Elmir Cəlilov, ikiqat Azərbaycan Çempionu

Öldürülən idmançının yaxında üçüncü övladı dünyaya gələcək

527
(Yenilənib 13:39 24.02.2016)
İkiqat Azərbaycan Çempionu Elmir Cəlilovun qətlə yetirilməsi idman aləmində şok yaradıb.

BAKI, 24 fev-Sputnik. Bir neçə gün öncə Azərbaycan Kikboksinq Federasiyasının üzvü, ikiqat Azərbaycan Çempionu Elmir Cəlilov öldürülüb. Faktla bağlı cinayət işi açılıb. Kikboksinq Federasiyasının idmançı və məşqçiləri, eyni zamanda mərhum idmançının yaxın dostu Elmir Cəlilovla bağlı xatirələrini Sputnik-lə bölüşüblər.

"Elmir qanacaqlı, öz yerini bilən bir qardaş idi. Belə bir dostu itirmək çox ağırdır. Elmir həm sinif yoldaşım olub, həm də ailəvi dost olmuşuq. Onun haqqındakı bu qəfil xəbər mənə çox təsir edib. Allah ailəsinə səbr versin!" — deyə Elmirin sinif yoldaşı və ailəvi dostu Ramal Amanov bildirib.

Anar Məmmədov, məşqçi
© Photo : Anar Mamedov
Anar Məmmədov, məşqçi

Məşqçi və Elmir Cəlilovun dostu Anar Məmmədov isə deyib: "Elmir uşaqlıqdan kikboksla məşğul olurdu. 2000-ci illərdən artıq öz çəkisində şəhər və region yarışlarında sözünü deyirdi. Və 2002-ci ildə ilk dəfə 63.5 kq çəki dərəcəsində Azərbaycan çempionu oldu. 2003-cü ildə 71 kq çəki dərəcəsində ikinci dəfə Azərbaycan çempionu adını qazandı. O, çox perspektivli idmançı, gözəl dost, yaxşı qardaş idi. 2006-cı ildə ailə qurmuşdu. İlk oğlan övladı hazırda 2-ci sinifdə oxuyur. İkinci övladı qızdır. Üçüncü övladı da bu yaxınlarda dünyaya gəlməlidir. Çox təəssüf ki, atasını heç vaxt görməyəcək."
Anar Məmmədov həmçinin deyib ki, Elmirin olümünə heç kim inanmır. "Onu torpağa tapşıranda 500-ə yaxın dost —tanışı, qohum-əqrəbası və ən əsası da idman yoldaşları var idi. Elmirin ailəsinə səbr, özünə isə Allahdan rəhmət diləyirəm" — deyə A.Məmmədov bildirib.

Guloglan Cabbarov, Kikboks Federasiyasının vitse-prezidenti
© Photo : Guloglan Cabbarov
Guloglan Cabbarov, Kikboks Federasiyasının vitse-prezidenti

"Allah rəhmət eləsin. Məkanı cənnət olsun. İki qat Azərbaycan çempionu Elmir Cəlilov mərifətli, tərbiyəli, nizam- intizamlı idmançı olub. Çox üzüldük. Kaş ki, belə hadisələr yaşanmasın. O idmançıları yetişdirmək üçün illərlə vaxt lazım olur. Biz yetişdiririk ki, düşmən qabağına, erməni qarşısına çıxardaq. Yoxsa kiminsə qəfil gülləsinə tuş gəlməyi bizi çox məyus etdi.

Kədərliyik, üzüntülüyük, ailəsinə və yaxınlarına Kiqboksinq Fedarasiyasi adından Allahdan səbr diləyirik." Bu sözləri isə Kikboksinq Federasiyasının vitse- prezidenti Güloğlan Cabbarov deyib.

Adil Əliyev, millət vəkili,Azərbaycan Kikboksinq federasiyasının prezidenti
© Photo : Modern
Adil Əliyev, millət vəkili,Azərbaycan Kikboksinq federasiyasının prezidenti

Qeyd edək ki, Azərbaycan Kikboksinq Federasiyasının prezidenti, millət vəkili Adil Əliyev də öz rəsmi facebook səhifəsində mərhumun ailəsinə başsağlığı verib. "Kikboks ailəsinə böyük itki üz verib. Azərbaycan Kikboksinq Federasiyasının üzvü, ikiqat Azərbaycan çempionu Elmir Cəlilov dünyasını dəyişib. Mərhumun ailəsinə dərin hüznlə başsağlığı verirəm." — Adil Əliyevin başsağlığı mesajında bildirilir.

Xatırladaq ki, Daxili İşlər Nazirliyi (DİN) və Baş Prokurorluq Elmir Cəlilovun Gəncədə törədilən qətlilə bağlı məlumat yayıb. Məlumatda qeyd olunub ki, polis və prokurorluq əməkdaşlarının peşəkarlıqla həyata keçirdikləri istintaq-əməliyyat tədbirləri nəticəsində qeyri-aşkar şəraitdə törədilmiş bu qətlin üstü "İsti izlər"lə açılıb. Fevralın 20-də Gəncə şəhərində 1982-ci il təvəllüdlü Cəlilov Elmir Elqədər oğlunun odlu silahla qətlə yetirilməsi faktına görə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanlb.

Aparılmış istintaq-əməliyyat tədbirləri nəticəsində cinayətin əvvəllər məhkum olunmuş 1984-cü il təvəllüdlü Tağıyev Anar Şahin oğlu tərəfindən törədilməsinə əsaslı şübhələr yarandığından o, tutularaq istintaqa cəlb olunub. A.Tağıyev cinayətin aləti olan lüləsi kəsilmiş ov tüfəngini istintaqa təhvil verib.

Hazırda iş üzrə zəruri istintaq tədbirləri davam etdirilir.

527
Teqlər:
Tağıyev Anar Şahin oğlu, Azərbaycan Kikboksinq Federasiyasının prezidenti, millət vəkili Adil Əliyev, Kikboksinq Federasiyasının vitse- prezidenti Güloğlan Cabbarov, Anar Məmmədov, Azərbaycan Çempionu Elmir Cəlilov, Azərbaycan Kikboksinq Federasiyası, DİN, Baş Prokurorluq, Daxili İşlər Nazirliyi
Əlaqədar
Gəncədə idmançının güllələnməsi faktı ilə bağlı rəsmi məlumat yayılıb
İkiqat Azərbaycan çempionunu öldürən şəxs tutuldu
Qarabağ klubunun futbolçuları, arxiv şəkli

"Qarabağ"da koronavirusa yoluxan futbolçuların sayı artıb

14
Milli komandanın heyətində Lüksemburqda koronavirusa yoluxmuş Maksim Medvedev müalicəsini tamamlayaraq Bakıya qayıdıb.

BAKI, 5 dekabr - Sputnik. Azərbaycan çempionu "Qarabağ"da daha beş futbolçunun koronavirus testi müsbət çıxıb.

Sputnik Azərbaycan bildirir ki, bu barədə klubun yaydığı açıqlamada deyilir.

Məlumata görə, "Qarabağ" Avropa Liqasının qrup mərhələsində "Makkabi" ilə matçdan geri döndükdən sonra Peşəkar Futbol Liqasının tələblərinə əsasən, Premyer Liqanın XII turunda qarşılaşacağı "Qəbələ" ilə matçın hazırlıqları çərçivəsində növbəti dəfə koronavirus testindən keçib
Testin nəticələrinə görə, futbolçular Qara Qarayev, Emil Balayev, İsmayıl İbrahimli, Toral Bayramov Kevin Medinada koronavirus aşkarlanıb.
Daha öncə testin nəticəsi pozitiv olan daha iki futbolçunun - Mahir Emreli Abbas Hüseynovun - müalicələri davam etdirilir.
Milli komandanın heyətində Lüksemburqda koronavirusa yoluxmuş Maksim Medvedev müalicəsini tamamlayaraq Bakıya qayıdıb.

Qeyd edək ki, komandanın baş məşqçisi Qurban Qurbanov da koronavirusa yoluxub. 

14
Teqlər:
test, Qarabağ FK, yoluxma, Koronavirus, epidemiya, COVID-19
Mövzu:
Azərbaycanda koronavirus: son xəbərlər
Qarabağ - Makkabi oyunu

"Qarabağ" İsraildə ilk xalını qazandı

37
(Yenilənib 00:38 04.12.2020)
“Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar

BAKI, 3 dekabr - Sputnik. Azərbaycan çempionu “Qarabağ” avrokuboklarda növbəti oyununu keçirib.

Sputnik Azərbaycan apasport.az-a istinadən bildirir ki, Ağdam təmsilçisi Avropa Liqasının qrup mərhələsinin V turunda meydana çıxıb.

İlk 4 görüşdə uduzduqdan sonra İ qrupunda sonuncu yeri tutduğu rəsmiləşən Qurban Qurbanovun yetirmələri İsrailin “Makkabi” klubu ilə görüşüb. Cari mövsümdə avrokuboklarda son ev matçını keçirən təmsilçimiz Təl-Əviv klubunu da İstanbuldakı “Başakşəhər Fatih Teim” stadionunda qəbul edib.

Baş məşqçi Qurban Qurbanov və əsas heyətin bir sıra üzvləri koronavirusa yoluxduğu üçün qardaş ölkəyə böyük itkilərlə yollanan “Qarabağ” turnirdə ilk xalını qazanıb. Qarşılaşmada hər iki qol ilk 45 dəqiqədə vurulub.

Komandamız hissənin ortalarında qapısında qol görüb. İsrail təmsilçisi penalti ilə hesabı açıb. Ağdamlılar ilk yarı başa çatmamış hesabda tarazlıq yaradıblar. Xayme Romero bərabərlik qoluna imza atıb. 

Qrupun digər oyununda “Sivasspor” Türkiyədə “Vilyareal”ı qəbul edib. İspaniya təmsilçisi 1 qolla səfər qələbəsi qazanıb.

Qeyd edək ki, “Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar.

Avropa Liqası
Qrup mərhələsi
V tur, İ qrupu
3 dekabr
21:55. “Qarabağ” (Azərbaycan) - “Makkabi” (Təl-Əviv, İsrail) - 1:1
Qollar:  Xayme Romero, 37 - Yonatan Kohen, 22 (pen.)

Baş hakim: Robert Hennessi (İrlandiya)
“Qarabağ”: 1. Şahruddin Məhəmmədəliyev, 81. Kevin Medina, 77. Donald Gerye, 8. Uroş Matiç, 2. Qara Qarayev (k), 19. Filip Ozobiç, 10. Abdullah Zubir, 44. Elvin Cəfərquliyev, 7. Ovusu Kvabena, 9. Xayme Romero, 18. İsmayıl İbrahimli
Ehtiyat oyunçular: 12. Emil Balayev, 94. Ayxan Arazlı, 4. Rahil Məmmədov, 27. Toral Bayramov, 21. Rauf Hüseynli, 29. Zamiq Əliyev 
Məşqçi: Elçin Rəhmanov
“Makkabi”: 19. Daniel Tennenbaum, 30. Maor Kandil, 18. Eytan Tibi, 21. Şeran Yeini (k), 27. Ofir Davidzada, 23. Eyal Qolasa, 42. Dor Perets, 24. Yonatan Kohen, 44. Luis Ernandes, 17. Dan Biton, 9. Nik Blekmen
Ehtiyat oyunçular: 1. Daniel Perets, 3. Matan Baltaksa 11. Tal Ben Haim, 22. Avi Rikan, 25. Amit Qlazer, 29. Eylon Almoq, 39. Eduardo Gerrero, 47. Eden Karzev, 10. Etey Şexter, 6. Dan Qlazer, 31. Şahar Piven, 72. Aleksandar Peşiç
Baş məşqçi: Giorgios Donis

37
Teqlər:
UEFA Avropa Liqası, "Makkabi" FK (Tel-Əviv), Qarabağ FK

Müxalifətdən Paşinyana ultimatum: "Getməsən..."

8
(Yenilənib 18:40 05.12.2020)
Şənbə günü on minlərlə etirazçı Yerevanın mərkəzinə toplaşaraq baş nazirin istefasını tələb edib. Mitinqdən sonra etirazçılar Paşinyanın hökumət malikanəsinə yönəliblər

BAKI, 5 dekabr - Sputnik. Ermənistanın baş naziri Nikol Paşinyanın malikanəsinin qarşısına toplaşan etirazçılar onun gələn çərşənbə axşamınadək istefa verməsini tələb ediblər. 

Sputnik Azərbaycan bu barədə RİA Novosti-yə istinadən məlumat verir.

"Çərşənbə axşamı saat 12:00-dək istefa verməsinə görə Paşinyana vaxt veririk. Əgər o bunu etməsə, bütün ölkədə itaətsizlik aksiyaları başlanacaq. Əgər o, çərşənbə axşamınadək getməsə, biz özümüz onu çıxaracağıq", - müxalif "Daşnaksütun" partiyasının nümayəndəsi İşxan Saqatelyan deyib.

Qeyd edək ki, şənbə günü on minlərlə etirazçı Yerevanın mərkəzinə toplaşaraq baş nazirin istefasını tələb edib. Mitinqdən sonra etirazçılar Paşinyanın hökumət malikanəsinə yönəliblər. Hazırda etiraz aksiyası bitmiş elan edib.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb, kəndlərin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüb.

2020-ci il noyabrın 10-da Azərbaycan, Rusiya və Ermənistan liderlərinin Qarabağ üzrə üçtərəfli bəyanatı imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.
Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) isə Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.
Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

8
Teqlər:
istefa, Nikol Paşinyan, mitinq, etiraz aksiyası, Yerevan, Ermənistan