ünvanında yerləşən, keçmiş məcburi köçkünlərin müvəqqəti məskunlaşdığı yeddi mərtəbəli, 3 girişli inzibati binanın damında yanğın olub.

Fövqəladə Hallar Nazirliyinin yanğından mühafizə bölmələri tərəfindən yanğın söndürülüb: "Yanğın barədə məlumat daxil olduqdan dərhal sonra Qaçqınların və Məcburi Köçkünlərin İşləri üzrə Dövlət Komitəsinin nümayəndələri hadisə yerinə yollanıblar. İlkin araşdırma nəticəsində binanın damında yanar konstruksiyalardan primitiv qaydada inşa edilmiş 6 tikilinin əşyaları ilə birlikdə tamamilə yandığı müəyyən edilib. Yanğın nəticəsində ümumilikdə 17 mənzilə ziyan dəyib.

Ağdam rayonundan məcburi köçkün, 1986-cı il təvəllüdlü Vəliyev Tural Qabil oğlu yüngül yanıq xəsarətləri alıb.

Müvəqqəti məskunlaşma yerlərinə zərər dəymiş ailələr dövlət vəsaiti hesabına kirayə mənzillə təmin olunacaqlar. Az ziyan dəymiş 11 mənzil Dövlət Komitəsinin aidiyyəti şöbəsi tərəfindən təmir olunacaq. Həmin tikililərdə təmir-bərpa işlərinin aparılmasının və zərərçəkmiş ailələrin yenidən, müvəqqəti olaraq, burada yerləşdirilməsinin mümkünlüyü onların nəzərinə çatdırılıb.

Yanğın baş vermiş binada 277 ailə, yəni min nəfər müvəqqəti məskunlaşıb.

Digər yaşayış sahələri yanğından mühafizə olunub.

Yanğının başvermə səbəbləri Fövqəladə Hallar Nazirliyi tərəfindən araşdırılır, dəymiş ziyan müəyyənləşdirilir. FHN-nin araşdırmasından sonra yekun rəy veriləcək, onun əsasında müvafiq hüquqi addımlar atılacaq".

0