Anastasiya İbrahimli, ağır atletika üzrə Avropa çempionu

"Bu idman növü ilə ailə həyatı heç cür alınmır..."

413
(Yenilənib 18:57 10.02.2016)
Azərbaycanı olimpiadada təmsil etməyə iddialı olan ağır atlet xanım: "Rio-2016-da 2017-ci il İslam oyunlarında ölkəmi təmsil edib, qələbə qazandıqdan sonra karyerama son qoyacam"

BAKI, 10 fev — Sputnik. Ağır atletika Azərbaycanda qadınlar arasında o qədər də məşhur olmayan idman növüdür. Amma, az da olsa, bu sahədə bayrağımızı beynəlxalq arenada dalğalandıran xanımlarımız var. Sputnik-in bu dəfəki qonağı kimi ağır atletika üzrə Avropa çempionu Anastasiya İbrahimlinin müsahibəsini təqdim edirik:

Anastasiya İbrahimli Sputnik agentliyinin mətbuat mərkəzində
© Sputnik / Farid Babayev
Anastasiya İbrahimli Sputnik agentliyinin mətbuat mərkəzində

- Xanım və ağırlıqqaldırma… Bu idman növü ilə məşğul olmağa necə qərar verdiniz?

— Mən Qazaxıstanda doğulub böyümüşəm. O zaman yaşadığım məhəllədə bütün oğlanlar ağır atletika ilə məşğul olurdular. Həmişə mənə maraqlı gəlirdi ki, bu necə idman növüdür, necə məşq edirlər. Mən özüm də məşq etmək istəyirdim, amma nədənsə alınmırdı. Çünki bizim rayonda heç bir qız məşğul olmurdu bu idman növü ilə. Bir gün zala getdim və məşqçiyə məşq etmək istədiyimi bildirdim. Doğrusu, məşqçi mənim ciddi olduğuma inanmırdı və düşünürdü ki, bir-iki gün gələcəm, sonra çıxıb gedəcəm. Amma belə olmadı. Məşq etdikcə daha çox bu idman növünü sevməyə başladım və həyat tərzimə çevirildi ağır atletika. Sonradan artıq yarışlarda iştirak etməyə başladım. İlk yarışımda uşaq olsam da, rəqiblərim çox olsa da, 4-cü yerə çıxdım və bu, ilk yarış üçün böyük uğur sayılır. O zaman 12 yaşım vardı. Bundan sonra bir neçə yarışda ard-arda çempion oldum və beləliklə idman koryerama başladım. Sonradan Azərbaycana gəldim və burada da uğurlu nəticələr qazandım.

- Qazaxıstandan, böyük məbləğdə maaş qarşılığında, o ölkəni təmsil etməyiniz üçün yenidən təklif gəlsə, gedərsiniz?

— Mən evdə də həmişə deyirəm, nəinki Qazaxıstandan, hətta ABŞ-dan da təklif gəlsə, mən Azərbaycandan başqa yerdə məşq etmərəm.

- Deməli Azərbaycanı idman üçün seçmisiniz?

— Mən Azərbaycanı ürəkdən seçmişəm və ruhən bu ölkəyə bağlıyam. 4 il burada yaşamağıma baxmayaraq, elə düşünürəm ki, uzun illərdir, burada yaşamışam.

- Qız övladınız olsa, onun da məhz bu ağır idman növü ilə məşğul olmasına icazə verərsiniz?

— Mən övladlarımın hansı idman növünü seçmələrinə qadağa qoymayacam. Əgər uşağın istəyi olacaqsa, deməli bu, onun seçimidir. Düşünürəm ki, övladım bu idman növünün çətinliyini görüb istəməyəcək.

- Azərbaycan xanımlarının bu idman növünə marağı, demək olar ki, yoxdur. Nə zamansa idmançı karyeranıza son qoyduqdan sonra məşqçilik etmək planınız var?

— Bu haqda heç nə deyə bilmərəm. Zaman göstərəcək. Ümumiyyətlə mən öncədən danışmağı sevmirəm və indi də deyə bilmərəm ki, mən mütləq məşqçi olacam. Bəlkə də başqa bir bizneslə məşğul olmağa başladım.

- Qarşıdan Rio-2016 olimpiadası gəlir. Olimpiadada iştirak edə biləcəksinizmi?

— Olimpiadaya ən güclümüz gedəcək. Sinəyə döyüb, "mən gedəcəm" demək olmaz. Bu, idmandır və yarışa kimi elə travma ala bilərsən ki, iştirak edə bilməzsən. Amma mən sona kimi məşq edəcəm və çalışacam bu yarışa qatılım. Allah qismət eləsə, gedəcəm.

- Xaricdə olan rəqiblərinizi izləyirsiniz?

— Əlbəttə, izləyirəm. Rəqiblərimin rekordlarına, fiziki güclərinə diqqət edirəm, nə qədər çəki qaldırdığını izləyirəm. Çünki bu, mənim rəqibimi tanımağıma və öz üzərimdə daha çox işləməyimə kömək edir.

- Bu idman növü birbaşa psixologiya ilə bağlıdır. Psixoloqunuz kimdir?

— Mənim ən yaxşı psixoloqum müəllimimdir. O, mənə daha yaxşı məsləhətlər verə bilir və yarışda uğur qazanmağım üçün məni motivasiya edir.

- Qazanmaq istədiyiniz ən böyük uğur nədən ibarətdir?

— Məqsədim — Rio-2016 Olimpiyadasında və 2017-ci il İslam oyunları yarışlarında Azərbaycanı təmsil edib, qələbə qazanmaq və bununla da karyerama son qoymaqdır. Artıq bir xanım olaraq uşaq böyütməliyəm. Bu idman növü ilə ailə həyatı heç cür alınmır.

413
Teqlər:
Anastasiya İbrahimli, ağırlıqqaldırma, Ağır atletika, idmançı qız, Qazaxıstan, idmançı, idman, Azərbaycan, qadın
Əlaqədar
İki idmançımız liderliyi ələ aldı
"Formula 1 mühüm idman yarışıdır, amma böhran dövründə deyil..."
Transseksual idmançılarla bağlı sensasion təklif: bu, reallaşarsa...
İdman mərc oyunlarından əldə edilən gəlirlərdən vergi tutulacaq
Qarabağ - Legiya matçı

Türkiyə "Qarabağ"a qucaq açdı

28
(Yenilənib 20:24 22.10.2020)
Qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib

BAKI, 22 oktyabr - Sputnik. Avropa Liqasının qrup mərhələsində Azərbaycan çempionu "Qarabağ"ın İspaniyanın "Vilyarreal" komandası ilə qarşılaşacağı meydan bəlli olub.

Sputnik Azərbaycan bildirir ki, bu barədə "Qarabağ" klubunun yaydığı açıqlamada deyilir.

Vurğulanır ki, hazırda ölkəmizin bütün cəbhəboyu əks-hücum əməliyyatları uğurla davam edir və ölkəmizdə hərbi vəziyyət elan edilib. İki gün öncə UEFA İcraiyyə Komitəsi ölkəmizdə vəziyyəti nəzərə alaraq, "Qarabağ"ımızın qrup mərhələsində ilk ev oyununu neytral meydanda keçirilməsi ilə bağlı qərar qəbul edib. Və "Vilyarreal"la matçının hansı ölkədə keçirilməsi ilə bağlı UEFA tərəfindən bir neçə ölkə klubumuza təqdim edilmişdir.

"Lakin həmin ölkələrdə klubumuzun təhlükəsizliyi, klubumuza qarşı hər hansı bir təxribat olması ehtimalı və digər məsələləri nəzərə alan klubumuz tərəfindən anında UEFA-ya məlumat verilib və "Vilyarreal"la matçın hər zaman öz dəstəyi ilə yanımızda olan Türkiyədə keçirilməsi üçün tutarlı əsaslarla müraciət göndərilib və bu müraciət UEFA tərəfindən müsbət qarşılanıb.

Ali futbol qurumunun tələbi ilə qarşılaşma bu mövsüm avrokuboklarda ev sahibliyi etmiş stadionda keçirilməlidir. Bununla bağlı qardaş Türkiyə təmsilçilərinə klubumuz tərəfindən məktub ünvanlanıb. Və qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib. Başda "Qalatasaray" olmaqla, öz dəstəyini əsirgəməyən qardaş ölkə təmsilçilərinə təşəkkür edirik.

Hazırda Çempionlar Liqasının qrup mərhələsində iştirak edən "İstanbul Başakşehir" klubunun stadionu isə texniki cəhətdən UEFA-nın tam təmin olunduğuna görə "Qarabağ"ımız "Vilyarreal"la ev matçını məhz "Başakşehir"in Fatih Terim adına stadionunda keçirəcək", - açıqlamada deyilir.

"Qarabağ" Futbol Klubu "Başakşehir" klubuna könüldən göstərdiyi dəstəyə görə təşəkkürünü bildirib.

28
Teqlər:
Türkiyə, qrup mərhələsi, Avropa Liqası, "Qarabağ" FK, futbol
Əlaqədar
Qurban Qurbanov: “Fikrimiz Azərbaycan əsgərlərinin yanındadır”
"Qarabağ" qardaş Türkiyəni seçdi
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"
Qurban Qurbanov, arxiv şəkli

Qurban Qurbanov: “Fikrimiz Azərbaycan əsgərlərinin yanındadır”

20
(Yenilənib 16:01 22.10.2020)
“Qarabağ” komandasının baş məşqçisi Qurban Qurbanov deyir ki, futbolçuları oyuna motivasiya etməyə çalışırıq
Qurban Qurbanov: ““Makkabi”nin yaxşı oyun fəlsəfəsi var”

“Rəqibimizin Çempionlar Liqasında həm Belarusun “Dinamo” (Brest), həm də Avstriyanın “Zaltsburq” komandaları ilə keçirdiyi matçları izləmişəm. Özünəməxsus oyun taktikası olan komandadır”.

Sputnik Azərbaycan xəbər verir ki, bu sözləri “Qarabağ”ın baş məşqçisi Qurban Qurbanov İsrailin paytaxtı Təl-Əvivdə “Makkabi”yə qarşı keçirəcəkləri UEFA Avropa Liqasının I qrupunun ilk tur matçı barədə danışarkən deyib.

O bildirib ki, rəqibin hansısa futbolçusunu fərqləndirmək istəmir: ““Makkabi”nin yaxşı oyun fəlsəfəsi var. Hazırda Qarabağda müharibə getdiyi üçün fikrimiz Azərbaycan əsgərlərinin yanındadır. Ordumuz torpaqlarımızın işğaldan azad olunması üçün mübarizə aparır. Hər gün cəbhədən xoş xəbərlər gəlir. Biz də futbolçularımızı oyuna motivasiya etməyə və sərfəli nəticə qazanmaq üçün əlimizdən gələni etməyə çalışırıq”.

Qeyd edək ki, bu gün “Blumfild” stadionunda keçiriləcək “Makkabi” – “Qarabağ” matçı Bakı vaxtı ilə saat 23:00-da başlayacaq.

Qurban Qurbanovun fikirlərinə audiofaylda qulaq asa bilərsiniz

20
Армянская военная форма

Ermənistan son günlərdə hərbi əməliyyatlarda ölən hərbçilərinin siyahısını açıqlayıb

0
(Yenilənib 00:18 23.10.2020)
Ermənistan hökuməti oktyabrın 22-də Dağlıq Qarabağ münaqişəsində həlak olan hərbi qulluqçularının növbəti siyahısını açıqlayıb.

BAKI, 22 oktyabr - Sputnik. Ermənistan hökuməti oktyabrın 22-də Dağlıq Qarabağ münaqişəsində həlak olan hərbi qulluqçularının yeni siyahısını açıqlayıb.

Sputnik Azərbaycan Ermənistan KİV-lərinə istinadən xəbər verir ki, bugünkü siyahıda 26 nəfərin adı yer alıb.

Bu günədək Ermənistan tərəfinin açıqladığı itkilərin sayı 900 nəfərə çatıb.

Qeyd edək ki, qarşı tərəf itkilərinin sayını məqsədyönlü şəkildə gizlədir.

0
Əlaqədar
MN: Ermənistan rəhbərliyi cəbhədə verdiyi ağır itkiləri yaddan çıxarıb
Madagiz-Ağdərə istiqamətində ermənilərin itkiləri açıqlandı
Ermənistan ordusu ağır itkilər verməyə davam edir - VİDEO
İtkilər üzə çıxır? Ermənistan ordusunun əsgəri ölüb
"Ermənistanın verdiyi itkilər arasında xaricdən gətirilən muzdlular çoxluq təşkil edir"