Qadın və kişi döyüşçülər

Transseksual idmançılarla bağlı sensasion təklif: bu, reallaşarsa...

1544
(Yenilənib 16:33 04.02.2016)
Olimpiya oyunlarına qatılan bu təbəqədən olan idmançıların öz cinslərini dəyişməsinə ehtiyac qalmaya bilər. Bəs azərbaycanlı idmançılar buna necə yanaşır?

BAKI, 4 fev — Sputnik. Bir neçə gün öncə Beynəlxalq Olimpiya Komitəsinin tibbi direktoru Dr. Riçard Buqet (Richard Budgett), transseksual idmançıların cinsiyyət dəyişmək əməliyyatının vacibliyini aradan qaldırdıqlarını bildirib. O söyləyib ki, transseksual idmançıların əməliyyat olmadan olimpiyadada və digər böyük yarışlarda iştiraklarını təmin etmək üçün çalışırlar.

Bu o deməkdir ki, yenilik tətbiq olunarsa, hər hansı transseksual idmançı, cinsini dəyişdirməyə ehtiyac duymadan, qadın rəqibi ilə qarşılaşa biləcək. Eləcə də lezbiyan qadının əməliyyatla özünü kişiyə çevirməsinə gərək qalmayacaq, o, sərbəst şəkildə kişi rəqibi ilə qarşılaşacaq.

Bu yenilik dünya idman aləmində hansı yeniliklərə yol açacaq? Ümumiyyətlə, buna nə dərəcədə ehtiyac vardı? Ölkəmizdə dini-mənəvi kriteriya və mental dəyərlərin bu cür hadisələrə mənfi yanaşdığını da nəzərə alsaq, o zaman Azərbaycan idmançıları Riçard Buqetin təklifinə necə yanaşırlar? Sputnik əməkdaşı bu və digər suallarla idman sahəsinin tanınmış simalarına müraciət edib. Onların fikirlərini təqdim edirik:

Асеф Зейналлы, спортивный журналист
© Photo : Asef Zeynalli
Асеф Зейналлы, спортивный журналист

Asəf Zeynallı — idman jurnalisti: "Beynəlxalq Olimpiya Komitəsinin reqlamentinə əsasən, 2004-cü ildən etibarən transgender əməliyyatı keçirilmiş istənilən şəxs Olimpiya Oyunlarına qatıla bilər. Elə son Olimpiadada kişilər arasında kürə atmaq üzrə seçmə yarışda amerikalı transseksual Kilin Qodsi mübarizə aparıb. Bu müddət ərzində məlum məsələ ilə bağlı problem yaşanmayıb. İnanmıram ki, bu qanun da qüvvəyə minsə, nəsə problem olacaq. Əksər dünya ölkələri artıq bu cür məsələlərdə mühafizəkar deyil".

Gündüz Abdullayev — taekvando üzrə məşqçi: "Həm mənəvi, həm əxlaqi, həm ədalət, həm də fizioloji cəhətdən mümkün deyil. Çünki kişi və qadın fiziki baxımdan bir-birindən fərqlənir. Buna görə də idmançı proporsiyasi və tələbləri pozulmuş olar. Ümumiyyətlə bu qərarı verən mütəxəssisin psixoloji durumunu yoxlamaq lazımdır. Axirət əlamətidir. Allah bizləri hifz eləsin, onlara isə şəfa versin".

Гюндюз Абдуллаев, тренер по таэквондо
Гюндюз Абдуллаев, тренер по таэквондо

Vüqar Məmmədov — karate-do üzrə məşqçi: "Hazırda bir çoxlarına cənnət kimi görünən, lakin bilmədikləri digər tərəfləri ilə müasir Qərb dəhşəti ondan ibarətdir ki, belə məsələləri mədəni hal kimi cəmiyyətə sırımağa çalışırlar. Belə pozğun insanlar da, sanki masson lojası kimi rəhbər vəzifələrdə özünə yer tutub, cəmiyyətdə güc qazanmaq, özlərində olan pozğunluğu  normal bir hal kimi təbliğ etmək istəyirlər. Belələrinin güc qazana bilməsi cəmiyyətlərdə günah anlayışının yox olması, mənəvi dəyərlərin deqradasiyaya uğraması ilə bağlıdır. İnformasiya virusu geniş yayılma imkanına malikdir və Qərbdə artıq normal kimi qəbul edilmiş pozğunluq siyasəti özünü bir çox sahədə göstərdiyi kimi, artıq idmanda da göstərir".

Фарида Азизова, таэквондистка
Фарида Азизова, таэквондистка

Şahin Atamov — karateçi: "Mən belə başa düşürəm ki, döyüş idman növlərində bu, mümkün deyil. Olimpiya idman növlərinə daxil edilibsə, yaxşısı budur ki, biz heç olimpiya oyunlarına daxil olunmayaq (gülür —red.). Bu, düzgün ola bilməz. Bu zaman heç bir xanım gəlib kişilərlə döyüşdə qalib gələ bilməz. Eyni zamanda kişi xanımlarla döyüşərsə, nə qədər zəif olur olsun, kişi qadınlara qalib gələcək. Hətta bu haqda eşitmişəm ki, bir qaçış üzrə kişi illərlə yarışsa da, kişilər arasında qalib ola bilmirdi. Amma sonradan o, özünü qadın edir və olimpiyadanın qadınlar arasında keçirilən yarışda gümüş medalını qazanır. Mən belə qaydaların əleyhinəyəm".

Fəridə Əzizova — taekvandoçu: "Belə götürəndə, onlar da hamı kimi insandır. Bu cəhətdən normal baxıram, yəni hərənin öz şəxsi həyatı var, döyüşə gəldikdə isə bütün rəqiblərim necə, oda elə. Sadəcə mənə maraqlı olan bir məsələ var. Özünü qadın edən kişi umumiyyətlə döyüşə bilər? Mbarizə güc və kişi xarakteri tələb edir, bu halda isə məncə, qadına çevrilən kişi ümumiyyətlə döyüşdən qacar".

1544
Teqlər:
Beynəlxalq Olimpiya Komitəsi, olimpiya, transseksual, idman
Əlaqədar
İdmançı xanım: "İki oğlandan birini döydüm, o biri qaçdı"
İdman öz həmyerlilərini "cəzalandırmaq" vasitəsidir?
Peşəkar idmançı Bakıda “Formula 1” keçirilməsinə qarşıdır
İki idmançımız liderliyi ələ aldı
Güləş, arxiv şəkli

Fransa Güləş Federasiyası loqoda bayrağımızın olmamasına görə üzr istədi

23
(Yenilənib 11:47 14.01.2021)
Azərbaycan Güləş Federasiyasının mətbuat katibi Sərxan Musayev səsləndirilən narazılıqlara aydınlıq gətirib.

BAKI, 14 yanvar — Sputnik. Fransanın Nitsa şəhərində keçiriləcək güləş üzrə Qran-pri turnirinin təşkilatçıları Azərbaycan bayrağının yarışın loqosunda yer almamasına görə üzr istəyib.

Bu barədə "Report"a Azərbaycan Güləş Federasiyasının Mətbuat katibi Sərxan Musalı məlumat verib.

O bildirib ki, məsələ ilə bağlı dərhal Fransa Güləş Federasiyası ilə əlaqə saxlayıblar: "Onlar qeyd etdilər ki, üzrlü hesab edin, bu, daha əvvəl hazırlanmış loqodur və burada bəzi yarış iştirakçılarının bayraqları yoxdur. Loqoda daha əvvəl bu yarışda olan ölkələrin bayraqları həkk olunub. Buna görə nəzərə alınmayıb. Loqoda elə ölkələrin bayraqları var ki, bu yarışda iştirak etmirlər. Həmin loqo 2020-ci ildə də istifadə edilib. Sadəcə, diqqətsizlik olub və bizə üzürxahlıq etdilər. Təşkilatçılıqla bağlı problem belə ola bilərdi ki, yarış nəkanında bayrağımız olmazdı. Amma bununla bağlı problem olmayacaq".

Federasiya rəsmisi təşkilatçılar tərəfindən heç bir soyuq münasibət görmədiklərini sözlərinə əlavə edib: "Mənfi nəsə hiss etməmişik. Ümumiyyətlə, problem olsaydı, bizim komandalara viza verməz, iştiraklarına problem yaradardılar. Arxivə də nəzər saldıq, Dünya Güləş Birliyinin saytında 2014-cü ildən sonrakı yarışları görmək mümkündür. 2019-cu ilə qədər bu yarış Qran-pri statusu almayıb. 2019, 2020 və 2021-ci illərdə artıq Qran-pri statusu ilə təşkil edilib. Yəni, həmin vaxta qədər ciddi yarış hesab edilmirdi. 2019-cu ilə qədər yalnız qadın və sərbəst güləşçilər arasında keçirilib. 2020 və 2021-ci illərdə isə güləşin hər üç növü proqrama daxil edilib. Biz 2020-ci ildə ilk dəfə bu yarışa qatılmışıq. Həmin vaxt yunan-Roma güləşi üzrə yığma komanda iştirak edib. Bu il isə həm yunan-Roma, həm də sərbəst güləşçilərimiz mübarizə aparacaq. Artıq təşkilatçılar bu çatışmazlığı aradan qaldırıblar və loqoya Azərbaycan bayrağını da yerləşdiriblər".

Qeyd edək ki, Qran-pri 15 - 17 yanvarda olacaq.

23
Bakı Olimpiya Stadionu, arxiv şəkli

"UEFA-2020" ilə bağlı vergidən azadolmanın müddəti artırıldı

10
Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi.

BAKI, 12 yanvar - Sputnik. Prezident İlham Əliyev Vergi Məcəlləsinə və “Gömrük tarifi haqqında” qanuna dəyişiklikləri təsdiqləyib.

Sputnik Azərbaycan xəbər verir ki, dəyişikliklər "UEFA-2020" futbol çempionatı ilə bağlı vergidən azadolmanın müddətinin daha 1 il uzadılmasını nəzərdə tutur.

Sənəddə deyilir ki, Avropa Futbol Assosiasiyaları Birliyinin (UEFA) İcraiyyə Komitəsi ötən il Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.

Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi. Hazırda bütün dünyada yeni növ koronavirusun (COVID-19) yayılması ictimai-siyasi, sosial-iqtisadi həyatın bütün sahələrinə təsir etdiyi kimi, idman sahəsindən də yan keçməyib, o cümlədən böyük idman oyunlarının keçirilməsi təxirə salınıb.

Bildirilib ki, bu səbəbdən futbol üzrə Avropa çempionatının 2020-ci ildə keçirilməsi nəzərdə tutulan oyunlarının 2021-ci ildə Bakıda keçirilməsi nəzərdə tutulur. Bununla əlaqədar, “Vergi Məcəlləsində dəyişiklik edilməsi haqqında” 9 aprel 2019-cu il tarixli və “Gömrük tarifi haqqında” qanunda dəyişiklik edilməsi barədə” 9 aprel 2019-cu il tarixli qanunların qüvvədə olma müddətinin 1 avqust 2021-ci il tarixinə qədər uzadılması nəzərdə tutulur.

Həmin qanunlarla Azərbaycanda keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar bir çox vergi növləri üzrə - gəlir vergisindən, mənfəət vergisindən, ƏDV-dən, aksizli mallara görə aksizdən, habelə gömrük rüsumlarından azadolmalar nəzərdə tutulub.

10
Qubada 20 yanvar faciəsinin 31-cü il dönümü ilə əlaqədar şəhidlərin məzarları ziyarət olunub

Qubada qar yağır, sakinlər isə şəhidlər xiyabanına axışır

0
(Yenilənib 14:54 20.01.2021)
Rayon ictimaiyyəti 20 Yanvar faciəsinin 31-ci ildönümü ilə əlaqədar həm 20 Yanvar şəhidlərinin, həm Birinci Qarabağ müharibəsi şəhidlərinin, həm də Vətən Müharibəsi şəhidlərinin məzarlarını ziyarət ediblər.

Leyla Abdullayeva, Sputnik Azərbaycan

BAKI, 20 yanvar — Sputnik. Bu gün bütün bölgələrdə olduğu kimi Qubada da şəhidlər böyük ehtiramla yad edilib. Güclü qar yağmasına baxmayaraq, şəhidlər xiyabanına böyük insan axını olub.

Ziyarət edənlər arasında Quba Rayon İcra Hakimiyyətinin başçısı Ziyəddin Əliyev, rayon rəsmiləri də iştirak edib. Rayon ictimaiyyəti 20 Yanvar faciəsinin 31-ci ildönümü ilə əlaqədar həm 20 Yanvar şəhidlərinin, həm Birinci Qarabağ müharibəsi şəhidlərinin, həm də Vətən Müharibəsi şəhidlərinin məzarlarını ziyarət ediblər.

  • Qubada 20 yanvar faciəsinin 31-cü il dönümü ilə əlaqədar şəhidlərin məzarları ziyarət olunub
    © Sputnik / Leyla Abdullayeva
  • Qubada 20 yanvar faciəsinin 31-cü il dönümü ilə əlaqədar şəhidlərin məzarları ziyarət olunub
    © Sputnik / Leyla Abdullayeva
  • Qubada 20 yanvar faciəsinin 31-cü il dönümü ilə əlaqədar şəhidlərin məzarları ziyarət olunub
    © Sputnik / Leyla Abdullayeva
1 / 3
© Sputnik / Leyla Abdullayeva
Qubada 20 yanvar faciəsinin 31-cü il dönümü ilə əlaqədar şəhidlərin məzarları ziyarət olunub

Onu da qeyd edək ki, şəhidləri yad etmək üçün Qubanın kəndlərindən də vətəndaşlar Şəhidlər xiyabanına üz tutublar.

0