BAKI, 12 fev-Sputnik. FIFA-nın keçmiş baş katibi Jerom Valke ağır cəzalandırılıb.
Sputnik Apasport-a istinadla xəbər verir ki, FIFA-nın etika üzrə arbitraj palatası Valkeni 12 il müddətinə cəzalandırıb.
O, bu müddətdə milli və beynəlxalq səviyyədə futbol sahəsində çalışa bilməyəcək. Üstəlik, keçmiş baş katib 90 min avro cərimə də ödəməli olacaq.
Fransız futbol funksioneri olan Valke ötən ilin sentyabrında vəzifəsindən uzaqlaşdırılmışdı.
O, 2014-cü ildə keçirilən dünya çempionatının bilet satışında maxinasiyaya yol verməkdə ittiham olunurdu.
